စကားပြောရာတွင်

စကားပြောတတ်တာက တစ်ပါးသူကို နွေးထွေးမှုဖြစ်စေတယ်၊ အားဖြစ်စေတယ်၊ ယုံကြည်မှုရှိစေတယ်၊ အဆင်ပြေစေတယ်၊ နေသာထိုင်သာရှိစေတယ်၊ မျှော်လင့်ချက်ဖြစ်စေတယ်၊ အသိဉာဏ်ဖြစ်စေပါတယ်။

(၁) တစ်ဘက်လူရဲ့ဒေါသမီးကို ထိန်းချုပ်ပေးနိုင်တဲ့ စကားလုံး ----- ဆောရီးပါနော်

(၂) ကိုယ့် ပင်ကိုအရည်အသွေးကို နှိမ့်ချတဲ့ စကားလုံး ------ ကျေးဇူးတင်ပါတယ်

(၃) တစ်ဘက်လူကို ရင်ကော့ အားဖြစ်စေတဲ့ စကားလုံး ----- မင်းလုပ်တာ ကောင်းတယ်

(၄) ကျေအေး ငြိမ်းချမ်းမှုကို ဆင့်ခေါ်နိုင်တဲ့ စကားလုံး ------ ငါ မှားသွားတယ်

(၅) ဒီလောကမှာ ရှင်သန် တည်ရှိနေတယ်  (လူရာ ဝင်နေသေးတယ်)  ဆိုတဲ့ ခံစားချက်ကို ဖြစ်ပေါ်စေတဲ့ စကားလုံး ----- မင်း အကောင်းဆုံးပဲကွာ

(၆) စိတ် ခံစားချက်ကို မြှင့်တင်ပေးနိုင်တဲ့ စကားလုံး ----- ဒီနေ့ မင်းဝတ်ထားတာ မိုက်တယ်ကွာ၊ ဒီနေ့မင်းသိပ်မိုက်တယ်ကွာ

(၇) အကောင်းဆုံး အဆုံးသတ်ကို ဖြစ်စေနိုင်မယ့် စကားလုံး ------ နင်ရဲ့ အတွေး စိတ်ကူးကရော ဘယ်လိုလဲ

(၈) နွေးထွေးနှစ်သိမ့်မှုကိုဖြစ်စေတဲ့ စကားလုံး ------ ငါကူညီဖို့ လိုအပ်သလား

(၉) တစ်ဘက်သားရဲ့မိမိကိုယ်ကိုယ် ယုံကြည်စိတ်ကို မြှင့်တင်ပေးနိုင်တဲ့ စကားလုံး ------- ဟာ... ဒီစိတ်ကူး မိုက်တယ်ကွာ မင်း ဘယ်လိုတွေးလိုက်တာလဲ

အကောင်းမြင်စိတ်

အဘိုးကြီး တစ်ယောက်မှာ သမီး၂ယောက် ရှိတယ်တဲ့။ သမီးကြီးက ထီးရောင်းတဲ့ ထီးဆိုင် ပိုင်ရှင် နဲ့ အိမ်ထောင် ကျတယ်တဲ့။ သမီးငယ်က ဆေးဆိုးပန်းရိုက် အလုပ်ရုံ တစ်ရုံ ထူထောင်လုပ် ကိုင်နေကြသတဲ့။ အဘိုး ကြီးက နေသာတဲ့ ရာသီနေ့တွေမှာ သမီးကြီး ရဲ့ ထီးဆိုင် မရောင်းရမှာ စိုးရိမ်နေသတဲ့။ မိုးရွာတဲ့နေ့များမှာတော့ သမီးငယ် ရဲ့ ဆေးဆိုးပန်းရိုက် ထည်တွေ နေမလှန်းရလို့ မခြောက်မှာ စိုးရိမ်နေပြန်ရော။
.
ဒီလိုနဲ့ နေ့စဉ် သမီးတွေရဲ့အလုပ် အဆင်မပြေမှာကို တွေးပူပြီး သောကရောက်နေသတဲ့။ ရက်လတွေကြာလာတော့ အဘိုးကြီးလည်း ဒီသောကတွေနဲ့ ကျန်းမာရေး ချူခြာလာတော့တယ်။ အတွင်းသိမိတ်ဆွေကောင်း တစ်ဦးက ဒီလိုပြောတယ်။
.
“ မိတ်ဆွေကြီး.. ခင်ဗျားကတော့ သိပ်ကံကောင်းတယ်ဗျာ.. မိုးရွာရင် ခင်ဗျား သမီးကြီးရဲ့ ထီးဆိုင်မှာ လူစည်ကားတယ်ဗျာ၊ နေပူပြန်တော့ ခင်ဗျား သမီးငယ်ရဲ့ ဆေးဆိုးပန်းရိုက်ထည်တွေ ရောင်းကောင်းပြန်ရော။
ဘယ်နေ့မဆို ခင်ဗျား သတင်းကောင်းတွေ ကြားနေရတာချည်းပါလား “
.
ဒီစကားလည်း အဘိုးကြီးကြားရော “ ဟုတ်သားပဲ.. ငါ ဘာလို့ အစက ဒီလို မတွေးတောမိပါလိမ့် “ လို့လည်း စဉ်းစားလိုက်မိရော ပူပင်သောက စိုးရိမ်ကြောင့်ကြမှု မရှိတော့ပဲ အမြင်တွေပြောင်းသွားတဲ့အတွက် ချို့ယွင်းစပြုနေတဲ့ ကျန်းမာရေးလည်း တစ်စစနဲ့ ပြန်ကောင်းလာခဲ့တယ်။
.
တစ်ကယ်တော့ ရာသီဥတု ကလည်း ဒီအတိုင်းပဲ။ အရောင်းအ၀ယ် ကလည်း ပုံမှန်ပါပဲ။ အဘိုးကြီးရဲ့ စိတ်သဘောထားပြောင်းလည်းသွားမှုပေါ်မှာ အကျိုး သက်ရောက်မှုတွေလည်း ပြောင်းလည်းသွားရတာပါ။

