“ငဆင်... နင့် ခန္ဓာကိုယ် ထဲမှာ ခုမှ အရဟံ ဂုဏ်တော် ကိန်းတယ် ဟ။ နင် ထူးခြားတော့မယ်။ ဆက် ကြိုးစား ကြားလား”
(အဘိဓဇမဟာရဋ္ဌဂုရု မစိုးရိမ် ဆရာတော်ကြီး)
စစ်ကြီး ပြီးခါစလောက်က မန္တလေးမြောက်ဘက် မတ္တရာနယ် ကပိုင်ရွာ
တစ်ဝိုက် မှာတော့ “အရဟံ ဦးဆင်” ဆိုတာ မသိသူ မရှိသလောက် လို့ ဆိုရလောက်အောင်
လူသိများ ခဲ့ပါတယ်။
သူ့ကို လူတွေ အသိများ တာ ဟာ ဆန်စက် ပိုင်ရှင် သူဌေးကြီး တစ်ဦးဖြစ် လို့ ဆိုတာ ထက် အင်္ကျီဗလာ၊ လုံချည် ဖာတစ်ရာ နဲ့ နွားကျောင်းသား ဘ၀ က ဗြုန်းစားကြီး ဆန်စက် ပိုင်ရှင် အဖြစ် ပြောင်းလဲ သွားတာ ရယ်၊ သေသည် အထိ ပုတီးတစ်ကုံး နဲ့ ပုတီး မပြတ် စိပ်နေလေ့ ရှိတာရယ်၊ သူ့အိမ်ဝ မှာ “အရဟံ” ဆိုတဲ့ စာလုံး ဆိုင်းဘုတ် အကြီး ကြီး ရေးထား တာရယ်တို့ကြောင့်ပါပဲ။
ဒီ “အရဟံ” ဆိုတဲ့ စာလုံး ဆိုင်းဘုတ်ကြီးကြောင့်ပဲ သူ့ကို “အရဟံ ဦးဆင်” လို့ လူတွေက သိကြခေါ်ကြ တာ ပါ။
ဦးဆင် ဆိုတာ ငယ်ငယ် က သာမဏေ ဘ၀ နဲ့ မန္တလေးမြို့ မစိုးရိမ်ကျောင်း တိုက် ဆရာတော်ကြီး ဘဒ္ဒန္တသူရိယာဘိဝံသ (နောင် အဘိဓဇမဟာရဋ္ဌဂုရု) ထံမှာ နေသွား ခဲ့ဖူးတယ်။ ရဟန်း မဖြစ်ခင်မှာဘဲ သူ့ဒကာကြီး ဆုံးပါး သွားလို့ မိခင် နဲ့ လူမမယ် (မည်) ညီ၊ ညီမငယ်တွေ ကို လုပ်ကိုင်ကျွေးဖို့ လူထွက်လိုက် ရတယ်။
လယ်ယာမြေပိုင် မရှိတဲ့ အတွက် သူများ အိမ်မှာ ထွန်ယက် နွားကျောင်းသူ ရင်းငှား ဘ၀နဲ့ လုပ်ကိုင် စားရတဲ့ ဘ၀ မှာ မိသားစု က စားအိုးကြီးတဲ့ အတွက် အသက်ထိန်း ရုံ အရှက် လုံရုံ အနိုင်နိုင်ဖြစ်လို့ လုံချည် ခါးနွမ်း ကျောနေလှမ်း ဘ၀ မှာ အိမ်က ခနော် ခနဲ့ခေတ်သစ် ကာက၀လိယ လို့တောင် ဆိုနိုင်လောက်ပါ သတဲ့။
ဆရာသမား ရဲ့ ဂုဏ်ကျေးဇူး ကို အမြဲ ဦးထိပ် ထားတတ် တဲ့ မောင်ဆင် ဟာ မစိုးရိမ် ဆရာတော် ဘုရားကြီး မွေးနေ့ နီးပြီ ဆိုရင်တော့ မစိုးရိမ်ကျောင်းတိုက် ကို အမြဲရောက်အောင် လာတယ်။ လှူဖွယ် ၀တ္ထုရယ် လို့ မပါပေမယ့် ဆရာသမား ကို ၀တ်ကြီး ၀တ်ငယ် ပြုပေးရင်း ထင်းခွဲ၊ ရေခပ်၊ တံမြက်လှည်း စတဲ့ အလုပ်ကြမ်း မှန်သမျှ အားလုံး ဒိုင်ခံပြီး လုပ်လေ့ ရှိပါသတဲ့။
မွေးနေ့ပြီး လို့ အပြန် မှာတော့ အင်္ကျီဗလာ နဲ့ တပည့် ကို မကြည့်ရက်တဲ့ အတွက် ဆရာတော်ကြီးက “ငါ့ တပည့် လို သံဃာ့ဝေယျာဝစ္စ လုပ်သူ အတွက် ပေးကောင်းတယ် ကွဲ့။ အပ်စပ် ပါတယ်။ အင်္ကျီချုပ်ဝတ်” လို့ ပြောပြီး အဲဒီခေတ် က နာရေး ကန်တော့ ပွဲတွေ မှာ ပါလာလေ့ ရှိတဲ့ ပိတ်စ ကလေးတွေကို ချီးမြှင့် တတ်ပါတယ်။
ဆရာတော်ကြီး က မိမိ အတွက် အင်္ကျီချုပ်ဖို့ ဆိုပြီး ပေးစွန့်ပေမယ့် အိမ်မှာ အရွယ်ရောက်စပြုနေ ပြီဖြစ် တဲ့ နှမတွေ ညီငယ်တွေ အတွက်ပဲ သင့်သလို ချုပ်ပေးပြီး မောင်ဆင် ကတော့ ထုံးစံ အတိုင်း ယက်ချည် ထက် ချုပ်ချည် ကတောင် ပိုများ နေပြီလား ထင်ရတဲ့ လုံချည် ဖာတစ်ရာ ကျောဗလာပဲ နေရတာပါ။
မွေးနေ့ နီးတိုင်း နှစ်စဉ် မှန်မှန်ရောက်လာပြီး ကျောပြောင်ကြီး ပိုပြီး မွဲခြောက် လာတာ က လွဲလို့ ဘာမှ တိုးတက် ပြောင်းလဲ မလာတဲ့ တပည့် ကို ကြည့်ပြီး ဆရာ တော်ကြီးက-
“ငဆင် နင် မချမ်းသာချင် ဘူးလား” လို့ မေးတော့-
“ဘယ့်နှယ် မိန့်လိုက် ပါလိမ့်ဘုရား။ တပည့်တော် သူများတွေလို သူဌေးဖြစ်အောင် မချမ်းသာချင်နေပါစေ။ အစား အ၀တ် ပြည့်ပြည့် စုံစုံ နဲ့ မိုးလုံလေလုံလောက် နေရရင် ကို ကျေနပ် လှပါပြီ။ ဆရာတော် မစနိုင်ရင် မစပေးတော်မူပါဘုရား” လို့ လျှောက်ထားပါသတဲ့။
ဆရာတော်ကြီးက “ဟဲ့... ငဆင် ရဲ့၊ ကံ ကံ၏ အကျိုး ဆိုတာ နင်လည်း သိသား ပဲဟာ။ နင့်ကို ငါက မစလို့ ဘယ်ရ မလဲဟဲ့။ နင်ကိုယ်တိုင် ရုန်းပြီး ရပ်မှ မတ်လာ မှာပေါ့” ဆိုတော့...
