အမေ့ ကို မမေးရဲပါ

အဖေ့ ကို နောက်ဆုံး မြင်လိုက်ရတာက သူ့အသက် လေးနှစ်လောက်မှာဖြစ်သည်။ အဖေ့ လက်များက နွေးထွေး သည်။ အဖေ သည် သူနှင့် အတူ ဘောလုံးကန်တတ်သည်။ အိမ်ရှေ့ရေမြောင်းထဲမှာ လွှတ်ဖို့ သစ်သား သင်္ဘောလေးလည်း လုပ်ပေးတတ်သည်။ သူ့ကို ချီထားသော အဖေ့ လက်ကြီးများက အမေ့ လက်နှင့် မတူ၊ သန်စွမ်းကြံ့ခိုင်လှသည်။ သည်လောက်ပဲ သူမှတ်မိတော့သည်။ 

ဘာလို့လဲ ဆိုတော့ အမေနှင့် ကွဲသွားကတည်းက အဖေက ဇင်ကို့ ကို ဘယ်တော့မှ လာမတွေ့တော့။ အမေ့ ကိုလည်း ဇင်ကို မမေးရဲ။ ယခု ဇင်ကို အသက်ဆယ်နှစ် ရှိပြီး ငါးတန်းရောက်နေပြီ။ သို့သော်လည်း ကျောင်း မှာ အခြားကလေးတွေကို လာကြိုကြသည့်  အဖေတွေကို မြင်တိုင်း အဖေ့ ကို ဇင်ကို သိပ်သတိရပါသည်။

‘‘ဟုတ်တယ် ကျွန်မ တို့ လင်မယား ကွဲသွားကတည်းက စိတ်ကြီးတဲ့ သူ့အဖေက သားကို တစ်ချက်တောင်လာတွေ့ဖော်မရဘူး။ ကျွန်မကတော့ ကလေးကို လာတွေ့ရင် တွေ့ခွင့်ပေးမှာပါ။ သား စိတ် မကောင်းတာ သိပါတယ်။ ဒါပေမဲ့ ကျွန်မလည်း ဘာမှမတတ်နိုင်ပါဘူး’’ ဟု...... တစ်ဦးတည်း ဇင်ကို့ကိုစောင့်ရှောက်ပြုစုနေသည့် အသက် (၃၅)နှစ် အရွယ် ဇင်ကို့ မိခင်  မမင်းမင်း ကပြောသည်။ 

အိမ်ထောင်ကွဲကြသည့် အခါ ဇင်ကို တို့လို မြန်မာ ကလေးများ က မိဘများက ပေးသော စိတ်ဒဏ်ရာ ကို အခြားကလေးများထက် ပိုခံရပါသည်။ အဘယ်ကြောင့် ဆိုသော် အနောက်နိုင်ငံ အများစုမှာ မိဘတွေ အဆင်မပြေ၍ ကွာရှင်းကြသော်လည်း သားသမီးနှင့် ဆက်ဆံရေးကို မဖြတ်တောက်ကြပါ။ မိခင်ရော၊ ဖခင်ရော အလှည့်ကျ သူငယ်ချင်းများ ကဲ့သို့ တွေ့ဆုံပြီး သားသမီးတွေ အရေးကိစ္စတွေမှာ အတူ ဆောင်ရွက်ပေးကြသည်။ တိုင်ပင်ကြသည်။ ထို့အတွက် မိဘများ ကွဲကွာနေသော်လည်း သားသမီးများမှာ မိခင်ရော ဖခင် ၏ နွေးထွေးစောင့်ရှောက်မှုနှင့်ပါ  ကြီးပြင်းလာခဲ့ကြသည်။ မြန်မာတွေကတော့ ချစ်လုံးလုံး မုန်းလျားလျားပါဟု မမင်းမင်း က ပြောသည်။