.
ဒုတိယ ဖတ်ဖြစ်တဲ့ တစ်ပုဒ်ကတော့ …>>>>
.
စိတ်ဓာတ် အကျကြီးကျနေတဲ့ မိန်းမငယ် တစ်ယောက်။ မြစ်ထဲ ဆင်းပြီး ကိုယ့်ကိုယ်ကို သတ်သေဖို့ လုပ်ချိန် သမ္ဗာန်သမား အဘိုးကြီးက တွေ့လို့ ကယ်လိုက်တယ်။
..
“ မိန်းကလေး...ဘာလို့ ငယ်ငယ် ရွယ်ရွယ်နဲ့ သေကြောင်းကြံချင်ရသလဲ “ လို့ သမ္ဗာန် သမား အဘိုးကြီး က မေးလိုက်တယ်။ မိန်းကလေးက ငိုပြီးပြောလေတယ်။
..
“ ကျွန်မက ဆင်းရဲတော့ ဓမ္မာရုံ တစ်ခုမှ ဝေယာဝစ္စတွေ ကူလုပ်ပေးရပါတယ်။ လက်ထပ်ပြီး ၂နှစ် အကြာမှာ ယောကျာ်းက ဆုံးတယ်၊ ယောကျာ်းဆုံးပြီး မကြာဘူး သားကလဲ ဆုံးပြန်တယ်၊ ဘာသာရေး အဆုံးအမနဲ့ နီးပေမဲ့ သူတို့ မရှိမှတော့ ကျွန်မ ဘ၀မှာ ရှင်သန်နေထိုင်နေရလဲ ဘာများထူးပါဦးမလဲရှင် “ ..လို့ ပြောတယ်။
.
ဒီတော့ သမ္ဗာန် သမား အဘိုးကြီးကမေးတယ်။
.
“ လွန်ခဲ့တဲ့ ၂နှစ် မတိုင်မီက ညည်းဘယ်လို နေခဲ့လဲ “

သူဌေးတွေရဲ့ ငွေတစ်ပြားမှ မကုန်တဲ့ အကျင့် ၉ မျိုး

(၁) တရားထိုင်တယ်

ကျွန်တော် အောင်မြင်ရတဲ့ အဓိအကြောင်းရင်း ကတော့ တရားထိုင်လို့ပါပဲ လို့. Bridgewater Associates ကို ထူထောင်သူ ရေးဒါလီယို က ပြောပါတယ်။ သူ တစ်ယောက်တည်း မထင်ပါနဲ့။ အိုပရာ ၀င်းဖရေး၊ ရူးပတ်မားဒေါ့ စတဲ့ အောင်မြင်ကျော်ကြားသူတွေဟာ တရားထိုင်တတ်ကြပါတယ်။

ခန္ဓာကိုယ် နဲ့ စိတ်ကို ဖြေလျှော့တာ၊ လေ့ကျင့်ခန်း လုပ်တာ၊ ကျန်းမာရေး နဲ့ ညီညွတ် တာတွေ စားတာ၊ အိပ်ရေး၀၀ အိပ်တာ အားလုံးဟာ အောင်မြင်မှုရစေတဲ့ အကြောင်းတရားတွေထဲမှာ ပါပါတယ်။

