Wednesday, September 19, 2018

သင်ခန်းစာ ယူနိုင်ကြပါစေ


 
 
ယောင်္ကျားကို နည်းနည်း သံသယရှိလာမိပြီ ။
နေ့တိုင်းအိမ်ကိုနောက်ကျမှပြန်ရောက်သည်....


မေးလိုက်တိုင်း ရုံးမှာအလုပ်များလို့အချိန်ပိုဆင်းနေတာချည်းပဲ....၊ တစ်ရက်လည်းမဟုတ် နှစ်ရက်လည်းမဟုတ်... ညနေစာကိုလည်း အရင်လိုမြိန်ရေယှက်ရည်မစားတော့... ထမင်းကို ၃..၄..ဇွန်းစာလောက်ပဲ ထည့်စားလေ့ရှိသည်...။ သေချာပြီလေ...မောင်ခြေလှမ်းတွေပျက်နေပြီ..... အချိုးတွေလည်းပြောင်းကုန်ပြီ...။
-
မိမိကိုယ်ကိုလည်းမှန်ထဲပြန်ကြည့်မိလိုက်သည် အသက် ၄၀ ကျော်ကာစ..မျက်စိအစွန်းနှစ်ဖက်မှာ အရေးအကြောင်းလေးတွေလည်းရေးရေးလေးပေါ်နေပြီ...၊


သနပ်ခါးကွက်ကြားရိုက်ထားတဲ့ မျက်နှာကလည်း အဆီတစ်ဝင်းဝင်းနဲ့ အိမ်မှုကိစ္စတွေ အလုပ်ကိစ္စတွေနဲ့ရှုပ်နေမြဲမို့ မိမိကိုယ်ကိုလည်း သေချာမပြင်ဆင်မိတာကြာလေပြီ....၊
 
အဲဒီအတွက် ကျွန်မ ဘ၀ရဲ့အရေးကြီးဆုံးအစိတ်အပိုင်းဖြစ်တဲ့ မောင့်ကို လက်လွတ် ဆုံးရှုံးလိုက်ရတော့မှာလား..... မောင်ဒီလောက်တော့မရက်စက်လောက်ပါဘူးလေ...လို့စိတ်ကိုဖြေကြည့်ပါသော်လည်း ရင်မှာတော့သောကမီးများတောက်လောင်ကာ နေမထိထိုင်မသာဖြစ်နေမိသည်...။
-
မဖြစ်ခြေဘူး..ဒီနေ့ညနေတော့ ရုံးဆင်းချိန်မှာ မောင့်နောက်ကိုခြေရာခံလိုက်ဦးမှဘာ.... လက်ပူးလက်ကျပ်မိပြီဆိုရင်ကော....ဘာလုပ်သင့်သလဲ... ဘာလုပ်ရမလဲ...အဲဒီအမှန်တရားကိုမြင်ရမှာလည်း ကြောက်နေမိသည်....ရင်ဆိုင်နိုင်ဖို့အင်အားမရှိပြီ ။
-
၆ နာရီထိုးပြီးသိပ်မကြာပါ မောင်ရုံးကနေထွက်လာသည်.....။ စူပါမားကတ်ထဲဝင်သွားကာ အသီးအရွက်များဝယ်သည်..... ပြန်ထွက်လာတော့ အိမ်ကိုပြန်ရမယ့်လမ်းနဲ့ဆန့်ကျင်ဖက်သို့ ဦးတည်သွားသည်....။
 
မောင့်နောက်ကို ဆက်သာလိုက်နေရတယ်.....စိတ်ထဲမှာတော့ မဟုတ်ပါစေနဲ့လို့ ဆုတောင်းနေရင်း အတွေးထဲမှာ မောင်နဲ့ ကျွန်မမဟုတ်သောသူမနဲ့ အတူတစ်ကွ ညစာချက်ပြုတ်ပြီးပျော်ရွှင်စွာ စားသောက်နေတဲ့ပုံရိပ်က ရုပ်ရှင်ပြနေသကဲ့သို့ အာရုံကိုဖမ်းစားထားလေသည်...။
 
အော်...မောင်ဒါကြောင့် ညစာကို အများကြီမစားနိုင်တာကို....သူ့ကောင်မနဲ့ တစ်ခါစားပြီးနေမှတော့ ဘယ်လိုလုပ်နောက်ထပ်စားနိုင်တော့မလည်း.....တွေးရင်နဲ့ရင်ထဲနစ်ကနဲ့ဖြစ်ကာ မျက်ရည်များလည်း ခိုးလို့ခုလုနဲ့ မျက်ဝန်းထဲသို့ရောက်လာပါသည်....။
-

Tuesday, August 28, 2018

သံလွင်ဆီ အကြောင်း နဲ့ အသုံးဝင်ပုံများ

 

 
သံလွင်ဆီ ဆိုတာ သံလွင်သီးကနေ ရရှိတဲ့ အဆီဖြစ်ပြီး သံလွင်သီးကို Olea europaea ; မျိုးရိုး Oleaceae လို့ မှတ် သားနိုင်ပါတယ် ။ သံလွင်ဆီ ကို ယေဘူယျ အားဖြင့် ချက်ပြုတ်ခြင်း အလှအပရေးရာ ၊ ဆေးဝါး ထုတ်လုပ်ခြင်း ၊ ဆပ်ပြာ နဲ့ လောင်စာဆီတွေ အဖြစ်လည်းအ သုံးပြုနိုင်ပါတယ် ။ ကမ္ဘာတစ်ဝှမ်းလုံးမှာ သံလွင်ဆီကို အသုံးပြုကြပြီး အထူး သဖြင့် မြေထဲပင်လယ် အနီးတ၀ိုက် ဒေသတွေမှာ အသုံးများကြ ပါတယ် ။
 
သံလွင်ဆီ၌ ပါဝင်သော အရာများ
 
သံလွင်ဆီမှာ အဓိက အားဖြင့် ရောနှောနေတဲ့ triglyceride အစု အဝေးတွေဖြစ်တဲ့ oleic acid , palmitic acid နဲ့ တစ်ခြား fatty acids တွေနဲ့ ဖွဲ့စည်းထားပါ့တယ် ။ ဒါ့အပြင် squalene 0.7 % နဲ့sterols အနည်းငယ် လည်းပါဝင် ပါတယ် ။
 
သံလွင်ဆီ က ပါဝင် ဖွဲ့စည်းမှုဟာ နေရာဒေသ ၊ စိုက်ပျိုး ရိတ်သိမ်းချိန် ၊ အဆီ ထုတ်ယူမှု နည်း နဲ့ ရာသီ ဥတုတွေအပေါ် မူတည်ပါတယ် ။ သံလွင်ဆီမှာ သဘာဝ ထုတ်ကုန်တွေဖြစ်တဲ့ ဓါတ်တိုး ဆန့်ကျင် ပစ္စည်း တွေပါဝင်ပြီး အချောမသတ်ရသေးတဲ့ အဆီ extra-virgin unprocessed olive oil ဟာ သူ့ရဲ့ ခါးသက် တဲ့ အရသာရယ် စူးရှတဲ့ အရသာရယ်ဟာ tyrosl , hydroxytyrosol , oleocanthal နဲ့ oleuropein စတဲ့ ဓါတ်တွေ ပါဝင်တဲ့အတွက်ဖြစ်ပါတယ် ။
 
အဟာရနှင့် ကျန်းမာရေး အကျိုးကျေးဇူးများ
 
လေ့လာ စမ်းသပ်မှုတွေအရ အစားအသောက်ထဲမှာ monunsaturated fats တွေ များများ စားစား
ပါဝင်နေခြင်းဟာ နှလုံးသွေးကြောကျဉ်းနဲ့ နှလုံးသွေးကြော အဆီဖုံးရောဂါတွေ ကို လျော့ ကျစေ တယ် လို့ သိရပါ တယ် ။
 
ဒါဟာ အရေးကြီးပါတယ် ။ ဘာလို့လဲဆိုတော့ သံလွင်ဆီမှာ monounsaturated fats တွေအများ အပြားပါ ၀င်နေပြီး အထူးသဖြင့် oleic acid ပဲဖြစ်ပါတယ် ။ US မှာဆိုရင် သံလွင်ဆီ ထုတ်ကုန်တွေမှာ ထုတ် လုပ်သူတွေက အောက်ပါတိုင်း ကျန်းမာရေး အကြောင်းတွေရေးထားလေ့ရှိတယ် ။ 
 

 
 
 


Tuesday, August 21, 2018

လူမိုက်ကြီး (၁၀) ယောက်




တစ်ခါတုန်းက သူဌေးကြီး တစ်ယောက်သည် တပည့်ဖြစ်သူအား လူမိုက်ကြီး (၁၀) ယောက် အား
ရှာဖွေ၍ စာရင်းကောက်ခဲ့ရန် တာဝန်ပေးလိုက်သည် ။

တပည့်ဖြစ်သူကလည်း သူဌေးကြီး၏ တာဝန်ပေးချက်အရ စာရင်းကောက်ရန် ခရီးထွက်ခဲ့သည် ။ သူဌေးကြီး တပည့်သည် ခရီးထွက်လာရာ မြစ်တစ်ခုသို့ ရောက်လာ၏ ။

လူတစ်ယောက်သည် မြစ်ထဲမှရေများကို ခပ်ထုတ်နေသည်ကိုတွေ့ရ၏.
ဘာကြောင့် ခပ်ထုတ်နေသည်ကို သိချင်လာ၍အကြောင်းစုံကိုမေးမြန်းကြည့်သည် ။

ရွာထဲက ကျွန်တော်ကြိုက်နေတဲ့ ကွမ်းတောင်ကိုင် အလှအပလေးက မြစ်ထဲကရေတွေကုန်အောင်ခပ်ထုတ်နိုင်ရင် ကျွန်တော်ကို လက်ထပ်မယ်တဲ့..အဲဒါ သူအချစ်ကိုရအောင်ကြိုးပမ်းနေရတာဗျ ။

အင်းတော်တော် မိုက်မဲတဲ့လူပေပဲ. ....

