Monday, January 23, 2017

အငှါးမယား စနစ်တွေ တွင်ကျယ် လာတဲ့ မဟာရန်ကုန်မြို့က အငှါးမယားလိုက်သူ ပြောပြချက်



အသားဖြူဖြူနှင့် ငယ်ရွယ် ပျိုမျစ်သည့် အလှတရား များအား ပိုင်ဆိုင်ထားသူ အသက် ၂၂ နှစ် အရွယ် မိန်းကလေး တစ်ဦး သူ၏ မျက်နှာပေါ်တွင် တန်ဖိုးအသင့်အတင့် ရှိသည့် မိတ်ကပ်ကို လိမ်းခြယ်ထားပြီး ကြက်ေ သွးရောင်နှုတ်ခမ်းနီကို ခပ်စိုစိုကလေး ဆိုးထားသည်။

ကျောလယ်လောက်အထိ ရှိသည့် ဆံပင်မှာ ဖြောင့်စင်းလျက်။ သူဆင်ယင်ထားသော အဝတ်အစားမှာ မြန်မာ ဆန်ဆန် ရင်ဖုံး လက်ပြတ်နှင့် စည်းလုံချည်လေးဖြစ် သည်။

သို့သော် သူ လက်ရှိ အသက်မွေးဝမ်းကျောင်း ပြုနေရသည်မှာ အမျိုးသားတစ်ဦးနှင့် တရားဝင် လက်ထပ်ထားခြင်း မရှိဘဲ ရက်ရှည်ကြာ ပေါင်းသင်းနေရသည့် အငှားမိန်းမ ဘဝ ဖြစ်နေသည် ဆိုခြင်းကို မည်သူ ယုံနိုင်ပါ မည်နည်း။

''ကျွန်မ ဒီအလုပ် ကို လက်ခံတာ နှစ်ကြိမ် ရှိပြီ။ ပထမ လက်ခံတဲ့ လူက အသက် ၃ဝ ကျော်ပဲ ရှိတယ်။ သူက သဘောကောင်းတော့ နောက်တစ်ယောက်ကိုပါ ထပ်လက်ခံလိုက်တာ''ဟု မဇာခြည်(အမည်လွှဲ)က ပြော သည်။ သူ လက်ခံသည် ဆိုသည့် အလုပ်မှာ အမျိုးသား တစ်ဦးနှင့် တိုက်ခန်း တစ်ခန်းတွင် တစ်လ တန်သည်၊ နှစ်လ တန်သည် အတူနေပေးရသည့် အငှားမယား ဟု ဆိုရမည်ဖြစ်သည်။

ပြည့်တန်ဆာများကို ညည့် ငှက်၊ သွေးသားဈေးသယ်၊ ဇယား၊ လိင်ပိုင်းဆိုင်ရာကို အခကြေး ငွေယူ၍ ဖျော်ဖြေသူ အစရှိသဖြင့် ခေါ်ကြပြီး ထိုစကားလုံးများ ထက် နူးညံ့စွာ ဖြစ်ပေါ်လာသော စကားမှာ အငှားမယားပင် ဖြစ်လေတော့ သည်။

လှိုင်မြို့နယ် အတွင်း သန့်ရှင်း သပ်ရပ်စွာ ပြင်ဆင် ထားသော လေးထပ်တိုက် ခန်း တစ်ခု မှာ မဇာခြည် တစ်ယောက် သူ့ကို ခေါ် ဆောင်ထားသူနှင့် အတူနေရခြင်းဖြစ်ပြီး ပတ်ဝန်းကျင်၏ အမြင်မှာမူ လင်မယား ဟုပင် သိထားကြဟန်ရှိသည်။

မဇာခြည်မှာ မကွေးတိုင်းဒေသကြီး စလင်းမြို့နယ်မှ ရန်ကုန်မြို့သို့ လာရောက်၍ အထည်ချုပ် စက်ရုံ တစ်ရုံ တွင် လေးနှစ် နီးပါး အလုပ် လုပ်ကိုင်နေသူ တစ်ဦးဖြစ်သည်။ သူသည် မိသားစု စားဝတ်နေရေး အခြေအနေ ကြောင့် ဆယ်တန်းအထိသာ ပညာ ဆည်းပူးခဲ့ရပြီး ညီအစ်မ ဝမ်းကွဲ ၏ အကူအညီဖြင့် ရွှေပြည်သာမြို့နယ်ရှိ အထည်ချုပ် စက်ရုံ တစ်ရုံတွင် ပထမဆုံး ဝင်ရောက်လုပ်ကိုင်ခဲ့ခြင်းဖြစ်သည်။

