မြန်မာနိုင်ငံ ၏ ရဲရင့်သော ပြုပြင်ပြောင်းလဲရေးသမား

 

 သမ္မတ ဦးသိန်းစိန် ၏ သမ္မတ သက်တမ်း သုံးနှစ် အတွင်း လုပ်ဆောင်ချက်များနှင့် ပတ်သက်၍ ထင်မြင်ချက် များပေးရန် မြန်မာ့ အရေး ကျွမ်းကျင်သူအချို့ထံ Email ဖြင့် စာရေးသား တောင်းခံခဲ့ရာ ဦးသိန်းစိန် သည် မြန်မာနိုင်ငံ ၏ ပြုပြင်ပြောင်းလဲရေး လုပ်ငန်းစဉ် ကို ဦးစီးဆောင်ရွက်ခဲ့သော၊ 

အပစ်အခတ် ရပ်စဲရေး သဘော တူညီချက် အတွက် တိုင်းရင်းသား လက်နက်ကိုင်အဖွဲ့များနှင့် ဆွေးနွေး ညှိနှိုင်း မှုများ အစပျိုးပေးနိုင် ခဲ့သော၊ မြန်မာနိုင်ငံ ၏ အထီးကျန် အခြေအနေ အဆုံးသတ် သွားရန် ဆောင် ရွက်နိုင်ခဲ့သော၊ အတိုက် အခံ ခေါင်း ဆောင်ဒေါ်အောင်ဆန်းစုကြည်နှင့် ညှိနှိုင်းမှုများ ပြုလုပ်နိုင်ခဲ့သော တည်ကြည် ရဲရင့်သော ခေါင်းဆောင် တစ်ဦး အဖြစ် အကဲဖြတ်သူတို့က ရှုမြင်ခဲ့ကြသည်။

လန်ဒန် တက္ကသိုလ် စီးပွားရေး သိပ္ပံမှ Dr. Marie Lall က “သူဟာ ရဲရင့် တဲ့ ပုဂ္ဂိုလ်တစ်ဦး လို့ ကျွန်မ ယုံ ကြည် ပါတယ်”ဟု မှတ်ချက်ပေး ခဲ့သည်။ ““ပြုပြင်ပြောင်းလဲရေး သူ စပြီးလုပ်ခဲ့တဲ့ အချိန်ဖြစ်တဲ့ ၂၀၁၁ နွေ ရာသီ တုန်းက၊ သဘောထား တင်းမာသူတွေဆီ က ဆန့်ကျင်မှုတွေ အများကြီး သူ ရင်ဆိုင်ကျော်လွှား ခဲ့ရ မှာပါ” ဟုလည်း Dr. Marie Lall က ဆိုသည်။

“ဦးစားပေး ကိစ္စတွေ ဖြစ်တဲ့၊ အမျိုးသား ဒီမိုကရေစီ အဖွဲ့ချုပ်နဲ့ ညှိနှိုင်းဆွေးနွေး တာတွေ ငြိမ်းချမ်းရေး လုပ်ငန်း စဉ်တွေ၊ စီးပွားရေးပြုပြင်ပြောင်းလဲမှုတွေ နဲ့ ပညာရေး ကဏ္ဍကို ပြန်လည် သုံးသပ်မှုတွေဟာ၊ သူ့ရဲ့သံ တမန် ရေး ကျွမ်းကျင်မှုနဲ့ ခေါင်းဆောင်မှု သာ မပါရင် ပေါ်ပေါက် လာခဲ့မှာ မဟုတ်ပါဘူး” ဟုလည်း ဆိုသည်။

 

“အပြောင်းအလဲတွေ အတွက် သူ့ကို ကျေးဇူး အများကြီး တင်သင့် ပါတယ်” ဟုလည်း Dr. Marie Lall က မှတ်ချက်ပေးခဲ့သည်။

စင်ကာပူနိုင်ငံ အရှေ့တောင် အာရှလေ့လာရေး သိပ္ပံ မှ သုတေသန ပညာရှင် ပါမောက္ခ ရောဘတ်တေလာ ကလည်း သမိုင်းသည် သမ္မတ ဦးသိန်းစိန် အား ရဲရင့်သော ပြုပြင်ပြောင်းလဲရေးသမား တစ်ဦးအဖြစ် ဆုံးဖြတ် ပုံဖော်လိမ့်မည်ဟု ဆိုသည်။