ထိုသူနံမည် ကိုမေးမြန်း၍ လူမိုက်နံပါတ်(၁) အဖြစ် စာရင်းမှတ်လိုက်လေ၏ ။

ထိုမြစ်ကြောင်းအတိုင်း ဆက်လက် ထွက်ခွာလာရာ လူတစ်ယောက်သည် မြစ်ထဲသို့ လှေကို အခေါက်ခေါက်အခါခါ လှော်နေသည်ကို တွေ့ရပြန်သည်။ 
သူဌေးကြီး၏ တပည့်က အကြောင်းအရင်း ကိုမေးမြန်းလေ၏။

ကျုပ်သူငယ်ချင်းပေါ့ မနေ့က ကျုပ်နွားကိုငှားပြီး တစ်နေကုန် ခိုင်းလိုက်တာ နွားက ဖတ်ဖတ်ကိုမောလို့၊ 
ကျုပ်ကလဲဘယ်ရမလဲ သူလှေကို ငှားပြီး  တစ်နေလုံး အားရပါးရလှော်ပြီး လက်စားချေနေတာလေ ။

Thursday, June 7, 2018

ဘာမြူဒါ တြိဂံ နယ်မြေက ပဟေဠိကို ဖြေရှင်းနိုင်ခဲ့ပြီဟု သိပ္ပံ ပညာရှင်များဆို

 

ဘာမြူ ဒါတြိဂံနယ်မြေဟာ ပဟေဠိများစွာနဲ့ကျော် ကြားပါတယ်။ Florida,Puerto Rico နဲ့ Bermuda ကြား အတ္တလန်တိတ်သမုဒ္ဒရာအတွင်းရှိ တြိဂံနယ်မြေထဲမှာ များစွာသော လေယာဉ်တွေ သင်္ဘောတွေ အ ကြောင်းမဲ့ပျောက်ကွယ်နေပါတယ်။ အချို့တွေကတော့ဒါဟာ သိပ္ပံနည်းနဲ့ဖြေမရှင်းနိုင်တဲ့ လုပ် ဆောင် ချက်တွေကြောင့်လို့ မှတ်ယူခဲ့ပါတယ်။

ဥပမာ အနေနဲ့ ၁၉၄၅ ခုနှစ်က အမေရိကန် ဗုံးကျဲ လေယာဉ်ငါးစင်း နဲ့ ရိုးရိုးလေယာဉ် တစ်စင်း ဒီဒေ သ ကိုဖြတ်ပျံခဲ့ရာ သဲလွန်စ မကျန်ဘဲပျောက်ကွယ်ခဲ့ပါတယ်။ မကြာမီကပင် ကုန်တင်သင်္ဘော El Faro က ၂၀၁၅ မှာ ပျောက်ကွယ်ခဲ့ရပါတယ်။ ဒီနယ်မြေဟာ နာမည်ဆိုးနဲ့ကျော်ကြားပါတယ်။

များစွာသော လေယာဉ်တွေ သင်္ဘောတွေဟာ ပဟေဠိဆန်စွာ ဒီဒေသမှာ ပျောက်ကွယ်ခဲ့လို့ပါပဲ။ သိပ္ပံပညာရှင်တွေ ကတော့ သူတို့ ဒီနယ်မြေရဲ့ ပဟေဠိကိုဖြေရှင်းနိုင်ပြီလို့ အခိုင်အမာပြောကြား လိုက်ပါပြီ။

 



Colorado တက္ကသိုလ် က သိပ္ပံပညာရှင်တွေက air bombs တွေဖြစ်စေနိုင်တဲ့ တိမ် ဖွဲ့စည်းမှုတွေ ကို သတိပြုမိခဲ့ပါတယ်။ သိပ္ပံ တီဗီလိုင်း တစ်လိုင်းမှာတော့ သူတို့တွေက ဒီဒေသရဲ့ ဂြိုဟ်တု ပုံတွေကနေ တစ်ဆင့် ဆဌဂံ ပုံတိမ်တွေကိုတွေ့ခဲ့ပြီး ဒါတွေက air bombs တွေကိုဖြစ်စေပါတယ်။ သီအိုရီ အသစ်အရ
ဒီ air bombs တွေဟာ လေထဲမှာ ကွဲပြီး ၄၅ ပေ အထက်ရှိရေလှိုင်းတွေ ကို ထုတ်ပေးပါတယ်။

ဒီလေပြင်းတိုက်ခြင်းက သေစေနိုင်လောက်ပြီး တစ်နာရီ မိုင်၁၇၀ အထိ တိုက်ခတ်နိုင်ပါတယ်။ ဒါတွေက လှိုင်းတွေကို ဖန်တီးတာပါ။ ဒါ့ကြောင့် ဘယ်သင်္ဘော ဘယ်လေယာဉ်မှာ ဒီမုန်တိုင်း က နေ ရုန်းထွက်နိုင်မှာ မဟုတ်ပါဘူး။ အမှန်တော့ တိမ်တွေမှာ မျဉ်းဖြောင့် အစွန်းတွေမရှိကြပေမယ့် ဘာမြူ ဒါမှာတော့ရှိခဲ့ ပြီး ချွင်းချက်ဖြစ်နေခဲ့ပါတယ်။


တစ်နေ့တာလုံး အားအင်ပြည့်ဝ လန်းဆန်းနေစေမည့် နည်းလမ်းကောင်းများ

 



လုပ်ငန်းခွင်မှာ တစ်နေ့တာ အလုပ် လုပ်ရင်း နေ့လည်ရောက်လာပြီ ဆိုတာနဲ့ အားအင် ကုန်ခမ်းပြီး အိပ်ငိုက်လာတတ်ကြပါတယ်။

ထိုအခါမှာ အိပ်မငိုက်စေဖို့ ကော်ဖီ၊ Energy drink စတာတွေ သောက်သုံးတတ်ကြပါတယ်။ BBC ကျန်းမာရေး ဌာနက ပြောကြားချက်အရ ထိုသို့သော အချိုရည် များနဲ့ ကော်ဖီသောက်ခြင်းဟာ စွမ်း အင် ပိုမိုလျောစေ့တယ်လို့ သိရပါတယ်။ ထို အစားထိုး စွမ်းအင်ပြန်လည် ရရှိစေမယ့် နည်းလမ်းလေးတွေကို လိုက်နာကြည့်သင့်ပါတယ်။


(1) သီချင်းနားထောင်ပါ

သီချင်းနားထောင်ခြင်းဟာ စွမ်းအင်ပြည့်စေပြီး စိတ်ကြည်လင်စေပါတယ်။ သီချင်း မြူးမြူးလေးတွေရဲ့ စည်းချက်က သင့်စိတ်ကို တက်ကြွ လန်းဆန်းစေပါတယ်။ သင်အကြိုက်ဆုံး သီချင်းကို ဖွင့်နားထောင်ပါ။
ထို့ပြင် သီချင်း စာသားများ လိုက်လံ ညည်းခြင်းကလဲ စိတ်ကိုပျော်ရွှင်စေပါတယ်။ အလုပ်ပိုမို လုပ်နိုင်စေမှာဖြစ်ပါတယ် ။


(2) အဆာပြေ တစ်ခုခုစားပါ ။

အဆာပြေ ဆိုရာမှာ ကျန်းမာရေးနဲ့ ညီညွတ်ပြီး စွမ်းအင် ရရှိမယ့် အစာမျိုးဖြစ်ရပါမယ်။

-ကစီဓာတ်များ စားသုံးပါ (အမျှင်ဓာတ် ပါဝင်သလို သင့်သွေးတွင်း သကြားဓာတ်ဆုံးရှူံးခြင်းမှ ကာကွယ်ပေးပါတယ်)
-ကွေကာ ၊ ဒိန်ချဉ် ၊ အသီးများ၊ မုန်လာဥနီ စသည်တို့ စားနိူင်ပါတယ် ။
-ချာကလက်အနက်စားပါ။ အန်ဒိုဖင်ဟော်မုန်း ကို မြှင့်ပေးလို့ mood ကောင်းစေပါတယ ။်
-အဆီများနဲ့ အချိုများ စားခြင်းရှောင်ပါ။ စွမ်းအင် ပိုမိုကျစေပါတယ် ။


 
 

Tuesday, June 5, 2018

ဒူးရင်းသီး စားခြင်းကြောင့် ရလာမယ့် အကျိုးကျေးဇူးများ

 



သင်ဟာ ဒူးရင်းသီး အရမ်းကြိုက်တဲ့သူလား ဒါမှမဟုတ် အနံ့တောင် မခံနိုင်တဲ့သူလား။ အကယ်လို့ ဒူးရင်းသီး အရမ်းကြိုက်တဲ့သူ ဆိုရင်တော့ ဒူးရင်းသီးက ပေးစွမ်းနိုင်တဲ့ ကျန်းမာရေးကို သိထားသင့် ပါတယ်။

