မကာရ ရာသီဖွားများ

မကာရ ရာသီဖွားများ 
ဒီဇင်ဘာ ၂၂ မှ ဇန်န၀ါရီ ၂၀ အတွင်း၊ ( ပြာသိုလ ) 

ဤ ရာသီခွင်သည် (၁၂) ရာသီစက်ဝန်း ၏ (၁၀) ခုမြောက် ရာသီစက်ဝန်းဖြစ်၏။ ကောင်းကင်ရှိ ဤ ရာသီခွင်နှင့် ဆိုင်သော ကြယ်တာရာတို့သည် သမင် ဦးခေါင်း၊ ငါး ခန္ဓာကိုယ် အသွင်သဏ္ဍာန်ကို ဆောင်၍ တည်ရှိကြ၏။ 

အနောက်တိုင်း ပညာရှင်တို့က ဆိတ်ထီးပုံ သင်္ကေတဖြင့် ပုံဖော်ကြသည်။ မြန်မာတို့ကမူ သမင် ဦးခေါင်း
ငါး ခန္ဓာကိုယ် သင်္ကေတဖြင့် မှတ်ယူကာ (မကန်း) ဟု ခေါ်တွင်ကြသည်။

အနောက်တိုင်း ပညာတွင် ( 

Capricorn ) ဟုခေါ်၏။

ဓါတ်သဘာဝ အားဖြင့် ပထ၀ီဓါတ် (မြေဓါတ်) သဘာဝ ရှိ၏။ 

(မ) သဘာဝရှိသော (သောမ) ရာသီခွင်ဖြစ်၏။ 

ဂုဏ်အားဖြင့် (တမ ဂုဏ်) တွေဝေ မိုက်မဲသော ဂုဏ် လွှမ်းမိုးလေ၏။ 

(စရ) လှုပ်ရှားသော စရိုက်သဘာဝ ရှိ၏။ 

(၈) ဂဏန်း၏ စိုးမိုးမှုရှိ၏။

နှစ်စဉ် ဒီဇင်ဘာလ (၂၂) ရက်မှ ဇန်န၀ါရီလ (၂၀) အတွင်း aမွးဖွားသူများသည် မကာရ ရာသီဖွားများ ဟု သတ်မှတ်၏။ ထိုသို့ ရက် အတိအကျ မသိဘဲ မြန်မာလ ပြာသိုလ အတွင်း မွေးဖွားသူများသည်လည်း မကာရ ရာသီဖွားများဟု တစ်ထစ်ချ မှတ်ယူကာ အောက်ပါ စရိုက် သဘာဝဖြစ်စဉ်တို့ကို လေ့လာ သုံးစွဲနိုင်ပေ၏။

မကာရ ရာသီဖွားတို့၏ ပင်ကိုယ် သဘာဝနှင့် အကျင့်စရိုက် လက္ခဏာများ

မကာရ ရာသီဖွားတို့သည် လောကဓံ တရားကို အထူး ခံရသူများဖြစ်၏။ လောကဓံ တရားကို အထူး ခံနိုင်သူများလည်း ဖြစ်၏။ ထို့အတူ ဘ၀တွင် အပြောင်းအလဲ အမျိုးမျိုးကြုံရသူများလည်းဖြစ်၏။

စိတ် အပြောင်းအလဲမြန်၏။ အတွေး အခေါ် နက်နက် နဲနဲတွေးတတ်၏။ လွပ်လပ်စွာ နေထိုင်လိုကြ၏။ လွပ်လပ်မှုကို မြတ်နိုးသော်လည်း ကိုယ့်အတွေးနှင့် ကိုယ် ပြန်ပြီးနှောင်ဖွဲ့ကာ လွပ်လပ်မှုကို ဆုံးရှုံးသူများဖြစ်၏။
ခေါင်းမာ၏။ မည်သည့် ကိစ္စကိုမျှ လူပြောသူပြောနှင့် မယုံကြည်ကြချေ။  လက်တွေ့ကျကျ ကိုသာ ယုံကြည် ၏။ လောဘနည်း၏။ သွားလာ လှုပ်ရှားနေလျှင်လည်း ကျေနပ်နေတတ်၏။

