ဒေါ်လာ ၇ ဘီလျံကျော် နိုင်ငံခြားတွင် အပ်နှံထားဟု အစိုးရ ထုတ်ပြန်

ဘဏ်နှင့် ငွေကြေးစနစ် ပွင့်လင်းမှု မရှိကြောင်း ရန်ကုန် လမ်းဘေးတနေရာတွင် ရေးဆွဲဖော်ထုတ်ထားမှု တခုကို ၂၀၁၂ ခုနှစ်တုန်းက တွေ့မြင်ခဲ့ရစဉ် (ဓာတ်ပုံ – Reuters)

ပြည်ပ၌ အမည်မသိဖွင့်လှစ်ထားသော ဘဏ်အကောင့်များထဲတွင် ဒေါ်လာဘီလျံချီရှိနေကြောင်း သတင်း များပေါ်ထွက်နေမှုကို တုန့်ပြန်သည့်အနေဖြင့် မြန်မာအစိုးရဘဏ်များနှင့် ပြည်တွင်း ပုဂ္ဂလိကဘဏ် များက နိုင်ငံတကာ ဘဏ်များတွင် အမေရိကန် ဒေါ်လာ ၇ ဒသမ ၆ ဘီလျံ အပ်နှံထားသည်ဟု ယနေ့ နေပြည်တော်တွင် ပြုလုပ်သော သတင်းစာရှင်းလင်းပွဲတွင် ဗဟိုဘဏ် ဥက္ကဌက ဝန်ခံပြောကြား သည်။ သို့ရာတွင် အသေးစိတ်အချက်အလက်များ ထုတ်ဖော်ရှင်းလင်းခြင်း မရှိပေ။


ယနေ့ နေပြည်တော်တွင် သမ္မတရုံး ၀န်ကြီးဦးစိုးသိန်း အပါအ၀င် အစိုးရ၀န်ကြီးများ ပါဝင်သော မီဒီယာတွေ့ ဆုံပွဲတွင် ဧရာဝတီ သတင်းဌာနက နိုင်ငံခြားဘဏ်များတွင် မြန်မာနိုင်ငံမှ အမေရိကန်ဒေါ်လာ ဘီလျံပေါင်းမြောက်မြားစွာ အပ်နှံထားမှုနှင့် ပတ်သက်ပြီး အသေးစိတ် သိရှိလိုကြောင်း မေးမြန်းရာ ဗဟို ဘဏ်ဥက္ကဋ္ဌ ဦးကျော်ကျော်မောင်က အစိုးရနှင့် ပုဂ္ဂလိက ကဏ္ဍက အမေရိကန်ဒေါ်လာ ၇ ဒသမ ၆ ဘီလျံ  နိုင်ငံခြားဘဏ်များတွင် အပ်နှံထားပါကြောင်း ပြောဆိုလိုက်ခြင်း ဖြစ် သည်။



“ကျနော်တို့မှာ တရားဝင် အမေရိကန် ဒေါ်လာ ၇ ဒသမ ၆ ဘီလျံပဲ ရှိပါတယ်။ ၁၁ ဘီလျံရှိတယ် ဆိုပြီး ပြောနေ တာက ကျနော်တို့ လည်း မသိပါဘူး။ ကျနော်တို့ရဲ့ Foreign Exchange Result ပါ။ နိုင်ငံတော်ငွေ လည်း ပါပါ တယ်။ ပုဂ္ဂလိက ငွေလည်း ပါပါတယ်။ နိုင်ငံတကာဘဏ် တွေလည်း ထားပါတယ်။ သုံးစရာ ရှိရင် အဲဒီက ယူသုံးတယ်”ဟု ဦးကျော်ကျော်မောင်က ပြောသည်။

