Wednesday, April 22, 2015

ယုံကြည်မှု နဲ့ လုပ်ရပ်

Eleven Media Group's photo.


 ၁၈ ရာစုနှစ်က ဖြစ်ပျက် ခဲ့တဲ့ တကယ့် အဖြစ်မှန်ပေါ် မူတည်ပြီး ရိုက်ကူးထားတဲ့ (Mutiny On The Bounty) ဆိုတဲ့ ရုပ်ရှင် ဇာတ်ကား တစ်ကား ဟာ ၁၉၆၂ ခုနှစ်မှာ ပေါ်ထွက် လာခဲ့ပါတယ်။ ဒီ ဇာတ်ကား ထဲက အဖြစ် အပျက်တွေဟာ သင်္ဘော တစ်စီးပေါ်မှာ ဖြစ်ခဲ့ပေမယ့် နိုင်ငံ တစ်နိုင်ငံ ထဲမှာ ဖြစ်ပျက် ခဲ့ပုံမျိုးနဲ့ သဘောတရား ချင်း သွားဆင်တူနေပါတယ်။ 

ဒါကြောင့် နိုင်ငံ တစ်နိုင်မှာ ဖြစ်ပျက် သွားတဲ့ အရေးအခင်း တစ်ခုကို အစအဆုံး ထိုင်ကြည့်နေရ သလို တွေ့မြင်နေ ရတဲ့ အပြင် သင်ခန်းစာ ယူစရာတွေ လည်း အများကြီး ပါလို့ ဒီဇာတ်ကားကို ကြိုက်တဲ့လူ အတော်များပါတယ်။

၁၇၈၇ ခုနှစ် ရဲ့နေ့တစ်နေ့ မှာ ကပ္ပတိန် “ဘလိုက်” ဦးဆောင် တဲ့ “ဘောင်တီ” သင်္ဘော ဟာ ပစိဖိတ် သမုဒ္ဒရာ တောင်ပိုင်းမှာ ရှိတဲ့ တဟီတီ ကျွန်းစု ဆီကို အင်္ဂလန် က ရွက်လွှင့် ထွက်ခွာ လာခဲ့ပါ တယ်။

 ဘောင်တီ သင်္ဘော ရဲ့ အဓိက ရည်မှန်းချက် တာဝန် ကတော့ တဟီတီ ကျွန်းစုမှာ အလေ့ကျပေါက်နေ တဲ့ ပေါင်မုန့် သီး ပျိုးပင်တွေ ကို အခု လက်ရှိ ကျူးဘားနိုင်ငံနားမှာ တည်ရှိပြီး အဲဒီ တုန်းက အင်္ဂလန်ပိုင်ဖြစ်တဲ့ ဂျမေကာကျွန်း အထိ သင်္ဘောနဲ့ ပို့ဆောင် ပေးဖို့ပါပဲ။

 ပေါင်မုန့်သီးပင် ဆိုတာ ပိန္နဲသီး နဲ့ ဆင်ဆင် တူတဲ့ အသီးတွေ သီးတဲ့ အပင် တစ်မျိုး ဖြစ်ပါတယ်။ ဒီအပင်တွေ ဟာ ပေ ၈၀ လောက် ထိ မြင့်တတ်ပြီး ချက်လိုက် ရင် အသီးရဲ့အနံ့ က ပေါင်မုန့် ဖုတ်တဲ့ အနံ့နဲ့ တူလို့ ပေါင်မုန့်သီး ပင်လို့ ခေါ်ကြတာဖြစ်ပါတယ်။ 


 
 ဒီ အပင်တွေကို ဂျမေကာ မှာ အကြီးအကျယ် စိုက်ပြီး ငွေဝယ် ကျွန်တွေ ကို ကုန်ကျမှု သက် သက်သာ သာ နဲ့ကျွေးချင် လို့ ခုလိုစီစဉ်ခဲ့ကြတာပါ။

သင်္ဘော ဟာ စထွက် ကတည်းက ပြဿ         နာနဲ့စခဲ့ပါတယ်။ ဘာကြောင့်လဲ ဆိုတော့ သင်္ဘောစတိုခန်း ထဲက ဒိန်ခဲတွေ ပျောက်သွား လို့ပါပဲ။ ဒိန်ခဲတွေ ကို သင်္ဘောသား “မင်းစ်” ခိုးတယ် လို့ ကပ္ပတိန် ဘလိုက်က ယူဆ ပါတယ်။ 

