ဓနု ရာသီဖွားများ

ဓနု ရာသီဖွားများ
(နိုဝင်ဘာ (၂၃) မှ ဒီဇင်ဘာ (၂၁) နတ်တော်လ)

ဓနုရာသီ သည် ရာသီ (၁၂) ပါးတွင် န၀မမြောက် ရာသီခွင်ဖြစ်၏။
ကောင်းကင်ပြင်ရှိ ကြယ်ပွင့်များ ၏ ပုံသဏ္ဍာန်တွင် လေးနှင့်မြားကို ကိုင်ထားသော လေးသည်တော်သည် အပေါ်ပိုင်းတွင် လူ၏ ခန္ဓာကိုယ် ရှိပြီး ခါးအောက်ပိုင်းတွင် ခြေလေးချောင်းနှင့် မြင်း ၏ ကိုယ်သဏ္ဍာန် ရှိသော လူမြင်းလေးသည်တော်၏ ပုံ ပေါ်ထွန်းနေသော ရာသီခွင်ဖြစ်၏။ 

ဓာတ်သဘာဝ အားဖြင့် တေဇောဓာတ် (မီးဓာတ်) သဘာဝ ရှိ၏။ ဓာတ်ဖို သဘာဝ ကိုဆောင်၏။ (၅) ဂဏန်း ၏ စွမ်းအားတို့ သက်ရောက်မှု ရှိ၏။ နှစ်စဉ် နိုဝင်ဘာလ (၂၃) ရက်မှ ဒီဇင်ဘာလ (၂၁) ရက် အကြားတွင် မွေး ဖွားသူများသည် ဓနု ရာသီဖွားများဖြစ်သည်။ 

ထိုသို့ ရက်အတိအကျ မသိဘဲ မြန်မာလ နတ်တော်လ အတွင်း မွေးဖွားသူများ သည်လည်း ဓနု ရာသီဖွား
မှတ်ယူရမည်ဖြစ်၏။


ဓနု ရာသီဖွားများ၏ ပင်ကိုယ် သဘာဝနှင့် အကျင့်စရိုက် လက္ခဏာများ

ဓနု ရာသီဖွားတို့သည် အတွေးအခေါ်ကောင်းသူများဖြစ်၏။ စိတ်ဓာတ်ပြင်းထန်သူများဖြစ်၏။ လျင်မြန်သွက်လက်၍ ထက်မြက်ကြ၏။ ဘယ်အလုပ်ကို မဆို ရဲရင့်စွာ ပြုလုပ်တတ်ကြ၏။ ဟန်ဆောင်မှုကင်း၏။
တည်ကြည် ၏။ ကိုယ့်ကိုယ်ကို နှိမ့်ချတတ်၏။ တရားတော်ကို အလွန်ယုံကြည်လေးစား၏။ သမားရိုးကျ ဆန်ဆန် အရိုးခံ ပြုမူနေထိုင်တတ်၏။ ရှေ့ရေးကို ကြိုတင်မြော်မြင်နိုင်စွမ်းရှိ၏။

စိတ်ဓာတ် အလွန် ခိုင်မာထက်သန်၏။ သို့သော် တစ်ခါ တစ်ရံ အငြိမ်မနေနိုင်လောက်အောင် စိုးရိမ်မှုကြီးနေတတ်ပြန်၏။ ပင်ကိုယ် ဗီဇ ထက်သလောက် တစ်ချို့ ကိစ္စတို့တွင် ဝေခွဲရ ခက်ကာ စိတ် ဒွိဟဖြစ်နေတတ်ပြန် ၏။ မေတ္တာ၊ ဂရုဏာ တရားနှင့်ပြည့်စုံသလောက် စိတ်ကြီးပြီး ဒေါသကြီးတတ်ပြန်၏။ 