ဦးသိန်းစိန် သမ္မတ အဖြစ် ဆောင်ရွက်နေပုံနှင့် ပတ်သက်၍ အကဲဖြတ် ရာတွင်မူ “သူဟာ မကြုံစဖူး အခြေ အနေ တစ်ရပ် ထဲကို ၀င်ရောက် ခဲ့ရပြီးတော့ ပြုပြင်ပြောင်းလဲရေး လုပ်ပိုင် ခွင့်နဲ့ မြန်မာနိုင်ငံအပေါ် ထား ရှိကြတဲ့ အနောက်နိုင်ငံတွေ ရဲ့ မူဝါဒပြောင်းလဲသွားအောင် ကြိုးပမ်းခွင့် ရခဲ့ပါတယ်။ သူလုပ်ရမယ့် ဟာတွေ ကို သူအောင်မြင်အောင် စွမ်းဆောင်နိုင်ခဲ့ပါတယ်” ဟု ပါမောက္ခ Robert Taylor ကမှတ်ချက်ပြု ခဲ့သည်။

သြစတြေးလျအမျိုးသားတက္ကသိုလ်မှ ပညာရှင်လည်းဖြစ်ပြီး ၂၀၀၀ ခုနှစ် မှ ၂၀၀၃ ခုနှစ် အတွင်း မြန်မာ နိုင်ငံ ဆိုင်ရာ သြစတြေးလျ  သံအမတ်ကြီး အဖြစ် တာဝန် ထမ်းဆောင်ခဲ့ဖူးသူ Mr. Trevor Wilson ကမူ ဦးသိန်းစိန် သည် ယေဘုယျ အားဖြင့် ကောင်းမွန်သော ခေါင်းဆောင်မှု ကို ပြသနိုင်ပြီး၊ အတန် အသင့် တိကျပြတ်သားမှု ရှိသည်ဟု ဆိုသည်။

မြစ်ဆုံဆည် စီမံကိန်း လုပ်ငန်းများကို ဆိုင်းငံ့ ရန် ၂၀၁၁ ခုနှစ် စက်တင်ဘာလ အတွင်း သမ္မတ က ဆုံးဖြတ် ချက်ချမှတ်ခဲ့ခြင်းကို ဥပမာပေး၍ သမ္မတ သည် ဆုံးဖြတ်ချက် ပြတ်သားမှု ရှိသည်ဟု မှတ်ချက်ပေး ထားခြင်း ဖြစ် သည်။

“သမ္မတ ဦးသိန်းစိန် ဦးဆောင်တဲ့ ခေါင်းဆောင်ပိုင်း ဟာ နိုင်ငံတော်အေးချမ်းသာယာရေး နဲ့ ဖွံ့ဖြိုးရေးကောင် စီ က ချမှတ် ကျင့်သုံးခဲ့တဲ့ လမ်းစဉ် အတိုင်း မဆင်မခြင် ဆက်လုပ်လိမ့်မယ် လို့ ထင်မြင်ခဲ့တဲ့ သူတွေကို သမ္မတ ဦးသိန်းစိန် က အံ့အားသင့်သွားစေခဲ့ပါတယ်” ဟု သြစတြေးလျ အမျိုးသားတက္ကသိုလ် မှ အရှေ့တောင် အာရှ ရေးရာကျွမ်းကျင်သူ Dr. Nicholas Farrelly က ဆိုသည်။

“ကြိုးတင်းလွန်းတယ် လို့ ထင်ရတဲ့ အခိုက်အတန့်တွေ ရှိနေတုန်း ပါပဲ။ ဒါပေမဲ့ ခြုံငုံပြီး ကြည့်မယ် ဆိုရင် အပြောင်း အလဲရဲ့ ဦးတည်ရာ ဟာ အပြုသဘောဆောင်ပါတယ်” ဟု သူက မှတ်ချက်ချခဲ့သည်။ 