ဒူးရင်းသီး စားရင် ခေါင်းမူးတယ်၊ သွေးတိုးတယ်ဆိုတာတွေ ရှိပေမယ့် တစ်ခြားကျန်းမာရေး ကောင်း တာတွေလည်း ရှိပါသေးတယ်။ ဒူးရင်းသီးမှာ မဂ္ဂနီဆီယမ်၊ ပိုတက်စီယမ်နဲ့ ကော့ပါး တို့ ပါဝင်တာကြောင့် အရိုးအဆစ်တွေ သန်မာစေဖို့ အထောက်အကူပြုပါတယ်။

ဒါ့အပြင် အသက်အရွယ်ကြီးလာတဲ့ အခါမှာ အရိုးပါး ရောဂါတွေ မဖြစ်စေဖို့ ကာကွယ်တားဆီးပေး တာ
မျိုးလည်း လုပ်ဆောင်ပေးပါတယ်။ ဒူးရင်းသီးမှာ သတ္တုဓါတ်တွေ များများပါဝင်တာ အပြင် ဖောလစ် အက်ဆစ် ပမာဏလည်း မြင့်မားစွာ ပါဝင်တာမို့ သွေးနီဥ ဆဲလ်တွေ ထုတ်လုပ်ဖို့အတွက် လိုအပ်ပါတယ်။

ဒူးရင်းသီးမှာ ကော့ပါး နဲ့ သံဓါတ်တွေလည်း ပါဝင်တာမို့ သွေးအားနည်းခြင်းရဲ့ လက္ခဏာတွေ ပျောက် ကင်းစေပါတယ်။ ဒူးရင်းသီးမှာ အများစု ပါဝင်တဲ့ ဗီတာမင်တွေနဲ့ ဓါတ်တိုး ဆန့်ကျင်မှုတွေဟာ ကင်ဆာရောဂါတွေကို တိုက်ထုတ်ပေးနိုင်ပါတယ်။ ဓါတ်တိုး ဆန့်ကျင်မှုတွေ များများပါဝင်တာက ခန္ဓာကိုယ်အစိတ်အပိုင်းနဲ့ ကိုယ်ခံအားစနစ် မကောင်းခြင်းကို လျှော့ကျစေပါတယ်။

 နောက်ပြီး ဒူးရင်းသီးမှာ ဗီတာမင် စီ၊ ဘီ၊ အီး တွေပါဝင်တာကြောင့် ကင်ဆာဖြစ်စေတဲ့ ဆဲလ်တွေ မဝင်ရောက်နိုင်အောင် ကာကွယ်ပေးပါတယ်။ ဒူးရင်းသီးမှာ ဗီတာမင်တွေ ပါဝင်တာဟာ ခန္ဓာကိုယ်ထဲက free radicals တွေကို လျှော့ချပေးနိုင်တာမို့ အသက်အရွယ်မတိုင်ခင် ကြီးရင့်ခြင်းတွေ ဖြစ်တာ ကနေ ကာကွယ်ပေးပါတယ်။
 
               

ကံဆိုးသလား ၊ ကောင်းသလား ဆိုတာ ဘယ်သူမှ မပြောနိုင်ပါဘူး



ဒီနေ့ ( ၂. ၀၆ .၂၀၁၈) ဆယ်တန်းအောင်စာရင်း ထွက်ပါသတဲ့။ ပျော်သူ၊ မော်သူတွေထက် နှစ်ဆရှိတဲ့ လူငယ်တွေကတော့ တိတ်တဆိတ်ကြေကွဲနေကြပါလိမ့်မယ်။ ဖြစ်လေ့ဖြစ်ထ  ကိစ္စမို့ ဆယ်တန်း အောင်စာရင်းနဲ့ ပတ်သက်ပြီး အထူးပြောစရာမရှိပေမဲ့ တိုက်ဆိုင်လို့ပေါ်လာတဲ့ အမှတ်တရ ဖြစ်ရပ်တစ်ခု ကတော့ ပြတ်ပြတ်ထင်ထင် သတိရမိပါတယ်။

ကျွန်တော် ၂၀၀၂ ခုနှစ်က ဆယ်တန်းအောင်ပါတယ်။ အမှတ်စာရင်းထွက်လာတော့လည်း အားရစရာ မရှိပါဘူး။ ဒါပေမဲ့ ကျွန်တော် အလွန်ပျော်ပါတယ်။ အလွန် ဂုဏ်ယူပါတယ်။ ဆင်းဆင်းရဲရဲနဲ့ အောင်ရလို့ ပိုပျော်လေသလား ပြန်တွေးမိပါတယ်။ ဆင်းရဲသားဖြစ်ရတာ ကောင်းတဲ့အချက်လည်းရှိပါတယ်။

တိုက်ဆိုင်လို့ သိုးဆောင်း ပုံပြင်လေးတစ်ပုဒ် သတိရမိပါတယ်။ ဘုရင်နဲ့ သမားတော်တစ်ဦး အကြောင်းပါ။ တောကစားထွက်ရတာ ဝါသနာပါတဲ့ ဘုရင်ဟာ သွားလေရာရာမှာ သမားတော်ကိုခေါ်သွားပါသတဲ့။ တစ်ရက်တော့ ဘုရင့်ရဲ့ လက်ချောင်းလေး တစ်ချောင်းမှာ ဒဏ်ရာရပြီး ပိုးဝင်ပါရောဗျာ။ သမားတော်လည်း ကြိုးစားကုပါတယ်။

“သမားတော်ရယ် ကိ်ုယ်တော် ကံဆိုးလို့ထင်တယ်၊ ဒဏ်ရာက မသက်သာပါလား”
“မင်းကြီး ကံဆိုးသလား၊ ကောင်းသလားဆိုတာ ဘယ်သူမှ မပြောနိုင်ပါဘူး”

တောထဲမှာဖြစ်တော့ ဆေးဝါးကလည်း သ်ိပ်မပြည့်စုံဘူး ထင်ပါတယ်။ ဘုရင်က အငြိမ်မနေတဲ့ ဘုရင်မျိုး ဖြစ်ပါလိမ့်မယ်။ တိုတိုပြောရရင် ဘုရင့် လက်ချောင်းလေးဟာ ပြန်မကောင်းတော့ဘဲ ဖြတ်လိုက်ရပါတယ်။ ကိုယ်လက်အင်္ဂါ ချွတ်ယွင်းသွားလို့ စိတ်တိုနေတဲ့ ဘုရင်က သမားတော်ကို ကျိန်းမောင်းပါတော့တယ်။ သမားတော်ကတော့ စကားတစ်ခွန်းကိုပဲ ထပ်ပြောပါတယ်။ .
“မင်းကြီး … ကံဆိုးသလား၊ ကောင်းသလားဆိုတာ ဘယ်သူမှ မပြောနိုင်ပါဘူး” တဲ့။ 

ဒီလောက်တောင် ဖြစ်တဲ့ သမားတော်ကွာ ဆိုပြီး ဘုရင်ဟာ နန်းတော်ပြန်ရောက်တော့ ထောင်သွင်း အကျဉ်းချလိုက်ပါတယ်။ သမားတော်ဟာ အရင်လိုပဲ စကားတစ်ခွန်းပြောပါတယ်။ “မင်းကြီး … ကံဆိုးသလား၊ ကောင်းသလားဆိုတာ ဘယ်သူမှ မပြောနိုင်ပါဘူး”

သမားတော်မပါလည်း ဘုရင် ကတော့ တောကစား ထွက်မြဲ ထွက်ပါတယ်။ တစ်ရက်တော့ အမဲလိုက်ရာ က နယ်ကျွံပြီး လူရိုင်းတွေက ဘုရင်ကိုဖမ်းမိသွားပါတယ်။ ဘာသာရေး အရ အထွတ်အမြတ်ပူဇော်ပွဲ တစ်ခုနဲ့ တိုက်ဆိုင်နေလို့ လူရိုင်းတွေဟာ ဘုရင်ကို ယဇ်ပူဇော်ဖို့ လုပ်ကြပါတယ်။

သတ်ကာနီးမှ နတ်ဆရာဟာ ဘုရင်မှာ ကိုယ်လက်အင်္ဂါ မစုံတာတွေ့ပြီး ပြန်လွှတ်လိုက်ပါတယ်။ ဘုရင် လည်း ကံဆိုးလို့ လက်ချောင်း ပြတ်တယ်။ ပြတ်တဲ့ လက်ချောင်းကြောင့်ပဲ ကံကောင်းပြီး အသက် ချမ်းသာရာ ရပါလားလို့ တွေးမိသွားပါတယ်။

နန်းတော်ပြန်ရောက်တဲ့အခါ သမားတော်ကြီးကို ထောင်က လွှတ်စေပါတယ်။ သမားတော်ကို ပြန်ပြီးတောင်းပန် တာပေါ့။ ဖြစ်တတ်တဲ့သဘောကို နားမလည်ဘဲ မောင်မင်းကို ထောင်ချမိတာ ခွင့်လွှတ်ပါပေါ့။ အဲဒီတော့ အမတ်ကြီးက...

