ရှေးလွန်ခဲ့ပြီးတစ်ခုသော ဘ၀တွင
ကျောင်းသို့ ရောက်လာသူတိုင်းကို အလိုရှိသမျှ ယူသွားစေ၏။ ထိုအတွင်း ပုဏ္ဏား တစ်ယောက်သည် ဘုရားခြေတော်ရင်း က ပတ္တမြား ကို ခိုးယူပြီး ၀ှက်ထားသည်ကို မြင်သောအခါ စိတ်မကောင်းဖြစ်ရ၏။ မြတ်စွာဘုရားထံ ချဉ်းကပ်၍ နောင်ဘ၀ အဆက်ဆက် ဘုရား တပည့်တော်၏ ပစ္စည်းမှန်လျှင် ချည်မျှင် တစ်မျှင်မျှ မယူနိုင်ပါစေသတည်း-ဟု ဆုတောင်းသည်။ ထိုအခါ ဘုရားရှင်က ခွင့်ပြုတော်မူ၏။
ရှင်တော်ဂေါတမ လက်ထက်တွင် အလွန်ကြွယ်ဝချမ်းသာသော သူဌေးကြီးဖြစ်လာပြန်၏။ မြတ်ဗုဒ္ဓ သီတင်းသုံးရန် အတွက် ကျောင်းဆောက်ရန် မြေရှာ၍ ပြုပြင်ရာ သိကြားမင်းသည် လက်သမား အသွင် ဖန်ဆင်း၍ သူဌေးထံ ချဉ်းကပ်လာ၏။ ဤတွင် မြေပြုပြင်ရေး၊ အစစ လိုလေသေးမရှိ စီမံရေး၊ ကျောင်းဆောက်ရေးတို့ကို စီစဉ်၍ ပြီးစေ၏။ ပြီးလျှင် ရတနာ ခုနစ်ပါးနှင့် ပြည့်စုံသော ဘုံခုနစ်ဆင့် ပြသာဒ်နှင့်တစ်ကွ ရတနာအမျိုးမျိုးဖြင့် စီခြယ်ထားသော အမိုးအကာ၊ နံရံ တံခါး လှေကား စသည်တို့ကို လိုလေသေးမရှိ ထူးခြားအံ့သြဘွယ် ဖြစ်ပေါ်စေ၏။
တနေ့သ၌ ဇောတိက ၏ ကျောင်းကို ကြည့်ရန် ကျောင်းတော်သို့ ဗိမ္ဗိသာရမင်းကြီး ရောက်လာ၏။ သားတော် အဇာတသတ် မင်းသားငယ်ကိုလည်း လက်ဆွဲလျက် ခေါ်လာခဲ့၏။ သားတော်သည် ချက်ချင်း အကြံပေါ်လာ ၏။ ငါ၏ ခမည်းတော်သည် ညံ့လှချေတကား၊ သူဌေး ဆိုသူက ရတနာပြာသာဒ်နှင့် နေနိုင်ပါလျက် တို့ကတော့ သစ်သားနန်းတော်ဖြင့်သာ နေနိုင်၏။ ငါသာ မင်းဖြစ်ခဲ့လျှင် ဤ အဆောက်အအုံ ကို သိမ်းယူမည်- ဟု စိတ် ကူးမိသည်။
အဇာတသတ် မင်းသားသည် ဖခင်မင်းကြီးကို သတ်ပြီးသော အခါ စစ်သည်ဗိုလ်ပါ စုဆောင်း၍ ဇောတိ က နေအိမ်ကို တိုက်ခိုက်ရန် ရောက်လာ၏။ ဤတွင် အရပ်လေးမျက်နှာ၌ နတ်ဘီလူးများ ကာကွယ်စောင့်ရှောက်နေ သဖြင့်
သင်သည် သူတော်ကောင်းယောင်ဆောင်၍ ဘုရား အနားကပ်နေ၏။ သင့်စစ်သည်များကို ငါ့ စစ်သည်များနှင့် တိုက်ခိုက်ရန် စီမံထားခဲ့သည် မဟုတ်လော-ဟု စွပ်စွဲ၏။ ဇောတိက သည် သူ မရှိမီ သူ့အိမ်ကို တိုက်ခိုက်ရန် အဇာတသတ်မင်း သွားသည်ကို ရိပ်မိလိုက်၏။ သူဌေးက အဇာတသတ်မင်းကို-
အရှင် ကျွန်တော်မျိုး သဘောမတူလျှင် ကျွန်တော်မျိုးပိုင်သော ပစ္စည
ထိုအခါ ဇောတိက သူဌေးသည် လောကကြီး၌ နေထိုင်ရန်ငြီးငွေ့သဖြင့် မြတ်စွာဘုရားထံ ခွင့်ပန်ပြီး ရဟန်းပြုသည်။ ထို့နောက် တရားအားထုတ်ရာ မကြာမီ ရဟန္တာ အဖြစ် ရောက်တော်မူလေသည်။ ရဟန္တာဖြစ်သည်နှင့် တပြိုင်နက် သူဌေး၏ ကြီးကျယ် ဆန်းကြယ်သော ဗိမာန်ကြီးနှင့် ခြွေရံ သင်းပင်း ဆင်မြင်း ကျွဲနွား ရထား ဥယျာဉ် စည်းစိမ်တို့သည် အားလုံးပျောက်ကွယ်ကြလေသည်။
သီတင်းသုံးဖော် ရဟန်းများက သင်၏ စည်းစိမ် ဥစ္စာ ရတနာ အလုံးစုံကို သတိရပါသေးသလား-ဟု မေးသော အခါ ဘုရားရှင်က ငါ၏ သားတော် ဇောတိက သည် အရဟတ္တဖိုလ် သို့ ရောက်ပြီးဖြစ်၍ တဏှာ လောဘ သံယောဇဉ် အားလုံး ကင်းရှင်းလေပြီ-ဟု ပြောကာ အောက်ပါဂါထာ ကို ဟောတော်မူလေ၏။
( ပါဠိဂါထာ )
ယောဓ တဏှံ ပဟန္တွာန ၊ အနာဂါရော ပရိဗ္ဗဇေ ။
တဏှာဘ၀ ပရိက္ခီဏံ ၊ တမဟံ ဗြူမိ ဗြာဟ္မဏံ ။ ( ၄၁၇ )
( မြန်မာပြန် )
ဤလောက၌ အကြင်ပုဂ္ဂိုလ်သည် လူ့ဘောင်ကို စွန်ခွါ၍ရဟန်း ပြုလာ၏။
တဏှာကုန်ခန်းလေပြီးဖြစ်သော ထိုသူကို ဗြာဟ္မဏ (သူတော်စင်) ဟူ၍ ငါဘုရား ဟောတော်မူ၏။
( လင်္ကာ )
လူများဖြစ်ပွား၊ နှောင်ဖွဲ့များကို၊ ပယ်ရှားစွန့်ခွါ၊
နတ်မှာဖြစ်ပွား၊ စည်းစိမ်များကို၊ ကျော်လွှား၍သာ၊ လွန်မြောက်လာလျက်၊
လေးဖြာယောဂ၊ ကင်းလွတ်ကမူ၊ ထိုသူကိုသာ၊ ငါက ဗြာဟ္မဏ၊ ခေါ်မြွက်ဟ၏။
( ဗြာဟ္မဏ၀ဂ် ဇောတိကတ္ထေရ၀တ္ထု )......
အရှင်သုမနသာရ(ဖြူး)
Ref:ငွေတာရီ
http://goldenfuture999.blogspot.my/
No comments:
Post a Comment