“အဲဒါတွေ အတွက် သမ္မတ ဟာ ချီးကျူး  ဂုဏ်ပြုမှုတွေ နဲ့ ထိုက်တန်ပါတယ်” ဟုလည်း သူက ဆိုသည်။
ဦးသိန်းစိန် ၏ လုပ်ဆောင်မှုများ အနက် မည်သည့် စွမ်းဆောင်မှုကို ဦးသိန်းစိန် အနေဖြင့် ဂုဏ်အယူ ဆုံး ဖြစ် နိုင်ဖွယ်ရှိ သလဲဟု ပါမောက္ခ တေလာကို မေးမြန်း ကြည့်ရာ တွင် မြန်မာနိုင်ငံ ကို နိုင်ငံရေး ကသောင်း ကနင်း မဖြစ်စေဘဲ မြန်မာနိုင်ငံ ကမ္ဘာ့ ဇာတ်ခုံပေါ်တွင် အထီးကျန် အခြေအနေမှ လွတ်မြောက် လာအောင် စွမ်း ဆောင်နိုင်ခဲ့ခြင်း ကို ဂုဏ်ယူစရာ အကောင်းဆုံး ဖြစ်နိုင်သည်ဟု ဖြေကြားခဲ့သည်။

Dr. Farrelly ကလည်း အလားတူ ထင်မြင်ချက်မျိုး ပေးခဲ့သေးသည်။ “မြန်မာနိုင်ငံ မှာ အစိုးရ အတွက် အင် စတီကျူးရှင်း ဆိုင်ရာ အခြေခံတွေ တည်ဆောက်နိုင်အောင် အစိုးရ က ဦးဆောင် စီမံနိုင်ခဲ့တာကို သူဂုဏ်ယူ လိမ့်မယ်လို့ ကျွန်တော်ထင်ပါတယ်။ အဲဒါဟာ အလွန်ကြီးမားတဲ့ အလုပ်တစ်ခုပါ။ အဲဒီ လုပ်ငန်းစဉ် ဟာ မပြီး ဆုံးသေးဘူး ဆိုပေမယ့်၊ အခြေခံ အုတ်မြစ်တွေက ခိုင်မာနေပါပြီ” ဟု ဆိုသည်။

Mr. Wilson ကမူ ငြိမ်းချမ်းရေး တည်ဆောက်နိုင်ခဲ့ခြင်း ကို ဂုဏ်ယူစရာ အကောင်းဆုံး အောင်မြင်မှုဟု ခံစား လိမ့်မည် ထင်ကြောင်း မှတ်ချက်ချခဲ့သည်။ “သူ့အရင် အစိုးရတွေနဲ့ စာရင် ပြည်လုံးကျွတ် ငြိမ်းချမ်းရေး သဘော တူညီချက် အတွက် သူက ပိုပြီးလုပ်ခဲ့ပါတယ်” ဟု သူက မှတ်ချက်ချခဲ့သည်။

  “ပြည်လုံးကျွတ် ငြိမ်း ချမ်းရေး သဘောတူညီချက် ရဖို့အတွက်၊ ပွင့်လင်းပြီး တစ်သမတ်တည်း ရှိတဲ့ ညှိနှိုင်းရေး စနစ်နဲ့ အညီ ပထမ ဆုံးလုပ်ဆောင် ခဲ့တဲ့ ပုဂ္ဂိုလ်လည်း ဖြစ်ပါတယ်” ဟု Mr. Wilson က ဆိုသည်။

Dr. Farrelly ကလည်း၊ အာဏာရှင်ခေတ် လွန် မြန်မာနိုင်ငံ တွင် ဦးသိန်းစိန် အတွက် အကြီးမားဆုံးသော စိန်ခေါ်မှုများ မှာ “လွှတ်တော်၊ စစ်ဘက်၊ မီဒီယာ၊ ပြည်သူတွေ နဲ့ နိုင်ငံတကာ အသိုင်းအ၀ိုင်း ရဲ့ မျှော်လင့် ချက်တွေ ကို ဟန်ချက် ညီညီ ထိန်းညှိ ကိုင်တွယ်နိုင်ဖို့ပဲ ဖြစ်ပါတယ်” ဟု ဆိုသည်။