စိတ်ကောင်း စေတနာကောင်းရှိ၏။ သို့သော် မကာရ ရာသီဖွားတို့သည် လက်တွေ့ ဘ၀တွင် သူတစ်ပါးတို့အတွက်ဖြစ်စေ၊ မိသားစု အတွက်ဖြစ်စေ ဘ၀ကိုမြှုပ်နှံကာ အနစ်နာခံကြရသူများဖြစ်ပေတော့၏။
ကိုယ့်အောင်မြင်မှုထက် သူတစ်ပါး ၏ အောင်မြင်မှု အတွက် တွန်းတင်ပေးနေတတ်၏။ ကူညီပေးနေ တတ်၏။

ကံ ကံ၏ အကျိုးကို အလွန်ယုံ၏။ ဘာသာရေးတွင် အယူအစွဲကြီး၏။ ဘာသာရေးတွင် အယူသီးသော ဘက် သို့ပင် ရောက်သွားတတ်၏။ ကိုယ်ကျိုး မဖက်ဘဲ လုပ်ကိုင်တတ်၏။ သူတစ်ပါး တို့အတွက် ကြားမှ ဓါးစာခံဖြစ်တတ်၏။ မကာရ ရာသီဖွားတို့သည် စိတ်ရင်းဖြောင့်သလောက် ခေါင်းမာ၏။

ကိုယ့် ခံစားချက်ကို မြိုသိပ်ထား တတ်ကြ၏။ တစ်ခါ တစ်ရံ လူ့ ဂွစာများအဖြစ် အမြင်ခံရတတ်၏။ မကာရရာသီဖွားတို့သည် ကိုယ့် ယုံကြည်ချက်၊ ခံယူချက်ကို ထိပါးလာက ငြင်းခုံရန် ၀န်မလေးသူများဖြစ်ကြ၏။ ငြင်းခုံရာတွင်လည်း အငြင်းသန်ကြ၏။ သူတစ်ပါးတို့၏ အငြိုးအတေးကို ခံရတတ်၏။ ကိုယ်တိုင် ကလည်း
မခံချင် စိတ်ဖြင့် လက်စားချေ လိုသော သဘာဝရှိ၏။ 

ဘ၀ တွင် ချမ်းသာက ထိပ်ဆုံး၊ ဆင်းရဲ က အောက်ဆုံး အထိ ရောက်တတ်သူများဖြစ်၏။  မည်သည့်နေရာတွင်မဆို ကိုယ်မရှိတော့မှ ချီးမွမ်း ခံရသော ကံဇာတာရှိ၏။ ကိုယ်သေပြီးမှ တသသ ချီးမွမ်းခံရသော ဇာတာရှင်မျိုးဖြစ်၏။

ဤ သီဖွားတို့သည် ဆေးလိပ်ကို စွဲလန်းတတ်၏။ ဖိနပ်ကောင်းကောင်းကြိုက်၏။ နေထိုင်သောအခါ ကိုယ်တိုင်က ဖြစ်သလိုနေတတ်သော်လည်း သန့်ရှင်းမှုကို ကြိုက်၏။ ဆုံးဖြတ်ချက် ချပြီးမှ မကြာခဏ ပြောင်းလဲ တတ်သော သဘောရှိ၏။ သူတစ်ပါးတို့ကို ချီးမွမ်း စကားပြောလိုတတ်၏။

အထူး သတိပြုရန်မှာ .... ဤ ရာသီဖွားတို့သည် စိတ်ကူးကောင်းများပေါ်လာက ချက်ချင်း အကောင် အထည် မဖော်မိဘဲ အချိန်ရွှေ့ဆိုင်းကာ အစဉ်းစား လွန်နေသဖြင့် နစ်နာတတ်၏။

စိတ်ဝင်စားသော အရာ မှန်သမျှ ချက်ချင်း ထလုပ်သင့်၏။ ဂမ္ဘီရပညာ တို့နှင့်လည်း ဆက်စပ်မှု ရှိ၏။ ရှေးဟောင်း ပစ္စည်း အဆောင်ကောင်းကောင်း ရရှိတတ်၏။ သို့မဟုတ်က ရှေးဟောင်း ဘုရား ရုပ်ပွားတော်များကို ကိုးကွယ် ထားရတတ်၏။

ထို အဆောင်ကောင်းနှင့် ကိုးကွယ်ထားသော ဆင်းတု ရုပ်ပွားတော်တို့ကြောင့် ကြီးပွား တတ်၏။ လုပ်ငန်း ကြီး များပေါ်လာက ကြီးပွား တတ်လေ၏။