စိတ်ရင်းစေတနာကောင်းစွာ တစ်ဖက်သားတို့ အား အမြဲကူညီနေတတ်၏။ သို့သော် နှုတ်စ လျှာစ ကြမ်း တမ်းသောကြောင့် အချို့သူများနှင့် ရန်သူ သဖွယ် ဖြစ်သွားရတတ်၏။ မည်သူ့ကို မဆို စိတ်ရိုး သဘောရိုးနှင့် ခင်မင်စွာ ဆက်ဆံလို၏။ မည်သူ့ကို မဆို ကိုယ့်စိတ်နှင့်နှိုင်းပြီး စိတ်ရော ကိုယ်ပါ ပေါင်းတတ်၏။ ကြီးပွား ချမ်းသာလိုစိတ်ကြီးမားပြီး ရည်မှန်းချက်မြင့်မား၏။

အရာရာ ကို အလေးအနက် ထားပြီး အရှိန်အဟုန်ပြင်းစွာ လုပ်ကိုင်တတ်၏။ အရေးကြုံလာက သတ္တိ အလွန်ကောင်းပြီး ဗြောင်လုပ်၊ ဗြောင်ပြောတတ်၏။ ကိုယ့်ဘက်က မှန်သည် ထင်က မည်သည့် ကိစ္စမဆို လုပ်ရဲ ကိုင်ရဲသော အကျင့်ရှိ၏။ ဟန်ဆောင်မှု ကို အလွန်မုန်း၏။ လိမ်ညာမှု ကို အလွန်မုန်း၏။ စိတ်ထိခိုက် လွယ် ၏။ 

တစ်ခါတစ်ရံ အငမ်းမရဖြစ်တတ်၏။ တစ်ဇွတ်ထိုး လုပ်ချင်၏။ ငွေ ကို ပြင်းထန်စွာ ရှာတတ်၏။ လုပ်သမျှကိစ္စတိုင်းကို စိတ်ပါဝင်စားစွာ လုပ်တတ်၏။ ဘယ် အခက်အခဲမှ နောက်မဆုတ်တတ်။ ထို့အတူ ဘယ်တော့မှ မလိမ်တတ်။ မိတ်ဆွေဖွဲ့ကောင်း၏။ 

သူဋ္ဌေးဖြစ် ခွေးဖြစ် ကြံတတ်၏။ ရွှေ တစ်နေ့ ငွေ တစ်နေ့ သမားများ ဖြစ်၏။ စီးပွား ရှာရာတွင် လောဘကြီး ၏။ ငွေကို အထူးချွေတာသုံးစွဲတတ်သလောက် စိတ်ထဲထင်က လောင်းကစား ဆန်ဆန် ပုံအော၍ စွန့်စားပြီးလုပ်တတ်၏။ ကုန်သွားလျှင်လည်း မနှမြောတတ်။ 

လွပ်လပ်စွာနေထိုင်ရခြင်း၊ လုပ်ကိုင်ရခြင်းကို အလွန် မက်မော၏။ ငွေကြေးဥစ္စာ များစွာ ပိုင်ဆိုင် ရတတ်၏။ အမည်သတင်းကျော်စောတတ်၏။

အထူး သတိထားရန်မှာ..................
ဤရာသီဖွား တို့သည် စိတ်ဓာတ်ပြင်းထန် သလောက် စိတ်ဓာတ် ခက်ထန်ကြမ်းတမ်း သဖြင့် ဒေါသကြီးသော အခါ သူတစ်ပါးကို ထိခိုက်၊ နာကျင်အောင် လုပ်ဖို့၊ ဒုက္ခရောက်အောင် လုပ်ဖို့ ၀န် မလေးတတ်ကြချေ။

 ဒေါသ ကို အထူးထိန်းဖို့လို၏။ ထက်မြက် သလောက် လိမ္မာပါးနပ်မှု ရှိ၏။ သူတစ်ပါးမတွေးသော ရှုထောင့်မှ တွေးတတ်မြင်တတ်၏။ သီးသန့်နေလိုစိတ်ပြင်းထန်၏။ သို့သော် အခြွေအရံ မိတ်သင်္ဂဟ ပေါများနေတတ် ၏။ 

အထူးမှာ ဤ ရာသီဖွားတို့သည် အနာဂါတ် ကို ကြိုတင် သိနိုင်စွမ်းသော ပါရမီ ဓာတ်ခံ ရှိ၏။ အိပ်မက်ထူး၊ အတိတ်ထူး နိမိတ်ထူး တို့ဖြင့် အနာဂတ် ကို ကြိုတင်သိနိုင်စွမ်း ရှိကြလေ၏။ သမာဓိ ထူထောင်ပေးပါက အထူး ထက်မြက်တတ်ကြ၏။ 



