ကျွန်တော်သိခဲ့တဲ့ လူကုန်ကူးမှုတစ်ခုအကြောင်း (ဟာဂျူလီ-ကသာ)
************************************************
ဒီကနေ့ သတင်းပေါင်းစုံကနေ ကျွန်တော်ရှယ်လိုက်တဲ့ ကြော်ငြာနဲ့ ပါတ်သက်ပြီး မိတ်ဆွေတွေ အတော် တအံ့တသြနဲ့ ဟုတ်ရော ဟုတ်ရဲ့လားလို့ မယုံမရဲ ဖြစ်ကြပုံရပါတယ်၊တကယ်တမ်းပြောရရင် ဒီကိစ္စမျိုး ဟာကြော်ငြာ ကပ်စရာ မလိုအောင် တစ်နိုင်ငံလုံး သိနေခဲ့ပြီးသားပါ၊
လွန်ခဲ့တဲ့(၃)နှစ်လောက်က ကျွန်တော်အိမ်ကို နယ်တစ်နယ်ရဲ့ အမျိုးသမီးသတင်းထောက်တစ်ယောက်နဲ့ မိန်းကလေးငယ်ငယ် ချောချောလှလှလေး(၂)ယောက်လည်း အတူပါလာပါ တယ်၊အမျိုးသမီး သတင်းထောက်က ရောက်ရောက်ချင်းပဲ "ဆရာရေ ဒီကိစ္စကကြီးတယ်ဆရာရေ၊ ကျွန်မတို့လောက်နဲ့
မရဘူး၊အဲဒါကြောင့် ဆရာဆီ ခေါ်လာတာ "လို့ ပြောပါတယ်၊
အကျိုးအကြောင်း မေးကြည့်တော့ သူတို့(၂)ယောက်က ညီအစ်မအရင်းတွေ၊အသက်က (၁၇)နှစ်နဲ့ (၁၉)နှစ်ပဲ ရှိကြသေးတယ်၊သူတို့က လယ်အငှားစိုက်တဲ့ လုပ်ငန်း လုပ်တယ်၊ လယ်သူမလို့သာပြောရတယ် သူတို့ရဲ့အလှကမြို့သူတွေ ရှုံးလောက်တဲ့ အလှနဲ့ နုနုဖတ်ဖတ်ကလေးတွေပါပဲ၊ တစ်ရက် သူတို့နဲ့ တစ်မြို့ ထဲနေတဲ့ (ပိုက်ဆံရှိ) လူကုန်သည်အမျိုးသမီးကြီးက မူဆယ်က စားသောက်ဆိုင်အလုပ်လုပ်ဖို့ တစ်လ ကို ငွေ ဘယ်နှစ်သိန်းရစေရမယ် ဆိုပြီးစည်းရုံးတယ်၊ အကြီးမက မှတ်ပုံတင်ရှိပြီး အငယ်မက မှတ်ပုံတင် မရှိဘူး၊ အဲဒီလို မရှိတဲ့အတွက် လူကုန်သည်အမျိုးသမီးကြီးက လ၀ကရုံးကိုတစ်ခေါက်ပဲခေါ်ပြီး နောက်ရက် မှာမှတ်ပုံတင်ရအောင် စီစဉ်ပေးတယ်၊
အခြားလူတွေအတွက် မှတ်ပုံတင်လုပ်ပေးဖို့ ခက်ခဲပေမယ့် ပိုက်ဆံရှိ အမျိုးသမီးကြီးအတွက်က သိပ်လွယ်ပါ တယ်၊ အဲဒီမှတ်ပုံတင်မိတ္တူလည်း အခုအချိန်အထိ ကျွန်တော့် ကွန်ပျူတာထဲမှာ ရှိပါတယ်၊နောက်ဆုံးတော့ အငယ်မလေးက သွားဖို့ စိတ်မပါဘူးဖြစ်နေတယ်၊ အဲဒီလို စိတ်မပါတဲ့ အငယ်မကိုလူကုန်သည် အမျိုးသမီးကြီးကဆေးတစ်မျိုးတိုက်လိုက်တယ်၊အငယ်မလေး ဆေးအတိုက်ခံရပြီးတဲ့နောက်အဲဒီ အမျိုးသမီး ပြောသမျှနားထောင်ပြီး ခိုင်းသမျှ လုပ်နေရတော့တယ် လို့ ပြောပါတယ်၊ ညီအစ်မ (၂)ယောက်လုံး ကို ပိုက်ဆံရှိအမျိုးသမီးကြီးက သူအိမ်မှာ(၃)ရက်လောက် ခေါ်ထားလိုက်တယ်၊ နေ့စဉ် (၂)ယောက်စလုံးကို ဆေးတိုက်တယ်၊ သူတိုက်တဲ့ဆေးသောက်ပြီးတာနဲ့ ညီအစ်မ(၂)ယောက်စလုံး