မကာရရာသီဖွားတို့၏ အချစ်ရေးနှင့် အိမ်ထောင်ရေး 

မကာရ ရာသီဖွားတို့သည် နှလုံးသား ခံစားချက် ပြင်းထန်သူများဖြစ်၏။ အချစ်ကြီး၏။ အငြိုးအတေး လည်း ကြီး ၏။ အမုန်းလည်းကြီးတတ်ကြလေ၏။ ထို့အပြင် အချစ်ရေးတွင် စိတ်ကူးယဉ်တတ်ကြ၏။

မကာရ ရာသီဖွားတို့သည် အပြင်ပန်းတွင် ဖြစ်ကတတ်ဆန်း နေထိုင်ကြသော်လည်း နှလုံးသား ခံစားမှုတွင် အလွန်နူးညံ့သူများဖြစ်၏။ ထို့အတူ အလွန် သ၀န်တိုသူများလည်းဖြစ်၏။ ချစ်သူ၏ အလိုလိုက် ဦးစားပေးမှုကိုလည်း အလွန်ခံယူလိုတတ်ကြ၏။ 

သို့သော် လက်တွေ့တွင် အစစ အရာရာ ကိုယ်ကသာ အနစ်နာခံရ၏။ နားလည်မှုပေးရ၏။ ယုယမှုပြုရ၏။ထို့အပြင် မကာရ ရာသီဖွားတို့သည် သူတစ်ပါးတို့ ပစ်ပယ်သွားသော အထီးကျန် သမားများကို သနားချစ်ဖြင့် ချစ်တတ်ကြလေ၏။ 

အချစ်ရေးတွင် အနစ်နာခံမည်၊ အနွံတာ ခံမည်ဟူသော စိတ် အမြဲရှိ၏။ ထိုသို့ အချစ်လွန်ကဲခြင်း၊ နားလည်မှု လွန်ကဲခြင်းတို့ကြောင့် ခုတုံးလုပ်ခံရတတ်၏။ သို့သော် မကာရ ရာသီဖွားတို့သည် အိမ်ထောင်ပြုသော အခါတွင် နှလုံးသားထက် ဦးနှောက်ကို ပို၍ ဦးစားပေးတတ်ပြန်၏။ အိမ်ထောင်ရေးတွင် ကျကျနန လေ့လာပြီးမှ အိမ်ထောင်ပြုတတ်၏။ အိမ်ထောင်ဖက်ကောင်းကို ရတတ်ကြ၏။

ကြင်နာတတ်သော အိမ်ထောင်ဖက်နှင့် လက်တွဲရတတ်၏။ သို့သော် ထိုကဲ့သို့ ရိုးသားသူနှင့် လက်တွဲရသည် ကိုပင် နုံသည်၊ အသည် ဟု ထင်မြင်မိတတ်ပြန်၏။ ထို့ပြင် အိမ်ထောင်ဖက် အပေါ် ကိုယ်က ချုပ်ကိုင် မိတတ်ကြ၏။

သ၀န်တိုစိတ် ကြီးမားတတ်ကြပြန်၏။ ထို့ကြောင့် အိမ်ထောင်ရေးတွင် ပြဿ       နာလေးတွေ မကြာခဏ ပေါ်လာတတ်ကြပြန်၏။ ထို့အပြင် အိမ်ထောင်ရေးနှင့် ဆွေမျိုးသားချင်း အရေးကြားတွင် မွန်းကြပ်နေအောင်
ခံစားရတတ်ကြ၏။ 

အထူးသတိပြုရန်မှာ ....  မကာရ ရာသီဖွားတို့သည် စိတ်ရင်းကောင်း သလောက် မဟုတ်မခံ မာန စိတ် ကြီးခြင်း၊ ခံစားချက် ပြင်းထန်ခြင်း၊ အရွဲ့တိုက်လိုခြင်း၊ ခေါင်းမာခြင်းတို့ကြောင့် နှလုံးသားတွင် မွန်းကြပ်သောဝေဒနာ တို့ကို အမြဲလိုလို ခံစားရတတ်၏။ 

ဆိုလိုသည်မှာ.......
စိတ်ကောင်းရှိ သလောက် ချစ်မေတ္တာကြီးမား သလောက် ကိုယ့်မေတ္တာစေတနာအမှန် ကို လူတွေ နား လည်အောင် နေမပြတတ်၍ အထင်အမြင် လွဲခံရတတ်၏။ နောက်ဆုံးတွင် သာယာသော အိမ်ထောင်ရေး၊ အချစ်ရေးကို ဖန်တီးနိုင်မည်ဖြစ်၏။