“မှန်ပါ၊ တတ်နိုင် သမျှတော့ ကြိုးစား တာပါပဲ ဘုရား။ မိသားစု ကလည်း များ၊ ညီတွေ ညီမတွေ ကလည်း လက် လုပ် လက်ကိုင်လေး မှ အကူအညီ က မရသေး။ ဒီကြား ထဲ လောက အလျောက် အိမ်ထောင်ကလည်း ကျပြီး ဆိုတော့ အလုပ်နဲ့ ၀င်ငွေ က မတိုးဘဲ ပါးစပ်ပေါက်တွေ သာ တိုးနေတဲ့ အတွက် ဒီလိုပဲ လုံးချာ လိုက်နေ တာပဲ ဘုရား” လို့ ပြန်လျှောက်ပါတယ်။
ဆရာတော်ကြီး က “အေး... နင့်ကို ငါက မ,ထူပေးလို့တော့ မရဘူး။ နင့် ကိုယ်နင် ရုန်းထနိုင်အောင် အထောက် အကူတော့ ပေးလိုက်မယ်။ ရော့ ဟောဒီ ပုတီး ကို ယူသွား။ ဘာမှ နည်းတွေများ မနေနဲ့ “အရဟံ” တစ်လုံး ကို အဓိပ္ပာယ် ပါ အာရုံပြုပြီး မပြတ် ပွားပေရော့” ဆိုပြီး အနားမှာ ရှိတဲ့ ပရိက္ခရာ ပုံထဲ က ပုတီး တစ်ကုံး ကို ပေးလိုက်ပါတယ်။
ဆရာတော်ကြီး က မတာ မဟုတ်ဘူး ဆိုပေမယ့် မောင်ဆင် ကတော့ ဒါဟာ ဆရာတော်ကြီး က သူ့ကို မစ လိုက်တာပဲ ဆိုပြီး ဆရာတော် မိန့်ကြားတဲ့ အတိုင်း မပြတ်ပွားပြီး စိပ်တော့ တာပဲ။
ခါတိုင်း ကိုယ် အထက်ပိုင်း မှာ ဗလာကျင်းနေတဲ့ မောင်ဆင် မှာ ခုတော့ အလုပ် လုပ်နေချိန် ဆိုရင်လည်း လည်ပင်း မှာ ပုတီး တစ်ကုံး ဆွဲထား တာ တွေ့ရပြီး အလုပ် နားတာ နဲ့ ပုတီးနဲ့ လက်မပြတ်အောင် စိပ်တော့ တာပဲ။
နွားကျောင်း ရင်လည်း ပုတီးစိပ် က မပြတ်တော့ ဒုစရိုက်ရယ် လို့ ကျူးလွန်ချိန် ကို မရှိတော့ဘူး။
နောက် တစ်နှစ် ဆရာတော်ကြီးမွေးနေ့ မှာ မောင်ဆင် ရောက် လာတော့လည်း ဘာမှ ထူးခြားပြောင်းလဲမှု မရှိသေးဘူး။ ဆရာတော်ကြီး ထံပါးမှာ ၀တ်ချတော့...
“ငဆင် ဘာတွေ များ ထူးခြား လာသလဲ ဟဲ့”
“ဘာမှ မထူးသေးပါ ဘုရား”
“အေး လာစမ်း ဒီနား” ဆိုပြီး “ဖြန်း” ခနဲ ရိုက်လိုက်တော့...
“အမလေး ဘုရား” လို့ လန့်အော်တယ်။ ဆရာတော်ကြီးက...