ကိုယ့်စိတ် ကိုယ် မပိုင်သလိုဖြစ်ပြီး သွားရာစေ နေရာသွားရတဲ့ ဘ၀ရောက်သွားတော့ တာပါပဲ။
တစ်ရက် မှာတော့ အငယ်မကို သူ့မိတ်ဆွေတစ်ယောက်က လူကုန်သည် အမျိုးသမီးကြီးအိမ်ဝမှာ မတော် တဆတွေ့သွားပြီး ကောင်မလေးတွေရဲ့ အိမ်ကို အကြောင်းကြားပေးတယ် ၊ကောင်မလေးအိမ်က ရဲစခန်းကို
ပထမသွားတိုင်တော့ ရဲက မလိုက်ပေးဘူး ၊နောက်ရက်မှာ ရပ်ကွက်လူကြီးတွေကိုပါ ရဲစခန်းခေါ်သွားပြီး တိုင်တော့မှလိုက်ပေးတယ်၊ရဲကလိုက်ခဲ့တော့လည်းလူကုန်သည်အမျိုးသမီးကြီးနဲ့တစ်ရင်းတနှီးဆက်ဆံ တာ တွေ့ရတယ်၊တွေ့ခဲ့တဲ့သူက အတိအကျပြောတော့ အကြီးမ မရှိဘူးအငယ်မတော့ရှိတယ် ဆိုပြီး အငယ်မကိုခေါ်ပေးတယ်၊ အငယ်မလေးက လူကုန်သည်အမျိုးသမီးကြီးသင်တဲ့အတိုင်း သူ့သဘောနဲ့ သူလာနေတာဖြစ်တဲ့အကြောင်းပြောတယ်၊
လာရှာတဲ့ သူတွေလည်း အခက်တွေ့ပြီး ရဲစခန်းကို ခေါ်ခဲ့ပေးဖို့ရဲကို ပြောပါတယ်၊ ရဲက အင်တင်တင်နဲ့ လူကုန်သည်အမျိုးသမီးကြီးနဲ့အတူအငယ်မလေးကို ရဲစခန်းခေါ်ခဲ့ပေးတယ်၊ ရဲစခန်းရောက်တော့လည်း လူကုန်သည်အမျိုးသမီးကြီး အိမ်မှာ ပြောသလိုပဲ ဇာတ်ပွဲတစ်ခုကို လူကုန်သည် အမျိုးသမီးကြီးနဲ့
အတူသွားမလို့ ကိုယ့်သဘောကိုယ်လာနေတာပဲပြောနေ တယ်၊ရဲစခန်းက ပြန်ရင် လည်းလူကုန်သည် အမျိုးသမီးကြီးအိမ်ကိုပဲ လိုက်သွားပြီး နေမယ် လို့ ရဲအရှေ့မှာတင် ပြောပါတယ်၊အဲဒီမှာ ကလေးမလေး ရဲ့အမေတွေအဒေါ်တွေ ဦးလေးတွေက မသင်္ကာလို့ သံပုရာရည် ၀ယ်တိုက်တယ်၊သံပုရာရည် သောက်ပြီး
ခဏကြာတော့ အငယ် မငိုတော့တာပဲ၊
မိဘအိမ် ပြန်လိုက်မယ် ဖြစ်သွားတယ်၊ ထားပါတော့ ဒီလိုနဲ့ပဲ မိဘအိမ်ပြန်လိုက်သွားပြီး နောက်ရက်မှာ အကုန်လုံးကို ပြန် မှတ်မိပြီး အစ်မလည်း အဲဒီအိမ်မှာ ရှိတဲ့အကြောင်းပြောပါတယ်၊ဒါနဲ့ ရဲစခန်းကိုထပ်သွားပြီး တိုင်တော့ (၂)ရက် (၃)ရက်နေမှ ရဲက လူကုန်သည်အမျိုးသမီးကြီးကို ခေါ်မေးပါတယ်၊ မငြင်းသာတော့မှ လူကုန်သည် အမျိုးသမီးကြီးက အကြီးမကို တ၇ုတ်ပြည်မှာရှိတဲ့ လူကုန်သည် အမျိုးသမီးကြီးရဲ့ သမီးဆီမှာ အလုပ် လုပ်ဖို့ ပို့ပေးလိုက်ပြီဖြစ်ကြောင်း ၀န်ခံပါတယ်၊နောက်တော့ ရဲက ပြန်ခေါ်ပေးခိုင်းပါတယ်၊