“ မင်းကြီး … ကံဆိုးသလား၊ ကောင်းသလားဆိုတာ ဘယ်သူမှ မပြောနိုင်ပါဘူး။ မင်းကြီးသာ ထောင်မချရင် ကျွန်တော်မျိုးလည်း မင်းကြီးနဲ့ တောကစားထွက်တာကို လိုက်ရမယ်။ လူရိုင်းတွေဖမ်းတာ ခံရမယ်။ ပြီးတော့ မင်းကြီးဟာ ကိုယ်လက်အင်္ဂါ ချွတ်ယွင်းလို့ ယဇ်အပူဇော် ခံရတဲ့ဘေးက လွတ်မြောက်ရင် ကိုယ်လက်အင်္ဂါ ပြည့်စုံတဲ့ ကျွန်တော်မျိုးဟာ မင်းကြီးအစား ခံရပါလိမ့်မယ်။ ဒါကြောင့် ကံဆိုးသလား၊ ကောင်းသလားဆိုတာ ဘယ်သူမှ မပြောနိုင်ပါဘူး” တဲ့ဗျာ။

ဆင်းရဲသားဖြစ်ရတာ ကောင်းတဲ့အချက်လည်း ရှိပါတယ်။ ဆိုခဲ့တဲ့ ပုံပြင်လေးထဲကလို တွေးရင်ပေါ့ဗျာ။
ကျွန်တော့်မှာ အစ်ကိုတစ်ယောက်ရှိပါတယ်။ အသက်ငါးနှစ်လောက်ကွာပေမဲ့ မင်းကွာ၊ ငါကွာ ပြောတတ် ပါတယ်။ ဘယ်လောက် ညီညွတ်ချစ်ခင်သလဲ ဆိုတော့ မျက်နှာချင်းဆိုင်မိရင် ဆယ်ငါးမိနစ် ကျော်တာနဲ့ အလိုလိုရန်ဖြစ်ပါတယ်။

သူ့အသက် ၄၁ နှစ်၊ ကျွန်တော့် အသက် ၃၆ နှစ်။ မငယ်ကြတော့ပါဘူး။ ဒါပေမဲ့ တွေ့ရင်တော့ လွန်ခဲ့တဲ့ နှစ်ပေါင်း သုံးဆယ်က အတိုင်း ရန်ဖြစ်မြဲ ဖြစ်ကြတာပါပဲ။ ညီညွတ်တဲ့ကာလ အလွန်ရှားပါတယ်။ တစ်ခါပဲ ညီညီညွတ်ညွတ် တိုင်ပင်ခဲ့ဖူးပါတယ်။

အစ်ကိုကြီး ဆယ်တန်း။ ကျွန်တော်က ခြောက်တန်း။ မိဘတွေဟာ စီးပွါးပျက်ကြပါရော။ နေ့ဖို့ညစာတောင် မရှိတဲ့အဖြစ်ကို ရောက်ကြရပါတယ်။ မနက်စာစာပြီးလို့ ညစာဘယ်နေမှန်းမသိခဲ့ပါဘူး။ အိမ်မှာ အကြွေးတောင်း သမားတွေနဲ့ နေ့ည မပြတ် စည်ကားပါတယ်။

Sunday, April 29, 2018

ကဆုန်လပြည့် ဗုဒ္ဓနေ့



ကဆုန် လပြည့် (၅) နေ့
(၁) ဗျာဒိတ်ယူသည့်နေ့ = လေး သင်္ချေကမ္ဘာတစ်သိန်း အစ ကဆုန်လပြည့်နေ့။
(၂) ဘုရားမွေးသည့်နေ့ = မဟာသက္ကရာဇ် - ၆၈၊ ကဆုန်လပြည့်။ (သောကြာနေ့)
(၃) ဘုရားဖြစ်သည့်နေ့ = မဟာသက္ကရာဇ် - ၁၀၃၊ ကဆုန်လပြည့် (ဗုဒ္ဓဟူးနေ့)
(၄) ဗုဒ္ဓ၀င်အကျဉ်းဟောသည့်နေ့ = မဟာသက္ကရာဇ် - ၁၀၄၊ ကဆုန်လပြည့်။
(၅) ပရိနိဗ္ဗာန်စံသည့်နေ့ = မဟာသက္ကရာဇ် - ၁၄၈၊ ကဆုန်လပြည့် ။ (အင်္ဂါနေ့)

ကဆုန်လပြည့် ဗုဒ္ဓနေ့.

ဆု . ဖွား . ပွင့် .စံ ဤလေးတန် မှတ်ရန် ကဆုန်လပြည့်နေ့

ကဆုန် လပြည့်နေ့ဟာ ဗုဒ္ဓဘာသာတို့ရဲ့ နေ့ထူးနေ့မြတ်ကြီးတစ်နေ့ ဖြစ်ပါတယ် ။
ဘာကြောင့်လဲ ဆိုတော့ .......

(၁) " ဆု "
------
ဘုရားအလောင်းတော် သုမေဓာရသေ့ဟာ ဒီဘဒ္ဒကမ္ဘာမှ လေးဆူမြှောက် ဂေါတမဘုရား စစ်စစ်
ဖြစ်လိမ့်မယ်လို့ ဒီပင်္ကရာမြတ်စွာဘုရားထံ  ဘုရားဆုပန်ပြီး ဗျာဒိတ် ခံယူတဲ့နေ့ဟာ ကဆုန်လပြည့်နေ့ ဖြစ်ပါတယ် ။

(၂) " ဖွား "
------
ဂေါတမဘုရား အလောင်းတော် သိဒ္ဓတ္ထမင်းသားလေး မွေးဖွားလာခဲ့တဲ့နေ့ဟာလည်း မဟာသက္ကရာဇ်( ၆၈)ခု ကဆုန်လပြည့်နေ့ ဖြစ်ပါတယ်။ 

(၃) " ပွင့် "
-------
ဂေါတမ ဘုရားအလောင်း ဗောဓိပင်အောက်မှာ ဘုရား ဖြစ်တဲ့နေ့လည်း မဟာသက္ကရာဇ် (၁၀၃) ခု ၊
ကဆုန်လပြည့်နေ့ပဲ ဖြစ်ပါတယ် ။

(၄) " စံ "
------
ဂေါတမဘုရား ပရိနိဗ္ဗာန်စံတဲ့နေ့လည်း မဟာသက္ကရာဇ် (၁၄၈)ခု ၊ ကဆုန်လပြည့်နေ့သာ ဖြစ်ပါတယ် ။

Wednesday, April 4, 2018

မှိုစားခြင်းက ရင်သားကင်ဆာ မဖြစ်နိုင်



မှို ကို ကြိုက်နှစ်သက်တဲ့ သူတွေအတွက် သတင်းကောင်းလေး တစ်ခု ဖြစ်ပါတယ်။

အထူးသဖြင့်ကတော့ အမျိုးသမီးတွေ အတွက် ဖြစ်ပါတယ်။

မှို များများ စားသုံးသူတွေဟာ ရင်သား ကင်ဆာကို မဖြစ်အောင် ကာကွယ်ပေးနိုင် တယ်လို့ သုတေသီတွေ ဆိုပါတယ်။

မှိုဟာ ကင်ဆာ ဟိုမုန်းများကို တိုက်ဖျက်ပေး နိုင်တယ်လို့ သိရပါတယ်။
ဒါကြောင့် ရင်သား ကင်ဆာ ဖြစ်စေနိုင် သည့် အဖုအကြိတ်များ ထွက်လာနိုင်ခြေကို လျှော့ချ ပေးလိုက်ကြောင်း သိရပါတယ်။

ခရမ်းသီးမှ ပေးတဲ့ ကျန်းမာရေး အကျိုးကျေးဇူးများ




ခရမ်းသီးဟာ ဆိုရင် ဟင်းချက်ရာတွင် အသုံးပြုတဲ့ အသီးအနှံ များထဲမှ တစ်မျိုးဖြစ်ပါတယ်။

ခရမ်းသီးဟာ လူတွေအတွက် ကျန်းမာရေး ကောင်းကျိုး များစွာ ပေးကြောင်း သိရပါတယ်။
ခရမ်းသီးမှ ရရှိတဲ့ ကျန်းမာရေး ကောင်းကျိုးတွေကတော့....