ကိုယ်ပိုင် အတွေး၊ ကိုယ်ပိုင်စိတ်ကူး အတိုင်း လုပ်သဖြင့် သူတစ်ပါး တုိ့ထက် နှာတစ်ဖျား သာသော ဘ၀ကို ရရှိသွားတတ်၏။ ပင်ကိုယ် စိတ်ရင်းတွင် အလွန်ကြင်နာ သနားတတ်ပြီး သူတစ်ပါးတို့ကို ကူညီရန်၊
ဒုက္ခရောက်သူ တို့ကို ကယ်တင်ရန် လူ့လောက သို့ ရောက်လာသူများဖြစ်၏။ 

သူတစ်ပါး အခက်အခဲကို မြင်တွေ့ရ မကူညီဘဲ မနေနိုင်ချေ။ ကိုယ့်တွင်ရှိသည်တို့ကိုလည်း မျှဝေပေးတတ်၏။ တစ်ခါ တစ်ရံ ကိုယ်တိုင် စားရန်၊ သုံးရန် မရှိသည်ကိုပင် အငတ်ခံပြီး ပေးကမ်း ကူညီတာ ပျော်ရွှင်နေတတ်၏။ သူတစ်ပါးတို့ အတွက် ဒုက္ခခံပြီး ကူညီပေးဆပ်နေတတ်၏။ 

ထို့အတူ လူ့ဘ၀ ကို ပျော်ရွှင်စွာ၊ ငြိမ်းချမ်းစွာ နေထိုင်လို၏။ အမှန်တရား ကို အထူးမြတ်နိုးစွာ တန်ဖိုးထား၏။
ဆန့်ကျင်စရာ ရှိကလည်း ဆန့်ကျင်ရဲ၏။ အငြင်းသန်၏။ ဟာသနှော၍ ပျော်စေ၊ ပျက်စေ ပြောဆိုတတ်၏။ ဇ၀နဉာဏ် ကြီးမား၏။

ကတ်သီး ကတ်သတ် ရှာရှာဖွေဖွေနှင့် ထိမိစွာ ချက်ကျစွာ ပြောတတ် ဆိုတတ်၏။ အထူးသတိပြုရန်မှာ စိတ်ဓာတ်အလွန်ပြင်းထန်၏။ အရာရာကို လွန်လွန် ကဲကဲ လုပ်တတ်၏။ တစ်ခုခု ဆုံးဖြတ်ပြီးက နာရီမဆိုင်း၊ မိနစ် မဆိုင်းလုပ်တတ်၏။ 

လွန်ကဲမှု၊ လောကြီးမှု၊ စိတ်မြန်မှုတို့ကြောင့် ဘ၀တွင် မကြာခဏ အမှားကို ရင်ဆိုင်တွေ့ရတတ်၏။ ထူးခြားသည်မှာ အမှားကို ၀န်ခံရဲ၏။ အမှားမြင်က အမှန်ပြင်တတ်၏။ တဲ့တိုးပြောတတ်လွန်းခြင်း၊ ဘယ်အရာ ကိုမှ စိတ်ထဲမြုံ မထားဘဲ ပွင့်လင်းစွာ ဗြောင်ပြောတတ်လွန်း၍ လူမုန်းများ၏။ သူတစ်ပါးကြိုက်သည်၊ မကြိုက်သည်မသိ ရိုးဖြောင့်စွာ ပြောဆိုတတ်၏။ အမှန်အတိုင်း ပြောဆိုလုပ်ကိုင်တတ်၏။ လိမ်ညာမှုကို အလွန် မုန်း၏။ 

ထို့အပြင် ဘ၀တွင် မဟုတ်မခံ မာနစိတ်ကြီးမား၏။ ထို မာနကို လုံးဝ အထိမခံ တတ်ချေ။ ဤ ရာသီဖွားတို့သည် မွေးမြေကို စွန့်ခွာ၍ ရပ်ဝေးတွင် အောင်မြင်ကြီးပွားတတ်ကြ၏။