“အထူးသဖြင့်၊ လွှတ်တော် အသီးသီး ရဲ့ ဥက္ကဋ္ဌတွေ နဲ့ မြန်မာနိုင်ငံ ရဲ့ လွှတ်တော် ကိုယ်စားလှယ်တွေ အား လုံး၊ တိုင်းရင်းသား နိုင်ငံရေး သမားတွေ နဲ့ ဒေါ်အောင်ဆန်းစုကြည် ရဲ့ NLD တို့ နဲ့ အတူ တကွ အလုပ်လုပ် ဖို့ဟာ ယေဘုယျ အားဖြင့် ကြီးမားတဲ့ စိန်ခေါ်မှုပဲ ဖြစ်ပါတယ်” ဟု Dr. Farrelly က ဆိုသည်။

“ကွဲပြားခြားနား တဲ့ ဦးစားပေးမှုတွေ ကို ဟန်ချက် ညီအောင် ထိန်းညှိဖို့ လက်လှည့် ဆရာ တစ်ဦးလိုပဲ၊ ကျွမ်းကျင် မှုတွေ လိုပါတယ်” ဟု Dr. Wilson က ဆိုသည်။ နိုင်ငံ၏ အရေးကိစ္စများ ကို စီမံ ကိုင်တွယ်ရာတွင် တပ်မတော် အနေဖြင့် လွှမ်းမိုးခြယ်လှယ်သော အနေအထား မျိုးထက် နောက်ကွယ်မှ သာ ကူညီဆောင် ရွက်ရမည့် အနေအထားမျိုး ကို လက်ခံလာစေရန် စည်းရုံးရခြင်းမှာလည်း သမ္မတ အတွက် အကြီးမား ဆုံး သော စိန်ခေါ်မှုများ ထဲ မှ တစ်ခုဖြစ်ကြောင်း Dr. Wilson က ဆိုသည်။

ပါမောက္ခ တေလာ က “ခက်ခဲတဲ့ အများပြည်သူ့ ဆိုင်ရာ မူဝါဒ ကိစ္စရပ်တွေ နဲ့ ပတ်သတ်ပြီး လွတ်လပ် လာခါစ သတင်း မီဒီယာတွေကနေ တစ်ဆင့် ဖော်ထုတ် တင်ပြခဲ့ကြပါတယ်” ဟုလည်း မှတ်ချက်ချခဲ့သည်။ 

သမ္မတ ဦးသိန်းစိန် ၏ လက်ထက်တွင် အရေးအကြီးဆုံးသော ဆုံးဖြတ်ချက် မှာ မြစ်ဆုံဆည် စီမံကိန်း လုပ်ငန်း များ ဆိုင်းငံ့ထားရန် ဆုံးဖြတ်ခဲ့ခြင်းပင် ဖြစ်ကြောင်း Dr. Farrelly နှင့် Mr. Wilson တို့ နှစ်ဦးလုံး က မှတ်ချက်ပေးခဲ့သည်။ 

Mr.Farrelly က “အဲဒါဟာ ကြီးမားပြီး ရဲရင့်တဲ့ ဆုံးဖြတ်ချက် တစ်ရပ်ပဲ ဖြစ်ပါတယ်” ဟု ပြင်းပြင်း ထန်ထန် ဆန့်ကျင် ကန့်ကွက်မှု များကြောင့် မြစ်ဆုံဆည် စီမံကိန်း ဆိုင်းငံ့လိုက်ခြင်းနှင့် ပတ်သက်၍ မှတ်ချက်ပေးခဲ့ သည်။

Dr. Farrelly က “ဒါပေမဲ့ တကယ့် အရေးအကြီးဆုံး ဆုံးဖြတ်ချက်တွေ က အဆင့်မြင့် ရာထူးတွေမှာ ခန့် ထား မှုတွေ နဲ့ ပတ်သက်တဲ့ ဆုံးဖြတ်ချက်တွေ လို့ ကျွန်တော်ထင်ပါတယ်””ဟု Dr. Farrelly က ဆိုသည်။