သို့သော် ၎င်း ရရှိသည့် လစာကို မိသားစုထံ ပြန်မပို့နိုင်ရုံသာ မက အဆောင်လခ၊ ဝမ်းစာနှင့်ပင် လုံးလည် လိုက်နေသောကြောင့် အဝတ်အထည် ကိုပင် လူတန်းစေ့ ဝတ်ဆင်နိုင်ရန် မနည်း ရုန်းကန် ရသည်ဟု ဆိုသည်။

''အထည်ချုပ်မှာ လုပ်တုန်းကဆို ဇက်ကြောတွေက တက်၊ ခွဲတမ်း မပြီးရင် Leader တွက အော်ဟစ်ပြီး ဆဲတော့တာ။ တစ်လကို ဝင်ဝင်ချင်း တုန်းက ခုနစ်သောင်း၊ နောက်နှစ်တွေကျမှ တစ်သိန်း လောက်ပဲ ရတာ၊ ပင် ပန်းသလောက် လစာ မရခဲ့ဘူး''ဟု သူ ရပ်တည်ခဲ့ရပုံကို ပြောပြသည်။

အဆိုပါ စက်ရုံတွင် ရိုးရိုးသားသား လုပ်ကိုင်စားသောက်ရာမှ ယခုကဲ့သို့ ဘဝမျိုးထဲတွင် ကျင်လည်တတ်ရန် ခေါ်ဆောင်ပေးခဲ့သူမှာ အတူအလုပ် လုပ်နေသည့် ဝန်ထမ်းထဲမှ အမျိုးသမီးတစ်ဦး ဖြစ်ကြောင်း သိရသည်။

ယင်းက ''အလုပ်ထဲက သူငယ်ချင်း တစ်ယောက်က ယောက်ျားနဲ့ မိန်းမဖြစ်တာ ဘာဆန်းလဲ။ ဒီမှာပဲ ဆက်ပြီး အလုပ် လုပ်နေရင် ဘာမှဖြစ်မလာ ဘူး။ နင်က ရုပ် လှတော့ သူက (ငှားရမ်းသည့်လူ) အတည် တစ်ကျတောင် လက်ထပ်ချင် လက်ထပ်မှာ ဆိုတာနဲ့ ဒီအလုပ်ကို လုပ်ဖြစ်သွားတာပါ'' ဟုဆိုသည်။



ပထမဆုံး လက်ခံခဲ့သည့် အမျိုးသားက စက်ရုံ တစ်ခုတွင် မန်နေဂျာအဆင့် ရှိကာ သူ့ကို ခရေပင်လမ်းခွဲ သို့ လာရောက်ခေါ် ဆောင်ပြီး မရမ်းကုန်းမြို့နယ်ရှိ တိုက်ခန်း တစ်ခုတွင် အတူနေထိုင်ခဲ့ကြခြင်းဖြစ်ကြောင်း သိရသည်။ ထိုစဉ်အခါကလည်း တိုက်ခန်း ငှားရမ်းစဉ်က လင် မယားဟု ပြောကြားထားဟန်ရှိကြောင်း သူက ဆက်လက်ပြောပြသည်။

အငှားမယား အဖြစ် စတင်နေပေးချိန်က ပထမဆုံး လစာအ နေဖြင့် တစ်လ ငါးသိန်းပေးပြီး စားသောက် စရိတ်၊ မီတာခ၊ စုစု ပေါင်း ငါးသိန်းပေးထားကြောင်း၊ အသုံးစရိတ်မှာ ငါးသိန်း အထိ မကုန်လျှင် ပိုသည့်ငွေ ကို ပြန်မယူတော့ဘဲ သူ့ကိုပေးတတ်ကြောင်း သိရသည်။

ယခု ငှားရမ်းသည်ကို လက်ခံသည့် အခါတွင်မူ သူ့မှာ အပျို မစစ်တော့သောကြောင့် တစ်လ သုံးသိန်းသာ ရတော့ပြီး အဆို ပါ အမျိုးသားထံ လာရောက်သည့် သူငယ်ချင်းများ ကိုပါ ဧည့်ခံပေးရကြောင်း သူက ဆိုသည်။