ဧရာဝတီသတင်းဌာနက အစိုးရ ယခု ထုတ်ပြန်ပြောဆိုသော ဒေါ်လာ ၇ ဘီလျံ မည်သို့ ရရှိခဲ့ပါသနည်း၊ မည်သည့် ဘဏ်များတွင် အပ်နှံထားပါသနည်း၊ မည်သည့် ပုဂ္ဂလိကဘဏ်များ ပါဝင်သနည်း၊ ယင်းငွေကြေး များသည် တရားဝင် အခွန်ဘဏ္ဍာ ရရှိထားပြီး သော ငွေကြေးများ ဟုတ် မဟုတ်၊ ယင်းငွေကြေးများ ကို မြန်မာပြည်သူ များ အတွက် မည်သို့ မည်ပုံ သုံးစွဲရန် ရှိပါသနည်း ဟု အသေးစိတ် မေးခွန်းများ ထပ်မံမေးမြန်းသော်လည်း ဗဟိုဘဏ်ဥက္ကဋ္ဌ ဦးကျော်ကျော်မောင်က ဖြေဆိုရန် ငြင်းဆိုသည်။

သို့ရာတွင် အစိုးရက နိုင်ငံခြားဘဏ်များတွင် ငွေအပ်နှံထားရာ၌ ဗဟိုဘဏ်၊ မြန်မာ့ရင်းနှီးမြုပ်နှံမှုဘဏ် (MFTB)၊ မြန်မာ့ ကူးသန်း ရောင်းဝယ်ရေးနှင့် ရင်းနှီးမြုပ်နှံရေး ဘဏ် (MICB)၊ ဗဟိုဘဏ် အနေဖြင့် ငွေ အပ်နှံထားခြင်းဖြစ်ပြီး ပုဂ္ဂလိကဘဏ် များက လည်း နိုင်ငံခြားဘဏ်များတွင် ငွေစာရင်းဖွင့်ပြီး အပ်နှံ ထားကြောင်း၊ နိုင်ငံခြားဘဏ်များတွင် စုစုပေါင်း အပ်နှံထားမှု ငွေပမာဏမှာ အမေရိကန်ဒေါ်လာ ၇ ဒသမ ၆ ဘီလီယံဖြစ်ပြီး အစိုးရနှင့် ပုဂ္ဂလိက ဘဏ်များ၏ ပိုင်ဆိုင်မှု ရာခိုင်နှုန်း ကို ထုတ်ဖော်မပြောဆိုနိုင်ကြောင်း ဦးကျော်ကျော်မောင်က ဆိုသည်။

ယခင်အပတ်က မြန်မာနိုင်ငံမှ အမည်မသိ နိုင်ငံခြားဘဏ် အကောင့်များ ဖွင့်ထားပြီး အမေရိကန် ဒေါ်လာ ၁၁ ဘီလျံ သိမ်းဆည်းထားသောကြောင့် ကမ္ဘာ့ဘဏ်အနေဖြင့် မြန်မာနိုင်ငံအပေါ် တင်ရှိနေသော ကြွေး ကျန်များ လျှော်မပစ်ခြင်းဖြစ်သည်ဟူသော သတင်းရေးသားချက် များကြောင့် စာဖတ်သူများကြား အတော် လှုပ်လှုပ်ရှားရှား ဖြစ်ခဲ့သည်။

ယင်းသတင်းကို စတင်ပြောဆိုခဲ့သူ အမေရိကန် ပြည်ထောင်စု ၀ါရှင်တန် ဒီစီအခြေစိုက် သုတေသန အဖွဲ့အစည်းလုပ်နေသည့် အစိုးရမဟုတ်သည့် NGO တခု ဖြစ်သော Bank Information Centre (BIC) မှ အာရှ ဒေသဆိုင်ရာ ပရိုဂရမ် မန်နေဂျာ မစ္စတာ ဂျဲလ်ဆန် ဂါဆီယာကလည်း အမည်မသိ နိုင်ငံခြားဘဏ် အကောင့်များ ဖွင့်ပြီး ဘီလျံပေါင်းများစွာ သိမ်းဆည်းထားသည် ဆိုခြင်းမှာ ၂၀၁၂ ခုနှစ်အတွင်း ကမ္ဘာ့ဘဏ် (World Bank)၊ အာရှဖွံ့ဖြိုးရေးဘဏ် (ADB) နှင့် အပြည်ပြည်ဆိုင်ရာ ငွေကြေးရံပုံငွေအဖွဲ့ (IMF) မှ အရာရှိများနှင့် တွေ့ဆုံခဲ့မှုများကို အခြေပြုပြောဆိုခြင်းဟု ပြောသည်။