“SPDC (နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီ) ဆီ ကနေ ဆက်ခံ ရရှိလာ ခဲ့တဲ့ ပြုပြင်ပြောင်း လဲမှု ဆန့်ကျင်ရေး အင်အားစုတွေ ရဲ့ လွှမ်းမိုးမှု လျော့နည်းသွားအောင်လည်း သမ္မတက ကြိုးပမ်း လုပ်ဆောင်ခဲ့ပါတယ်” ဟု Dr. Farrelly က ဆိုသည်။

မြစ်ဆုံဆည် စီမံကိန်း ဆိုင်းငံ့ လိုက်ခြင်းသည် “အစိုးရ အနေနဲ့၊ အရင်တုန်း ကနဲ့ မတူတော့ဘဲ၊ သာမန်ပြည် သူတွေ အတွက် စိုးရိမ်မှု ရှိကြောင်း ဖော်ပြနေရုံသာ မက တရုတ်နိုင်ငံ နဲ့ ဆက်ဆံပုံ ပြောင်းလဲသွားပြီး၊ သာ တူ ညီမျှ ရှိလာစေဖို့ နဲ့ ရေရှည် အနေအထားကို အခြေခံတဲ့ ပုံစံမျိုး ဖြစ်လာတာကိုလည်း ဖော်ပြနေပါ
တယ်”” ဟု Mr. Wilson က မှတ်ချက်ပေးခဲ့သည်။

မြစ်ဆုံဆည် စီမံကိန်း ဆိုင်းငံ့ခဲ့ခြင်း သည် ပိုမို ငယ်ရွယ်သော မျိုးဆက်များနှင့် သာမန်ပြည်သူများ အတွက် မျှော် လင့်ချက်များ ဖြစ်ပေါ်လာစေခဲ့သော ပထမဆုံး ဆုံးဖြတ်ချက် ဖြစ်ပြီး၊ အစိုးရ အနေဖြင့် စီးပွားရေး အကျိုးအမြတ် ကိုသာမက ပြည်သူများလိုလားသော ကိစ္စများကိုလည်း ဂရုစိုက်မှု ရှိကြောင်း ညွှန်ပြနေ သည် ဟု Mr. Wilson က ဆိုသည်။

ဦးသိန်းစိန် သမ္မတ တာဝန် စတင်ယူအပြီး၊ ပြုပြင်ပြောင်းလဲရေး လုပ်ငန်းစဉ် အရှိန် ရမလာသေးခင် အစပိုင်း ကာလတွင်၊ ပြုပြင်ပြောင်းလဲရေးကိစ္စ ကြန့်ကြာနေခဲ့ရာ အဘယ်ကြောင့် ကြန့်ကြာနေခြင်း ဖြစ်နိုင်ပါ သလဲ ဟူသည့် မေးခွန်းကို မူ ဒေါက်တာ Farrelly က “မြန်မာနိုင်ငံမှာ အရာရာတိုင်း ဟာ အချိန်ယူလေ့ရှိ
ပါတယ်” ဟု ဆို သည်။

“ဆေးကြိမ်လုံးနဲ့ တို့လိုက် သလို အရာရာ ချက်ချင်းဖြစ် လာအောင်၊ သမ္မတ ဒါမှ မဟုတ် တစ်ယောက်ယောက် က ဆောင်ရွက်နိုင်လိမ့်မယ် ဆိုတဲ့ မျှော်လင့်ချက်မျိုး ဟာ လွဲမှားနေပါတယ်” ဟုလည်း သူက မှတ်ချက်ပေးခဲ့သည်။

“နှောင့်နှေးကြန့်ကြာခဲ့မှု ကို မဟာဗျူဟာမြောက် တဲ့ ရပ်နားမှု လို့ ကျွန်တော် နားလည်ထားပါတယ်။ အဲဒါတွေ ဟာ အမှားအယွင်း တစ်ရပ် ဖြစ်နိုင် ခဲ့ပေမယ့်၊ ပြန်တွေးကြည့်တဲ့ အခါမှာတော့ နှိုင်းနှိုင်းချိန်ချိန် ဆောင်ရွက်မှု တစ်ရပ်လို့ ထင်မြင်ရပါတယ်” ဟု Dr. Farrelly က ဆိုသည်။