(၂) အိပ်၇ာစောစော ထတယ်

သမ္မတ အိုဘားမား၊ တင်ကွတ် စတဲ့သူတွေဟာ စောစောထတဲ့ သူတွေ ဖြစ်ပါ တယ်။ စောစော ထတာနဲ့ အောင်မြင်တာ ဘာဆိုင်လို့လဲ ။ အကြောင်း ကတော့ စောစောထတဲ့ သူတွေဟာ သူများတွေထက် တုံ့ပြန်တဲ့နေရာမှာ စောတယ်၊ လေ့ကျင့်ခန်း လုပ်ဖို့၊ ကိုယ့် တစ်ကိုယ်ရည် အတွက် အချိန်ပေးဖို့ အချိန်ရတယ်။ သည်တော့ သူများထက် ခေါင်းတစ်လုံး သာတာပေါ့။

(၃) ဆက်ဆံရေး ကောင်းတယ်

အောင်မြင်သူတွေဟာ ဆက်ဆံရေးကောင်းဖို့ အရေးကြီးကြောင်း သိတယ်။ ဆက် ဆံရေး ကောင်းသူတွေဟာ အလုပ် မှာ ပိုပြီး ကောင်းမွန်အောင် လုပ်ဆောင်နိုင် တာကို သုတေသနတွေ အရလည်း သိရတယ်။

အပြန်အလှန် ဆက်ဆံရေး ကောင်းတဲ့အတွက် အောင်မြင်သူတွေဟာ ပိုပြီး တီထွင်နိုင်စွမ်း မြင့်မားလာတယ်။ ဒေးကာနယ်ဂျီ ရဲ့ မိတ္တဗလဋီကာ မှာ အောင်မြင်သူတွေဟာ ညည်းညူဝေဖန်လေ့ မရှိဘူးလို့ ရေးထားတယ်။ ရိုးသားဖို့၊ စာနာနားလည်ဖို့ပဲ ကြိုးစားကြပါတယ်တဲ့။

(၄) အလုပ်တစ်ခု မဟုတ် တစ်ခု လုပ်နေတယ်

အောင်မြင်တဲ့ သူတွေဟာ တွေဝေငေးငိုင်နေလေ့ မရှိဘူး။ တစ်ပတ်ကို နာရီ ၈၀ ကနေ ၁၀၀ လောက် အထိ အလုပ် လုပ်တတ်တဲ့ Elon Musk က `စွန့်ထွင်လုပ်ငန်းရှင် တစ်ယောက် အောင်မြင်ဖို့ မရှိ မဖြစ်လိုအပ်တဲ့ လုပ်ငန်း ကျင့်ဝတ်တစ်ခုက ဒါပဲ´လို့ ပြောပါတယ်။

(၅) ဘယ်အချိန် ငြင်းဆန်ရမယ် ဆိုတာ သိတယ်

အောင်မြင်သူတွေ နဲ့ ဒိတ်ဒိတ်ကြဲ အောင်မြင်သူတွေကြား ကွာခြားချက် ကတော့ ဒိတ်ဒိတ်ကြဲ အောင်မြင်သူတွေဟာ အားလုံးနီးပါး ကို ငြင်းဆန် တတ်ကြတယ် တဲ့ ။ ၀ါရင်းဘတ်ဖက် ရဲ့ စကားပါ။

အဖျက် သဘောတွေ၊ အလုပ်ပိုတွေ၊ အချိန်ကုန်စေတဲ့ လှုပ်ရှားမှုတွေ ကို ငြင်းဆန်ခြင်း အားဖြင့် အလုပ် အပေါ် အာရုံ ပိုစိုက်နိုင်တာကို အောင်မြင်သူတွေက ကောင်းကောင်း သဘောပေါက်ကြတယ်။ လူတိုင်းကို၊ အရာရာတိုင်း ကို လက်ခံ ပြီး လုပ်နေမယ် ဆိုရင် အာရုံတွေ များပြီး ကိုယ်တစ်ကယ် လုပ်ရမယ့် အလုပ် ပြီးတော့ မှာ မဟုတ်ပါဘူး။

(၆) တီဗီမကြည့်ဘူး၊ စာဖတ်တယ်

‘Rich Habits: The Daily Success Habits Of Wealthy Individuals” စာအုပ်ကိုေ၇းခဲ့တဲ့ သောမတ်ကာလေး က သူဌေး ၆၇ %ဟာ တစ်နေ့ကို တီဗီ ၁ နာရီ နဲ့ အောက်ပဲ ကြည့်တယ်လို့ ရေးထားပါတယ်။ ဖြစ်ရပ်မှန် အစီအစဉ်တွေကို သာမာန်လူ ၇၈% က ကြည့်နေချိန်မှာ သူဌေး ထဲက ၆% ကပဲ ကြည့်ကြပါတယ်တဲ့။ ဒါ့အပြင် တစ်နေ့ကို စာ နာရီဝက်ကျော်ကျော် ဖတ်တယ်လို့ ပြောတဲ့ သူဌေးက ၈၈% ရှိပါတယ်။