မင်းစ် ကတော့ စတိုခန်းထဲ ကို ကပ္ပတိန် ပဲ ခဏခဏ ၀င်နေတာ မို့ ခိုးချင်းခိုးရင် ကပ္ပတိန်ပဲ ခိုးမှာပေါ့ လို့ ပြန်ပြောပါတယ်။ ဒီ အပြောကြောင့် မင်းစ် ဟာ ကြာပွတ် နဲ့ ၂၄ ချက် ရိုက်ပြီး အပြစ်ပေး ခံရပါတယ်။ သင်္ဘော ရဲ့ ဒုတိယ ရာထူး အကြီးဆုံးဖြစ်တဲ့ ဒုတိယ ဗိုလ် မစ္စတာ ခရစ်ရှန် (Marlon Brando) ကတော့ ဒီကိစ္စနဲ့ ပတ်သက်ပြီး လုံးဝ ဘ၀င်မကျပါဘူး။ 

“လက်အောက် အပေါ် ရက်စက်တယ် ဆိုတဲ့ နေရာ မှာ အကြောင်း လိုအပ်ချက် အရ ရည်ရွယ်ချက် ရှိရှိ ရက် စက်ရင် ရက်စက်တယ် လို့ မခေါ်ဘူး။ လုပ်ရည် ကိုင်ရည် ရှိတယ် လို့ ခေါ်ဆို ရမှာသာဖြစ်တယ်” ဆိုတဲ့ ဘလိုက် ရဲ့ခံယူချက် ကို ခရစ်ရှန် သိလာတဲ့ အခါမှာ ဘလိုက် ကို သူ အတော် စိတ်ကုန် သွားပါတယ်။

အဲဒီ အချိန်တုန်းက စူးအက် တူးမြောင်း တို့ ပနားမား တူးမြောင်းတို့ မရှိသေးတဲ့ အချိန်ဖြစ်လို့ အင်္ဂလန် ကနေ တောင် ပစိဖိတ် သမုဒ္ဒရာ ထဲက တဟီတီ ကျွန်းစုကို သွားချင် ရင်တောင် အမေရိကတောင်ဘက် အဖျား က ကိပ်ဟွန်း အငူကို ဖြတ်ရင်ဖြတ်၊ မဖြတ်ရင် အာဖရိကတိုက် တောင်ဘက် အဖျားက ဂွတ်ဟုပ် အငူ ကို ဖြတ်ဖို့ပဲ ရှိပါတယ်။ 

ကိတ်ဟွန်း က ဖြတ်မယ် ဆိုရင် ခရီး ကတော့ပို နီးပေမယ့် ပင်လယ်ပြင် ဟာ မျောနေ တဲ့ ရေခဲတုံးတွေ နဲ့ ပြည့်နေ တာမို့ သင်္ဘောပျက် မယ့် အန္တရာယ် နဲ့ ပိုနီး ပါတယ်။ ဒါပေမဲ့ ဘလိုက် ဟာ အဲဒီ လမ်းကြောင်း ကနေ သွားဖို့ ဆုံးဖြတ်ခဲ့ ပါတယ်။ 

ဒါ့ကြောင့် ဆက်သွား မရတော့လို့ အရှေ့ဘက် ကိုပြန်လှည့် လာခဲ့ရတဲ့ အတွက် အချိန်တွေ အများကြီး အလဟဿ            ဖြစ်သွားရပါတယ်။

ဒီလိုနဲ့ ဘောင်တီ ဟာ တဟီတီ ကို ရောက်လာပါတယ်။ တဟီတီ ကျွန်းသားတွေ ရဲ့ အပူအပင် ကင်းတဲ့ဘ၀၊ ရည်ရွယ်ချက်ကြီးကြီး မားမား ထားလေ့ မရှိတဲ့ဘ၀ ၊ ရရ စားစားပျော်ပျော် နေလို့ရတဲ့ ဘ၀တွေကို သင်္ဘော သားတွေ တော်တော် အားကျ ခဲ့ကြပါတယ်။ သောက်စား ပျော်ပါးကြပါတယ်။ 

ကျွန်းသူတွေ အနေ နဲ့ ကလည်း ခန္ဓာကိုယ် ကို တန်ဖိုး ထားရကောင်းမှန်း မသိဘဲ ကြုံသလို စခန်း သွားကြတဲ့ အလေ့အကျင့် ကလည်း ရှိနေလေတော့ သင်္ဘောသားတွေ အားလုံးနီးပါး ဟာ နွားငတ်ရေကျ ဆိုသလို ဖြစ် ကုန်ကြတာပေါ့။ အင်္ဂလန် ကို ပြန်ကို မပြန်ချင်ကြတော့ပါဘူး။ 

