လူရာဝင်သူ တစ်ယောက်၏ အရည်အချင်းများ

၁။ နေရာလဲပြီး စဉ်းစားတတ်ခြင်း
သူများနေရာဝင်ပြီး စဉ်းစားပေးတဲ့ အကျင့်မျိုးဖြစ်တယ်။ တစ်ယူသန်ခြင်း၊ အတ္တကြီးခြင်း၊ ဗိုလ်ကျ
ခြင်းများကင်းသူများ ဖြစ်ကြတယ်။


၂။ ပတ်ဝန်းကျင်ကို ၀င်ဆန့်လွယ်ခြင်း
သတ္တလောကကြီးဟာ ဘယ်လိုတရားသဘောနဲ့ပဲ ပြည့်ဝနေပါစေ၊ ကြီးနိုင်ငယ်နင်း၊ ၀င်ဆန့်နိုင်တဲ့ သူ နေရာယူသွားတာ များပါတယ်။ လူသားတွေလည်း ဒီလိုပါပဲ၊ သေရေးရှင်ရေး
ဖြစ်လောက်အောင် မယှဉ်ပြိုင်ရပေမဲ့ အရည်အသွေး ထိန်းထားနိုင်တဲ့ လူဟာ ရပ်တည်မူ ရှည်ကြာ သွားတာပါ။


၃။ သူများ အပေါ် သဘောထားကြီးခြင်း
လူရာဝင်ကြတဲ့ သူများဟာ သဘောထားကြီးကြပါတယ်။ ရက်ရောကြပါတယ်။ အသေးအဖွဲ မှာ တွက်ကပ် မနေပါဘူး၊ သူတို့ဟာ ကိစ္စကြီးကြီး ဆိုရင် သတိ ဝိရိယ နဲ့ ကိုင်တွယ်ကြတယ်။ 
မိမိကိုယ် မိမိစည်းကမ်း ကြပ်မတ်နိုင်သူများဖြစ်ကြတယ်။ သူများအပေါ် ခွင့်လွတ်လွယ်တဲ့သူများ ဖြစ်ကြပါတယ်။

လူဆိုတာ စိတ်ရင်းခံကောင်းမွန်ခြင်းဟာ ဥာဏ်ကောင်းခြင်းထက် အရေးကြီးပါတယ်။ ဥာဏ်ကောင်းခြင်း၊ ထက်မြက်ခြင်း ဟာ မွေးရာပါဖြစ်တတ်ပြီး စိတ်ရင်းခံကောင်းမွန်ခြင်းဟာ
ရွေးချယ်မူ တစ်မျိုးဖြစ်ပါတယ်။


၎။ မိမိကိုယ်မိမိ နှိမ့်ချ နေထိုင်ခြင်း
Keep Low Profile ကို ဆိုလိုတာပါ။ သူတို့ဟာ အပြောထက် အလုပ်ကို ဦးစားပေးကြသူ များဖြစ်ကြတယ်။ ကြည့်တတ်တဲ့သူ မြင်ပါလ်ိမ့်မယ်။ Keep Low Profile ပုံစံနဲ့ နေထိုင်ခြင်းဖြင့် သူတို့ဟာပြိုင်ဘက်ကို နည်းပါးစေပါတယ်၊ ရန်သူနည်းပါးစေပါတယ် ။လုပ်ဖေါ်ကိုင်ဘက် ကောင်း တွေ့ရှိစေနိုင်ပါတယ်။

၅။ သူတစ်ပါးကို ရက်ရက်ရောရော ချီးမွမ်းခြင်း
ချီးမွမ်းတတ်ပါ။ ရိုးရိုးရှင်းရှင်း ချီးမွမ်းတတ်ပါ။ ရက်ရက်ရောရော ချီးမွမ်းတတ်ပါ။ ချီးမွမ်း တတ် ခြင်းကြောင့် သင် လူချစ်လူခင် ပေါများလာပါလိမ့်မယ်၊ ချီးမွမ်းခြင်းနဲ့ ဖားတတ်ခြင်း မတူညီပါ။ ချီးမွမ်းခြင်းဟာ သူများကောင်းကွက်ကို ဖေါ် ထုတ်အသိအမှတ်ပြုခြင်းဖြစ်ပြီး ဖားတတ်ခြင်းဟာ 
အကျိုးမျော်လို့ ညောင်ရေလောင်းခြင်းသာဖြစ်တယ်။