(၁) ကိုလက်စရောဓာတ်ကို လျော့ကျပေးပါတယ်။
(၂) နှလုံးရောဂါ ရှိသူများ စားသင့်ပါတယ်။
(၃) ဝမ်းဗိုက်အတွင်းမှာ ဖြစ်တဲ့ အနာတွေ မဖြစ်အောင် ကာကွယ်ပေးပါတယ်။

Sunday, March 25, 2018

ခေါင်းဆောင်ဆိုတာ



ပုံမှာပါတဲ့ ဝံပုလွေအုပ်ကို ကြည့်စမ်းပါ ။
အရှေ့ဆုံးမှာ သုံးကောင် 
အဲဒီသုံးကောင်က အုပ်စုထဲမှာ အသက်ရွယ် အိုမင်းပြီးတော့ နာမကျန်းဖြစ်နေကြတဲ့ အကောင်တွေဖြစ် တယ် ။ သူတို့ကို ရှေ့ဆုံးမှာထားရတဲ့အကြောင်းက အုပ်စု အနောက်မှာ မကျန်ခဲ့ဖို့အတွက်ဖြစ်တယ် ။

 
သုံးကောင်အနောက်က ငါးကောင် ကတော့ အုပ်စုထဲမှာ အသန်မာဆုံးနဲ့ တိုက်ရည် ခိုက်ရည် အကောင်းဆုံး အကောင်တွေပါ ။ သူတို့ရဲ့ တာဝန်က တစ်ကယ်လို့ အရှေ့ကနေပြီးတော့ တစ်စုံတစ်ခုက အုပ်စုကို တိုက်ခိုက်လာမယ်ဆိုရင် အကာအကွယ်ပေးဖို့ ဖြစ်တယ် ။

ငါးကောင်ရဲ့အနောက်က ဝံပုလွေအတန်းကတော့ အုပ်စုထဲမှာ ပါတဲ့ အစောင့်ရှောက်ခံ အကောင်တွေ   ဖြစ်တယ် ။

အတန်းရဲ့နောက်က ငါးကောင်ကတော့ ရှေ့က ငါးကောင်လိုပဲ အသန်မာဆုံးနဲ့ တိုက်ခိုက်ရည် အကောင်းဆုံး ငါးကောင်ဖြစ်တယ် ။ သူတို့ကတော့ အနောက်က တစ်စုံတစ်ခု ပြဿနာဖြစ်လာရင် ကာကွယ်ပေးဖို့တာဝန်ရှိတယ် ။


Tuesday, March 20, 2018

စိတ်ဝင်စားဖွယ် စစ်တမ်းများ

 
၁။ "မြန်မာနိုင်ငံ၏ လက်ရှိစီးပွားရေး အခြေအနေမှာ အလွန်ဆိုးရွားနေသည်ဟု ၈၃ ရာခိုင်နှုန်းကျော် ဆန္ဒပြုပြီး အစိုးရက စီးပွားရေးတိုးတက်မှုထက် အခွန်ကောက်ခံရန် သာ အာရုံစိုက်နေကြောင်း 
Myanmar Insider စစ်တမ်းတွင် ဖော်ပြ"

မြန်မာနိုင်ငံ၏ လက်ရှိ စီးပွားရေးအခြေအနေမှာ ပြီးခဲ့သည့် သုံးလ ကထက် အလွန်ဆိုးရွားနေသည်ဟု ၈၃ ရာခိုင်နှုန်းကျော်က ဆန္ဒပြုထားပြီး လက်ရှိ အစိုးရက စီးပွားရေး တိုးတက်မှုထက် အခွန်ကောက်ခံရန်သာ အာရုံစိုက်နေကြောင်း Myanmar Insider Business ဂျာနယ်က ထုတ်ပြန်သည့် သုံးလ တစ်ကြိမ် စီးပွားရေးဆိုင်ရာ ယုံကြည်မှုညွှန်းကိန်း စစ်တမ်း (၂၀၁၈ ခုနှစ် ဇန်န၀ါရီ-မတ်) တွင် ဖော်ပြထားသည်။
 
၂၀၁၇ ခုနှစ် အောက်တိုဘာ-ဒီဇင်ဘာတွင် ထုတ်ပြန်ခဲ့ သည့် စစ်တမ်း၌ နောက်လာမည့် သုံးလအတွင်း စီးပွားရေးအခြေအနေအပေါ် စစ်တမ်းကောက်ယူရာ 
- ပိုမိုဆိုးရွားလာမည်ထင်မြင်မှု လေးရာခိုင်နှုန်း၊ 
- အနည်းငယ် ဆိုးရွားမည်ထင်မြင်မှု ၄၆ ရာခိုင်နှုန်း၊ 
- အနည်းငယ် ကောင်းလာမည်ဟု ထင်မြင်မှု ၃၈ ရာခိုင်နှုန်း
နှင့် 
- ပို၍ကောင်းလာမည်ဟု ထင်မြင်မှု လေးရာခိုင်နှုန်းက ဆန္ဒပြုခဲ့သည်ဟု စစ်တမ်းတွင်ဖော်ပြခဲ့ပြီး လက်ရှိ တွင် အမှန်တစ်ကယ် လုပ်ငန်း လုပ်ဆောင်သူများ၏ ၂၀၁၈ ခုနှစ် ဇန်န၀ါရီ-မတ်စစ်တမ်းတွင် ဖြေဆိုမှုအရ မြန်မာ့စီးပွားရေး အခြေအနေမှာ ပြီးခဲ့သည့် သုံးလ ကထက် ပိုမိုဆိုးရွား ခဲ့ကြောင်း ဖြေဆိုခဲ့ကြသည်။
 
မြန်မာနိုင်ငံရှိ စီးပွားရေး လုပ်ငန်းရှင် ၅၀ အထက်ကို အခြေ ခံကာ စစ်တမ်းကောက်ယူထားသည့် အဆိုပါ ညွှန်းကိန်းတွင် ယခုသုံးလ အတွင်း သုံးလ တစ်ကြိမ် စီးပွားရေး ညွှန်းကိန်း၌ အနုတ် ၁၄ ပြခဲ့ပြီး လက်ရှိ ဇန်န၀ါရီ-မတ် စစ်တမ်းတွင် အနုတ် ၂၅ ပြခဲ့ကာ စီးပွားရေးဆိုင်ရာ ယုံကြည်မှုညွှန်းကိန်း သိသိသာသာ ကျဆင်းမှု ဖြစ်ပေါ်ခဲ့သည်။
နောက်လာမည့် သုံးလ အတွက် ကြိုတင်ဖြေဆိုရာတွင် ..
- လက်ရှိကာလထက် ပို၍ ဆိုးရွားမည်ဟု ဖြေဆိုမှု ၆ ဒသမ ၆၇ ရာခိုင်နှုန်း၊ 
- အနည်းငယ် ဆိုးရွားမည်ဖြေဆိုမှု ရာခိုင်နှုန်း ၄၀ နှင့် 
- အနည်းငယ်ကောင်းလာမည်ဟု ဖြေဆိုမှု ၅၃ ဒသမ ၃၃  ရာခိုင်နှုန်းအထိ ရှိခဲ့ပြီး ယခင်သုံးလကထက် မျှော်မှန်းချက် မြင့်တက်ခဲ့သည်။
 

မြန်မာနိုင်ငံ ဘယ်အချိန်လောက်တွင် တည်ငြိမ်မည်နည်း



မြန်မာနိုင်ငံကြီး တည်ငြိမ်ဖို့ အခြေခံ အကြောင်းရင်းကြီး၂ရပ်ရှိသည်။ ပထမ အကြောင်းအရင်းမှာ ပြည်တွင်း ရှိ ရင်ဆိုင်နေရသော အခက်အခဲများကြောင့် ဖြစ်ပြီး ဒုတိယ အကြောင်းရင်းမှာ မြန်မာပြည်ပြင်ပရှိ နိုင်ငံတကာနှင့် ရင်ဆိုင်နေရသော အခက်အခဲများကြောင့် ဖြစ်သည်။
 
ပြည်တွင်းရေးတည်ငြိမ်ရန် ဖြေရှင်းရမည့်ကိစ္စများမှာ ...

၁။ တည်ငြိမ်သောနိုင်ငံရေး စနစ်ဖြစ်ထွန်းရေး (ဒီမိုကရေစီစနစ်၊ ပြည်တွင်းစစ်ချုပ်ငြိမ်းပြီး ပြည်သူများ စီးပွားရှာနိုင်ရေး)၊
၂။ နိုင်ငံသားတို့၏ တစ်ဦးချင်းဝင်ငွေ တိုးတက်ရေး (အလုပ်အကိုင်ဖန်တီးမှု၊ စီးပွားရေးတိုးတက်မှု၊ လျှပ်စစ်ပုံမှန်ရရှိရေး၊ ထိုက်သင့်သော လုပ်အားခ)၊
၃။ လာဘ်ပေးလာဘ်ယူ တိုက်ဖျက်ရေး (နိုင်ငံတော်အစိုးရ ယန္တရားအတွင်းသာမက၊ ဥပဒေပြုရေး၊ တရားစီရင်ရေးတို့အပြင် မီဒီယာနယ်ပယ်များထိ လာဘ်စားမှု ကင်းရှင်းရေး)၊
၎။ ကျန်းမာရေးစောင့်ရှောက်မှုရရှိရေး (ကျန်းမာရေးနှင့် ညီသော အစားအသောက်များကိုသာ ရောင်းချ စေရန် ထိန်းချုပ်ခြင်းမှစ၍ နိုင်ငံသားတိုင်း ကျန်းမာရေးအတွက် စောင့်ရှောက်မှုခံယူနိုင်ရန် နီးစပ်ရာ အစိုးရဆေးရုံများ ပေါ်ထွန်းရေးထိ)၊
၅။ ပညာရေးမြင့်မားရေး (စိတ်ရောကိုယ်ပါ ကျန်းမာသန်စွမ်းပြီး ကိုယ်ပိုင် စဉ်းစားတွေးတော အသုံးချ နိုင်စေမည့် ပညာရေးအား သင်ကြားပေးနိုင်ရေး) တို့ အဓိကဖြစ်ပါသည်။

 
ပြည်ပနိုင်ငံများနှင့် ဆက်ဆံရေးအတွက် ဖြေရှင်းရန် အချက်များမှာ ...