''သူ အရက်သောက်မယ်ဆို အရက် ငှဲ့ပေးရတယ်။ နင်းပေး၊ နှိပ်ပေးရတယ်။ သူက မြစ်သာ ဘက်ကလို့ ပြောတယ်။ ဒီမှာကြာကြာ မနေရဘူး။ သင်္ဘော ပြန် တက်ရမှာနဲ့ အိမ်ပြန်ဖို့လဲ အဆင်မပြေလို့ ခုလိုပဲ အိမ်ငှားပြီး မိန်းမပါ အငှားယူတာလို့ ပြောတယ်''ဟု မဇာ ခြည်က ခပ်ပေါ့ပေါ့ ဆိုပြန်သေးသည်။

မဇာခြည် ကဲ့သို့ပင် တစ်ချို့ စက်ရုံ ဝန်ထမ်းသမလေးများသည် သင်္ဘော သား၊ စက်ရုံ၊ ကုမ္ပဏီများမှ ရာထူးအဆင့် တစ်ခု ရှိနေသူ များနှင့် အငှားမယား အဖြစ် အသက်မွေးဝမ်းကျောင်း ပြုနေကြသလို တစ်ချို့ အိမ် အကူများနှင့် ပြည့်တန်ဆာများသည်လည်း နိုင်ငံ ခြားသားများနှင့် အတူနေထိုင် ကာ ထို အလုပ်မျိုး လုပ် ကိုင်နေကြ ကြောင်း သိရသည်။

ပြည်တွင်း၌ လာရောက် ဖွင့်လှစ်သည့် နိုင်ငံခြား ကုမ္ပဏီများမှ နိုင်ငံခြားသား သို့မဟုတ် စက်ရုံ၊ ကုမ္ပဏီများရှိ နိုင်ငံခြားသား အ များစုတွင် အငှားမယား မြန်မာ မိန်းကလေးများ ရှိနေပြီး များသော အားဖြင့် ဂျပန်၊ တရုတ်၊ ကိုရီးယား အစရှိသည့် အာရှနိုင်ငံသားများက ပိုမို ငှားရမ်းကြောင်း သိရသည်။

အထက်ဖော်ပြပါ အခြေအနေများထက် ပိုဆိုးသည့် အကြောင်း အရာ တစ်ခုမှာ ချောမောလှပသည့် အမျိုးသမီးငယ်များကို လူမှုကွန် ရက်တွင် စတင်မိတ်ဆက်ပြီး ချစ်ကြိုက်လာသည့် အခါ လစာမပေးဘဲ အတူနေသည့် နိုင်ငံခြားသားများ၊ ကုမ္ပဏီများမှ အရာရှိများရှိ နေခြင်းဖြစ်သည်။

''သူနဲ့ ကျွန်မ က We Chat မှာ တွေ့တာ။ အပြင်မှာ နှစ်ခါ ချိန်း တွေ့ပြီး သူက တိုက်ခန်း ဝယ်ပြီး အတူနေဖို့ တောင်းဆိုတယ်။ အ ဆောင်မှာ စိတ်မချတော့ဘူး။ ဒါပေမဲ့ အခု လက်ထပ်ဖို့က အဆင် မပြေနိုင်သေးလို့ နောက်နှစ် လက်ထပ်မှာလို့လဲ ပြောခဲ့တာ'' ဟု ကုမ္ပဏီတစ်ခု တွင် ဒါရိုက်တာ အဖွဲ့ဝင်ဖြစ်သော ရှမ်းတရုတ် လူမျိုးတစ် ဦးနှင့် အတူနေထိုင်ခဲ့သူ မခိုင်ခိုင် (အမည်လွှဲ)က ပြောသည်။

မခိုင်ခိုင်က အိမ်တွင် ၄င်းတို့နှစ်ယောက်စာ ချက်ပြုတ်စား သောက်ရန် တစ်လ ငါးသိန်းပေးပြီး စတင်နေထိုင်စဉ်က ငွေကျပ် ၁ဝ သိန်း ကိုလည်း သီးသန့်စုဆောင်းရန်ဟု ဆိုကာ ပေးခဲ့ကြောင်း သိရသည်။