‘‘မြန်မာတွေ ကတော့ စိတ်ကြီးတယ် ပြောရမလား။ သဘောထားမကြီးဘူး ပြောရမလား။ လင်မယား သဘောထား မတိုက်ဆိုင်လို့ ကွဲကြတယ် ဆိုကတည်းက ပြန်ကို မတွေ့ချင်တော့တာ။ သူ့အပေါင်းအသင်း ကိုယ့် အပေါင်းအသင်း ကိုလည်း မခေါ်ကြဘူး။ သူက ဒီလမ်း လာတယ် ဆိုရင် ကိုယ်က ဟို ဘက်လမ်းကရှောင်တယ်’’

သို့သော် မိဘနှစ်ပါး ၏ သည်လို အပြုအမူက ဇင်ကို တို့လို ကလေးများ အတွက် တစ်သက်စာ စိတ်ဒဏ်ရာကို အစပျိုးလိုက်သလိုဖြစ်ပါသည်။ စိတ်ဒဏ်ရာတွေနှင့် ကြီးပြင်းခဲ့ရသော ကလေးများ သည် ပတ်ဝန်းကျင်၊ ဘ၀၊ အလုပ်အကိုင်က အစ အကျိုးသက်ရောက်မှုတွေ ရှိသည်။ 

စိတ်ပညာရှင်များက ကလေးငယ်များ ၏ စိတ်သည်ရေမြုပ်နှင့် ပုံစံတူ၏။ ကလေးတွေက လူကြီးတွေကို တစ်ချိန်လုံးစောင့်ကြည့် အကဲခတ်နေကြပြီး သူတို့ ပတ်ဝန်းကျင်ကမ္ဘာရှိ အစစအရာရာ ကို စုပ်ယူဆွဲဆောင်ခံစားတတ်ကြသည်ဟုဆိုသည်။ မိဘတွေ အဆင်မပြေဘူး ဟု သူတို့ သိလိုက်သည်နှင့် ကလေးတွေ ကလည်း စိတ်ပူစိုး ရိမ်လာတတ်ကြသည်။ 

ထိုအ ခါ သူတို့၏ စိတ်ကို ဖြေဖျောက် နိုင်မည့် အရာတွေကို ကလေး တွေက လုပ်လာကြပါသည်။ သူ တို့၏ စိတ်ခံစားမှုကို သွယ်ဝိုက် ပြီး ပြသလာကြပါသည်။ အရုပ် တွေကို လွှင့်ပစ် ဖျက်ဆီးခြင်း၊ ကျောင်းစာမှာ စိတ်မ၀င်စားနိုင် ခြင်း၊ အခြားကလေးတွေကို အ ကြောင်းမဲ့ ရန်လို တိုက်ခိုက်ခြင်း တွေက အိမ်တွင်းရေး မသာယာ သော ကလေးတွေမှာ အဖြစ်များ သည်ဟု ကလေးစိတ်ပညာရှင် များက ရှင်းပြပါသည်။

မိဘများ အိမ်ထောင်ရေး ကွာရှင်းတာတင် မဟုတ်ပါ။ အိမ် မှာနေပြီး ဖခင်နှင့် မိခင် တစ်ကျက်ကျက်ဖြစ်နေလျှင်လည်း ကလေး မှာ စိတ်ဆင်းရဲပြီး စိတ်ဒဏ်ရာ ဖြစ်စေပါသည်။ ထို့ကြောင့် အ နောက်နိုင်ငံတွေမှာတော့ လင် မယား ခဏခဏ စကားများနေကြ ပြီဆိုလျှင် ပြဿ       နာကြီးကြီးမား မား မဟုတ်လင့် ကစား ကလေး များရှေ့ရေးအတွက် ကွာရှင်းကြ တာ များပါသည်။ သူ အထက် တန်းလောက်မှာ သူ့ အဖေနှင့် အမေကွာရှင်းကြတာကို သူ့အနေ ဖြင့် စိတ်မထိခိုက်ဘဲ စိတ်သက် သာရာရခဲ့သည် ဟု အသက် (၄၀)  အရွယ် ကွန်ပျူတာပညာရှင် ဂရခ်ျ က ပြောပါတယ်။