ဒီလိုနဲ့ နောက်ဆုံး သင်္ဘော ပြန်ထွက်ရမယ့် အချိန် ရောက်လာပါတယ်။ သင်္ဘောနဲ့ ပြန်မလိုက် ချင်လို့ သင်္ဘောသား သုံးယောက် ထွက်ပြေးကြပါတယ်။ မင်းစ် ကတော့ အဲဒီ အထဲမှာ ထိပ်ဆုံး ကပေါ့။ သုံးယောက် စလုံး ကို ပြန်ဖမ်းမိပါတယ်။ တာဝန်ချိန်က လွဲပြီး သင်္ဘောပေါ်မှာ သံချေကျင်း ခတ်ထားတာကို အဲဒီ သုံးယောက် ခံ ကြရပါတယ်။

တဟီတီ က ဂျမေကာ ကို သွားရာ  လမ်းမှာ ပိုကုန် ခဲ့တဲ့ အချိန်တွေ ကို ကာမိအောင် ဘလိုက် ဟာ ပျိုးပင်တွေ ကို သင်္ဘောပေါ်နှစ်ဆ ပိုတင် လာပါတယ်။ ဒါ့အပြင် သင်္ဘောသားတွေ ဟာ ရေကိုလျှော့သောက် ရပြီး အပို ထွက် လာတဲ့ရေ နဲ့ ပျိုးပင်တွေ ကို ရေလောင်း ရပါတယ်။ အဲဒီလို ရေပို ထွက်လာအောင် ရေမှုတ် ကို ရွက် တိုင် ထိပ်ဖျားမှာ ချည်ထားပါတယ်။ 

 ရေသောက် ချင်ရင် ရေမှုတ် ကို တက်ဖြုတ် ရပါတယ်။ ကုန်းပတ်ပေါ်မှာ ရှိတဲ့ သောက်ရေ စည် ထဲကရေကို ခပ်သောက်ပြီးရင် လည်း ရေမှုတ် ကို နေရာ တကျ ပြန်ချိတ် ရတာမို့ တစ်ခါရေသောက်ရဖို့ အရေး သင်္ဘောသားတွေ ဟာ ရွက်တိုင်ထိပ် ကို နှစ်ခါပြန် တက်ရပါတယ်။ 

တစ်ခါ မှာတော့ သင်္ဘောသား တစ်ယောက် ရေမှုတ် တက်ဖြုတ်ရင်း ရွက်တိုင်ထိပ် ကနေ ပြုတ်ကျပြီး သေ ပါတယ်။ ဒါကို မကျေနပ် လို့ သင်္ဘောသား တစ်ယောက်က ဘလိုက် အပေါ် ခုန်အုပ်ပြီး တိုက်ခိုက်ပါတယ်။ အဲဒီ သင်္ဘောသား ကို အပြစ်ပေးတဲ့ အနေနဲ့ လက်ပြန်ကြိုးတုပ်၊ ခါးကိုကြိုးနဲ့ ချည် ရေထဲကို ပစ်ချပြီး ဆွဲအလာ မှာ အဲဒီသင်္ဘောသား ဟာ ငါးမန်းစာ ဖြစ်သွား ရှာပါတယ်။

တစ်ခါ မှာတော့ ဖျားနေတဲ့ သင်္ဘောသား တစ်ယောက် ဟာ ရွက်တိုင် ထိပ်ကို တက်ပြီး ရေမှုတ် မယူနိုင်လို့ ပင်လယ်ရေ သောက်မိ ရာက အဖျားဝေဒနာကြီးပြီး ရူးချင် သလိုလို ဖြစ်လာပါတယ်။ အူထဲ ကို ရေချို မရောက်ရင် ခဏ အတွင်း သေတော့ မှာပါ။ ခရစ်ရှန် က စည်ထဲ ကရေချို ကို ခပ်ပြီး တိုက်ပါတယ်။ အဲဒီ အချိန်မှာ ဘလိုက် က ခရစ်ရှန် ရဲ့ လက်မောင်းကို ခြေထောက် နဲ့ ကန်ချ လိုက်ပြီး ဘယ်သူ့ အမိန့် နဲ့ ရေ တိုက် တာလဲလို့ မေးပါတယ်။ 

ခရစ်ရှန် ဟာ ဂုဏ်ကြီးသူ အသိုင်းအ၀ိုင်း က ပေါက်ဖွားကြီးပြင်း လာသူဖြစ်လို့ သင်္ဘောသားတွေရှေ့မှာ ခုလို အစော်ကား ခံလိုက်ရ သလို ဖြစ်သွားတဲ့ အတွက် ပေါက်ကွဲသွားပြီး မမျှော်လင့်ဘဲ သင်္ဘောပေါ်မှာ ပုန်ကန် မှုဖြစ်သွား ပါတော့တယ်။ 