အတူနေပြီး ရက်အနည်းငယ်အကြာတွင် ထိုသူမှာ အလွန် ဇီဇာကြောင်ပြီး အိမ် အတွင်း ဖုန် တစ်မှုန့်တင်တာ တွေ့သည်ဆို သည်နှင့် ကြိမ်းမောင်းပြောဆို တတ်ကြောင်း၊ သူ နေမကောင်းဖြစ်လျှင်လည်း ဂရုမစိုက်သည့် အပြင် အိမ် တွင် သူ့ကို ထားခဲ့ကာ ဟိုတယ် ၌ တစ်ယောက်တည်း သွားရောက် တည်းခိုနေတတ်ကြောင်း သူက ဆက်ပြောပြသည်။

''သူ ကျွန်မကို ချစ်လို့ အတူနေနေတာ လို့ပဲ ထင်ခဲ့တာ။ နောက် ပိုင်း သူ့ လုပ်ရပ်တွေ ကို ကြည့် ပြီးတော့ တစ်ဖြည်းဖြည်း ရိပ်မိလာတယ်။ လက်ထဲမှာ သီးသန့် အပ်ထားတဲ့ငွေ ကိုလဲ အလုပ်မှာ ပိုတိုး အောင် လုပ်ပေးမယ်။ ရလာတဲ့ အမြတ်ကို မင်းပဲ ရမှာဆိုပြီး ပြန် တောင်းတယ်။ နောက်ပြီး သူ့ အလုပ်က ဝန်ထမ်းထဲ က အရမ်းတော်တဲ့ ကောင်မလေး ဆိုပြီး မိန်းကလေး တစ်ယောက်ဆီကို ည တိုင်း ဖုန်းဆက်တယ်။ မေးရင်လဲ နောက်တာလို့ပဲ ပြန်ဖြေတယ်။

သူ့ ဖုန်းကို ပေး မကြည့်ဘူး''ဟု မခိုင်ခိုင် က ရင်ဖွင့်သည်။ နောက်ပိုင်းတွင် ယင်းအမျိုးသား ၌ မယားကြီး ရှိပြီး ထိုအမျိုး သမီးမှာ ၎င်းတို့၏ နိုင်ငံခြား ရုံးခွဲ၌ ဦးဆောင်လျက် ရှိကြောင်းကို ဖွင့်ဟပြောဆိုလာသည်။ ''သူက လူပျိုပါ ဆိုပြီး ပြောခဲ့တာ။ သူ့မှာ အိမ်ထောင်ရှိမှန်း မသိခဲ့ဘူး။ နောက်ပိုင်းမှ သူကိုယ်တိုင် ဖွင့်ပြောပြီး ပထမအိမ်ထောင်ကို ကွာပေးမယ်။ နှစ်နှစ်လောက် ထပ်စောင့်ပါတဲ့။

ဘယ်လိုလုပ် ဖြစ်နိုင်မှာလဲ။ သူ တစ်ကယ် ယူမှာ မဟုတ်ဘူးလို့ ကျွန်မ ခံစားလာရတယ်။ အမေ့ ကို လှမ်းတိုင်ပင်တော့ တရားတွေ ဘာတွေလဲ စွဲမနေနဲ့ တစ် ရှက်ကနေ နှစ်ရှက်ဖြစ်ရမှာတဲ့' 'ဟု သူကပြောသည်။ ထို့ကြောင့် သူ၏ ဘဝ မှာ ဆုပ်လည်းစူး၊ စားလည်းရူးဆိုသလို အငှားမယား ဆန်ဆန် ဖြစ်နေသော်လည်း တစ်ဖက်လှည့် ခံနေရသည်ကို သိသိကြီးနှင့် မည်သည့် တုံ့ပြန်မှုမှ မလုပ်နိုင်သည့် အနေအထားသို့ ရောက်ရှိနေခြင်းဖြစ်သည်။

လက်ရှိတွင် သူ၏ ဇာတိဖြစ်သော ဟိုပုံးမြို့သို့ ပြန်လည်ရောက်ရှိ သွားပြီဖြစ်ကြောင်း သိရသည်။ ရန်ကုန်မြို့တွင်း၌ ရှိနေသည့် အငှားမယား အများစုသည် နယ် အသီးသီးမှ အိမ်အကူ အဖြစ် လာရောက် လုပ်ကိုင်ရာမှ ထိုဘဝကို ရောက်ရှိ သွားခြင်းဖြစ်ပြီး တစ်ချို့ စက်ရုံများမှ ယင်းကဲ့သို့ ဖြစ်လာ သူများကိုမူ ပတ်ဝန်းကျင်မှ အနည်း အကျင်းမျှသာ သိနေကြသည်။