၆။ ယဉ်ကျေးခြင်း
ကျနော်တို့နဲ့ ဆက်ဆံတဲ့လူတိုင်း စိတ်ချမ်းသာအောင် ကျနော်တို့မှာ တာဝန်မရှိပါ။ သူများစိတ် မချမ်းသာအောင် မလုပ်မိဖို့တော့ ဆင်ခြင်ရပါလိမ့်မယ်။ ယဉ်ကျေးပါ။ အောက်မကျို့ ပါနှင့် ။


၇။ မိမိကိုယ် မိမိ ဆန်းစစ် တတ်ခြင်း
လူဆိုတာ သူများကို ပိုအစိုးမရတာမို့ သူများအပြစ်ကို ထိုင်ပြောနေရင်  ကိုယ့်အတွက် အကျိုး မရှိပါ။ မိမိကိုယ် မိမိ ဆန်းစစ်တတ်မှ သာလျင် တစ်စ တစ်စ ပိုမိုတိုးတက်သွားမှာပါ။


၈။ ကျေးဇူးတင်တတ်ခြင်း
ကျေးဇူးတင်ရင် ကျေးဇူးရဲ့ အကျိုးကျေးဇူးကို ခံစားရပါတယ်။ ကျေးဇူးရှင် လုပ်ခြင်းထက် 
ကျေးဇူး တင်တတ်တဲ့လူ ကို ဖြစ်အောင် ကြိုးစားပါ။ တိုင်းပြည် တစ်ခုလုံး၊ အဖွဲ့အစည်း
တိုင်း ကျေးဇူးရှင် အဖြစ် သရုပ်ဆောင်နေရင်တော့ တိုးတက်ဖို့ အဟန့်အတားပါ။


၉။ အချိန် တိကျခြင်း
ကိုယ်သာ စောင့်ဆိုင်းတဲ့လူဖြစ်ပါစေ၊ သူတစ်ပါးကို မစောင့်ဆိုင်းစေပါနှင့်၊ အချိန်ကို လေးစားခြင်း ဟာ သူတစ်ပါးကိုလေးစားခြင်းဖြစ်ပါတယ်။ ရာထူးကြီးလေ အစည်းအဝေးကို 
နောက်ကျမှ ရောက်တတ်လေ ဆိုတဲ့ အကျင့်မျိုးကို လူကြီးတွေက စပြုပြင်သင့်ပါတယ်။


၁၀။ မူမှန်စိတ် ကို မွေးမြူခြင်း
အနိစ္စ တရားဟာ သဘာဝလည်း ဟုတ်တယ်၊ ကြောက်စရာလည်း ကောင်းပါတယ်။
မူမှန်စိတ်ကို မွေးမြူထားခြင်းဖြင့် လောကဒဏ်ကို ပိုခံနိုင်ပါလိမ့်မယ်။


၁၁။ သည်းခံ တတ်ခြင်း 
ဘယ်ကိစ္စကြုံကြုံ တည်ငြိမ်ဖို့ လိုပါတယ်၊ သည်းခံတတ်ဖို့ လိုပါတယ် ။ တစ်ခါ တစ်လေ 
သူများ သင့်ကို ဘယ်လိုမြင်တယ် ဆိုတာ အရေးမကြီးပါ၊ သင် ဘယ်လို အသက်ရှင်တယ် ဆိုတာ သူများနဲ့ မသက်ဆိုင်ပါ။  သူများအကြည့်၊ သူများအထင်ကြီး အထင်သေးမူကို သိပ် ဂရုစိုက် စရာ အကြောင်းမရှိပါ။ သူများကို သိပ်ဂရုမစိုက်ရင် သည်းခံမှုကို အထောက်အကူ ဖြစ်ပါတယ်။

၁၂။ ကတိ တည်ခြင်း
ကတိပေး မလွယ်ပါစေနဲ့၊ ကိုယ်လုပ်နိုင်တဲ့ အတိုင်းအတာကို လျှော့ပြီးပြောပေးပါ။ 
ကတိမတည်တဲ့ လူဟာ စီးပွား ကြီးကြီးမားမား ဖြစ်ဖို့ ခက်ခဲတတ်ပါတယ်။



Crd ... ဆရာ ဦးအောင်သင်း