၂၀၀၉ ခုနှစ်ကလည်း အမေရိကန် ပြည်ထောင်စု အခြေစိုက် လူ့အခွင့်အရေးနှင့် သဘာဝ ပတ်ဝန်းကျင် ထိန်းသိမ်း ကာကွယ်ရေး အဖွဲ့ ERI (Earth Right International ) က အမေရိကန် ဒေါ်လာ ၄ ဒဿမ ၈ ဘီလျံမှာ စင်္ကာပူနိုင်ငံရှိ Overseas Chinese Banking Corporation (OCBC) နှင့် DBS Group တို့တွင် အပ်နှံထားပြီး ယင်းငွေများမှာ သဘာဝဓာတ်ငွေ့ ရောင်းရငွေများ ဖြစ်ကြောင်း ထုတ်ပြန်ကြေညာခဲ့ဖူးသည်။ သို့ရာတွင် အဆိုပါဘဏ်များက မမှန်ကြောင်း ထိုစဉ်က ငြင်းဆိုခဲ့ကြသည်။

ယနေ့သတင်းစာရှင်းလင်းပွဲတွင်လည်း စွမ်းအင်ဝန်ကြီးဌာန၊ ဒုတိယ၀န်ကြီး ဦးမြင့်ဇော်က သဘာဝ ဓာတ်ငွေ့ရောင်းရငွေများကို စင်္ကာပူဘဏ်များတွင် အပ်နှံထားသည်ဆိုသော သတင်းမှာလည်း လုံးဝ မဟုတ်မှန်ကြောင်း ပြောဆိုသည်။

သို့သော်  အမေရိကန်ပြည်ထောင်စု အခြေစိုက် လူ့အခွင့်အရေးနှင့် သဘာဝ ပတ်ဝန်းကျင် ထိန်းသိမ်းရေး ကာကွယ်ရေးအဖွဲ့ERI ၏ ဒါရိုက်တာ မစ္စတာ ပေါလ်ဒိုနိုဝဇ်က မြန်မာစစ်အစိုးရသည် သဘာဝ ဓာတ်ငွေ့ရောင်း ချရာမှ ရရှိသော ၀င်ငွေ ၉၉ ရာခိုင်နှုန်း ကို နိုင်ငံခြား အရံငွေကြေးအဖြစ် စင်ကာပူ အပါအ၀င် နိုင်ငံတကာဘဏ်များတွင် အပ်နှံထားသည့် အပြင် ယင်းငွေကြေး များကို နိုင်ငံတော်ဘဏ္ဍာ စာရင်းအတွင်းသို့ ထည့်သွင်းခြင်း မပြုဟု နိုင်ငံတကာ ငွေကြေး ရန်ပုံငွေ အဖွဲ့(IMF) က အတည်ပြု ကြောင်း ဧရာဝတီသို့ ဆက်သွယ်ပြောဆိုခဲ့သည်။

မည်သို့ပင်ဆိုစေ ယင်းပြည်ပတွင် ရှိနေသော ငွေများ ကို မြန်မာနိုင်ငံ က နိုင်ငံတကာ သို့ ပေးဆပ်ရန် ရှိသော အကြွေး ဒေါ်လာ ၁၁ ဘီလျံအား ပြန်ဆပ်ရန် အသုံးမပြုခဲ့ပေ။ အကြောင်းမှာ အကြွေး အများစုကို ဂျပန်က ဝင်ဆပ်ပေးခဲ့သည်။

