အစ္စရေး မြေထဲ ပင်လယ် ကမ်းခြေ မှာ အစ္စရေး ရေငုတ် သမားတွေက ရွှေဒင်္ဂါး အမြောက် အမြားကို မထင် မှတ် ဘဲ တွေ့ရှိခဲ့ပါတယ်။
လွန်ခဲ့တဲ့ နှစ် ၁ ထောင်လောက် က ရွှေဒင်္ဂါး ၂ ထောင်လောက် ကို ပင်လယ်ကြမ်းပြင် မှာ ရေငုတ် အဖွဲ့ က တွေ့ ခဲ့တာ လို့ အစ္စရေး ရှေးဟောင်းယဉ်ကျေးမှု အရာရှိတွေက ပြောပါတယ်။
ရွှေဒင်္ဂါးတွေဟာ အလေးချိန် ၉ ကီလို ရှိပြီး တွေ့စက ရေငုတ်သမားတွေ က အစစ်လို့ မထင် ခဲ့တဲ့ ဒင်္ဂါးတွေ ဟာ တန်ဖိုး မဖြတ်နိုင်အောင် အဖိုးတန်နေတယ် လို့ အရာရှိတွေက ပြောပါတယ်။
ရေငုတ် အဖွဲ့ဟာ ဆီစာရီယာ ရှေးဟောင်း ဆိပ်ကမ်း မှာ စူးစမ်း ရှာဖွေနေရာ က ရွှေဒင်္ဂါးတွေ ကို တွေ့ရှိ ခဲ့တာဖြစ်ပြီး သက္ကရာဇ် ၉၀၉ ကနေ ၁၁၇၁ ခုနှစ် အထိ အရှေ့အလယ်ပိုင်း နဲ့ မြောက်အာဖရိက ကို အုပ်ချုပ် ခဲ့တဲ့ Fatimid Caliphate ခေတ် မှာ ထုတ်ခဲ့တာ လို့ ကျွမ်းကျင် သူတွေက ပြောပါတယ်။
BBC
No comments:
Post a Comment