“နင် လိုသေးတယ်၊ ဆက်ကြိုး စားဦး” လို့ မိန့်ပါတယ်။
နောက်နှစ်နှစ် သုံးနှစ် ဒီအတိုင်း ပဲ၊ မထူးဘူး။ အဲ... လေးနှစ်မြောက် အရောက် မှာတော့ ဆရာတော်ကြီး “ငဆင် လာစမ်း ဒီနား” “ဖြန်း” ဆိုတော့ “အရဟံ... အရဟံ... အရဟံ...” လို့ အော်လိုက် ပါသတဲ့။
“အေး နင့်ခန္ဓာကိုယ် ထဲခုမှ “အရဟံ” ဂုဏ်တော် ကိန်းတယ် ဟ။ သုံးလေး နှစ် အတွင်း ခန္ဓာကိုယ် ထဲ အရဟံ ဘုရား အမြဲကိန်းအောင် တည်နိုင်တာ နင် မဆိုးဘူး၊ နင် ထူးတော့မယ်။ ဆက်ကြိုးစား ကြားလား”
“မှန်ပါဘုရား”
အချိန်က ဂျပန်တွေ မြန်မာပြည် ၀င်လာ ခါစ၊ မြန်မာပြည် ကို စစ်ငွေ့စစ်ရိပ် များ သန်းလာပြီ။ မတ္တရာနယ် ကပိုင်ရွာ မှာ ရှိတဲ့ ဆန်စက် ပိုင်ရှင် အိန္ဒိယ အမျိုးသား မိသားစု တို့က စစ်ဘေးဒဏ် ကို တိမ်းရှောင်ရင်း သူတို့ဆွေမျိုးများ ရှိရာ အိန္ဒိယ ကို ပြန်လိုတဲ့ အတွက် သူတို့ မရှိတုန်းမှာ သူတို့ ပိုင်တဲ့ ဆန်စက် ကို အစောင့် အရှောက်အဖြစ် လွှဲအပ် ခဲ့ဖို့ နယ်မှာ ရှိတဲ့ အကြီး အကဲများ၊ မိတ်ဆွေ သင်္ဂဟ များနဲ့ တိုင်ပင်တဲ့ အခါ အဲဒီနယ် သူကြီးက-
“သူရင်းငှားလုပ်နေ တဲ့ မောင်ဆင် ဟာ ဆင်းရဲပေမယ့် ရိုးသားပြီး သစ္စာရှိ တယ်။ မစိုးရိမ် ဆရာတော်ကြီး ရဲ့တပည့်ဖြစ် လို့ ဆရာကောင်း တပည့်ပီပီ ရိုးသား တည်ကြည်တယ်၊ သူများ ပစ္စည်းကို အလွဲသုံးစား လုပ် မယ့် သူငယ် မဟုတ်ဘူး။ ဆရာသမား များရဲ့ အရှိန် အ၀ါကြောင့်လည်း ဆရာကောင်း တပည့် မပီ သတဲ့ အလုပ်မျိုး လုပ်မှာ မဟုတ်တာ သေချာတယ်။ သူ့ကို ပဲ လွှဲအပ်ပြီး စောင့်ရှောက်ခိုင်း တာ အကောင်းဆုံးပဲ” လို့ အကြံပေးကြတယ်။
ဆန်စက် ပိုင်ရှင်များ က လည်း ဟိန္ဒူ အမျိုးသားများ ဖြစ်တဲ့ အတိုင်း “မစိုးရိမ်တိုက်” ဆိုတာကို ကြားဖူးပြီး အထင်ကြီး လေးစားကြတဲ့ အတွက် သဘောကျ ပြီး မောင်ဆင်နဲ့ သွားတွေ့ အကျိုး အကြောင်း ပြောဆို ညှိနှိုင်းကြပြီး နှစ်ဦးနှစ်ဖက် သဘော တူကြ လို့ မောင်ဆင် လက်ထဲ ဆန်စက် ကို လွှဲအပ်ပြီး အိနိ်္ဒယပြန် သွားကြတယ်။
မောင်ဆင် လည်း မမျှော်လင့် ဘဲ ဆန်စက် နဲ့ လုပ်ကိုင် စားသောက်ခွင့် ရရှိ သွားလို့ ဆန်စက်ပိုင် မဟုတ်ပေမယ့် ဆန်စက် ကိုင် သူဌေးလေး ဘ၀ ရောက်သွားတော့တယ်။
အဲဒီနှစ် မစိုးရိမ် ဆရာတော်ကြီး ရဲ့ မွေးနေ့ ကို သွားတဲ့ အခါမှာတော့ မောင်ဆင် ဟာ နှစ်တိုင်းနဲ့ မတူတော့ ဘူး။ အ၀တ် အစား သပ်သပ် ရပ်ရပ် နဲ့ လှူစရာ ဆန်အိတ်တွေ ဘာတွေ သယ် လာပြီး မိသားစုနဲ့ အတူ ရောက် လာကြတယ်။ ဆရာတော်ကြီးက-
“ငဆင် ဒီနှစ် ထူးလာပြီလား ဟ” ဆိုတော့...