ယနေ့သတင်း စာရှင်းလင်းပွဲတွင် ဘဏ္ဍာရေးဝန်ကြီး ဦးဝင်းရှိန် က မြန်မာနိုင်ငံ က နိုင်ငံတကာ သို့ ပေးဆပ် ရန် အကြွေး အမေရိကန်ဒေါ်လာ ၁၁ ဘီလျံရှိ ခဲ့ပြီး အကြွေးဆပ် နိုင်ရေးအတွက် ကမ္ဘာ့ဘဏ် ပူးပေါင်းဆောင် ရွက်လျက်ရှိကြောင်း၊ ပေးဆပ်ရမည့် ကြွေးမြီများမှာ ၁၉၈၈ ခုနှစ် မတိုင်မီက ချေးယူ ခဲ့သော ကြွေးမြီများဖြစ်ကြောင်း၊ ၁၉၈၈ ခုနှစ်နောက်ပိုင်း ယူထားသော အကြွေးများကို ဆပ်နိုင်ခဲ့ပြီဟု ဆိုသည်။

၁၉၈၈ ခုနှစ် မတိုင်မီ မြန်မာနိုင်ငံက ကမ္ဘာ့ဘဏ်၊ အာရှ ဖွံ့ဖြိုးရေးဘဏ် (ADB) နှင့် Paris Club နိုင်ငံများ သို့ ပေးဆပ်ရန် အကြွေး အမေရိကန်ဒေါ်လာ သန်းပေါင်း ၈ ထောင်ကျော် (၈၄၀၈ ဒသမ ၃၄) ရှိခဲ့ပြီး ဂျပန်နိုင်ငံအား သန်းပေါင်း ၆ ထောင် အထိ အများဆုံး ပေးဆပ်ရမည် ဖြစ်ကြောင်း၊ ၁၉၈၈ နောက်ပိုင်း စစ်အစိုးရ လက်ထက်တွင် ဒေါ်လာ သန်းပေါင်း ၂ ထောင်ကျော် (၂၆၁၄ ဒသမ ၉၅၀) ရှိကာ တရုတ်နိုင်ငံသို့ သန်းပေါင်း ၂၁၀၀ ကျော်ပေးဆပ်ရမည် ဖြစ်ကြောင်း ဘဏ္ဍာရေးဝန်ကြီးဌာန၏ ထုတ်ပြန်ချက်အရ သိရှိရသည်။

မြန်မာနိုင်ငံမှ တရားမဝင်ငွေကြေးများ စီးဆင်းမှု ကို စောင့်ကြည့်နေ သူများကမူ နိုင်ငံခြား ဘဏ်များတွင် ငွေ စာရင်း ဖွင့်လှစ်မှုမှာ ယခင် စစ်အစိုးရခေါင်းဆောင်များနှင့် နီးစပ်သူများ၊ 

လက်ရှိ တပ်မတော်ခေါင်းဆောင် များနှင့် ဒဏ်ခတ်ပိတ်ဆို့မှုစာရင်းတွင် မပါဝင်သူများက ဖွင့်လှစ် ထားကြခြင်းဖြစ်ပြီး ဇူလိုင်လ အစောပိုင်း တွင် မြန်မာ့တပ်မတော် ကာကွယ်ရေးနှင့် စစ်လက်နက်ပစ္စည်း ထုတ်လုပ်ရေးဌာန အကြီးအကဲ ဒု- ဗိုလ်ချုပ်ကြီး သိန်းဌေးကို အမေရိကန် ဘဏ္ဍာရေးဝန်ကြီးဌာနက ဒဏ်ခတ်ပိတ်ဆို့မှု စာရင်းသွင်းခဲ့ ရခြင်းသည် မြောက်ကိုရီးယားနှင့် လက်နက်ရောင်းဝယ်ရာတွင် ပတ်သက်သော ဘဏ်စာရင်း ကို စင်္ကာပူတွင် ဖွင့်လှစ်ထားမှုနှင့် ပတ်သက်နေနိုင်သည် ဟု ထောက်ပြပြော ဆိုသည်။

Credit: Irrawaddy News  
Search Myanmar  မှမျှဝေဖေါ်ပြသည်