သင်္ဘော ကို ခရစ်ရှန်က ကွပ်ကဲမှု ယူလိုက်ပြီး ဘလိုက် ကို ထောက်ခံသူတွေ ကိုတော့ ဘလိုက် နဲ့ အတူ အသက်ကယ်လှေ နဲ့ ထွက်ခွာ ခွင့် ပေးလိုက်ပါတယ်။ သင်္ဘောပေါ် ကနေ အသက်ကယ်လှေထဲ ဘလိုက် မဆင်းခင်လေး မှာ ရေကြောင်းပြ ကိရိယာတွေ နဲ့ ရိက္ခာ ငါးရက်စာ အတွက် လိုအပ်တာတွေ ကို ခရစ်ရှန် က စီစဉ်ပေးပါတယ်။ 

အသက်သေစေ ဖို့ မရည်ရွယ်ဘဲ ဘလိုက် တို့ကို မိခင် အင်္ဂလန်မြေ ကို တစ်နည်းနည်းနဲ့ ပြန်ရောက်စေချင် တဲ့ သဘောပါ။


 နောက်ဆုံး ဘလိုက် သင်္ဘောပေါ် က မဆင်းခင်းလေး မှာ “ခင်ဗျား အလံယူသွား ဦးလေ” ဆိုပြီး သင်္ဘော သားတွေကို ရိုက်တဲ့ နေရာမှာ သုံးတဲ့ ကြာပွတ် ကို ခရစ်ရှန် က ဘလိုက် ကို ပေးလိုက်ပါတယ်။ ဘလိုက် က ကြာပွတ် ကို ပြန်ပေးလိုက်ပြီး “ငါ အလံမလို ပါဘူး။ ငါ့မှာ နိုင်ငံ တစ်နိုင်ငံ ရှိနေတာပဲ။ မင်းလို မှ မဟုတ်ဘဲ” လို့ ပြန်ပြောပါတယ်။ 

အဲဒီ အချိန်မှာ ခရစ်ရှန် သိသိ သာသာ မျက်နှာ ပျက်သွားပါတယ်။ ဘလိုက် တို့ အသက်ကယ်လှေ သင်္ဘောက အခွာမှာ မင်းစ်တို့ အဖွဲ့က “ဘလိုက်ရေ ခင်ဗျား အပင်တွေ မေ့ မထားခဲ့ နဲ့ ယူသွားဦးလေ၊ ကျွန်တော် တို့ ရေ မလောင်းနိုင် ဘူးဗျ” လို့ပြောပြီး ပျိုးပင်တွေ အားလုံးကို တပျော်တပါး ရေထဲ ပစ်ချကြလို့ အသက် ကယ်လှေဘေး မှာ ပျိုးပင်တွေ အဖွေးသားမျောနေတာကို တွေ့ကြရပါတယ်။ 

ဒါကတော့ “ရည်ရွယ်ချက် ရှိရှိ နဲ့ ရက်စက် တာမျိုးကို ရက်စက်တာ လို့ မခေါ်ဘူး။ လုပ်ရည် ကိုင်ရည် ရှိတယ် လို့ ခေါ်ဆို ရမှာသာဖြစ်တယ်” ဆို တဲ့ မူကို ဆုပ်ကိုင် ခဲ့တဲ့ ဘလိုက် လို လူမျိုး အတွက် သူ့ ခံယူချက် မှန်၊ မမှန် အဖြေပေးလိုက် တဲ့ မြင်ကွင်းပဲဖြစ်ပါတယ်။

ခရစ်ရှန် တို့ရဲ့ ဘောင်တီ သင်္ဘော ဟာ တဟီတီ ကို ပြန်ဦးလှည့် ခဲ့ပါတယ်။ တဟီတီ မှာ အမျိုးသမီးတွေ ကိုခေါ် ရိက္ခာတွေဖြည့်တင်းပြီး အင်္ဂလိပ်ရေတပ် လွယ်လွယ် နဲ့ ရှာမတွေ့နိုင်ဘူး လို့ သူတို့ ယူဆတဲ့ တဟီတီ ရဲ့ အရှေ့တောင်ဘက်မှာ ရှိတဲ့ “ပစ်ကမ်း” (Pitcairn) လို့ခေါ်တဲ့ ကျွန်းပေါ် တက်ပြီး ပုန်းအောင်းနေကြ ပါတယ်။ 