၁။ အာဆီယံ၊ တရုတ်၊ ဂျပန်၊ ကိုရီးယားနှင့် အိန္ဒိယ တို့သည် မြန်မာနိုင်ငံ အတွက် စီးပွားရေးသာမက နိုင်ငံရေး မဟာမိတ်များဖြစ်ရန် ဆောင်ရွက်ရေး၊
၂။ နှောင်ကြိုးပါသော နိုင်ငံကြီးများ၏ အကူညီနှင့် ဘက်လိုက်သော ကုလ အဖွဲ့၏ အချို့သောအကူအညီ များကို ရှောင်ရှားရန်၊
၃။ မူဆလင်နိုင်ငံများ၏ ဖိအားများကို အလျှော့မပေးဘဲ မြန်မာပြည်ရင်ဆိုင်နေရသော ခိုးဝင်မှုပြဿနာ၊ အကြမ်းဖက်သမားများ၏ လုပ်ရပ်များကို နိုင်ငံတစ်ကာသိအောင် နည်းမျိုးစုံဖြင့် မီဒီယာတိုက်ပွဲ ဆင်နွှဲ နိုင်ရန်)၊
၎။ မြန်မာပြည်တွင်းရေးကို ၀င်ရောက် မစွက်ဖက်၊ ဖိအားမပေးသော စစ်မှန်သော မိတ်ဖက်နိုင်ငံများနှင့် စစ်ရေး မဟာမိတ်အဖြစ် တည်ဆောက်နိုင်ရေးတို့ အဓိကဖြစ်ပါသည်။



Monday, March 19, 2018

တိုင်းပြည် တိုးတက်ဖို့ ဦးနှောက် နဲ့ လျှပ်စစ်ရှိဖို့ပဲလိုတယ်


 
ဦးနှောက်ရှိဖို့ကိုတော့ အများကြီး မဆွေးနွေးလိုသဖြင့် လျှပ်စစ် လိုအပ်ချက်အကြောင်း ဆွေးနွေးမည်ဖြစ် သည်။ လက်ရှိ နိုင်ငံတကာမှာ လျှပ်စစ်စွမ်းအင်ကို နည်းလမ်း အမျိုးမျိုးနဲ့ ထုတ်ယူနေကြတယ်။ နေစွမ်းအင်၊ လေစွမ်းအင်တွေဆိုတာ ချမ်းသာတဲ့နိုင်ငံတွေမှာတောင် အပြည့်အ၀ မထုတ်နိုင်ဘူး။ ကုန်ကျစရိတ်ကြီးတော့ ထွက်လာတဲ့လျှပ်စစ်ကို ပြန်ရောင်းရတာ မကိုက်လို့။
 
ဖွံ့ဖြိုးပြီးနိုင်ငံကြီးတွေနဲ့ အလယ်လတ်နိုင်ငံတွေအနေနဲ့ ရေအားလျှပ်စစ်ကို နည်းမျိုးစုံ ထုတ်ယူကြပြီး နောက်ဆုံး ထုတ်စရာ ရေအားလျှပ်စစ်မရှိမှ ကျောက်မီးသွေး၊ သဘာဝဓာတ်ငွေ့တို့ဘက်လှည့်ကြတယ်။ အလွန်အမင်း လျှပ်စစ် လိုအပ်တဲ့ လူနေသိပ်သည်းတဲ့ မြို့ကြီးတွေ၊ စက်မှုဇုန်တွေအတွက်မူ နျူကလီးယား စွမ်းအင်သုံးပြီး လျှပ်စစ်ထုတ်ကြတယ်။
 
မြန်မာနိုင်ငံမှာ ရေအားကနေ ထုတ်မယ်ဆိုရင် အများကြီး ရနိုင်ပါလျှက်နဲ့ မထုတ်နိုင်ဘဲ ဖြစ်နေတာ အဖြေ ရှာရမယ်။ အရင်းအနှီး မရှိတော့ အစိုးရက ဘတ်ဂျတ် မထုတ်ပေးနိုင်၊ ဖက်စပ် လုပ်ဖို့ တရုတ်နဲ့ ပေါင်းထုတ် တော့လည်း တရုတ်ရဲ့ စီမံကိန်းတွေကို ဖျက်လို့ ဖျက်စီး အနောက်ဥရောပ နဲ့ အမေရိကန် က ပေးစာ ကမ်းစာ ဒေါ်လာ ၅ သောင်းလောက်ရရုံနဲ့... ဒေသခံတွေက ကန့်ကွက်ကြောင်း၊ သဘာဝ ပတ်ဝန်းကျင် ထိခိုက်ကြောင်း၊ စိုက်ပျိုးရေး ထိခိုက်ကြောင်း စသဖြင့် အသံစုံအော်ဖို့ သွေးထိုးကြတယ်။
 
တစ်ကယ်တော့ ဒေသခံ လူထုက ဘာမှ သဘာဝ ပတ်ဝန်းကျင်စိတ်မ၀င်စားဘူး။ သူတို့အတွက် ထိုက်သင့် တဲ့မြေယာလျော်ကြေး၊ အလုပ်အကိုင်ဖန်တီးပေးရင်ကို ကျေနပ်နေပြီ။ ဒေါ်လာ မစို့မပို့ ယူပြီး ကျွန်ခံချင်တဲ့ မြို့က သစ္စာဖောက်တွေကြောင့် ဘာစီမံကိန်းဖော်ဆောင်ဆောင် မအောင်မြင်ဘူး....
 
မြစ်ဆုံစီမံကိန်းကို သေချာဆန်းစစ် ... ကောင်းကျိုးကဘာ... ဆိုကျိုးကဘာ... နှစ်စဉ်ဧရာဝတီမြစ်က ဘေး ကို ပြဲကားလာပြီး မနက်တော့ဘူး။ ကမ်းပါးယံတွေ နှစ်စဉ်ပြိုလို့ မြန်မာပြည် အလယ်ပိုင်းက ပြည်သူတွေ အိမ်ခြေယာမဲ့ ဘ၀ပျက်ရတာတွေ ကို မကြည့်ဘူး။ လက်ရှိ အစိုးရမှာ မြစ်ကြောင်းထိန်းနိုင်တဲ့ ပညာ၊ ငွေ၊ မြေထိန်းနံရံတွေ ဧရာဝတီမြစ်တစ်လျှောက် ဆောက်ဖို့က လည်း မြစ်ဆုံဆောက်တာထက် ပိုအကုန်ကျ များမယ်။
 
 


Sunday, March 11, 2018

စွန့်စားမှုဆိုတဲ့ RISK



 
Risk ဆိုတဲ့ စွန့်စားမှုကို ဘယ်လိုမြင်လဲလို့မေးရင်....
" များများစွန့်စားရင် အကျိုးများများရပြီး
နည်းနည်းပဲစွန့်စားရင် အကျိုးနည်းနည်းပဲရတာပေါ့ "
..... ဖြေသူများတတ်ကြတယ် ။
 
ဘမောင် အယူအဆနဲ့ဆို အတော်ကွာသွားပါတယ် ။
" များများသိရင် နည်းနည်းပဲစွန့်စားရပြီး
နည်းနည်းပဲသိရင်တော့ စွန့်စားမှုကြီးတယ် "
စွန့်စားမှုဟာ သိခြင်း (ပညာ၊အတွေ့အကြုံ) နဲ့
ပြောင်းပြန်အချိုးကျတဲ့အရာပါ။
 
ဥပမာ....
စီးပွားရေးအကြောင်း တကယ်သိသူက စွန့်စားမှုနည်းပြီး
စီးပွားအကြောင်းတကယ်မသိသူက စွန့်စားမှုကြီးလှတယ်၊
နိုင်ငံရေးမှာလည်း ထို့အတူဖြစ်ပြီး စီမံခန့်ခွဲရေးမှာလဲ အလားတူပဲ၊
လူတွေဘာကြောင့်အောင်မြင်ကြသလဲ ?
မအောင်မြင်ကြသလဲ ? 
...... ဆိုတဲ့ ဖြတ်သန်းမှုနောက်ခံကိုကြည့်ရင် တွေ့ရပါလိမ့်မယ် ။
 
ဦးသန်းရွှေ အနေနဲ့ နိုင်ငံတစ်ကာဖိအားတွေကို
ရင်ဆိုင်ပြီး ၊ အရေးယူပိတ်ဆို့မှုတွေကြားက
မြန်မာနိုင်ငံကို ဘာကြောင့်အနှစ် (၂၀) လောက်
ထိမ်းသိမ်းပြီး ဦးဆောင်သွားနှိုင်သလဲဆိုတာ
" ကောင်းစွာသိခြင်း" ကြောင့်ဆိုတာတွေ့ရလိမ့်မယ် ။
 
ပါဝါသဘောသိခြင်း ၊
နိုင်ငံရေးသဘောသိခြင်း ၊
နိုင်ငံတစ်ကာကိုသိခြင်း ၊
အတိုက်အခံကိုကောင်းစွာသိခြင်း ၊
စီမံခန့်ခွဲမှုသဘောသိခြင်း ၊
အချိန်နဲ့ Timing ကိုသိခြင်း ၊
..... စတာတွေအပြင်
အနာဂါတ်ကိုပါ ကြိုတင်မြင်နိုင်တဲ့ အရည်အချင်းတွေကြောင့်ပဲ ။
 

Thursday, March 8, 2018

ရခိုင် အရေးကိစ္စနှင့် ပတ်သက်၍ ဗြိတိန် လွှတ်တော်အမတ်များ၏ လှုပ်ရှားဆောင်ရွက်မှုနှင့် ဥရောပသမဂ္ဂ နိုင်ငံခြားရေးရာကောင်စီအစည်းအဝေး၌ ဆုံးဖြတ်ခဲ့သော မြန်မာနိုင်ငံ အပေါ် ဆုံးဖြတ်ချက်နှင့်ပတ်သက်၍ သတင်းထုတ်ပြန်ချက်



