ဗိုလ်တစ်ထောင် ဘုရား မှ မမြနန်းနွယ် ၏ ဘဝဖြစ်စဉ်

 မြန်မာပြည်ကြီး ထီးရိပ် နန်းရိပ် ကွယ်ပြီ ဆို တော့မြန်မာတစ်ပြည်လုံး တိုင်းရင်းသား အားလုံး ကြိမ်မီးအုံး သည့်နှယ် နှလုံးသား မှာ ခံစားနေကြရသည်။ နယ်ချဲ့ကိုလိုနီ ကို တွန်းလှန် ရန် နေရာဒေသ အနှံ့ လက်နက်စွဲ ကိုင်တော်လှန်ကြသည်။

မြန်မာပြည်ကြီး လွတ်လပ်ရေး ရစေရန် ရှမ်းပြည် ရှိ မိုင်းပွန်စော်ဘွားကြီး စောခွန်တီ သည်လည်း မျိုးချစ်တော်လှန်ရေး သမားဖြစ်ရကား မိဘမဲ့ တူမတော် "နန်းခမ်း" အား ကြည့်ရှုစောင့်ရှောက်ရန် ခက်ခဲလာ သည်။

တော်လှန်ရေးသမား ဆိုတော့ အချိန်ခါ မရွေး နေရာဒေသ အနှံ့ သွားလာ လှုပ်ရှားနေရ သည်။ အရွယ်ရောက်နေသော တူမတော် နန်းခမ်း ကိုခေါ်ဆောင်သွားလို့ က မဖြစ်ဆို တော့
မိုးကုတ်မြို့ မှကျောက်တွင်း သူဌေး ဦးအောင်ဇံ မိသားစု ထံခေါ်သွားပြီး အပ်နှံ ထားရသည်။

နန်းခမ်း အပေါ် ဦးအောင်ဇံ မိသားစု ကလည်း သားသမီး အရင်းပမာ စောင့်ရှောက်ပေးခဲ့ ကြသည်။
တကယ်တော့ စော်ဘွားသွေး ရှမ်းမျိုးနွယ် ဖြစ်သည့် နန်းခမ်း ၏ချောမော လှပမှု ဘာသာ တရား အဆုံး အမအောက် နေသူလေး မို့ မိုးကုတ်မြို့ ကျောက်တွင်း သူဌေးကြီး ဦးဘကောင်း ၏ သား  ကိုချမ်းသာ ကနှစ်သက် သဘောကျလေသည်။

ကိုချမ်းသာ ၏ မိဘ များ ကလည်း သားဖြစ် သူနှစ်သက် သဘောကျနေသည့် နန်းခမ်း အားရွှေလမ်း ငွေလမ်း ခင်း လာကြသည်။ အချိန် ကာလ ၁၈၉၇ ခုနှစ်ဖြစ်သည်။ ကိုချမ်းသာနှင့် မနန်းခမ်း လက်ထပ် ခဲ့ကြ သည်။ သီပေါမင်း ပါတော်မူပြီး ဆယ်နှစ် ကျော် ကာလဖြစ်သည်။



သက္ကရာဇ် ၁၉၀၆ ခုနှစ် ဒီဇင်ဘာ ၂၂ရက် စနေနေ့ (၁၂၆၈ ခုနှစ် ပြာသို လဆန်း ၉ ရက်နေ့ ) မှာ ကိုချမ်းသာ မနန်းခမ်း တို့မှာ မနန်း (ခေါ်) မြနန်းနွယ် ကို မွေးဖွား ခဲ့လေ သည်။
(မောင်နှမ သားချင်း ကိုတော့ စာရေးသူ လေ့လာ မှု အားနည်း လို့ မသိပါ)
 
 မြနန်းနွယ် တွင် အစ်မကြီး မြနန်းရှင် ညီမငယ် မြနန်းဝေ ရှိသည် ကိုတော့ လေ့လာမှု အရ သိရပါသည်။ အစ်မကြီး မြနန်းရှင် မှာ ညီမလတ်မြနန်းနွယ် လောက် သိပ်မနူးညံ့ ပါ။ ဒေါမာန်ကြီးသည်။ ဒိုးဒိုးဒေါက်ဒေါက် ရှိ ပေသည်။

