အမည် တပ်မရသော အသားစုံ သံသရာ

ကြည့်မြင်တိုင် ကမ်းနား ဟု ဆိုလိုက်လျှင် ညဈေးနှင့် ငါးဈေး ကို ပြေးမြင် မိ ကြပေလိမ့်မည်။ ထိုမျှသာ မကပါ ကြွက်မုဆိုး တို့ စံရာလည်း ဖြစ်နေတတ်သေးသည်။

ရန်ကုန်မြို့တော် စည်ပင်သာယာရေး ကော်မတီ မှ နေ့စားကြွက်မုဆိုး တစ်ဦး ဖြစ်သော အသက် ၃၀ အရွယ် ကိုသိန်းမျိုးခိုင် ၏ စားကျက် သည် ကြည့်မြင်တိုင် ပင် ဖြစ်သည်။

ဇူလိုင် မိုးထု အကြား ညဥ့်နက်နက် တွင် ကြည့်မြင်တိုင် စံပြဈေး အတွင်း မှ စားကြွင်း စားကျန်၊ ကုန်ကြွင်း ကုန် ကျန် များ ကို စားသုံး ကာ ဝဖီးနေသော မြေကြွက်ကြီးများ အား လိုက်လံ ရှာဖွေနေသူ များ ခပ်ဖွဲဖွဲ ရှိနေကြ သည်။

“ဒါတောင် မိုးတွင်း မို့လို့ ကြွက်ထိုးတဲ့ လူ နည်းတာ။ နွေရာသီဆို ဒီထက် များတယ်” ဟု ကိုသိန်းမျိုးခိုင် က ဆိုသည်။

ညဥ့်နက်နက် အမှောင်ထု အကြား ကြွက်ဖမ်း ထွက်သူများ တွင် ၎င်း ကဲ့သို့ စည်ပင် သာယာ နေ့စား အလုပ် သမား များ ပါသကဲ့သို့  အခြား ကြွက်မုဆိုးများ လည်း ပါဝင်သည်။

စည်ပင်သာယာ က ခန့်အပ် ထားသော ကြွက်ဖမ်းသမားများ မှာ ကြွက်ကောင်ရေ မည်မျှ ဖမ်းမိကြောင်း သက်သေ အဖြစ် ဌာန သို့ ကြွက် အမြီးများ သာ တင်ပြ ရရာ ကိုသိန်းမျိုးခိုင် အတွက် ကြွက် ခန္ဓာကိုယ် များ ကို ပြင်ပ သို့ ရောင်းချငွေရှာနိုင်သည်။

သို့သော် သူဖမ်းသော အကောင်များ မှာ မြေကြွက်များ တင်မကပါ။ ဖား၊ ငါးရှဥ့်၊ မြွေ စသည့် သတ္တဝါ ပေါင်းစုံ မှ ရရာ အသားများ ကို လည်း ဖမ်းဆီး တတ်သေးကြောင်း ကိုသိန်းမျိုးခိုင် က ဆိုသည်။ ထိုသို့သော အကောင် များ တွင်လည်း ဈေးကွက် ရှိသည်။ အဝယ်ဒိုင် ရှိသည်။



ကြွက်ကား ယမကာနှင့် လိုက်ဖက် ညီလှစွာသော အမြည်း အဖြစ် သီးသန့်ဈေးကွက် ရှိသည်။ ဥပမာ အားဖြင့် သင်္ဃန်းကျွန်း မြို့နယ် လေးထောင့်ကန် မှ ကြွက်ဒိုင်။


 














ထိုအခါ အခြား အမယ် စုံလှ စွာသော အသားများ၊ အကောင် ပလောင် များကား အဘယ်သို့ မြန်းနေသနည်း။ ယင်း သတ္တဝါမျိုးစုံ တို့အား ငွေကြေး အဖြစ် ပြောင်းလဲပေးမည့် နေရာ အချို့ ရှိလေသည်။

အင်းစိန် ဘိုကုန်းရပ်ကွက် ရှိ လမ်းကြားငယ် တစ်ခုမှ ဖျော်ရည်လုပ်ငန်း ဟု ခေါင်းစဉ် တပ်ထားသော အဆောက် အအုံ တစ်ခု မှာ ယင်းသို့သော နေရာများ အနက် ထင်ရှားသော ဌာနေတစ်ခုဖြစ် သည်။