“မှန်ပါ၊ ထူးဆို တပည့်တော် စိတ်ကူးနဲ့တောင် မမှန်းဆ ရဲခဲ့ဖူးတဲ့ အထိ ကို ထူးတာဘုရာ့။ အခု တပည့်တော် ဆန်စက် တစ်လုံး ကို စောင့်ရှောက်ရင်း လုပ်ကိုင် စားသောက်ခွင့် ရလို့ တပည့်တော် တောင့်တခဲ့တဲ့ စားဝတ်နေရေး ပြည့်စုံပြီး မိုးလုံ လေလုံနေနိုင်ဖို့ ဆိုတဲ့ အဆင့်ထက်တောင် လွန်နေပြီ ဘုရာ့။ ဒါတွေဟာ ဆရာတော် မ,လိုက်တဲ့ ဆရာတော့် ကျေးဇူးတွေပါပဲ ဘုရား” ဆိုပြီး ၀မ်းသာ မျက်ရည် နဲ့ လျှောက်ထား ရှာတယ်။
“ဟဲ့... ငဆင် ရဲ့၊ နင့်ကို ငါ မလို့ မရဘူး။ နင့်ကိုယ် နင် ရုန်းကန် ထရမှာ လို့ အစ ကတည်းက ပြောထား သား နဲ့၊ ဘယ်ကလာ ငါက မ ရမှာလဲ၊ အဲဒါ ငါမ တာ လည်း မဟုတ်ဘူး၊ နံဘေးမှာ ရှိတဲ့ ဘုရားတွေ က မတာ လည်း မဟုတ်ဘူးဟဲ့။ နင့်ခန္ဓာကိုယ် ထဲမှာ နင်ကိုယ်တိုင် မပြတ်ပွား ထုံပြီး တည်ထားတဲ့ “အရဟံ ဘုရား” က မတာ။
မတယ် ဆိုလို့ ဘုရား တန်ခိုးသက်သက် နဲ့ ချမ်းသာ လာတယ် မထင် လိုက်နဲ့၊ ကံမျိုးစေ့ အောင်မြင်လာတော့ “အနုတ္တရံ ပုညခေတ္တံ လောကဿ” ဆိုတဲ့ သာသနာခေတ်ကြီး မှာ ဉာဏ် နဲ့ လုံ့လ စိုက်ထုတ်နိုင်သလောက် အကျိုးဖြစ်ထွန်း တာပေါ့။ “သမ္မသကတ သမ္မာဒိဋ္ဌိ” အမြင်မှန် လက် မလွတ်စေနဲ့၊ မမေ့မလျော့ ဆက်ကြိုးစား ကြားလား” လို့ မိန့်ကြားပါတယ်။
မောင်ဆင် ရဲ့ဘ၀ ဘယ်လို ပြောင်းလဲ သွားပေမယ့် မစိုးရိမ် ဆရာတော်ကြီး မွေးနေ့ရောက်တဲ့ အခါ မှာတော့ အရင် က လုပ်နေကျ အတိုင်း ထင်းခွဲ၊ အမှိုက်ရှင်း၊ ရေခပ် စတဲ့ အလုပ်ကြမ်း မှန်သမျှ မိသားစုပါ ၀ိုင်းဝန်းပြီး ဆောင်ရွက်မြဲ ဆောင်ရွက် ပါတယ်။
စစ်ကြီးပြီးစလောက် မှာတော့ အိန္ဒိယ ပြန်သွားတဲ့ ဆန်စက်ပိုင်ရှင် များက “သူတို့ မိသားစု ဟိုမှာ လည်း အလုပ် အကိုင် အဆင်ပြေနေတဲ့ အတွက် ဟိုမှာ ပဲ အခြေချတော့မယ်။ ဆန်စက် များ ကိုလည်း ရိုးသားပြီး သစ္စာ ရှိတဲ့ မောင်ဆင် ကိုပဲ အပြီး အပိုင်ပေးပါတယ်” လို့ စာနဲ့ လွှဲအပ် ပါတယ်။ စစ်ပြီးစလောက် တုန်းက မတ္တရာ နယ်တစ်ဝိုက် မှာတော့ ဆင်းရဲသား (ကျောမွဲ စစ်စစ်) ဘ၀ က ဆန်စက် ပိုင်ရှင် သူဌေးကြီးဖြစ် သွားတဲ့ “အရဟံ ဦးဆင်” အကြောင်း လူတိုင်း လိုလိုက တအံ့ တသြ ပြောမဆုံးအောင် တစ်နယ်လုံးကို ဟိုးလေး တကျော် ဖြစ်ရပ် ပါပဲတဲ့။
ဒီနေရာ မှာ အထူး သတိထား ရမှာကတော့ “ဘုရားရှင် ရဲ့ ဂုဏ်တော်တွေ၊ နှုတ်ကပါဌ်တွေ မှာ ဘယ်ဂုဏ်က ဘယ်ဂုဏ် ထက် ပိုသာတယ်၊ ဘယ်ဂါထာ က ဘယ်ဂါထာ ထက် ပိုသာတယ်၊ ဘယ်ဂါထာက ဘယ်ဂါထာ ထက် ပိုပြီး အစွမ်းထက် တယ် လို့ ကွဲပြားခြားနား မှု မရှိပါဘူး။ ရတနာ သုံးပါး နဲ့ ပတ်သက်ရင် နည်းကောင်း နည်းညံ့ ခွဲဖို့ မလိုဘူး။ နည်းမြဲ ဖို့ပဲ လိုတယ်” ဆိုတဲ့ အချက်ပါပဲ။
ပဋ္ဌာန်းဒေသနာတော် အလို အရတော့ အာသေ၀န ပစ်္စည်း တပ်တယ် လို့ ခေါ်ပါတယ်။ ကံ အနေနဲ့ ပြောရ ရင်တော့ “မပြတ်လေ့ကျက်နေတဲ့ အာစိဏ္ဏကံ” ပါပဲ။ အာစိဏ္ဏကံ ထက်သန်မြဲမြံ လာရင် ပစ္စုပ္ပန်မှာ မျက်မြင် ဒိဋ္ဌ ခံစား ရတဲ့ “ဒိဌဓမ္မ ဝေဒနိယ” အကျိုးကော နောင် အဆက်ဆက် “သမ္ပရာယိက” အကျိုး ကိုပါ ထင်ထင် ရှားရှား ကြီးကြီး မားမား ပေးတတ် စမြဲ ဖြစ်ပါတယ်။
ပြီးတော့ အခုဘ၀ မှာ အသစ်ပြုလုပ် တဲ့ ကံတွေ ဟာ ကိုယ်တိုင် အကျိုးပေးနိုင်တဲ့ “ဇနက သတ္တိ” ဆိုတာ ရှိ သလို ကံဟောင်းတွေ ကို အားကောင်းပြု အကျိုးပေးခွင့် ရလာအောင် ထောက်ပံ့ ကူညီပေးတတ်တဲ့ “ဥပထမ္ဘက သတ္တိ” ဆိုတာလဲ ရှိပါတယ်။
ဒါကြောင့် ကုသိုလ် တိုင်း ဟာ ပြုဆဲ ဘ၀ မှာပဲ ကောင်းကျိုးတွေပေးတတ်, တိုးစေတတ်တယ် ဆိုတာ အရဟံ ဦးဆင် လို ဖြစ်ရပ်များ အရ သိသာ ထင်ရှားပါတယ်။