ဓနု ရာသီဖွားတို့၏ အချစ်ရေး၊ အိမ်ထောင်ရေး

ဓနု ရာသီဖွားတို့သည် စီးပွားရေးတွင် အောင်မြင် သလောက် အချစ်ရေး၊ အိမ်ထောင်ရေး၊ မိသားစု ကိစ္စတို့တွင် စိတ်ရှုပ်ရတတ်၏။ အချစ်ရေးတွင် စိတ်ဝေခွဲမရဖြစ်စရာတွေ ကြုံတတ်၏။ အချစ်ရဆုံးသူ ရှိနေပြီး
သတ်မှတ်ပြီး နောက် ဒုတိယ တစ်ယောက် ပေါ်လာတတ်၏။

ဆုံးဖြတ်ချက် မှားယွင်းတတ်၏။ အထူးသဖြင့် သက် (၂၀) မှ (၃၀) အတွင်း ဆုံးဖြတ်ချက်မှားတတ်၏။ အထူးသဖြင့် ချစ်မေတ္တာ အရေးတွင် မိမိက မာယာပ ရိယာယ် နည်းပါးခြင်း၊ အရာရာကို ပွင့်လင်းစွာထုတ်ဖော်ပြော ဆိုခြင်း၊ လိုသည်ထက် ပို၍ အချစ်ကြီးခြင်းတို့အပေါ် တစ်ဘက်သားက အခွင့်အရေးယူသွားတတ်၏။ 

ထို့အပြင် ဓနု ရာသီဖွားတို့သည် ခုတွေ့၊ ခုကြိုက်၊ ခုယူ သဘောမျိုးဖြင့် ဘေးလူ ဘယ်သူ တားတား ဂရုမစိုက်ဘဲ ဇွတ် လုပ်တတ်၏။ အချစ်ကို ယုံ၍ ပုံအပ်တတ်၏။ နောင်တစ်ချိန် အချိန်လွန်မှ နောင်တ ရတတ်ကြ၏။
ထို့ကြောင့် အချစ်ရေး၊ အိမ်ထောင်ရေးတို့တွင် ခေါင်းအေးအေး ထားပြီးမှ ဆုံးဖြတ်သင့်၏။ 

အားကိုးထိုက်သော မိဘ၊ အကြီးအကဲ၊ မိတ်ဆွေတို့ ထံမှ အကြံ ယူကာ အချိန်ယူကာ စဉ်းစားသင့်၏။ အလွ န်နူးညံ့သော နှလုံးသားကို ပိုင်ဆိုင်ကြပြီး အချစ်ရေးတွင် သနားလွယ်၊ ယုံကြည်လွယ်၊ စိတ်ညွတ် လွယ်သူများဖြစ်၏။ ချစ်သူ ရည်းစားများတတ်၏။

သို့သော် အိမ်ထောင်ဖက်ကောင်းနှင့် ဖူးစာ ဆုံနိုင်တတ်၏။ အိမ်ထောင်ပြုပြီး ကလည်း ဆိုးဆိုးကောင်းကောင်း ရင်စည်းခံနိုင်ကြ၏။ အိမ်ထောင်ဖက် အပေါ် သြဇာ လွှမ်းမိုးတတ်ကြ၏။ မိသားစု အပေါ် သံယောဇဉ် ကြီးတတ်ကြ၏။ 

ထို့အပြင် အိမ်ထောင်ရေးတွင် ဒုတိယလူ ပေါ်လာတတ်၏။ ရှေင်ကြဉ်သင့်၏။ အထူးမှာ ဓနု ရာသီဖွားတို့၏
အိမ်ထောင်ဖက်သည်လည်း ခေါင်းမာသူဖြစ်တတ်၍ မာနချင်း ပြိုင်မိတတ်၏။ သို့သော် ဘာပဲဖြစ်ဖြစ် အိမ်ထောင်ရေးတွင် သင်၏ ပင်ကိုယ် စိတ်ရင်းကောင်းမှု၊ အသိဉာဏ်ြ မင့်မားမှုတို့ကြောင့် တည်ငြိမ်အောင် ထိန်းသိမ်းနိုင်စွမ်း ရှိကာ သာယာသော ဘ၀ကို ထူထောင်နိုင်ပါလိမ့်မည်။