‘‘အဖေ နဲ့ အမေ ကွဲတော့ ကျွန်တော်က အထက်တန်း ကျောင်းမှာ တက်နေတုန်း။ တစ်ကယ်ပြောတာ သူတို့ ကွဲသွားတာ ကျွန်တော် သိပ်ဝမ်းသာတယ်။ နေ့တိုင်း ရန်ဖြစ်ကြတာဗျာ။ တစ်အုန်းအုန်း တစ်ကျက်ကျက်နဲ့ ကျွန်တော်ရော ညီလေးရော ကျောင်းက နေ အိမ်ပြန်ရမှာကို စိတ်ဆင်း ရဲခဲ့ရတယ်။ ကွဲသွားတော့ နားအေးသွားရော။ ကျွန်တော်တို့ ညီအစ်ကို နှစ်ယောက်ကို အဖေရော၊ အမေရော က ပိုဂရုစိုက်လာတယ်။ သူတို့တွေက အပြိုင် အဆိုင် ဖြစ်လာတာကိုး။ ကွဲတာမှ ခပ်ကောင်းကောင်း’’

ကလေးတွေက သူတို့၏ ခံ စားချက်ကို ထုတ်ပြောပြော၊ မပြောပြော မိဘတွေက ရန်ဖြစ်နေကြပြီ ဆိုလျှင် ကလေးတွေကလည်း သူ တို့ အပြစ်မကင်းသလို ခံစားရလေ့ရှိသည်ဟု အမေရိကန် က လေး စိတ်ပညာရှင် ဒေါက်တာလီဇာ ဖိုင်ရာစတုန်း က ဆိုပါသည်။ မိဘ အချင်းချင်း မပြေလည်ပါက ကလေးတွေက သူတို့ကိုသူတို့အ ပြစ်တင်ကာ မိသားစုပြန်လည် အဆင်ပြေမည်ဟု ထင်တာတွေ  လျှောက်လုပ်တတ်ကြသည်။ 

စိတ်မကောင်းစရာ ကတော့ လူကြီးတွေက ကလေးတွေ စိတ်ထဲဘယ်လို ခံစားရမည် ဆိုတာကို ဂရုမစိုက်ကြခြင်းပင်။ မြန်မာပြည် မှာ ကလေးတွေ ရှေ့မှာ စကားများရန်ဖြစ်ရုံသာမက အချင်းချင်း တစ်ချိန်လုံး ရိုက်ပုတ် နေကြသော မိဘများကို မကြာခဏတွေ့ရသည်။

‘‘အဲဒီလို သတ်ပုတ်နေတာ တွေက ကိုယ့်ကလေးကို တစ် သက်လုံး လူညွန့်တုံးအောင် လုပ် လိုက်တာပါပဲ။ ငယ်ငယ်ကတည်း  က အမေ့ ကို အဖေက ရိုက်ပုတ်နေ တာ ကလေးက တစ်ချိန်လုံး မြင်ခဲ့ ရရင် ရိုက်လိုက်၊ ပုတ်လိုက်မှ အနိုင်ရလာမယ်လို့ ကလေးစိတ် ထဲမှာ ထင်လာမယ်။ ဒီပုံစံပဲ သူ့ ပြဿ      နာတွေကို ဖြေရှင်းတော့ မယ်။ လူတွေကိုလည်း မကြင်နာ တတ်၊ မသနားတတ်တော့ဘူး။ ကလေး ရဲ့ စိတ်တွေကြမ်းတမ်း လာမယ်။ 

အဲဒါ ကလေးရဲ့ ကြီး ပြင်းလာတဲ့ အခါမှာ လူနေမှု ဆက်ဆံရေး ပုံစံ ကိုပဲ ထိခိုက်သွားတော့ တာပါပဲ ’’ ဟု ဒေါက်တာလီဇာဖိုင်ရာစတုန်း က ကလေးစိတ်ရောဂါများ ဆောင်းပါးတွင် ရှင်းပြထားသည်။ သူက ကလေးတွေကို ငဲ့ကွက် ပြီး မိဘတွေက ကိုယ်ရဲ့ စိတ်ခံ စားမှုတွေကို အောင့်အည်း သည်းခံပြီးလည်း ဆက်ဆံစရာမလို။ အဆင်မပြေတာကို ကြိတ်မှိတ် ပေါင်းသင်းစရာ မလိုဟုဆိုပါ သည်။ 