ခရစ်ရှန် ကတော့ အခွင့် သာတဲ့ တစ်နေ့ အင်္ဂလန်ပြန်ပြီး ဘလိုက် ရဲ့ လုပ်ရပ် အမှားတွေကို တတိယမြောက် ဂျော့ရှ် ဘုရင်ထံ တင်ပြဖို့ ပဲ စိတ်အား ထက်သန် နေခဲ့တာပါ။ ခရစ်ရှန် ရဲ့ စိတ်ကူး ကို ရိပ် မိနေကြတဲ့ မင်းစ် နဲ့ သင်္ဘောသား တစ်ယောက် ဟာ တစ်ည မှာတော့ ပင်လယ်ကွေ့ထဲ မှာ ကျောက်ချ ထား တဲ့ ဘောင်တီ သင်္ဘောပေါ်တက်ပြီး သင်္ဘော ကို မီးတင်ရှို့ လိုက်ကြပါတယ်။ 

ခရစ်ရှန်သိသွားပြီး သင်္ဘောပေါ်တက် မီးငြှိမ်းသတ်ဖို့ ကြိုးစား ရာမှာ မီးလောင် ဒဏ်ရာနဲ့ သူကွယ်လွန် သွား ခဲ့ပါတယ်။

ဘလိုက် ကတော့ ၂၃ ပေ ရှည်တဲ့ အသက်ကယ်လှေ နဲ့ အနောက်ဘက် ကို စွန့်စွန့် စားစား ရွက်လွှင့် ခဲ့ရာမှာ ၄၇ ရက် အကြာ မိုင်ပေါင်း ၃၆၀၀ ကွာဝေးတဲ့ တီမော ကို ရောက်ရှိခဲ့ပါတယ်။ အဲဒီက မှတစ်ဆင့် အင်္ဂလန် ကို ပြန်နိုင် ခဲ့ကြပါတယ်။

 ဘောင်တီ သင်္ဘော ပုန်ကန်မှု ဟာ အဖြစ်မှန်ဖြစ်ပြီး ဒီကနေ့ အချိန်အထိ ပစ်ကမ်း ကျွန်းပေါ် မှာ မင်းစ် တို့ရဲ့ မျိုးဆက်တွေ ရှိနေပါသေးတယ်။ ဘောင်တီ သင်္ဘောပျက် ကိုလည်း ၁၉၅၇ ခုနှစ်က ရေအောက် မှာ ပြန် ရှာတွေ့ ကြပါတယ်။

မီးလောင်ဒဏ်ရာ နဲ့ ခရစ်ရှန်သေခါနီး မှာ မင်းစ်ရောက် လာပြီး “ဆရာ ကျွန်တော့် ကို ခွင့်လွှတ်ပါ။ ဆရာ ခုလို ဖြစ်သွားအောင် ကျွန်တော် တကယ် မရည်ရွယ် ခဲ့ပါဘူး။ ကျွန်တော် ယုံကြည်ရာ ကို ကျွန်တော် လုပ်ခဲ့ တာပါ။ ဆရာ လည်း သင်္ဘော ပုန်ကန်မှုဖြစ်ပြီး ကတည်းက ငါယုံကြည် သလို ငါလုပ်မယ် လို့ အမြဲပြောခဲ့ တာပဲ မဟုတ်လား” လို့ ပြောပြီး တောင်းပန်ခဲ့ ပါတယ်။ 

တကယ်တော့ ဘလိုက်ရော၊ ခရစ်ရှန်ရော၊ မင်းစ် ပါ ကိုယ် ယုံကြည်ရာ ကို ကိုယ် လုပ်ခဲ့ကြတာပါပဲ။ အင်္ဂလန်ပြည်သူတွေ သာမက တစ်ကမ္ဘာလုံး က လူတွေ ကပါ ဒီလူ သုံးယောက် စလုံးရဲ့ လုပ်ရပ်တွေ ကို လက်မခံနိုင်ခဲ့ကြ ပါဘူး။

 လောက မှာ ကိုယ်ယုံကြည်ရာ ကို ကိုယ် ဇွတ်လုပ်တဲ့ အတွက် ဘာမှ မပြောလိုပါဘူး။ ဒါပေမဲ့ ယုံကြည်မှု ယုံကြည်မှု ဆိုပြီး လုပ်လိုက် တဲ့ ကိုယ့်လုပ်ရပ် အတွက် မဆိုင်တဲ့ လူတွေ ထိခိုက် နစ်နာ မသွားဖို့ ကတော့ လူ့ဘ၀ မှာ အရေးကြီးလှပါတယ်။


 Written by - နီမင်းဆွေ
Mutiny On The Bounty ရုပ်ရှင်ဇာတ်ကားမှ ဇာတ်ဝင်ခန်းတစ်ခန်း
 Eleven Media Group

No comments:

Post a Comment