Mr. Wilson ကမူ၊ နှောင့်နှေးကြန့်ကြာမှု များ ဖြစ်ခဲ့ရသည်မှာ၊ အစပိုင်း တွင် ရေရှည် ရည်မှန်းချက်များကို လက်တွေ့ကျသော မူဝါဒ များနှင့် ထိရောက်မည့် လုပ်ဆောင်မှုများ အဖြစ် မည်ကဲ့သို့ အကောင် အထည် ဖော် ရမည်ကို မည်သူကမျှ  မ သိခဲ့ခြင်းကြောင့် ဖြစ်နိုင်ကြောင်း မှတ်ချက်ပေးခဲ့သည်။

“အဲဒီ အချိန်တုန်းက၊ အသွင် ကူးပြောင်းရေး Model ဘာတစ်ခု မှ မရှိခဲ့ပါဘူး။ အကူ အညီပေးဖို့ နိုင်ငံတကာ စီမံကိန်းလည်း မရှိခဲ့ပါဘူး။ နိုင်ငံတကာ ဘဏ္ဍာရေး အဖွဲ့အစည်းတွေ ရဲ့ အကူအညီ ကို မရသေးတဲ့ အချိန် ဖြစ် သလို ကုလသမဂ္ဂ ကလည်း တွန့်ဆုတ်နေခဲ့ပါတယ်” ဟု မစ္စတာWilson က ဆိုသည်။

“ပြီးတော့ အဲဒီအချိန် က၊ ကိစ္စ အများစုမှာ ရှင်းလင်းပြတ်သား တဲ့ ဆုံးဖြတ်ချက်တွေ၊ အမြင်တွေ မရှိသေး ပါ ဘူး။ ပြည်တွင်း အတိုက်အခံ အဖွဲ့တွေ ကလည်း SPDC ရဲ့ မူဝါဒတွေ နဲ့ ခြားနား လာတဲ့ မူဝါဒတွေအပေါ် ကို ထိထိရောက်ရောက် အာရုံ မစိုက်နိုင်သေးတဲ့အချိန် ဖြစ်ပါတယ်။ ကိစ္စတော်တော်များများ မှာ ဦးသိန်းစိန်ဟာ အစ ကနေ လုပ်ဆောင်ခဲ့ရတာပါ” ဟု မှတ်ချက်ပေးခဲ့သည်။

“ဒါပေမဲ့ ၂၀၁၀-၂၀၁၅ ကာလ အတွင်းမှာ၊ အခု အမှန် တကယ် ဖြစ်ထွန်းခဲ့တာ ထက် ပိုပြီးတော့ထိရောက် တဲ့ တိုးတက် မှုတွေ ဖြစ်လာအောင် လုပ်နိုင်ခဲ့သင့် သလား ဆိုတဲ့ မေးခွန်းကို သမိုင်း က မေးကောင်းမေး ပါလိမ့်မယ်” ဟုလည်း Mr. Wilson က ဆိုသည်။ 

“ကျွန်တော့်အနေနဲ့ ကတော့ အဲဒီလို လုပ်ဖို့ မဖြစ်နိုင်ဘူး လို့ ထင်ပါတယ်။ ဘာကြောင့်လည်း ဆိုတော့ စိတ် သဘောထား ခံယူချက်တွေ ကို ပြောင်းလဲ ရမယ့် တာဝန် ကို အကြီးအကျယ် လျစ်လျူရှုခဲ့ကြလို့ပါ” ဟု ဆိုသည်။

ထူးခြားသော လူမှုရေး၊ နိုင်ငံရေးနှင့် စီးပွားရေး အပြောင်း အလဲများ ဖြစ်လာသော ကာလ ကို ဦဆောင် ခဲ့သော သမ္မတ တစ်ဦး အဖြစ် ဦးသိန်းစိန် အား သတိရနေကြလိမ့်မည် ဟုလည်း Dr. Farrelly က မှတ် ချက် ပေး ခဲ့သည်။


 Written by ဂျက်ဖရီဂေါ့ဒတ် (မဇ္ဈိမနေ့စဉ်)
[Source : http://www.mizzimaburmese.com/…/i…/20388-2014-03-31-06-29-23]

 From... Hmuu Zaw