 ဖျော်ရည် လုပ်ငန်း ဟု တပ်ထားသော ဆိုင်းဘုတ်အောက် တွင် ရှိသည့် ထို အဆောက်အအုံ မှာ လာသမျှ အသားမျိုးစုံ ကို ပိဿာ       ချိန်ဖြင့် ဝယ်ယူ လက်ခံရာ ဒိုင် တစ်ခုလည်း ဖြစ်သည်။

ဖျော်ရည် လုပ်ငန်း ဟု ခေါင်းစဉ် တပ်ထားသော် လည်း တစ်ချိန် က ဖျော်ရည် အတု ပေါင်းစုံပြုလုပ်ရာ လုပ် ငန်း တစ်ခုဖြစ်ခဲ့ ပြီး ယခုအခါ အသားစိမ်း ဝယ်သည့် ဒိုင် တစ်ခု ဖြစ်နေသည်ဟု အဆိုပါ ရပ်ကွက် တွင် နှစ်ပေါင်း သုံးဆယ်ကြာ နေထိုင်ခဲ့ သူ မီးရထား ဝန်ထမ်းဟောင်း ဦးကျော်လွင် က ပြောပြသည်။

အကောင် မျိုးစုံ၊ အသား မျိုးစုံ ဆိုရာတွင် ကြွက် ၊ မြွေ ၊ ဖား  တို့မှ အစ ပုတ်သင်ညို၊ ကင်းလိပ်ချော၊ ကြောင် ၊ ခွေး အပါ အဝင် မည်သည့် အသား မဆို အကောင် အမျိုးအစား အလိုက် ပိဿာ     ချိန်ဖြင့် ဝယ်ယူကြောင်း ကိုသိန်းမျိုးခိုင်က ရှင်းပြသည်။

“ဖား ကတော့ စားလို့ ရတဲ့ ဖားဆို တခြားရောင်း တာပေါ့။ စား မရတဲ့ ဖားခုံညင်း လို၊ ဖားပျံ လိုတွေကျ သူ့ဆီပဲ သွင်းကြတာ။ ရေမြွေ တို့ တခြား အကောင်ပလောင်တွေ လည်း ဒီလို ပါပဲ” ဟု ၎င်းက ဆိုသည်။

လမ်းဘေး တွင် အတိုအစ လိုက်ကောက်သည့် ကလေးငယ်များ လည်း လမ်းဘေးတွင် တိရစ္ဆာန် အသေကောင် များ တွေ့လျှင် ကောက်လာကြပြီး အဆိုပါနေရာ တွင် လာရောက် ရောင်းချတတ်ကြသည်ဟု အဆိုပါ ရပ်ကွက် အတွင်းမှ သိရသည်။

အချို့ကလေး များ ဆိုလျင် လမ်းဘေး မှ ပုတ်သင်ညို အသေများ၊ ကင်းလိပ်ချော အသေ များ၊ ကြွက်သေ များ ကို ပလတ် စတစ်ဖြင့် ထုပ်ယူလာသည် များ ကိုလည်း တွေ့ရလေ့ ရှိကြောင်း ဦးကျော်လွင် က ဆိုသည်။

ကြွက်သီးသန့် မုဆိုးများ ကမူ ဈေးကောင်း ရသော လေးထောင့်ကန် ကြွက်ဒိုင် တွင် သွားရောင်းတတ် ကြသော် လည်း အင်းစိန် ဘိုကုန်း ရပ်ကွက် မှ ဒိုင်မှာ အမယ်စုံ အသားများ သွင်းလို သူတို့ အတွက် ပိုက်ဆံ ရှာရာ ဖြစ်သည်။

“ကျွန်တော်တို့ ကျတော့ နေတာ က ရွှေပြည်သာ ဆိုတော့ လမ်း သင့်တဲ့ ဒီ အင်းစိန်က အသားစုံ ဒိုင်မှာပဲ လာ သွင်းလိုက်တာ၊ ဈေးတော့ နည်းတာပေါ့” ဟု ကိုသိန်းမျိုးခိုင် က ဆိုသည်။

ယင်း ဒိုင်မှပေးသော ကြွက်ဈေး မှာ နည်းပါးသော်လည်း ကြွက် အပါအဝင်နှင့် သူ၏သားဖြစ်သူ ရှာလာသည့် အခြား တိရစ္ဆာန်မျိုးစုံ ကိုပါ သွင်းနိုင် သဖြင့် အဆင် ပြေကြောင်းလည်း သူက ဆိုသည်။