မကာရ ရာသီဖွားတို့၏ အလုပ်အကိုင်နှင့် စီးပွားရေး အနေအထားများ

မကာရ ရာသီဖွားတို့သည် လောကဓံ လှိုင်းတံပိုးဒဏ် ကို ခံနိုင်ရည် ရှိသူများဖြစ်၏။ ပင်ကိုယ် စိတ်ရင်း မြင့်မြတ် ၍ ကရုဏာတရားနှင့် ပြည့်ဝကြ၏။ သို့သော် ခံစားချက်ပြင်းထန်ပြီး မဟုတ်မခံချင်စိတ်နှင့် လက်စားချေလိုစိတ် ပြင်းထန်ကြ၏။ ထို စရိုက်က အလုပ်အကိုင်နှင့် စီးပွားရေးကို ထိခိုက်စေတတ်၏။ ကိုယ်ပိုင် အတွေးအခေါ်ကောင်း၏။

ကိုယ် ကြံစည်ထားသည့် အတိုင်း ပြင်းထန်စွာ လုပ်ကိုင်တတ်၏။ နှုတ်စောင့်စည်း၏။ ပါးနပ် လိမ္မာ၍ ဆုံးဖြတ်ချက် ခိုင်မာ၏။ ငွေကြေးကို ချွေတာခြင်းမရှိ။ အပေါ်ယံ ပလွှားမှုတို့ အတွက် ငွေကုန်ခံတတ်၏။
အလုပ် တစ်ခုကို လုပ်လျှင် ၀ီရိယထား၍ ရေဆုံးရေဖျား လုပ်တတ်၏။ တာဝန်တိကျ ကျေပွန်၏။ 

ထို့အပြင် ကိုယ့်ကိုယ် ကို အလွန် ယုံကြည်စိတ်ရှိ။ ကိုယ့်ကိုယ် ကို အထင်ကြီးလွန်း၏။ ခေါင်းဆောင်နိုင်ကြ၏။ ဘာပဲ လုပ်လုပ် တစ်ခုတည်း စွဲမြဲစွာ လုပ်ကိုင်လို၏။ ငွေရှာရာတွင် ငွေရှာဖွေနိုင်စွမ်း ရှိ၏။ ငွေရလွယ်၏။

သို့သော် မထင်လျှင် မထင်သလို သုံးချင်၏။ ဘာမဆို ကိုယ့်စိတ်တိုင်းကျ လုပ်တတ်၍ စပ်တူလုပ်ငန်းများ နှင့် ကောင်းကျိုးမပေး။ သဟဇတ လည်း မဖြစ်ချေ။ မကာရ ရာသီဖွားတို့သည် စီးပွားရေးတွင် မည်သူ့အပေါ်မှ
အကောက်မကြံတတ်ကြေချေ။သို့သော် တစ်ဖက်က ညစ်လာလျှင် နှစ်ဆပြန်တွယ်ရမှ ကျေနပ်၏။ 

လုပ်စရာရှိလျှင် အားမနာတတ်။ စီးပွားဥစ္စာကို သိပ် ဂရုမစိုက်။ စီးပွားဥစ္စာ ကို ဂရုစိုက်ရှာဖွေလျှင်လည်းချမ်းသာကြယ်ဝသူများဖြစ်၏။ အေးအေးဆေးဆေးနေထိုင်ရင်းပင် ချမ်းသာခွင့်ရသူများဖြစ်လေ၏။

မကာရ ရာသီဖွားတို့ စက် ၊ စက်မှုလုပ်ငန်း၊ အနုပညာလုပ်ငန်း၊ အလှဖန်တီးရှင်များ၊ အဆောက်အဦ များနှင့် ဆရာဝန် အလုပ်တို့တွင် ကောင်းကျိုးပေး၏။ မကာရ ရာသီဖွားတို့သည်ငွေတိုးချေးခြင်း လုံးဝ မပြုသင့်ပါ။

ကျန်းမာရေး အနေအထားများ

မကာရ ရာသီဖွားတို့သည် ကျန်းမာရေးတွင် ဆိုးဆိုးရွားရွား မရှိတတ်ပါ။ ခံစားနေရသော ဝေဒနာကိုလည်း
ဂရုစိုက်ခြင်းမရှိဘဲ ဝေဒနာ ဆိုးရွားလာမှ ကုသမှု ခံယူတတ်ကြသူများဖြစ်လေ၏။ 