သို့သော် ဘာသာရေးကိုင်းရှိုင်းပြီး သူ့ဆိုင်ရာ သာသနာ့နယ်မှာ သာသနာပြု နေပါသည်။
အစ်မတော် မြနန်းနွယ် တို့မှာ ကျောင်းပညာ အတန်း ပညာတတ်မြောက် စေရန် မိုးကုတ် မြို့ မှာသာ ပညာ သင်ကြားခဲ့သည်။ 

အတန်း ပညာမှာ ထူးချွန် ထက်မြက် သူမို့ မိဘ များက သားသမီးရှေ့ရေး မျှော်တွေးဆ ကာ အိန္ဒိယ ပြည်သို့ မမြနန်းနွယ် အား တက္ကသိုလ် ပညာ သွားရောက် ဆည်းပူး သင်ကြားစေခဲ့သည်။ မမြနန်းနွယ် သည် အသက်၂၀နှစ် (၁၉၂၆ ခုနှစ်) မှာ အိန္ဒိယပြည် တက္ကသိုလ် မှ ဝိဇ္ဇာ ပညာ ဘွဲ့ ရရှိခဲ့ပါသည်။

မမြနန်းနွယ် သည် သွက်လက် ထက်မြက် သည့် အမျိုးကောင်း သမီးဖြစ်ကာ ဘာသာတရား လွန်စွာ ကိုင်း ရှိုင်းပြီး ပါရမီ ဓာတ်ခံအား ကောင်းသူဖြစ် သဖြင့် တရားထိုင် ပုတီးစိပ်ရုံမျှ မက ဦးရီးတော် ဦးကံသာ ထံမှ တရုတ် လူမျိုး တို့၏ ရှေးဟောင်း ရိုးရာ လက်ဆစ်ချိုး ပညာ စိတ်ဝိဥာဏ်လွှင့် ပညာများ ကိုသင်ယူ နိုင်ခဲ့သည်။




မမြနန်းနွယ် သည် ရန်ကုန်မြို့ အောင်သိဒ္ဓိ ဘုန်းကြီးကျောင်း (ငါးထပ်ကြီး) မှာနေသည့် ဝတ်ဖြူ  စင်ကြယ် ပုဂ္ဂိုလ်ထူး ထံမှ လောကုတ္တရာ ပညာ များ လောကီ ဆိုင်ရာ ပညာ အင်္ဂဝိဇ္ဇာ ပညာ လူ့ရုပ်ပိုင်းဆိုင်ရာ ပညာ လျှို့ဝှက် ဆန်းကြယ်သည့် ဂမ္ဘီရ ပညာ များစွာ လေ့လာ လိုက်စား တတ်မြောက်ခဲ့ သည်။

မမြနန်းနွယ် သည် အတိတ် ပါရမီ အားကောင်းခဲ့ ၍ အလှူရေစက် လက်နဲ့ မကွာ လှူဒါန်း ခဲ့တာ မနည်းပေ။ မမြနန်းနွယ် ၏ မိဘ များမှာ လည်း ဒုတိယ ကမ္ဘာစစ်ကြီး ကာလ မှာပင် ရှေ့ဆင့်နောက်ဆင့် ကွယ်လွန် သွားကြောင်း သိရသည်။

၁၉၅၇ ခုနှစ် မှာ မမြနန်းနွယ် သည် ဇာတိမြေ မိုးကုတ်မြို့ သို့ပြန်သွားခဲ့သည်။   ရုပ် နာမ် ဓမ္မ သင်္ခါရ သဘော အရ မမြနန်းနွယ် တစ်ယောက် သာသနာပြု အလှူဒါန များ ဆောင်ရွက်နေသည့် ကြားမှ ပန်းနာ ရင်ကြပ် ဝေဒနာကြောင့် ၁၉၅၇ ခုနှစ် ဖေဖော်ဝါရီလ မှာကွယ်လွန် သွားခဲ့ရပေတော့သည်။


credit-ရောင်ပြန် မဂ္ဂဇင်းတွင် မြနန်းရှင်ရေးသားထား သည် ကိုဖော်ပြလိုက် ပါသည်။
ယခုထက်ပြည့်စုံ စွာ ဖတ်လိုလျှင် ပါရမီရှင် မလေး မြနန်းနွယ် ဆိုသည့် စာအုပ် ရှိပါသည်။


 (မူရင်း စာရေးသူအား credit ပေးပါသည်)
admin_Soe Pyae Kyaw

 တမလွန်ဘ၀ဖြစ်ရပ်မှန်နှင့် သရဲအကြောင်းပြောသူများ