ဓနု ရာသီဖွား တို့၏ အလုပ်အကိုင်နှင့် စီးပွားရေး အနေအထားများ

ဓနု ရာသီဖွားတို့သည် မိတ်ဆွေဖွဲ့ကောင်းသူများ ဖြစ်သည်။ မိတ်ဆွေ တို့၏ အကူအညီ၊ အထောက်အပံ့တို့ကို ရယူကာ မိမိ တို့၏ လုပ်ငန်းများကို အောင်မြင်အောင် လုပ်နိုင်စွမ်းကြသည်။ ဘယ်အလုပ် မဆို စိတ် ၀င်တစား လုပ်တတ်၏။ ဘယ်လို အခက်အခဲမဆို နောက်မဆုတ်တမ်း လုပ်တတ်၏။ လုပ်မိသော အလုပ်ကို
တစ်ဇွတ်ထိုး လုပ်တတ်၏။

 ငွေကို ပြင်းထန်စွာ ရှာတတ်၏။ သူဋ္ဌေးဖြစ် ခွေးဖြစ် ကြံတတ်၏။ အကြောင်း တစ်ခုခုကြောင့် ကုန်သွားက လည်း မနှမြောတတ်ချေ။ ရွှေ တစ်နေ့ ငွေ တစ်နေ့သမားများဖြစ်၏။ အလုပ်ကို ပြင်းပြင်း ထန်ထန် လုပ်ကိုင်နိုင် စွမ်းရှိကြ၏။ တာဝန် ကို ရိုသေခြင်း အပေါ် ဂုဏ်ယူတတ်ကြ၏။ ရည်မှန်းချက် ကြီးမား၍ မဖြစ်မနေ ကြိုးစားတတ်၏။

သို့သော် အလုပ် လုပ်ရာတွင် နှစ်မျိုး တွဲ၍ လုပ်ရတတ်၏။ တစ်ချီကောင်း ပွပေါက်ကြံရင်း လောင်းကစား ဘက် ရောက်သွားတတ်၏။ သတိပြုပါလေ။ 

စီးပွားရေးကို လောင်းကစား ဆန်ဆန် လုပ်ရင်း ပွပေါက်ကြုံပြီး ကြီးပွားလိမ့်မည်။ ကူးသန်းရောင်းဝယ်မှု ကျွမ်း ကျင်၏။ စိတ်ကူးရသလို ထလုပ်တတ်၏။ တစ်ခါ တစ်ရံ စိုးရိမ်စိတ်နှင့် လုပ်တတ်၏။ အလုပ် လုပ်ရာတွင် မည်သူ့မျက်နှာကိုမျှ မထောက်ဘဲ ပြောစရာရှိက ပြော၏။ ငွေကြေးများစွာ ရရှိသော်လည်း အမြဲ ကုန်နေတတ် ၏။


ဓနု ရာသီဖွားတို့ သတိပြုသင့်သည်မှာ စီးပွားရေး လုပ်ခြင်းထက် အတတ်ပညာရှင် အဖြစ် အသက်မွေး ၀မ်းကြောင်းပြု  က ပိုပြီးအောင်မြင်တတ်၏။ စိတ်မြန် ကိုယ်မြန် လုပ်တတ်ခြင်းနှင့် လုပ်ငန်းကြီးများ ကို ကြံ  စည် လုပ်ကိုင်တတ်သဖြင့် သူတစ်ပါးတို့ ဂုဏ်ယူငေးမော အားကျရလောက်အောင် ဖြစ်သွားတတ်၏။

တာဝန်ယူရဲသော စွမ်းရည် ရှိပြီး အချိန်အခါနှင့် အခြေအနေ ကိုကြည့်ပြီး ကျင့်သုံးလုပ်ကိုင်တတ်၏။ ဓနုရာသီဖွားတို့သည် ငွေကံကြေးကံ အလွန်ကောင်း၏။ အမဲသားရှောင်ကြဉ် ပေးက အထူးစီးပွား ဖြစ်ထွန်းတတ်၏။ 
ကြွယ်ဝချမ်းသာတတ်ကြ၏။