အဆိုပါ အသားဒိုင်တွင် ဒိုင်ချုပ် ဟု ထင်ရသော ငွေကိုင်သူ တစ်ဦးနှင့် လာပို့သော သတ္တဝါ များကို အရေခွံ ဆုတ်ခြင်း၊ အမွေးနုတ် ခြင်း၊ အရိုးထုတ်ခြင်းနှင့် အသားတုံး အဖြစ် ခုတ်ပေးရသည့် အလုပ်သမား အမျိုးသား ခြောက် ဦးခန့် ရှိနေတတ်သည်။

“လာသွင်း သမျှ တိရစ္ဆာန်တွေ ကို အရေခွံ ဆုတ်ပြီး အသား တုံးလေးတွေ ဖြစ်အောင် ခုတ်ပေး ရတယ်” ဟု သင်္ကြန်ရက် အတွင်း အလုပ်သမား ရှားပါးစဉ် က ထိုနေရာတွင် ခေတ္တ ဝင်ရောက် လုပ်ကိုင် ခဲ့ဖူးသူ ဘိုကုန်း ရပ်ကွက်နေ ကိုဇော်တူး က သူ့ အတွေ့အကြုံကို ရှင်းပြသည်။

တစ်ခါ တစ်ခါ မြင်းသား ဟုဆိုသည့် အသားတုံးကြီး များ လာရောင်း သူများ ရှိသည်ကို တွေ့ရကြောင်း ၎င်း က ဖြည့်စွက်သည်။

အသား များကို မည်သည့်နေရာ တွင် မည်သို့ အသုံးပြုနေသည် ဟု ၎င်းတို့ ရေရေ ရာရာ မသိခဲ့ရ။
“ငါးခူမွေးမြူရေး အတွက် အစာ လို့တော့ ပြောတယ်” ဟု ကိုဇော်တူး က ဆိုသည်။

သူတို့ ခုတ်ထစ်ပြီးသား အသားတုံး များကို ရေခဲပုံးများ အတွင်း စနစ် တကျ ထည့်ပြီးနောက် အအေးခန်း ကား တစ်စီး က နှစ်ရက် တစ်ခါ လာသယ်ယူ သွားတတ်ကြောင်း ရပ်ကွက်အတွင်း မှ သိရသည်။

ယင်း ဒိုင်မှ တစ်ဆင့် ထုတ်လုပ် လိုက်သော ကြွက်၊ မြွေ ၊ ဖား တို့မှ အစ ပုတ်သင်ညို၊ ကင်းလိပ်ချော၊ ကြောင် ၊ ခွေး စသည့် ရရာ အသားတုံး အစုံ များသည် မည်သည့် လုပ်ငန်း၊ မည်သည့်နေရာ တွင် ကုန်ချော အဖြစ် အသွင်ပြောင်းကြ သနည်း။

အင်းစိန် ဘိုကုန်းတွင် ဖွင့်လှစ် ထားသည့် အသားစုံ ဒိုင်နှင့် ဆက်နွှယ်နေသူ မှာ တစ်ချိန် တစ်ခါ က ဖျော်ရည် တု၊ အရက် တု လုပ်ငန်းဈေးကွက် တွင် ဘုရင် တစ်ဆူဖြစ်ခဲ့ပြီး ယခု အခါ အသင့် စား ငါးအူချောင်းနှင့် ကိုရီးယား အကင် မျိုးစုံ လောက တွင် နေရာယူနေသူ တစ်ဦး ဖြစ်ကြောင်း လသာမြို့နယ် အတွင်းရှိ အမည် မဖော်လို သူ စီးပွားရေး လုပ်ငန်းရှင် တစ်ဦး က ထုတ်ဖော်ပြောဆို သည်။

သူ့ အဆိုအရ အသင့်စား အကင် လုပ်ငန်း များ ခေတ်စား လာပြီးနောက်ပိုင်း ယင်းလုပ်ငန်းရှင် မှာ တရုတ်နိုင်ငံ မှ ကျွမ်းကျင် သူ အချို့ ငှားရမ်းကာ ပြည်တွင်း တွင် ထုတ်လာခြင်းဖြစ်ကြောင်း သိရသည်။

အဆိုပါ လုပ်ငန်းရှင် သည် လသာမြို့နယ် အတွင်း ရှိ အဆောက်အအုံ တစ်ခုတွင် တရုတ်နိုင်ငံသား ကျွမ်း ကျင် သူနှစ်ဦး၊ အမျိုးသမီး အလုပ်သမားငယ် ၁၀ ဦးကျော် တို့နှင့်အတူ ဝက်အူချောင်း၊ ကြက်အူချောင်း၊ ငါးအူချောင်းနှင့် ကိုရီးယား အကင် ထိုး တံဆိပ် မျိုးစုံ ကို ထုတ်လုပ်နေသူ ဖြစ်ကြောင်း လည်း ဈေးကွက် အတွင်း မှ စုံစမ်း သိရှိရသည်။

