Sunday, January 22, 2017

ချစ်သူနှစ်ဦးပေါင်းဖက်ဖို့ နေ့နံတွေ လိုပါသလား....



နေ့နံဆိုတာ လူတွေရဲ့စိတ်ကိုကောင်းအောင်ဆိုးအောင် လုပ်လို့မှမရတာ။
တစ်ယောက်နဲ့တစ်ယောက် တည့်တယ်ဆိုတာရောမတည့်ဘူးဆိုတာရော နေ့နံနဲ့မဆိုင်ဘူးလို့ ထင်ပါတယ်။
တစ်ယောက်နဲ့တစ်ယောက်.......

♦ခွင့်လွတ်နိုင်ရမယ်။
♦နားလည်ပေးနိုင်ရမယ်။
♦သဘောထားကြီးရမယ်။

ဒါဆိုရင် အဆင်ပြေအောင် ပေါင်းလို့ ရပါတယ်။ နေ့တွေနဲ့ မဆိုင်ပါဘူး။

နေ့နံ တည့်တယ် ဆိုပြီး တစ်ယောက် နဲ့ တစ်ယောက် ချစ်ခင်မှုလည်းမရှိ ၊ မြတ်နိုးမှုလည်း မရှိ သည်းခံ မှု လည်း မရှိဘူး ဆိုရင် ဘယ်လိုအတူနေကြမလဲ။




●နေ့နံတည့်တယ် ဆိုပြီး ကွဲကြတာ အများကြီး။
●နေ့နံ မတည့်ပေမယ့် ပေါင်းနေကြတာ အများကြီး။

နေ့နံနဲ့ မဆိုင်ပါဘူး။ လူနဲ့ပဲဆိုင်တယ်။ လူက အဓိကပါပဲ။ အဆင်ပြေအောင်နေနိုင်တာ ကိုယ်လုပ်တာပါပဲ။
အဆင်မပြေအောင် လုပ်တာလည်း ကိုယ်ပါပဲ။ အဆင်ပြေအောင်နေနိုင်တာလည်း 
ကိုယ်ပါပဲ ။

 ချစ်သူနှစ်ဦးရဲ့ “စိတ်” ပါပဲ။ အဆင်ပြေအောင် မနေနိုင်တာလည်း၊ ချစ်သူနှစ်ဦးရဲ့ “စိတ်” ပါပဲ။“အဆင်မပြေတဲ့ စိတ်” တွေကို ပြင်လို့ရရဲ့သားနဲ့၊ “ဘာမှကောင်းကျိုး မပေးတဲ့ မာန” တွေနဲ့ တင်းခံနေတယ်။ 

အကြောင်းဆက်လို့ ပေါင်းဖက်ပြီးပြီပဲ။ ဒီ မာနဘာလုပ်မှာလဲ။ ဘယ်နေရာမှာမှ အကျိုးမရှိပါဘူး။

“နေ့တွေ ၊ နံတွေ” ထက် “ စိတ်တွေ ” က ပိုပြီးအရေးကြီးပါတယ်။ ချစ်ကြသူတိုင်း အဆင်ပြေကြပါစေ။




ဖိုးသူတော် (www.phothutaw.com)
Credit:- အရှင်ဝိလာသဂ္ဂ (ဗောဓိမြိုင်သစ္စာရွှေပြည်ဓမ္မရိပ်သာဆရာတော်)

Dhamma Dãna Source ► www.facebook.com/youngbuddhistassociation.mm



No comments:

Post a Comment