ငယ်သား များနှင့် လုပ်ဖော် ကိုင်ဖက် များက အထူးချစ်ခင်လေးစားတတ်၏။ ကိုယ်ပိုင် အလုပ်ဖြင့် ကြီးမားစွာ
အောင်မြင်တတ်။ ပွဲစားလုပ်ငန်း၊ သတ္တု ပစ္စည်းများ တူးဖော်ခြင်း၊ ရောင်းဝယ်ခြင်း၊ စက်ပစ္စည်း၊ ယာဉ်ရထား၊ ကား တို့တည်ထောင်ခြင်း၊ ရှေ့နေ အလုပ်၊ အုပ်ချုပ်ရေး အလုပ်၊ စက်ပြင် အလုပ်၊ အင်ဂျင်နီယာ၊ ဆရာဝန် အလုပ်တို့ အထူးကောင်းကျိုးပေး၏။


ဓနု ရာသီဖွား တို့၏ ကျန်းမာရေး အနေအထားများ

ဓနု ရာသီဖွား တို့သည် အများ အားဖြင့် ကျန်းမာရေး ကောင်းတတ်ကြ၏။ သို့သော် မိသားစုနှင့် တစ်ကွ မိတ်ဆွေ သင်္ဂဟ တို့အပေါ် သံယောဇဉ်ကြီးသဖြင့် သူတစ်ပါးတို့ အတွက် အမြဲ ပူပန်နေတတ်သောကြောင့် အသက်ကြီးပိုင်းတွင် သွေးတိုးရောဂါ၊ နှလုံးရောဂါတို့ဖြစ်တတ်၏။ အဆစ်အမြစ် တို့ ကိုက်ခဲတတ်၏။

အရေပြား ယားယံသောရောဂါ တို့လည်း သာမန်မျှဖြစ်တတ်၏။ မူးယစ်သောက်စားခြင်း အထူးရှောင်သင့်၏။မုန်လာထုပ်၊ မုန်လာဥ၊ ကရေဝေး၊ သစ်ချသီး၊ ပေါင်မုန့်၊ ကွေကာအုပ် တို့ကို ဓာတ်စာ အဖြစ် မကြာခဏ စားပေးသင့်၏။


ဓနု ရာသီဖွား တို့၏ ဘ၀ ကံကြမ္မာ အနိမ့်အမြင့် အခြေအနေများနှင့် လိုက်နာဖွယ်ရာများ

ဓနု ရာသီဖွား တို့သည် ဘ၀ တွင် မထင်မှတ်သော အပြောင်းအလဲများစွာ ကြုံတတ်၏။ အတက်အကျ များစွာ ကြုံတတ်၏။ တစ်နေ့ရွှေ တစ်နေ့ငွေသမားများ ဖြစ်ကြ၏။ အထူးသဖြင့် မွေးရပ်မြေမှ ခွာ၍ ပြည်ပ အထိ ရောက် ရှိအောင်မြင်တတ်၏။ နာမည်ကြီးတတ်၏။

ကိုယ်ချင်းစာ တရားနှင့် သူတစ်ပါးတို့ကို ကူညီတတ်၏။ သူတစ်ပါးကိစ္စတို့ကို တာဝန်ယူဖြေရှင်းပေးနိုင်စွမ်း ရှိကြ၏။ လွပ်လပ်မှုကို မြတ်နိုးသလောက် စိတ်မြန်ကိုယ်မြန် လုပ်တတ်သဖြင့် မထင်မှတ်သော အပြောင်း အလဲများစွာ ကြုံတတ်၏။ 

စွန့်စွန့်စားစား လုပ်ကိုင် ကြိုးစားတတ်၏။ အသက် (၂၀) နှင့် (၂၇) ကြားတွင် ဆုံးဖြတ်ချက် မှားယွင်းမှု ကြုံတတ် ၏။ အထူးသဖြင့် ဓနု ရာသီဖွားတို့သည် နှလုံးသားရေးတွင် ဆုံးဖြတ်ချက် မှားယွင်းတတ်၏။ အိမ်ထောင်ရေးတွင် ဒုတိယလူ ပေါ်လာတတ်၏။ 