[မစိုးရိမ် ဆရာတော်ကြီး ထံမှ ကြားနာ မှတ်သားခဲ့ရသည့် အတိုင်း အမရပူရမြို့၊ တူမောင်းတိုက် ပဓာန နာယက ဆရာတော် ဘဒ္ဒန္တမေဓိယ (အဂ္ဂမဟာပဏ္ဍိတ) ထပ်ဆင့် မိန့်ကြားဆုံးမချက် ကို မျှဝေတင်ပြလိုက် ပါတယ်။]
ဓမ္မဘေရီအရှင်ဝီရိယ-တောင်စွန်း
(Photo: Google)
Dhammabheri Ashin Viriya
သူ့ကို လူတွေ အသိများ တာ ဟာ ဆန်စက် ပိုင်ရှင် သူဌေးကြီး တစ်ဦးဖြစ် လို့ ဆိုတာ ထက် အင်္ကျီဗလာ၊ လုံချည် ဖာတစ်ရာ နဲ့ နွားကျောင်းသား ဘ၀ က ဗြုန်းစားကြီး ဆန်စက် ပိုင်ရှင် အဖြစ် ပြောင်းလဲ သွားတာ ရယ်၊ သေသည် အထိ ပုတီးတစ်ကုံး နဲ့ ပုတီး မပြတ် စိပ်နေလေ့ ရှိတာရယ်၊ သူ့အိမ်ဝ မှာ “အရဟံ” ဆိုတဲ့ စာလုံး ဆိုင်းဘုတ် အကြီး ကြီး ရေးထား တာရယ်တို့ကြောင့်ပါပဲ။
ဒီ “အရဟံ” ဆိုတဲ့ စာလုံး ဆိုင်းဘုတ်ကြီးကြောင့်ပဲ သူ့ကို “အရဟံ ဦးဆင်” လို့ လူတွေက သိကြခေါ်ကြ တာ ပါ။
ဦးဆင် ဆိုတာ ငယ်ငယ် က သာမဏေ ဘ၀ နဲ့ မန္တလေးမြို့ မစိုးရိမ်ကျောင်း တိုက် ဆရာတော်ကြီး ဘဒ္ဒန္တသူရိယာဘိဝံသ (နောင် အဘိဓဇမဟာရဋ္ဌဂုရု) ထံမှာ နေသွား ခဲ့ဖူးတယ်။ ရဟန်း မဖြစ်ခင်မှာဘဲ သူ့ဒကာကြီး ဆုံးပါး သွားလို့ မိခင် နဲ့ လူမမယ် (မည်) ညီ၊ ညီမငယ်တွေ ကို လုပ်ကိုင်ကျွေးဖို့ လူထွက်လိုက် ရတယ်။
လယ်ယာမြေပိုင် မရှိတဲ့ အတွက် သူများ အိမ်မှာ ထွန်ယက် နွားကျောင်းသူ ရင်းငှား ဘ၀နဲ့ လုပ်ကိုင် စားရတဲ့ ဘ၀ မှာ မိသားစု က စားအိုးကြီးတဲ့ အတွက် အသက်ထိန်း ရုံ အရှက် လုံရုံ အနိုင်နိုင်ဖြစ်လို့ လုံချည် ခါးနွမ်း ကျောနေလှမ်း ဘ၀ မှာ အိမ်က ခနော် ခနဲ့ခေတ်သစ် ကာက၀လိယ လို့တောင် ဆိုနိုင်လောက်ပါ သတဲ့။
ဆရာသမား ရဲ့ ဂုဏ်ကျေးဇူး ကို အမြဲ ဦးထိပ် ထားတတ် တဲ့ မောင်ဆင် ဟာ မစိုးရိမ် ဆရာတော် ဘုရားကြီး မွေးနေ့ နီးပြီ ဆိုရင်တော့ မစိုးရိမ်ကျောင်းတိုက် ကို အမြဲရောက်အောင် လာတယ်။ လှူဖွယ် ၀တ္ထုရယ် လို့ မပါပေမယ့် ဆရာသမား ကို ၀တ်ကြီး ၀တ်ငယ် ပြုပေးရင်း ထင်းခွဲ၊ ရေခပ်၊ တံမြက်လှည်း စတဲ့ အလုပ်ကြမ်း မှန်သမျှ အားလုံး ဒိုင်ခံပြီး လုပ်လေ့ ရှိပါသတဲ့။
မွေးနေ့ပြီး လို့ အပြန် မှာတော့ အင်္ကျီဗလာ နဲ့ တပည့် ကို မကြည့်ရက်တဲ့ အတွက် ဆရာတော်ကြီးက “ငါ့ တပည့် လို သံဃာ့ဝေယျာဝစ္စ လုပ်သူ အတွက် ပေးကောင်းတယ် ကွဲ့။ အပ်စပ် ပါတယ်။ အင်္ကျီချုပ်ဝတ်” လို့ ပြောပြီး အဲဒီခေတ် က နာရေး ကန်တော့ ပွဲတွေ မှာ ပါလာလေ့ ရှိတဲ့ ပိတ်စ ကလေးတွေကို ချီးမြှင့် တတ်ပါတယ်။
ဆရာတော်ကြီး က မိမိ အတွက် အင်္ကျီချုပ်ဖို့ ဆိုပြီး ပေးစွန့်ပေမယ့် အိမ်မှာ အရွယ်ရောက်စပြုနေ ပြီဖြစ် တဲ့ နှမတွေ ညီငယ်တွေ အတွက်ပဲ သင့်သလို ချုပ်ပေးပြီး မောင်ဆင် ကတော့ ထုံးစံ အတိုင်း ယက်ချည် ထက် ချုပ်ချည် ကတောင် ပိုများ နေပြီလား ထင်ရတဲ့ လုံချည် ဖာတစ်ရာ ကျောဗလာပဲ နေရတာပါ။
မွေးနေ့ နီးတိုင်း နှစ်စဉ် မှန်မှန်ရောက်လာပြီး ကျောပြောင်ကြီး ပိုပြီး မွဲခြောက် လာတာ က လွဲလို့ ဘာမှ တိုးတက် ပြောင်းလဲ မလာတဲ့ တပည့် ကို ကြည့်ပြီး ဆရာ တော်ကြီးက-
“ငဆင် နင် မချမ်းသာချင် ဘူးလား” လို့ မေးတော့-
“ဘယ့်နှယ် မိန့်လိုက် ပါလိမ့်ဘုရား။ တပည့်တော် သူများတွေလို သူဌေးဖြစ်အောင် မချမ်းသာချင်နေပါစေ။ အစား အ၀တ် ပြည့်ပြည့် စုံစုံ နဲ့ မိုးလုံလေလုံလောက် နေရရင် ကို ကျေနပ် လှပါပြီ။ ဆရာတော် မစနိုင်ရင် မစပေးတော်မူပါဘုရား” လို့ လျှောက်ထားပါသတဲ့။
ဆရာတော်ကြီးက “ဟဲ့... ငဆင် ရဲ့၊ ကံ ကံ၏ အကျိုး ဆိုတာ နင်လည်း သိသား ပဲဟာ။ နင့်ကို ငါက မစလို့ ဘယ်ရ မလဲဟဲ့။ နင်ကိုယ်တိုင် ရုန်းပြီး ရပ်မှ မတ်လာ မှာပေါ့” ဆိုတော့...