လသာမြို့နယ် ရှိ အဆိုပါ လုပ်ငန်းတွင် လုပ်ကိုင်ခဲ့ဖူးသူ များ အနက် အသက် ၂၁ နှစ် အရွယ် မဖြူလေးသည် လည်း တစ်ဦး အပါအဝင် ဖြစ်သည်။

“ညီမ တို့က ကား နဲ့ သယ်လာတဲ့ အသားတွေ ကို စက် နဲ့ ကြိတ်ပေး ရတာ။ ကျန်တာ ကိုတော့ တရုတ်နှစ်ယောက် နဲ့ အစ်ကိုကြီး သုံးယောက်ပဲ ကိုင်တယ်။ ညီမ တို့က အသားကြိတ်တဲ့ အထိပဲ သိတယ်” ဟု မဖြူလေး က ပြန်လည်ပြောပြသည်။



 


















လစာ အတော် အသင့် ကောင်းသော် လည်း အလုံပိတ် ထားသော အဆောက် အအုံ အတွင်း အသားပေါင်း စုံ ၏ ညှီနံ့ များကြောင့် ရင်ကျပ်ရောဂါ ဖြစ်လာသည့် အတွက် မဖြူလေး မှာ ယခုအခါ သိမ်ကြီးဈေးရှိ အထည် ဆိုင် တစ်ခုတွင် ပြောင်းလဲ လုပ်ကိုင်နေရသည်။

“အသားတုံးတွေ က အင်းစိန် က သူဌေး ရဲ့ ဆိုင်ခွဲ ကနေ သယ်လာတာ လို့တော့ သိတယ်။ သူဌေးက သား သတ်ရုံတွေ က ပိုတဲ့ အသားတွေ လေလံဆွဲတာ လို့ ပြောသံ ကြားတယ်။ ဒါပေမဲ့ အသားတုံးတွေ က တော်တော်ကောင်းကောင်း တွေ လည်း ပါတယ်” ဟု အသားတုံး များ လာရာ လမ်းနှင့် ပတ်သက်ပြီး မဖြူလေး က သိသမျှ ပြန်လည် မျှဝေသည်။

ဈေးကွက် အတွင်း ရောင်းချနေ သည့် အသင့် ကင်စားနိုင်သော အသားတုံး များ တွင် ကြက်၊ ဝက်၊ ငါး စသည်ဖြင့် အမည် အမျိုးမျိုး ရှိသည်။ အသားတုံး များ အတွင်းတွင် ယင်း အမည် အတိုင်း အသားများ ပါပါ ၏လော။

ကိုသိန်းမျိုးခိုင် တို့ ရန်ကုန်မြို့တော် အတွင်း ရှိ မြောင်းများ၊ လမ်းဘေးများ၊ ဈေးများ အတွင်းမှ ဖမ်းဆီးကာ စတင် လည် ပတ်လာသော အသားစုံ စက်ဝန်း သည် စားသုံးသူ များ နေ့စဉ် စားသုံးနေသော အသားတုံး များတွင် အဆုံးသတ်နေ သလော။

အသားတုံး စက်ဝန်း မည်သို့ လည် ပတ်နေသည် ကို စေ့စေ့ ငုငု မသိရှိဘဲ စားသုံးနေကြသူ အများအပြား ရှိသည်။

အလုံမြို့နယ် ဆင်မင်းဈေး အနီးတွင် နေထိုင်သည့် အသက် ၃၂ နှစ် အရွယ် အိမ်ရှင် မ မသဉ္ဇာဦး က “ကိုယ် တိုင်လည်း မကြာ ခဏ ဝယ်စားဖြစ်တယ်။ အိမ်က ကလေးတွေ ကလည်း ကြိုက်တယ်” ဟု ဆိုလေသည်။

အသားတုံး အမည်တပ် အသင့်စား အသားတုံးများ အတွင်းရှိ အသားများ မှာ မည်သို့ အသားဓာတ်၊ အာဟာရ ဓာတ်၊ ဘေးထွက် ဆိုးကျိုး၊ ကျင့်ဝတ်မဲ့ စီးပွားရေး သမား ၏ လက်စွမ်းပြမှု များ ပါဝင်နေ သနည်း။

