Monday, January 19, 2015

အလွမ်း နာ { ကဗျာ }

 

 (၁) ငါ့ သေနာမလေးရေ နင့်ကိုလွမ်းတယ် ။ 
ဗာဒံပင် ခုံရင်း နင်ခြေဆင်းနေတာလည်းလွမ်းတယ် ။
 ကျောင်းသား မရှိတဲ့ အခန်းထဲ ပေါက်ကရ ပြောခဲ့သမျှ  နားထောင်ပေးရှာ တဲ့ စာသင်ခန်းလေးတွေ ကိုလည်း လွမ်းတယ် ။
 မြေနီနံ့ သင်း ကျောက်စရစ် လမ်းလေးတွေ ကိုလည်း လွမ်းတယ် ။ 
ကန်တီး က လ္ဘက်ရည်တွေ ကို နင့် မျက်နှာလေး ကြည့်ပြီး မျိုချ  ခဲ့ရတဲ့ ငါ့သည်းခံနိူင်ခြင်းတွေ ကို လွမ်းတယ် ။ ညည့်နက် သန်းခေါင် နင့် ကို မှန်းပြီး နင်နာမည် စာသုံးလုံး ကို Drawing paper (၁၀) ရွက် စာ ချရေး မိလို့ ကုန်ဆုံး သွားတဲ့ ငါ့ညတွေကိုလည်း လွမ်းတယ် ။ 

( Drawing paper (၁၀) ရွက် = ငါ့ အရက်ဖိုးလေးလေ ) 
ငါ့ သေနာမလေးရေ နွားသိုးကြိုးပြတ် နင့် လွမ်းတယ် ။
 လေးဖြူ   ကြိုက်တဲ့ နင့်ကို ခြင်ကိုက် ၊ ဖြုတ်ကို ခံရင်း နင် လာပေးတဲ့ လ္ဖက်သုပ်၊ ဂျင်းသုပ် လေးတွေ ကိုလည်းလွမ်းတယ်။


(တကယ်က အရက်သောက်ရင်း မမြည်း မရှိလို့ အဆောင်ရှေ့ ဂစ်တာ သွားတီး တာပါ ) 
ဖဲရှုံး လို့ ပိုက်ဆံပြတ် အကြောင်းပြချက် မထပ်အောင် ပိုက်ဆံချေး တတ်တဲ့ ငါ့ကိုငါ လည်းလွမ်းတာပဲ ။ .................................... .............................................. ........................................................... .................................................................... .......................................................................... .................................................................................. .....................................................................................
 တော်ပြီဟာ ဖွင့် မပြောဖြစ် ခဲ့တဲ့ သေနာမလေး ကို လွမ်းရတာ သေမလောက် ခံစားနေရ တယ် 
 သေနာ မလေးရယ် ။ 

( ၂ ) “ ဒုန်း ... ဒုန်း .... ဂလုံး .... ဂလွမ် ” “ ဟာ ဘာ ဖြစ်နေတာတုန်း ဟ ဒီမှာ ငါ အိပ်နေတာ မသိဘူးလား ။
 စောစော စီးစီး ယောကျာ်း အိပ်လို့ အိပ်မှန်း မသိတဲ့ မိန်းမ လဘ် ကို မရှိဘူး ” “ အိပ်နေ လို့ကို တမင် လုပ်တာ ။ 
ဘယ်နှယ် ငါ့ မှာတော့ နင်တို့ သားဖသုံးယောက် တာဝန် နဲ့ နေ့မနား ညမအား လုပ်လိုက်ရတာ 
” “ နင် ကတော့ ညည ဆို မဟုတ်က ဟုတ်ကတွေ ထိုင်ရေး ၊ ဟိုဟာလုပ် ဒီဟာလုပ်နဲ့ သွား .. သွား ... နင်ပြောတဲ့ နင့် သေနာမ ကို သတိရနေတယ် ဆိုလည်း သွား ငါမတားဘူး ” 

ညက 97 ခုနှစ်ကျောင်းကြီး ရုတ်တရက် အကန့်အသတ် မရှိ ပိတ်လိုက် ချိန် တုန်း က ရေးထားတဲ့ စာတွေ ပြန်ဖတ်မိတယ်။
စာအုပ်ကြား ထဲမှာ သေနာမလေး အကြောင်း လွမ်းလို့ ရေးထားတဲ့ စာ ၀ါကြံကြံလေး ကို ဖတ်ရင်းအိပ်ပျော်သွားတယ်။ 

“ဟဲ့ ... သေနာမ ရဲ့ အဲဒီ သေနာမ ဆိုတာ နင့် ကိုပြောတာ သေနာမ ရဲ့ ” လို့ ပြောလိုက်ချင် ပေမယ့် ..... “ .................................................. ” 


Bo Han ပြည် GTI အမှတ်တရ ...... 

ပြည် GTI မှာ ဖူးစာ ဆုံခဲ့ကြသော သူယ်ချင်းများ ကိုယ်ရေးချင် ရာ ဆက်ရေးကြပါတော့ ဗျို့ 

No comments:

Post a Comment