“မှန်ပါ၊ တတ်နိုင် သမျှတော့ ကြိုးစား တာပါပဲ ဘုရား။ မိသားစု ကလည်း များ၊ ညီတွေ ညီမတွေ ကလည်း လက် လုပ် လက်ကိုင်လေး မှ အကူအညီ က မရသေး။ ဒီကြား ထဲ လောက အလျောက် အိမ်ထောင်ကလည်း ကျပြီး ဆိုတော့ အလုပ်နဲ့ ၀င်ငွေ က မတိုးဘဲ ပါးစပ်ပေါက်တွေ သာ တိုးနေတဲ့ အတွက် ဒီလိုပဲ လုံးချာ လိုက်နေ တာပဲ ဘုရား” လို့ ပြန်လျှောက်ပါတယ်။
ဆရာတော်ကြီး က “အေး... နင့်ကို ငါက မ,ထူပေးလို့တော့ မရဘူး။ နင့် ကိုယ်နင် ရုန်းထနိုင်အောင် အထောက် အကူတော့ ပေးလိုက်မယ်။ ရော့ ဟောဒီ ပုတီး ကို ယူသွား။ ဘာမှ နည်းတွေများ မနေနဲ့ “အရဟံ” တစ်လုံး ကို အဓိပ္ပာယ် ပါ အာရုံပြုပြီး မပြတ် ပွားပေရော့” ဆိုပြီး အနားမှာ ရှိတဲ့ ပရိက္ခရာ ပုံထဲ က ပုတီး တစ်ကုံး ကို ပေးလိုက်ပါတယ်။
ဆရာတော်ကြီး က မတာ မဟုတ်ဘူး ဆိုပေမယ့် မောင်ဆင် ကတော့ ဒါဟာ ဆရာတော်ကြီး က သူ့ကို မစ လိုက်တာပဲ ဆိုပြီး ဆရာတော် မိန့်ကြားတဲ့ အတိုင်း မပြတ်ပွားပြီး စိပ်တော့ တာပဲ။
ခါတိုင်း ကိုယ် အထက်ပိုင်း မှာ ဗလာကျင်းနေတဲ့ မောင်ဆင် မှာ ခုတော့ အလုပ် လုပ်နေချိန် ဆိုရင်လည်း လည်ပင်း မှာ ပုတီး တစ်ကုံး ဆွဲထား တာ တွေ့ရပြီး အလုပ် နားတာ နဲ့ ပုတီးနဲ့ လက်မပြတ်အောင် စိပ်တော့ တာပဲ။
နွားကျောင်း ရင်လည်း ပုတီးစိပ် က မပြတ်တော့ ဒုစရိုက်ရယ် လို့ ကျူးလွန်ချိန် ကို မရှိတော့ဘူး။
နောက် တစ်နှစ် ဆရာတော်ကြီးမွေးနေ့ မှာ မောင်ဆင် ရောက် လာတော့လည်း ဘာမှ ထူးခြားပြောင်းလဲမှု မရှိသေးဘူး။ ဆရာတော်ကြီး ထံပါးမှာ ၀တ်ချတော့...
“ငဆင် ဘာတွေ များ ထူးခြား လာသလဲ ဟဲ့”
“ဘာမှ မထူးသေးပါ ဘုရား”
“အေး လာစမ်း ဒီနား” ဆိုပြီး “ဖြန်း” ခနဲ ရိုက်လိုက်တော့...
“အမလေး ဘုရား” လို့ လန့်အော်တယ်။ ဆရာတော်ကြီးက...