အဆိုပါ မိန်းကလေး အများစုသည် အသက် ၂ဝ နှင့် ၃ဝ ကြား ဆင်းရဲသည့် မိန်းကလေး များဖြစ်ကြပြီး မိသားစု စားဝတ်နေရေးအ တွက်ကြောင့်သာ ယခုကဲ့သို့ ဇာတ်မြှုပ်လိုက်ကြရခြင်း ဖြစ်သည်။ ပညာ မတတ်သူများကို အိမ်အကူ ဆိုသော်လည်း လစာကောင်းသည်ဟု သိမ်းသွင်းခဲ့သူများမှာ မိမိတို့ အကျိုးအမြတ်ကိုသာ ရှေးရှုသည့် အိမ်ဖော် ပွဲစားများဖြစ်ပြီး လက်ခံခဲ့သော အိမ် အကူများအ နေဖြင့် အလုပ်ရှင် နိုင် ငံခြားသားများမှ အနိုင်အထက်၊ အဓမ္မပြုမှု ခံရသည့်အခါ ဆင်း ရဲလွန်းသဖြင့် မငြင်းသာတော့ဘဲ သဘောတူလိုက်ရခြင်းများရှိကြောင်း သိရသည်။

ထိုဖြစ်စဉ်များသည် လူကုန်ကူးမှု တားဆီးနှိမ်နင်းရေး အက်ဥပဒေနှင့် ငြိစွန်းလျက် ရှိသည်။ လူကုန်ကူးမှု တားဆီးကာကွယ်ရေး ဥပဒေ (၅/၂ဝဝ၅) အခန်း (၁)၊ အပုဒ် (၃) အရ လူတစ်ဦးကို သူ၏သဘောတူညီချက်ရှိသည်ဖြစ် စေ၊ မရှိသည်ဖြစ်စေ ခေါင်းပုံဖြတ်ရန်အလို့ငှာ သိမ်းသွင်း စုဆောင်း ခြင်း၊ သယ်ယူပို့ဆောင်ခြင်း၊ လွှဲပြောင်းရောင်းချ၊ ဝယ်ယူငှားရမ်း ခြင်း၊ ခိုလှုံခွင့်ပေးခြင်းတို့မှာ လူကုန်ကူးမှု မြောက်သည်။

'' တိုင်လို့ရတယ် ဆိုတော့လဲ ကျွန်မတို့ အတွက်က ဘာမှမထူး တော့ဘူး။ ဒီအလုပ် က ဝင်ငွေလဲကောင်းနေတာပဲ။ အငှားမယား မလုပ်နဲ့ ဆိုရင် ဘယ်သူက ဘယ်လို တာဝန်ယူပေးမလဲပေါ့။ ဆင်းရဲ တွင်းထဲမှာ နေတာထက် စာရင် မထူးဇာတ်ပဲ ဆက်ခင်းပါရစေတော့'' ဟု မဇာခြည်က မဲ့ပြုံးပြုံး၍ ပြော သည်။

သူတို့လို မိန်းမသားများ အား မိသားစု စီးပွားရေး အခြေအနေ၊ အလုပ်အကိုင် အခွင့် အလမ်းနှင့် ဝင်ငွေ နည်းပါးခြင်းများက လမ်း ကြောင်းအမှား တစ်ခုသို့ တွန်း ပို့လိုက်သောကြောင့် ယခုလို လိင် ကျေးကျွန်ဘဝ သို့ ရောက်ရှိလာရခြင်း ဖြစ်သည်။

အငှားမယားများ အနေဖြင့် ပြည့်တန်ဆာ လိုပင် ဥပဒေ အကာအကွယ်မဲ့သော၊ အန္တရာယ် များလွန်းသည့် တရားမဝင် အလုပ် တစ်ခုကို စီးပွားရေး အဆင်မပြေနိုင်သေးသမျှ အခြားရွေးချယ်စရာ မရှိသူများအတွက် ထို ဘဝမျိုးဖြင့်သာ ဆက်လက် ကျင်လည်နေရဦးမည်ဖြစ်သည်။


ဖြူသစ်လွင်



No comments:

Post a Comment