သတိပြုသင့်သည်မှာ ............  အစာအိမ်၊ အူမကြီးတို့နှင့် ပတ်သက်သော ရောဂါများ၊ ခေါင်းကိုက်ရောဂါ၊
သွေးဆိပ်တက်ရောဂါ၊ ထုံကျင် ကိုက်ခဲသောရောဂါ တို့ဖြစ်တတ်၏။ လိပ်ခေါင်းရောဂါလည်း ဖြစ်တတ်၏။ ထို့အပြင် ပယောဂ လိုမျိုး သူတစ်ပါးပြုစားခံရသည့် ရောဂါတွေ ရတတ်၏။

မကာရ ရာသီဖွားတို့သည် အသားငါး တို့ကို အတတ်နိုင်ဆုံး လျှော့စားပါ။ အသီးအရွက်သာ များများစားပါ။ မုန်လာ၊ ငှက်ပျောသီး၊ သရက်သီး၊ ထောပတ်သီးစသော အသီးအနှံတို့ကို များများစားပါ။ 

မကာရ ရာသီဖွားတို့သည် ဂမုန်း သူယောင်မြစ်ကို ဆောင်ထားပြီး ရှူဆေး အဖြစ် ရှူပေးသင့်၏။ ထို့ပြင် မကာရ ရာသီဖွားတို့သည် လေဘေး အန္တရာယ် ကြုံရတတ်၏။

မကာရ ရာသီဖွားတို့၏ ဘ၀ကံကြမ္မာ အနေအထားများနှင့် ဆောင်ရန်၊ ရှောင်ရန်များ

မကာရ ရာသီဖွားတို့သည် စကားပြောပွင့်လင်း၏။ လုပ်စရာရှိက လုပ်တတ်၏။ နားစရာရှိက ကျကျနန နားတတ်၏။ အားနာတတ်သော အကျင့်မရှိ။ ပြောစရာရှိက ပြောရဲ၏။ ဇွဲကောင်း၏။ လက်စားချေတတ်၏။ ကံဇာတာ ညံ့လျှင် အလွန် ညံ့တတ်သလို ကောင်းစရာရှိက အလွန်ကောင်းတတ်၏။ ပတ်ဝန်းကျင်ကိုလည်း
သိပ် ဂရုမစိုက်တတ်ကြချေ။ 

လူကလည်း တစ်ဖက်စွန်းရောက်တတ်သလို ကံကြမ္မာကလည်း တစ်ဖက်စွန်း ရောက်တတ်၏။ တစ်ခါတစ်ရံလောကကြီးကို အကြောင်းမဲ့ အရွဲ့တိုက်နေတတ်၏။ လောကကြီးကို မကျေမနပ် ဖြစ်နေတတ်၏။ ဂမ္ဘီရပညာ တို့နှင့် နီးစပ်၏။ ထက်မြက်၏။ အငြင်းသန်၏။ အနစ်နာခံစရာရှိက သူမတူအောင် အနစ်နာခံတတ် ၏။

ဘုရားဆင်းတုတော်များ ကိုးကွယ်ထားရတတ်၏။
ရှေးဟောင်းပစ္စည်းဆောင်ထားက စီးပွားဖြစ်တတ်၏။
ရှေးဟောင်း ဆင်းတုတော် ကိုးကွယ်ထားသင့်၏။ 

အဆောင်ကောင်း ရတတ်၏။ တစ်ခါတစ်ရံ ကံကို မျက်စိမှိတ် ယုံတတ်၏။
တစ်ခါတစ်ရံ လူ့ဂွစာများဖြစ်နေတတ်၏။ အေးအေးဆေးဆေး တည်တည်ငြိမ်ငြိမ် နေက ကြီးပွားတတ်၏။ ထင်ရာ စွတ်လုပ်နေက အားလုံးကုန်သွားတတ်၏။ 

အသက် (၂၂၊ ၂၆၊ ၃၅၊ ၄၀၊ ၄၄၊ ၅၃၊ ၆၂) တို့သည် ထူးခြားသော အပြောင်းအလဲများကြုံရတတ်၏။ အထူး ဂရုစိုက်ပေးသင့်၏။ အသက် (၃၆) တွင် တိုးတက်မှု ကြုံတတ်၏။ အသက် (၄၅) ကျော် မှ စီးပွားအထူးဖြစ်တတ်၏။ အသက် (၈၉) တိုင်အောင် အသက်ရှည်တတ်၏။ အထူးသတိပြုရန်မှာ မကာရ ရာသီဖွားအမျိုးသားတို့ ဇနီးမယား ကို အယုံလွန်သဖြင့် ဘေးထိတတ်၏။