“နင် လိုသေးတယ်၊ ဆက်ကြိုး စားဦး” လို့ မိန့်ပါတယ်။
နောက်နှစ်နှစ် သုံးနှစ် ဒီအတိုင်း ပဲ၊ မထူးဘူး။ အဲ... လေးနှစ်မြောက် အရောက် မှာတော့ ဆရာတော်ကြီး “ငဆင် လာစမ်း ဒီနား” “ဖြန်း” ဆိုတော့ “အရဟံ... အရဟံ... အရဟံ...” လို့ အော်လိုက် ပါသတဲ့။
“အေး နင့်ခန္ဓာကိုယ် ထဲခုမှ “အရဟံ” ဂုဏ်တော် ကိန်းတယ် ဟ။ သုံးလေး နှစ် အတွင်း ခန္ဓာကိုယ် ထဲ အရဟံ ဘုရား အမြဲကိန်းအောင် တည်နိုင်တာ နင် မဆိုးဘူး၊ နင် ထူးတော့မယ်။ ဆက်ကြိုးစား ကြားလား”
“မှန်ပါဘုရား”
အချိန်က ဂျပန်တွေ မြန်မာပြည် ၀င်လာ ခါစ၊ မြန်မာပြည် ကို စစ်ငွေ့စစ်ရိပ် များ သန်းလာပြီ။ မတ္တရာနယ် ကပိုင်ရွာ မှာ ရှိတဲ့ ဆန်စက် ပိုင်ရှင် အိန္ဒိယ အမျိုးသား မိသားစု တို့က စစ်ဘေးဒဏ် ကို တိမ်းရှောင်ရင်း သူတို့ဆွေမျိုးများ ရှိရာ အိန္ဒိယ ကို ပြန်လိုတဲ့ အတွက် သူတို့ မရှိတုန်းမှာ သူတို့ ပိုင်တဲ့ ဆန်စက် ကို အစောင့် အရှောက်အဖြစ် လွှဲအပ် ခဲ့ဖို့ နယ်မှာ ရှိတဲ့ အကြီး အကဲများ၊ မိတ်ဆွေ သင်္ဂဟ များနဲ့ တိုင်ပင်တဲ့ အခါ အဲဒီနယ် သူကြီးက-
“သူရင်းငှားလုပ်နေ တဲ့ မောင်ဆင် ဟာ ဆင်းရဲပေမယ့် ရိုးသားပြီး သစ္စာရှိ တယ်။ မစိုးရိမ် ဆရာတော်ကြီး ရဲ့တပည့်ဖြစ် လို့ ဆရာကောင်း တပည့်ပီပီ ရိုးသား တည်ကြည်တယ်၊ သူများ ပစ္စည်းကို အလွဲသုံးစား လုပ် မယ့် သူငယ် မဟုတ်ဘူး။ ဆရာသမား များရဲ့ အရှိန် အ၀ါကြောင့်လည်း ဆရာကောင်း တပည့် မပီ သတဲ့ အလုပ်မျိုး လုပ်မှာ မဟုတ်တာ သေချာတယ်။ သူ့ကို ပဲ လွှဲအပ်ပြီး စောင့်ရှောက်ခိုင်း တာ အကောင်းဆုံးပဲ” လို့ အကြံပေးကြတယ်။
ဆန်စက် ပိုင်ရှင်များ က လည်း ဟိန္ဒူ အမျိုးသားများ ဖြစ်တဲ့ အတိုင်း “မစိုးရိမ်တိုက်” ဆိုတာကို ကြားဖူးပြီး အထင်ကြီး လေးစားကြတဲ့ အတွက် သဘောကျ ပြီး မောင်ဆင်နဲ့ သွားတွေ့ အကျိုး အကြောင်း ပြောဆို ညှိနှိုင်းကြပြီး နှစ်ဦးနှစ်ဖက် သဘော တူကြ လို့ မောင်ဆင် လက်ထဲ ဆန်စက် ကို လွှဲအပ်ပြီး အိနိ်္ဒယပြန် သွားကြတယ်။
မောင်ဆင် လည်း မမျှော်လင့် ဘဲ ဆန်စက် နဲ့ လုပ်ကိုင် စားသောက်ခွင့် ရရှိ သွားလို့ ဆန်စက်ပိုင် မဟုတ်ပေမယ့် ဆန်စက် ကိုင် သူဌေးလေး ဘ၀ ရောက်သွားတော့တယ်။
အဲဒီနှစ် မစိုးရိမ် ဆရာတော်ကြီး ရဲ့ မွေးနေ့ ကို သွားတဲ့ အခါမှာတော့ မောင်ဆင် ဟာ နှစ်တိုင်းနဲ့ မတူတော့ ဘူး။ အ၀တ် အစား သပ်သပ် ရပ်ရပ် နဲ့ လှူစရာ ဆန်အိတ်တွေ ဘာတွေ သယ် လာပြီး မိသားစုနဲ့ အတူ ရောက် လာကြတယ်။ ဆရာတော်ကြီးက-
“ငဆင် ဒီနှစ် ထူးလာပြီလား ဟ” ဆိုတော့...
“မှန်ပါ၊ ထူးဆို တပည့်တော် စိတ်ကူးနဲ့တောင် မမှန်းဆ ရဲခဲ့ဖူးတဲ့ အထိ ကို ထူးတာဘုရာ့။ အခု တပည့်တော် ဆန်စက် တစ်လုံး ကို စောင့်ရှောက်ရင်း လုပ်ကိုင် စားသောက်ခွင့် ရလို့ တပည့်တော် တောင့်တခဲ့တဲ့ စားဝတ်နေရေး ပြည့်စုံပြီး မိုးလုံ လေလုံနေနိုင်ဖို့ ဆိုတဲ့ အဆင့်ထက်တောင် လွန်နေပြီ ဘုရာ့။ ဒါတွေဟာ ဆရာတော် မ,လိုက်တဲ့ ဆရာတော့် ကျေးဇူးတွေပါပဲ ဘုရား” ဆိုပြီး ၀မ်းသာ မျက်ရည် နဲ့ လျှောက်ထား ရှာတယ်။
“ဟဲ့... ငဆင် ရဲ့၊ နင့်ကို ငါ မလို့ မရဘူး။ နင့်ကိုယ် နင် ရုန်းကန် ထရမှာ လို့ အစ ကတည်းက ပြောထား သား နဲ့၊ ဘယ်ကလာ ငါက မ ရမှာလဲ၊ အဲဒါ ငါမ တာ လည်း မဟုတ်ဘူး၊ နံဘေးမှာ ရှိတဲ့ ဘုရားတွေ က မတာ လည်း မဟုတ်ဘူးဟဲ့။ နင့်ခန္ဓာကိုယ် ထဲမှာ နင်ကိုယ်တိုင် မပြတ်ပွား ထုံပြီး တည်ထားတဲ့ “အရဟံ ဘုရား” က မတာ။