ဓနု ရာသီဖွားတို့ ကိုယ်တိုင်ကလည်း ထက်မြက်သူများဖြစ်သလို တစ်ချို့ ကိစ္စများတွင် တွေဝေနေသူများ
ဖြစ်နေတတ်ခြင်း၊ သနားကြင်နာတတ်သူ၊ ကူညီတတ်သူ ဖြစ်သလို တစ်ခါ တစ်ရံ ရိုင်းစိုင်းကြမ်းကြုတ်သူ ဖြစ်တတ်သဖြင့် ဓနု ရာသီဖွားတို့သည် စရိုက်နှစ်မျိုးရှိတတ်၏။ ဘ၀တွင် လည်း အသွင် သဏ္ဍာန် နှစ်မျိုး ဖြစ်နေတတ်၏။ 

အသက် (၄၅) ၀န်းကျင်တွင် စည်းစိမ် ဥစ္စာနှင့် ပြည့်စုံတတ်၏။ အသက် (၅၅) ၀န်းကျင်တွင် ကျန်းမာရေး အထူး ဂရုစိုက်ရ၏။ အသက် (၂၆) နှင့် (၃၆) တွင်လည်း ကျန်းမာရေး အလွန် ညံ့တတ်၏။ အသား ငါး ကြိုက် ၏။

 မြေပြို၊ ကမ်းပါးပြို၊ တောင်ပြို၊ တွင်းပြို  အန္တရာယ် တို့ ကြုံရတတ်၏။ သတ္တုတူး၊ ကျောက်တူး၊ သဲကျင်းတူး အလုပ် လုပ်သူများ အတိဖြင့် လုပ်သင့်၏။ ၁၃၊ ၁၆၊ ၂၀၊ ၂၃၊ ၂၈ နှစ်တို့တွင် ဘ၀ အပြောင်းအလဲများ ကြုံတတ်။


ဓနု ရာသီဖွားတို့သည် အသက်ကြီးလာသည်နှင့် ခန္ဓာကိုယ် အဆီတက် ၀ဖြိုးစေတတ် သဖြင့် အစား အသောက် ဆင်ခြင် စားသင့်၏။ လေ့ကျင့်ခန်း လုပ်သင့်၏။ သရေစာလျှော့စားခြင်း ပြုသင့်၏။ အထူးသဖြင့်
ဓနု ရာသီဖွားတို့သည် ဆံပင် ကို ရိုးရှင်း သပ်ရပ်စွာ ထားပါ။ 

ထို့ပြင် ပင်ကိုယ် အသားအရောင်နှင့် ခန္ဓာကိုယ် ပြေပြစ် လှပသူများ ဖြစ်သဖြင့် အ၀တ် ၀တ်ရာတွင် ရိုးရိုးနှင့် ခန့်ညားအောင်ဝတ်ပါ။ လက်ရှည် အင်္ကျီထက် လက်တို ၀တ်က ပိုကောင်း၏။ 

အဖြူရောင်၊ အ၀ါရောင်၊ ဆင်စွယ်ရောင်တို့ကို အထူးဝတ်ပါ။ သုံးစွဲပါ။ ဆောင်ပါ။ စိန် ကို ငွေဖြင့် လက်စွပ် ကွင်း ပြီးဝတ်ပါ။ ပြဒါး ဓာတ်လုံး လက်စွပ် ၀တ်ဆင်ထားပါ။


ဓနု ရာသီဖွားတို့သည် ငွေ ကို ပြင်းထန်စွာ ရှာပြီး နာမည်ကြီးရန်၊ ဇိမ်ခံရန်၊ ဂုဏ်မောက်ရန် မရည်ရွယ်ဘဲ အများ ကို ကူညီရန်၊ လှူဒါန်းရန် အတွက်သာ ရည်ရွယ်တတ်၏။ မဟုတ်မခံ မာနစိတ်ကြီးသလောက် လူအများကို သနားကြင်နာစွာ ကူညီတတ်ကြ၏။ အလွန် အဓိပ္ပါယ်ရှိသော ဘ၀ ပိုင်ရှင်များ ဖြစ်တတ်၏။