နေပြည်တော်၊ မတ် - ၆
၁။ ဥရောပသမဂ္ဂ(အီးယူ) အဖွဲ့ဝင် နိုင်ငံခြားရေးဝန်ကြီးများ ပါဝင်သော ဥရောပသမဂ္ဂ နိုင်ငံခြားရေးရာ ကောင်စီ အစည်းအဝေးကို ၂၀၁၈ ခုနှစ်၊ ဖေဖော်ဝါရီလ ၂၆ ရက်နေ့တွင် ကျင်းပခဲ့ပြီး ၎င်းအစည်းအဝေးမှ မြန်မာနိုင်ငံအပေါ် ဆုံးဖြတ်ချက်(Conclusion) အနေဖြင့် ဘင်္ဂါလီ ဒုက္ခသည်များအား ဆက်လက် အကူ အညီပေးရေး၊ မီဒီယာများ၊ ကုလသမဂ္ဂ လူ့အခွင့်အရေးကောင်စီ၏ Fact- Finding Mission အား လွတ်လပ်ခွင့်ပေးရေးနှင့် ပူးပေါင်းဆောင်ရွက်ရေး၊ လူ့အခွင့်အရေး အခြေအနေဆိုင်ရာ အစီရင်ခံစာ တင်သွင်း သူနှင့် ဆက်လက်ပူးပေါင်းဆောင်ရွက်ရေး၊ အပြည်ပြည်ဆိုင်ရာ ရာဇဝတ်ခုံရုံး (ICC) ၏ အခွင့်အာဏာဖြင့် ဆုံးဖြတ်ဆောင်ရွက်မှုကို လက်ခံနိုင်ရေး ၊ မြန်မာနိုင်ငံနှင့် ကာကွယ်ရေး ပူးပေါင်းဆောင် ရွက်မှုကို အနိမ့်ဆုံးသို့ လျှော့ချသွားရန်နှင့် လူ့အခွင့်အရေး ချိုးဖောက်မှုများတွင် တာဝန်ရှိသော မြန်မာ့ တပ်မတော်မှ အဆင့်မြင့် အရာရှိကြီးများအား ဦးတည်၍ ကန့်သတ်ပိတ်ဆို့မှုများ ပြုလုပ်ရန် အဆိုပြုလွှာ အမြန်ဆုံး တင်သွင်းရေး ဆုံးဖြတ် ခဲ့ကြောင်းတွေ့ရှိရသည်။
 
၂။ ထိုကဲ့သို့ ဥရောပသမဂ္ဂ နိုင်ငံခြားရေးကောင်စီအစည်းအဝေး၌ ၎င်းဆုံးဖြတ်ချက်မျိုး ထွက်လာစေရန် အ တွက် ၂၀၁၈ ခုနှစ်၊ ဖေဖော်ဝါရီလ ၂၁ ရက်နေ့ရက်စွဲဖြင့် ဗြိတိန်အောက် လွှတ်တော်အမတ် Rushanara Ali ဦးဆောင်၍ အောက်လွှတ်တော်အမတ် ၁၀၂ ဦး တို့က မြန်မာ့တပ်မတော်ခေါင်းဆောင်များအား ရခိုင်ပြည်နယ်၊ ဘင်္ဂါလီ ပဋိပက္ခဖြစ်စဉ်နှင့်ပတ်သက်၍ ထပ်မံဖိအားပေး၊ နိုင်ငံတကာ ရာဇဝတ်မှုခုံရုံး (ICC)သို့လွှဲပြောင်းပေးရန် တိုက်တွန်းကြောင်း စာတစ်စောင်အား ဗြိတိန်နိုင်ငံခြားရေးဝန်ကြီး Boris Johnson ထံသို့ပေးပို့ခဲ့ပြီး ဖေဖော်ဝါရီလ ၂၆ ရက်နေ့တွင် ပြုလုပ်မည့် ဥရောပသမဂ္ဂနိုင်ငံခြားရေးကောင်စီ အစည်း အဝေး၌ ထည့်သွင်းဆွေးနွေးရန် တောင်းဆိုခဲ့သည်။
 
၃။ ယင်းစာထဲ၌ ၂၀၁၇ ခုနှစ်၊ သြဂုတ်လတွင် မြန်မာ စစ်ဘက်က ရိုဟင်ဂျာ အရပ်သားများအား ထိုးစစ် ဆင်မှုကြောင့် ရိုဟင်ဂျာ ဒုက္ခသည် ၆၈၈,၀၀၀ ကျော် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ရကြောင်း၊ ထိုကာလအတွင်း ဘင်္ဂလားဒေ့ရ်ှနိုင်ငံသို့ ရောက်ရှိလာသော ရိုဟင်ဂျာ ဒုက္ခသည် ၁ သန်းကျော် ရှိသည်ဟု ဘင်္ဂလားဒေ့ရှ် အစိုးရက ထုတ်ပြန်ခဲ့ကြောင်း၊ မြန်မာနိုင်ငံအတွင်းမှ အပတ်စဉ် ရိုဟင်ဂျာထောင်ပေါင်း များစွာ ထွက်ပြေးနေကြဆဲဖြစ်ကြောင်း၊ ရိုဟင်ဂျာတို့၏ ပိုင်ဆိုင်မှုများ ဖျက်ဆီးခံရခြင်း၊ အကြမ်းဖက် ခြိမ်းခြောက် ခံရခြင်း၊ ၎င်းတို့နေအိမ်များတွင် နေထိုင်၍ မရအောင်ဖိနှိပ်ခြင်း စသည့် သတင်းများ ထွက်ပေါ်နေကြောင်း စွပ်စွဲဖော်ပြထားသည်။

ထို့အပြင် ၂၀၁၇ ခုနှစ်က တစ်လ အတွင်း ကလေးသူငယ် ၇၃၀ အပါအဝင် ရိုဟင်ဂျာ ၇၀၀၀ နီးပါး သတ်ဖြတ်ခံရကြောင်း Medecins Sans Frontieres အဖွဲ့က ဖော်ပြသည့် အပြင် ၎င်းတို့ခန့်မှန်းသည် ထက်ပင် အရေအတွက် ပိုမိုများပြားနိုင်ကြောင်း၊ စစ်ဘက်နှင့် လုံခြုံရေးတပ်ဖွဲ့များ၊ စစ်ဘက်က ထောက် ကူပေးသော လူအုပ်များနှင့် ပြည်သူ့စစ်များက ရိုဟင်ဂျာ အမျိုးသမီး ထောင်ပေါင်း များစွာအား အဓမ္မပြု ကျင့်ခဲ့ကြောင်းလည်း စွပ်စွဲဖော်ပြထားသည်။



Blackwater USA ဆိုတဲ့ အမေရိကန် ပုဂ္ဂလိက လုံခြုံရေးအဖွဲ့



 Blackwater USA ဆိုတဲ့ အမေရိကန် ပုဂ္ဂလိက လုံခြုံရေးအဖွဲ့နာမည်ကိုကြားဘူးကြတယ်မို့လား .. ? နာမည်ကြီးဘဲလေ.. (အီရတ်စစ်ပွဲမှာ..သူတို့ကို US Private Army လို့လည်းခေါ်ပါတယ် ။)
 
အီရတ်နဲ့ အာဖဂန်နစ္စတန် နိုင်ငံထဲမှာရှိတဲ့ အမေရိကန် စစ်စခန်းတွေနဲ့ ထိပ်ပိုင်းအရာရှိကြီးတွေ အတွက်.အထူး လုံခြုံရေးယူပေးရတဲ့အပြင် တစ်နေရာနဲ့ တစ်နေရာ လောင်စာဆီ/ရိက္ခာ / လက်နက် ခဲယမ်းတွေ ကို အာမခံနဲ့ သယ်ယူပို့ဆောင်ပေးရတဲ့တာဝန်ကိုပါ ယူခဲ့ကြရတဲ့.ကြေးစား စစ်သားဟောင်းတွေနဲ့စုဆောင်း ဖွဲ့စည်းထားတဲ့.ပုဂ္ဂလိက လုံခြုံရေး ကုမ္ပဏီ(Private Security Company) တစ်ခုပေါ့ ။
 
အဲဒီ Blackwater အဖွဲ့ကို1997 မှာ စတင်တည်ထောင်ခဲ့သူက. US Navy SEALs(ရေတပ် အထူး ကွန်မန်ဒို တပ်ဖွဲ့ဝင်) ဟောင်း Erik Prince ဆိုတဲ့ကောင်ပါ။ အထူး ကွန်မန်ဒိုဆိုတဲ့ အတိုင်း.သူ့ဆီမှာ သိမ်းသွင်း ခန့်အပ်ထားသူ အများစုကလည်း အထူး ကွန်မန်ဒို အဖွဲ့ဝင်တွေချည့်ပါဘဲ ။
(တစ်ခြားနိုင်ငံက အထူးတပ်ဖွဲ့ဝင်ဟောင်းတွေလည်း ပါဝင်သပေါ့)
 
သို့သော်လည်း.အုပ်ချုပ်ရေးပိုင်းဆိုင်ရာ ထိပ်ပိုင်းအရာရှိ အများစုကတော့ CIA က လူဟောင်းတွေချည်း ဌာနမှူး အဆင့်အောက်ထစ် သမ္မတအိမ်ဖြူတော်က အရာရှိဟောင်းတွေတောင်ပါတယ် ။
 