FDA ဟု အတိုကောက်ခေါ်သော အစား အသောက်နှင့် ဆေးဝါး ကွပ်ကဲရေး အဖွဲ့အနေနှင့် မူ အစား အသောက် များ တင်သွင်းခွင့်၊ ထုတ်လုပ် ခွင့် လာရောက် လျှောက်ထားမှုများ ကို ပါဝင် ပစ္စည်း သေချာစွာ စစ်ဆေးပြီးမှ ထောက်ခံလေ့ ရှိကြောင်း ယင်းဌာန မှ ဒေါက်တာထွန်းဇော် က ရှင်းပြသည်။

“လူထု အတွက် အန္တရာယ် ရှိတဲ့ အစားအသောက်တွေ ကို ခိုးထုတ်ပြီး ဈေးကွက် ထဲ ပြန့်နေတယ် ဆိုရင် လည်း သတင်း ရတာနဲ့ စိစစ်ပြီး သိမ်းဆည်း အရေးယူလေ့ ရှိပါတယ်။ ဒါက စားသုံးသူဘေး အန္တရာယ် ကင်းရှင်းရေး အပိုင်းပါ” ဟု ၎င်းက ဆိုသည်။

သို့သော် ‘ဘာမှန်း မသိသော’ အသား များ ပါဝင်နေသော ကိစ္စမှာ FDA တွင် တာဝန် မရှိဘဲ မွေးမြူရေးနှင့် ကုသရေး ဦးစီးဌာန ၏ လုပ်ပိုင်ခွင့် သာ ဖြစ်ကြောင်း ဒေါက်တာထွန်းဇော် က ရှင်းပြသည်။

“လုပ်ပိုင်ခွင့် မရှိသေးတဲ့ အတွက် ကျွန်တော်တို့ မှာ သားငါး အရောအနှော တွေ ကို စိစစ်ဖို့ လူ၊ ကျွမ်းကျင်မှု၊ နည်းပညာ၊ စက်ပစ္စည်းတွေ မရှိတာလည်း ပါပါတယ်” ဟု သူက ပြောဆိုသည်။

တစ်ချိန်က ပုလိပ်ရောဂါတည်း ဟူသော ကပ်ဆိုးကြီးဖြင့် ကမ္ဘာ ကို ကိုင်လှုပ် ခဲ့သည့် ကြွက်တို့၏ အသားများ ၊ မြန်မာ တို့ ရှောင်ကြဉ်လေ့ ရှိသည့် ဖားခုံညှင်း၊ ဖားပျံ များ၊ ကင်းလိပ်ချော၊ ပုတ်သင်ညို၊ မြွေတို့ အပြင် အခြား အမည်မသိ အသားပေါင်းစုံ တို့ကား ကိုသိန်းမျိုးခိုင် တို့လို ကြွက် မုဆိုးများ ထံမှ အဆိုပါ အသားစုံဒိုင် သို့ ရောက် ကြ ရသည်။

ဘိုကုန်း အသားစုံ ဒိုင်မှ ဝယ်ယူ ခုတ်ထွင် တုံးယူပြီးသော အသားတစ် များသည် မည်သည့်နေရာ သို့ သွားကြ သနည်း။ ငါးခူမွေးမြူရေး ဆိုသော နေရာ သို့ အမှန်တကယ် ရောက်ရှိ သည်လား။ မဖြူလေး တို့ ညှီနံ့ တထောင်းထောင်းဖြင့် ကြိတ်ပေး ရသော သားသတ်ရုံ မှ လေလံ ဆွဲ လာသည် ဆိုသည့် အသားတုံးများ ကရော အမှန် တကယ်ပင် သားသတ်ရုံ များမှ လာလေသည်လား။

အသားစုံ သံသရာ စက်ဝန်း အတွက် မေးခွန်းများ က ထပ်နေသည်။
“ကျွန်တော်သိထား တာ ကတော့ အင်းစိန်ဘိုကုန်း က အသားဒိုင်ရော၊ လသာ မှာ အကင်ထိုး လုပ်တဲ့ အဲဒီ လုပ်ငန်း ပါ ပိုင်ရှင် ကတော့ တစ်ယောက်တည်း ပါပဲ” ဟု လသာမြို့နယ် အတွင်း ရှိ အမည် မဖော် လိုသူ စီးပွားရေး လုပ်ငန်းရှင် ကတော့ အတိအကျ ဆိုလေသည်။

 http://thevoicemyanmar.com/index.php/article/item/7746-amt#sthash.Ys58kROa.pLg9SdCH.dpuf 
 http://thevoicemyanmar.com/index.php/article/item/7746-amt