အကြီးမ လည်း ဒီလိုနဲ့ ပြည်တော် ပြန်ရောက်လာပါတော့တယ်၊ အကြီးမကပြောတာက တ၇ုတ်ပြည်ရောက် တဲ့အထိ မူလစိတ် မရှိကြောင်း၊ နယ်စပ်ဂိတ်ကို ဖြတ်တာတော့ သိတဲ့အကြောင်း၊ တ၇ုတ်ပြည်ရောက်တော့ အဆောက်အဦး မြှင့်မြှင့်အထပ်အများကြီးရှိတဲ့အပေါ်ထပ်ကို ခေါ်သွားတဲ့အကြောင်း၊ အဲဒီအထပ် ထဲမှာ မြန်မာ အမျိုးသမီးငယ်တွေ ကိုယ်လုံးတီးနဲ့ ယောက်ျားလေးတွေကို အခန်းတွေထဲ မှာ နှိပ်ပေးနေ တာ တွေ့တယ်ဆိုတဲ့အကြောင်း ပြောပါတယ်၊အကြီးမကိုလည်း မြန်မာအမျိုးသမီးတစ်ယောက် က ယောက်ျားတွေကို နှိပ်ပေးတဲ့နည်းတွေသင်ပေးပါတယ်၊
အဲဒီလို သင်ပေးပြီး နောက်ရက် -----မြို့က ဖုန်းဆက်ပြန်ခေါ်တဲ့အတွက် ယောက်ျားလေး တစ်ယောက်ကိုမှ မနှိပ်ပေးရခဲ့ ပဲ မြန်မာနိုင်ငံ ကို ပြန်ရောက် လာပါသတဲ့၊နောက်ဆုံးတော့ ညီအစ်မ(၂)ယောက်လုံးက ရဲစခန်းမှာ အမှုဖွင့်ပါတယ်၊ ဒီလိုနဲ့ သူတို့ဖွင့်တဲ့ အမှုကို ကသာခရိုင် တရားရုံးက စစ်ဆေးကြားနာပါတယ်၊ သို့သော်သူတို့အနေနဲ့ ရှေ့နေကလည်း မငှားနိုင်၊ ရုံးချိန်းလာဖို့စားရိတ်တောင် အနိုင်နိုင်ဖြစ်နေလို့
လူကုန်သည်အမျိုးသမီးကြီးနဲ့အပေါင်းပါတွေကွင်းလုံးကျွတ် လွတ်တော့မယ်လို့ ကြားရလို့ ကျွန်တော့်ကို ဘာဆက်လုပ်ရမလဲ လာတိုင်ပင်တာပါလို့ ပြောပြကြပါတယ်၊
အဲဒီအကြောင်းကို မော်နီတာဂျာနယ်မှာ ကျွန်တော် သတင်းဆောင်းပါးတစ်ပုဒ် အနေနဲ့ ရေးဖြစ်လိုက် ပါတယ်၊ စာပေကင်ပေတိုင်တွေ ကြီးစိုးတဲ့ခေတ်ဆိုတော့ အမြှီးနုတ် ခေါင်းနုတ်နဲ့ ဆောင်းပါးလေး ပါလာပြီးတဲ့နောက်တော့ အမျိုးသမီးရေးရာတို့ ဘာတို့က ကလေးမလေးတွေကို သွားရေးလာရေး စားရိတ်တွေ ထုတ်ပေးပါတယ်၊ဒါအပြင် အခြေအနေမကောင်းသလိုဖြစ်နေတဲ့ လူကုန်ကူးမှုအတွက် လူကုန်သည် အမျိုးသမီးကြီးနဲ့ ပူးတွဲ တရားခံတွေကို ထောင်(၁၀)နှစ်စီအပြစ်ပေးလိုက်ပါတော့တယ်၊
နောက်တော့ အဲဒီကလေးမလေးတွေ လင်ကောင်းသားကောင်း ရသွားပါတယ်၊သူတို့ မင်္ဂလာဆောင်တွေ မှာလည်း ကျွန်တော့်ဆီ အရောက်လာပြီး ကိုယ်တိုင် လာဖိတ်ကြပါတယ်၊ ကျွန်တော်လည်း ကိုယ်တိုင် သွားပြီးအားပေးဖြစ်ပါတယ်၊ ဒါကြောင့် ကျွန်တော့်မိတ်ဆွေတွေကို ပြောချင်တာက ဒီကိစ္စတွေဟာ အတော်ကို ကြာနေပြီ၊အခုလို တရားဝင်ဖုန်းနံပါတ်နဲ့ ကြော်ငြာပြီး ခေါ်နေတာတွေ့တော့ ကိုယ့်နိုင်ငံက မိန်းကလေးငယ်တွေ အတွက် ပိုစိုးရိမ်မိပါတယ်၊ သက်ဆိုင်ရာကလည်း ဒီကြော်ငြာကိစ္စလေး စုံစမ်းပြီး အစိုးရချင်း ပြောသင့်တာတွေ ပြောဖို့ သင့်နေပြီ၊ ကိုယ်နဲ့ မဆိုင်သလို မနေသင့်တော့ဘူးဆိုတဲ့ အကြောင်းလေး ရေးသားလိုက်ရပါတယ်။
(ဟာဂျူလီ-ကသာ)
From...Search Myanmar
No comments:
Post a Comment