အမေရိကန်တောင်ပိုင်း North Carolina နဲ့ Virginia ပြည်နယ်၂-ခု အစပ်မှာရှိတဲ့.Blackwater ကုမ္ပဏီပိုင် မြေဧက (၇၀၀၀) ပေါ်မှာ စနိုက်ပါ သေနတ်ပစ်လေ့ကျင့်ကွင်း ၊ အခက်အခဲကျော်ဖြတ်ကွင်း၊ ယာဉ်မောင်း လေ့ကျင့်ကွင်း တို့နဲ့ လူလုပ်ရေကန်ကြီးများ အပါအဝင် စစ်ရေးလေ့ကျင့်ရေး နယ်မြေခပ်ကြီးကြီး တစ်ခု တည်ဆောက်ထားပါတယ် ။
 
လေ့ကျင့်ခန်းတွေလည်း စုံလှသမို့ အမေရိကန်နိုင်ငံရဲ့ ပုဂ္ဂလိကပိုင် စစ်ရေးလေ့ကျင့်ကွင်းတွေထဲမှာ.အကြီးဆုံးလောက်ရှိတယ် ။  (ပြည်ပနိုင်ငံတွေကိုလည်း.လုံခြုံရေး နည်းနာ အစုံ သင်ကြား လေ့ကျင့်ပေး တယ် ။ အဲဒီ နယ်မြေထဲမှာရှိတဲ့.ရေကန်တွေရဲ့အရောင်မည်းညစ်ညစ်ကိုအစွဲပြုပြီး.အဖွဲ့နာမည်ကို   Blackwater  လို့ အမည်ပေးခဲ့တာပါ ။)
 
နောက်ပြီး သူတို့ဆီမှာ သယ်/ ပို့ လေယာဉ်၊ ဟယ်လီကော့ပတာ၊ သံချပ်ကာယာဉ်-စတဲ့ စစ်သုံး ယာဉ်တွေ လည်းပိုင်ဆိုင်ထားပါတယ် ။ သူတို့ပိုင်တဲ့ Thrush အမျိုးအစား လေယာဉ် ၂-စီးမှာ ဆိုရင်.လက်နက် တွေတောင် တပ်ဆင် အသုံးပြုထားပါတယ် ။
(မြန်မာ့ တပ်မတော်-လေ မှာလည်း.ဟိုးအရင်က.ဒါမျိုး Thrush လေယာဉ် ၆-စီး ရှိခဲ့ပြီး.ဘိန်းခင်း နှိမ်နင်းရေး ဆေးဖျန်းရာမှာ.သုံးခဲ့ပါတယ် ။ )
 
 

 

Thursday, March 1, 2018

အနာဂတ်စူပါ-ပါဝါ အားပြိုင်မှု ဘယ်သူ အသာစီးရမလဲ


 
Bloom berg ၏ သတင်းတစ်ခုအရ - နာမည်ကြီး Verizon သည် တရုတ်နိုင်ငံ ဖုန်းကုမ္ပဏီကြီး တစ်ခု ဖြစ်သော Huawei နှင့်ပူးပေါင်း၍ လက်ကိုင်ဖုန်း ထုတ်လုပ်ရောင်းချရာတွင် အမေရိကန် အစိုးရ၏ ဖိအားပေး မှုကြောင့် စီမံကိန်းအားလုံးကိုရပ်ဆိုင်းလိုက်ရကြောင်း ယနေ့ (၃ဝ. ၁. ၁၈) တွင် သတင်း ထုတ်ပြန်ထားသည် ကိုတွေ့ရ၏။

ဟွာဟွေသည်ကြီးမားမှု လျင်မြန်စွာဖြင့် ကမ္ဘာ့လက်ကိုင်ဖုန်းဈေးကွက်ထဲသို့ ဝင်ရောက်လာပြီး ဟွာဟွေ နည်းပညာဟု လည်းကျော်ကြားလာသည့် ကုမ္ပဏီကြီးတစ်ခုဖြစ်သည်။

မုန်တိုင်းထန်သော ယှဉ်ပြိုင်မှု
 
ကုမ္ပဏီကြီးများ အတွင်း၌သာယှဉ်ပြိုင်မှုပြင်းထန်ကြသည်မဟုတ် ကမ္ဘာကြီးကို လွှမ်းမိုးနိုင်ရန် နိုင်ငံ ကြီးများ ၏ ယှဉ်ပြိုင်မှုကလည်း ကြောက် မက်ဖွယ်ရာ ပြင်းထန်သည်ကိုတွေ့ရ၏ ။ ကမ္ဘာ့ အဆင့် (၁) စူပါ-ပါဝါ နေရာ မှ ဖယ်ပေးရလျှင် ပြန်ရနိုင်ရန်မမျှော်လင့်နိုင်တော့ချေ။ ထို့ကြောင့်အလားအလာ ရှိသောပြိုင် ဘက် တို့ ကို တန်းတူရွယ်တူမဖြစ်မီကပင် သူတို့၏ တိုးတက်မှုကို ပိတ်ဆို့ တားဆီး ချိုးနှိမ်ထားလေ့ရှိ၏။ ကိုယ်ကျိုးစီးပွား ကာကွယ်ရေး မူဝါဒကို ပြတ်ပြတ်သားသား ကျင့်သုံးသည့်သဘောဖြစ်သည်။
 
တစ်ချိန်က အင်္ဂလိပ် အင်ပါယာကို နေမဝင်အင်ပါယာဟု တင်စားသည်။ အင်္ဂလိပ် လက်အောက်ခံနိုင်ငံ များသည် ကမ္ဘာ တစ်ခြမ်း အရှေ့မှသည် အနောက်သို့ တိုင်သည်ဖြစ်၍ နေထွက်လျှင်လည်း ၄င်းတို့၏ကိုလိုနီ နိုင်ငံ၊ နေဝင်လျှင်လည်း ၄င်းတို့၏ ကိုလိုနီနိုင်ငံများနှင့် မလွတ်ကင်းသောကြောင့်ဖြစ်သည်။
 
ဒုတိယ ကမ္ဘာစစ်အတွင်း စစ်ထောင်း၍ အင်္ဂလိပ်တို့၏ စီးပွားရေးအကြီးအကျယ် ကျဆင်းသွားသည်။ ကိုလိုနီ နယ်များစွာကိုလက်လွှတ်လိုက်ရ၏။ တဖြည်းဖြည်းနစ်ဆင်း သွားခဲ့ရာ ယနေ့အင်္ဂလိပ်ကို မည်သူ ကမျှ အရေးမထားတော့၊ အ သံသာ ရှိပြီး အဆံမရှိသော အမြောက်အဖြစ်သာရှုမြင်ကြသည်။ အင်္ဂလိပ်၏ နေရာကို အမေရိကန်က ဝင်ရောက်ယူသွားသည်။ အင်ပါယာဟုမခေါ်တော့၊ စူပါ¼ပါဝါဟု အခေါ်ပြောင်း သွားသည်။
 
အမေရိကန်ခေတ်တွင် ကမ္ဘာ့ကုန်သွယ်ရေး၏ (၃၂%) ကို ထိန်းချုပ် ထားနိုင်ခဲ့သည်။ ကမ္ဘာပေါ်တွင် နိုင်ငံ ပေါင်း (၂ဝဝ) ကျော်ရှိသည့် အနက် တစ်နိုင်ငံတည်းက သုံးပုံ တစ်ပုံကို ထိန်းချုပ်ထားရာ မည်မျှကြီးမား ကြောင်းသိသာလှပါသည်။
 
အမေရိကန်၏ စူပါ- ပါဝါ ကမ္ဘာ့အဆင့် (၁) သည် နှစ်ပေါင်း (၇ဝ) ကျော်မျှသာကြာညောင်းခဲ့ပြီး အင်္ဂလိပ်တို့၏ အင်ပါယာခေတ်က နှစ် (၂ဝဝ) ကျော်မျှလောက်ကြာမြင့်ခဲ့၏။ အမေရိကန်သည် စူပါ- ပါဝါ အဆင့် နှစ် (၅ဝ) ခန့်မျှလောက်ကပင်တရုတ်တို့၏စိန်ခေါ်မှုကိုစတင်ရင်ဆိုင်လာခဲ့ရာ ယခု (၇ဝ) ကျော်ကာ လတွင် အဆင့် မကျဆင်းရေးအတွက် အသည်းအသန် ကာကွယ်နေရသည့် အခြေအနေဖြစ်၏။
 
ကမ္ဘာ့ ကုန်သွယ်ရေး ပမာဏ၏ (၃၂%) ကို ထ်ိန်းချုပ်ထားနိုင်ခဲ့သော အမေရိကန်သည် ယခုအခါ (၂၁%) မျှကိုသာပိုင်ဆိုင်ခဲ့ပြီး တရုတ်တို့က (၂၂%) မျှတိုးတက်လာခဲ့ရာ အနာဂတ်သည် အမေရိကန်အ တွက်အလွန်တရာမှေးမှိန်လျက်ရှိလာတော့၏။ လာမည့် (၅) နှစ်ခရီးသည် အမေရိကန်နှင့် တရုတ်တို့၏ရေ ကုန်ရေခန်း ချန်ပီယံလုပွဲနောက်ဆုံးအချီများဖြစ်လာကာ ¼ အဖြေသည်လည်းပြတ်ပြတ် သားသား ပေါ်ထွက် လာဖွယ်ရာရှိ၏။