မတယ် ဆိုလို့ ဘုရား တန်ခိုးသက်သက် နဲ့ ချမ်းသာ လာတယ် မထင် လိုက်နဲ့၊ ကံမျိုးစေ့ အောင်မြင်လာတော့ “အနုတ္တရံ ပုညခေတ္တံ လောကဿ” ဆိုတဲ့ သာသနာခေတ်ကြီး မှာ ဉာဏ် နဲ့ လုံ့လ စိုက်ထုတ်နိုင်သလောက် အကျိုးဖြစ်ထွန်း တာပေါ့။ “သမ္မသကတ သမ္မာဒိဋ္ဌိ” အမြင်မှန် လက် မလွတ်စေနဲ့၊ မမေ့မလျော့ ဆက်ကြိုးစား ကြားလား” လို့ မိန့်ကြားပါတယ်။
မောင်ဆင် ရဲ့ဘ၀ ဘယ်လို ပြောင်းလဲ သွားပေမယ့် မစိုးရိမ် ဆရာတော်ကြီး မွေးနေ့ရောက်တဲ့ အခါ မှာတော့ အရင် က လုပ်နေကျ အတိုင်း ထင်းခွဲ၊ အမှိုက်ရှင်း၊ ရေခပ် စတဲ့ အလုပ်ကြမ်း မှန်သမျှ မိသားစုပါ ၀ိုင်းဝန်းပြီး ဆောင်ရွက်မြဲ ဆောင်ရွက် ပါတယ်။
စစ်ကြီးပြီးစလောက် မှာတော့ အိန္ဒိယ ပြန်သွားတဲ့ ဆန်စက်ပိုင်ရှင် များက “သူတို့ မိသားစု ဟိုမှာ လည်း အလုပ် အကိုင် အဆင်ပြေနေတဲ့ အတွက် ဟိုမှာ ပဲ အခြေချတော့မယ်။ ဆန်စက် များ ကိုလည်း ရိုးသားပြီး သစ္စာ ရှိတဲ့ မောင်ဆင် ကိုပဲ အပြီး အပိုင်ပေးပါတယ်” လို့ စာနဲ့ လွှဲအပ် ပါတယ်။ စစ်ပြီးစလောက် တုန်းက မတ္တရာ နယ်တစ်ဝိုက် မှာတော့ ဆင်းရဲသား (ကျောမွဲ စစ်စစ်) ဘ၀ က ဆန်စက် ပိုင်ရှင် သူဌေးကြီးဖြစ် သွားတဲ့ “အရဟံ ဦးဆင်” အကြောင်း လူတိုင်း လိုလိုက တအံ့ တသြ ပြောမဆုံးအောင် တစ်နယ်လုံးကို ဟိုးလေး တကျော် ဖြစ်ရပ် ပါပဲတဲ့။
ဒီနေရာ မှာ အထူး သတိထား ရမှာကတော့ “ဘုရားရှင် ရဲ့ ဂုဏ်တော်တွေ၊ နှုတ်ကပါဌ်တွေ မှာ ဘယ်ဂုဏ်က ဘယ်ဂုဏ် ထက် ပိုသာတယ်၊ ဘယ်ဂါထာ က ဘယ်ဂါထာ ထက် ပိုသာတယ်၊ ဘယ်ဂါထာက ဘယ်ဂါထာ ထက် ပိုပြီး အစွမ်းထက် တယ် လို့ ကွဲပြားခြားနား မှု မရှိပါဘူး။ ရတနာ သုံးပါး နဲ့ ပတ်သက်ရင် နည်းကောင်း နည်းညံ့ ခွဲဖို့ မလိုဘူး။ နည်းမြဲ ဖို့ပဲ လိုတယ်” ဆိုတဲ့ အချက်ပါပဲ။
ပဋ္ဌာန်းဒေသနာတော် အလို အရတော့ အာသေ၀န ပစ်္စည်း တပ်တယ် လို့ ခေါ်ပါတယ်။ ကံ အနေနဲ့ ပြောရ ရင်တော့ “မပြတ်လေ့ကျက်နေတဲ့ အာစိဏ္ဏကံ” ပါပဲ။ အာစိဏ္ဏကံ ထက်သန်မြဲမြံ လာရင် ပစ္စုပ္ပန်မှာ မျက်မြင် ဒိဋ္ဌ ခံစား ရတဲ့ “ဒိဌဓမ္မ ဝေဒနိယ” အကျိုးကော နောင် အဆက်ဆက် “သမ္ပရာယိက” အကျိုး ကိုပါ ထင်ထင် ရှားရှား ကြီးကြီး မားမား ပေးတတ် စမြဲ ဖြစ်ပါတယ်။
ပြီးတော့ အခုဘ၀ မှာ အသစ်ပြုလုပ် တဲ့ ကံတွေ ဟာ ကိုယ်တိုင် အကျိုးပေးနိုင်တဲ့ “ဇနက သတ္တိ” ဆိုတာ ရှိ သလို ကံဟောင်းတွေ ကို အားကောင်းပြု အကျိုးပေးခွင့် ရလာအောင် ထောက်ပံ့ ကူညီပေးတတ်တဲ့ “ဥပထမ္ဘက သတ္တိ” ဆိုတာလဲ ရှိပါတယ်။
ဒါကြောင့် ကုသိုလ် တိုင်း ဟာ ပြုဆဲ ဘ၀ မှာပဲ ကောင်းကျိုးတွေပေးတတ်, တိုးစေတတ်တယ် ဆိုတာ အရဟံ ဦးဆင် လို ဖြစ်ရပ်များ အရ သိသာ ထင်ရှားပါတယ်။
[မစိုးရိမ် ဆရာတော်ကြီး ထံမှ ကြားနာ မှတ်သားခဲ့ရသည့် အတိုင်း အမရပူရမြို့၊ တူမောင်းတိုက် ပဓာန နာယက ဆရာတော် ဘဒ္ဒန္တမေဓိယ (အဂ္ဂမဟာပဏ္ဍိတ) ထပ်ဆင့် မိန့်ကြားဆုံးမချက် ကို မျှဝေတင်ပြလိုက် ပါတယ်။]
ဓမ္မဘေရီအရှင်ဝီရိယ-တောင်စွန်း
(Photo: Google)
Dhammabheri Ashin Viriya
No comments:
Post a Comment