မကာရ ရာသီဖွားတို့သည် အနက်ရောင်၊ အညိုရောင် စသော အရောင်ရင့်များ ၀တ်ပါ။ ပုလဲနက်၊ စိန်နက်၊ မဟူရာကျောက် စသော ကျောက်များကို လက်စွပ်ကွင်း၍ လင်္ကျာဘက်လက်တွင် ၀တ်ထားပါ။

ရေသံ ကျောက်ပုတီးဖြင့် ပုတီးစိပ်ပါ။ စနေနေ့သည် အထူးကောင်းကျိုးပေးသော နေ့ဖြစ်၏။ လစဉ် (၈) ရက်နှင့် (၁၇) ရက်ကို အထူးဆောင်၍ အဓိဋ္ဌာန် ၀င်သင့်၏။ နှစ်စဉ် ဧပြီလနှင့် သြဂုတ်လ တို့တွင် အစစသတိဖြင့် ပြုလုပ်သင့်၏။

မည်သည့်ကိစ္စမဆို အေးဆေးတည်ငြိမ်စွာ ဆုံးဖြတ်လုပ်ကိုင်ရင်းအောင်မြင်သော ဘ၀ကို ရရှိ တတ်ကြလေ သည်။ အထူးသဖြင့် မည်သည့် အလုပ်တွင် မဆို အတွေးသမား၊ အငေးသမား၊ အပြောသမား သက်သက်ဖြစ်နေတတ်ခြင်း တစ်ခါတစ်ရံ အမှားအမှန် ခွဲခြား နားမလည်တတ်ခြင်းတို့ကို သတိဖြင့် ထိမ်းကာနေထိုင်လုပ်ကိုင်သွားခြင်းဖြင့် ဘ၀အောင်မြင်မှုများ ရယူသွားနိုင်မည်ဖြစ်ပေ သတည်း ။

Posted by yanshin

Tin Maung Hlaing


မိမိ နှင့် သက်ဆိုင်သော  Link တွင် ၀င်ရောက် ဖတ်ရှုနိုင်ပါသည် ။ 

မတ်လ ၂၁ ရက် မှ ဧပြီလ ၂၀ ရက် အတွင်းမွေးဖွား သူများ (မြန်မာလ-တန်ခူးလ တွင် မွေးဖွားသူများ)

ဧပြီ (၂၁) ရက်မှ မေ (၂၁) ရက် { ကဆုန်လ } အတွင်းမွေးဖွားသူများ သည်လည်း ပြိဿ     ရာသီဖွားများ  

မြန်မာ လ နယုန်လ တွင်မွေးဖွားသူများ (နှစ်စဉ် မေလ (၂၂)ရက်မှ ဇွန်လ (၂၁) ရက် အတွင်းမွေးဖွားသူများ)

ဝါဆို လဖွားများ (နှစ်စဉ် ဇွန် ၂၂ မှ ဇူလိုင် ၂၂ )

ဇူလိုင် ၂၃ ရက် မှ သြဂုတ် ၂၃ ရက် အတွင်း (မြန်မာလ ၀ါခေါင်လ)

သြဂုတ် ၂၄ ရက် မှ စက်တင်ဘာ ၂၂ ရက် အတွင်း မွေးဖွားသူများ (တော်သလင်းလ ဖွားများ)

စက်တင်ဘာ ၂၃ ရက် မှ အောက်တိုဘာ ၂၃ ရက် (သီတင်းကျွတ်လ)

အောက်တိုဘာ လ ၂၄ မှ နိုဝင်ဘာလ ၂၂ ရက် အတွင်း (တန်ဆောင်မုန်းလ)

နိုဝင်ဘာ (၂၃) မှ ဒီဇင်ဘာ (၂၁) ( နတ်တော်လ )

ဒီဇင်ဘာ ၂၂ မှ ဇန်န၀ါရီ ၂၀ အတွင်း၊ ( ပြာသိုလ ) 

(နှစ်စဉ် ဇန်န၀ါရီလ ၂၁ မှ ဖေဖော်ဝါရီ ၁၈ အတွင်း၊ တပို့တွဲလ ဖွားများ )

(ဖေဖော်ဝါရီ ၁၉ မှ မတ်လ ရက်၂၀ အတွင်း၊ တပေါင်းလ)