သို့သော်လည်း ကိုယ့် ပြဿ     နာတွေကို နုနယ်သူ ကလေး တွေကို ငယ်စဉ် ကတည်းက စိတ်ဒဏ်ရာမပေးမိဖို့လိုသည်။ အဆင်မပြေလို့ လင်မယားချင်း ကွဲတာ တောင်မှ ကလေးကို မိခင် မေတ္တာရော၊ ဖခင်မေတ္တာနှင့်ပါ နွေးထွေး လုံခြုံမှု ပေးအောင်အတူ ကြိုးစားသင့်သည်။ 

အနောက်နိုင်ငံ များတွင် အိမ်ထောင်ကွဲလျှင် ကလေးအများစုက အမေနှင့် လိုက်နေကြသည်။ သို့သော် ဖခင် က ပုံမှန်လာပြီး ကျောင်းကြိုပေး ခြင်း၊ ပိတ်ရက်မှာ ကစားကွင်း လိုက်ပို့ခြင်း။ ကလေး ၏ ကျောင်း အခမ်း အနားတွေမှာ အတူ တက် ပေးတာတွေကို လုပ်ဆောင်ကြ သည်။ ကျန်းမာရေးကိစ္စတွေမှာ ဆို လျှင်လည်းအတူ တိုင်ပင်ဆောင် ရွက်ကြသည်။

‘‘နည်းနည်းတော့ အစပိုင်း မှာ ကသိကအောက် ဖြစ်တာပေါ့။ ဒီ ပစိပစပ်များတဲ့ မိန်းမ ကို ကျွန်တော်ကြည့်လို့ကို မရဘူး။ ကျွန်တော်မှာလည်း နောက်အိမ် ထောင်နဲ့ သူကလည်း နောက် အိမ်ထောင်နဲ့ပါ။ ဒါပေမဲ့ သူက သမီးတို့ရဲ့ အမေလေ။ ကျွန်တော့် သမီးလေးတွေ စိတ်ဆင်းရဲနေတာ မမြင်ချင်ပါဘူး။ သမီးဘွဲ့ယူတဲ့ အခါ တစ်ခြား ကလေးတွေလို အဖေ နဲ့ အမေ အတူရှိနေစေချင် တယ်။ ဒါကြောင့် သူရော၊ ကျွန်တော်ရော အခုတော့ အေး အေးဆေးဆေးပါပဲ’’

ကွဲကွာသွားသည့် ဇနီးသည် နှင့်သမီးတွေ၏ ကျောင်းဆင်းပွဲ ကဲ့သို့ အခမ်းအနားတွေမှာ မကြာ ခဏဆုံလေ့ရှိသည့် မစ္စတာဂျယ်ရီ က ပြောကြားခြင်း ဖြစ်သည်။ ယခုတော့လည်း ကွာရှင်းထားသည့်ဇနီးသည်နှင့်ဂျယ်ရီက သူငယ်ချင်း တွေလိုပြန်ဖြစ်နေပါပြီ။

မစ္စတာဂျယ်ရီ ၏ သမီးနှစ် ယောက်လိုတော့ ရန်ကုန်က ဇင်ကို က ကံမကောင်း။ အမေ့ ကို အ ရမ်း စိတ်နာနေသော အဖေ က သူ့ ကို အခုထိ လုံးဝလာမတွေ့တော့ ။ သူ့ကို သိပ်ချစ်ခဲ့သည့် အဖေ က ယခုတော့ သူကိုပါရော မုန်းနေ ပြီလား။ အဖေ့ ဓာတ်ပုံတွေကို လည်း အမေက အားလုံး မီးရှို့ပစ် လိုက်သည့်အတွက် ဇင်ကို့ မှာ ကြည့်စရာ တစ်ပုံမှ မကျန်တော့။ သို့သော်လည်း အဖေ့ ကိုတော့ ဇင်ကို အမြဲသတိရပါသည်။ အဖေ ဘယ်မှာလဲ။ အမေ့ကို ဇင်ကို မေးကြည့်ချင်လှပါသည်။ သို့ သော်မေးလည်း မမေးရဲ။  ။

http://www.7daydaily.com/story/37773