ဘ၀ တွင် -............
(၁) အချစ်နှင့် အကြိုက် ကို ခွဲခြားနားလည်ပါ။ နှလုံးသား ဦးစားမပေးပါနှင့်။
(၂) စကားပြောရာတွင် အထူးဆင်ခြင်ပြောပါ။
(၃) ဘ၀ တွင် စိတ် ထင်သလို ဆုံးဖြတ်ပြီး ပုံအော၍ စွန့်စားခြင်းကို ဆင်ခြင်ပါ။
(၄) အများကောင်းကျိုး အတွက် ကူညီ၊ ကယ်မ၊ လှူဒါန်းထောက်ပံ့ရန် ပါရမီ အလွန်ကောင်းသူ ဖြစ်သဖြင့် အလွန်မွန်မြတ်သူ ဖြစ်ပေ၏။ သို့သော် ကရုဏာ စိတ်ဖြင့်ဖြစ်သော ကရုဏာဒေါသကို ထိန်းပါက ဘ၀တွင်
အောင်မြင်သွားတတ်ကြပေတော့၏။ 
(၅) ဂဏန်း ကို အထူးသုံးစွဲပြီး (၃) ဂဏန်းကို အထူးရှောင်ပါလေ။ ထိုသို့ကျင့်သုံးခြင်းဖြင့်အောင်မြင်သောဘ၀ ပိုင်ရှင်များ အဖြစ်လျှောက်လှ မ်းသွားနိုင်မည် ဖြစ်ပေသတည်း။



နည်းစနစ်ကျကျအတွေးအခေါ်

မိမိ နှင့် သက်ဆိုင်သော  Link တွင် ၀င်ရောက် ဖတ်ရှုနိုင်ပါသည် ။ 

မတ်လ ၂၁ ရက် မှ ဧပြီလ ၂၀ ရက် အတွင်းမွေးဖွား သူများ (မြန်မာလ-တန်ခူးလ တွင် မွေးဖွားသူများ)

ဧပြီ (၂၁) ရက်မှ မေ (၂၁) ရက် { ကဆုန်လ } အတွင်းမွေးဖွားသူများ သည်လည်း ပြိဿ     ရာသီဖွားများ  

မြန်မာ လ နယုန်လ တွင်မွေးဖွားသူများ (နှစ်စဉ် မေလ (၂၂)ရက်မှ ဇွန်လ (၂၁) ရက် အတွင်းမွေးဖွားသူများ)

ဝါဆို လဖွားများ (နှစ်စဉ် ဇွန် ၂၂ မှ ဇူလိုင် ၂၂ )

ဇူလိုင် ၂၃ ရက် မှ သြဂုတ် ၂၃ ရက် အတွင်း (မြန်မာလ ၀ါခေါင်လ)

သြဂုတ် ၂၄ ရက် မှ စက်တင်ဘာ ၂၂ ရက် အတွင်း မွေးဖွားသူများ (တော်သလင်းလ ဖွားများ)

စက်တင်ဘာ ၂၃ ရက် မှ အောက်တိုဘာ ၂၃ ရက် (သီတင်းကျွတ်လ)

အောက်တိုဘာ လ ၂၄ မှ နိုဝင်ဘာလ ၂၂ ရက် အတွင်း (တန်ဆောင်မုန်းလ)

နိုဝင်ဘာ (၂၃) မှ ဒီဇင်ဘာ (၂၁) ( နတ်တော်လ )

ဒီဇင်ဘာ ၂၂ မှ ဇန်န၀ါရီ ၂၀ အတွင်း၊ ( ပြာသိုလ ) 

(နှစ်စဉ် ဇန်န၀ါရီလ ၂၁ မှ ဖေဖော်ဝါရီ ၁၈ အတွင်း၊ တပို့တွဲလ ဖွားများ )

(ဖေဖော်ဝါရီ ၁၉ မှ မတ်လ ရက်၂၀ အတွင်း၊ တပေါင်းလ)