နတ် ကိုးကွယ်မှုနှင့် သရဏဂုံ ညှိုးနွမ်းခြင်း

                                               Online Photo 


သရဏဂုံ ဆိုတာ ပါဠိလို"သရဏဂမန"
မြန်မာလို "သရဏဂုံ"

အဓိပ္ပာယ် က ကိုးကွယ် ဆည်းကပ်ခြင်း ရတနာမြတ် သုံးပါး အပေါ်လေးလေး  နက်နက် နဲ့   သက်ဝင်ပြီး ယုံကြည်မြတ်နိုး ကိုးကွယ် ဆည်းကပ်တဲ့သဒ္ဒါ ပညာရှေ့ သွား ရှိတဲ့ ကုသိုလ်စိတ်ကို "သရဏဂုံ" လို့ခေါ်ပါ တယ်..

ရတနာမြတ်သုံးပါး အပေါ် လေးလေး နက်နက် ယုံကြည်ခြင်း ကြည်ညိုလေးစား ကိုးကွယ် ဆည်းကပ်ခြင်း ရှိတဲ့သူဟာ သရဏဂုံ တည်တဲ့ သူပါ..

သရဏဂုံ တည်သူဟာ ရတနာမြတ်သုံးပါးကျေးဇူး ကို မသိတတ်ရင် ရတနာ သုံးပါး အပေါ် သံသယ ဝင်ခဲ့ရင် အတွေးမှား အသိမှားနေခဲ့ရင် သရဏဂုံ ညှိုးနွမ်း ညစ်နွမ်းပါတယ်..

အယူဝါဒပြောင်းရင် သရဏဂုံ ပျက်တယ်..
သေဆုံးတဲ့ အခါမှာလည်း သရဏဂုံ ပျက်တယ်..
ဒါကြောင့် ဗုဒ္ဓ ဘာသာဝင်တွေ သေဆုံးတဲ့ အခါ သရဏဂုံ ပျက်သွားလို့ သရဏဂုံပြန်တင်ရပါတယ်..

အလောင်းကောင်ကြီး ကို တင်တာတော့ မဟုတ်ပါဘူး..

ဒီ အနီးအနား မှာ တစ္ဆေ သရဲပြိတ္တာ စတဲ့ ဘဝမျိုးမြှာ ဖစ်နေခဲ့ရင် သရဏဂုံပြန် တည်ပါစေ ဆိုတဲ့ အနေနဲ့ သရဏဂုံ တင်ပေးရတာပါ..

ဗုဒ္ဓ ဘာသာဝင်တွေ ထဲမှာ နတ် ကိုးကွယ်ကြတာလည်း ရှိပါတယ်..
ရတနာသုံးပါး ထက် နတ် ကို ပို အလေးထားရင် သရဏဂုံ ပျက်ပါတယ်..
ဗုဒ္ဓဘာသာ စစ်စစ် တစ်ယောက်ဟာ ရတနာသုံးပါး မှ တစ်ပါး အခြား ကိုးကွယ်ရာ မရှာကောင်းပါဘူး..

ဘုရား တရား သံဃာ ကို စွန့်ပယ် ၍ အခြားသော ဘိုးတော် မယ်တော် များ ၃၇-မင်း နတ်များ ရိုးရာ နတ်များ နတ်စိမ်း များကို "အရှင်ကြီး အရှင်ကောင်းတို့အား ကျွန်ုပ် တို့၏ အသက်နှင့် ခန္ဓာကိုယ် ကို အပ်နှင်း ကိုးကွယ်ပါ၏ " ဟု အဓိဋ္ဌာန်ပြု၍ ဦးချလိုက်ရင် သရဏဂုံ ပျက်ပါတယ်..

(ယင်းသို့ ပျက်ခြင်းသည် အပြစ်ရှိသော သရဏဂုံ ပျက်ခြင်းဖြစ်သည်။)

ဘုရား တရား သံဃာ ကိုလည်း မစွန့် ထို ဘိုးတော် မယ်တော် များကိုလည်း ကိုးကွယ် ဆည်းကပ်နေမယ် ဆိုရင်တော့ သရဏဂုံ မပျက်သော်လည်း ညှိုးနွမ်းသွားပါတယ်..

ထို့ကြောင့် သရဏဂုံ တည်သူများ ရရှိမည့် ကောင်းကျိုးများကို တင်းပြည့် ကျပ်ပြည့် မရနိုင်တော့ပါ..

တရား အားထုတ်တော့မယ်ဆိုရင်

တရား အားထုတ်စဉ် အရေးကြီးသော အချက်များ...............................

၁ ။ တရား အားထုတ်စဉ် အရေးအကြီးဆုံးက သဘောထားမှန်ဖို့..
စိုက် မရှုနဲ့ ၊ ထိန်း မရှုနဲ့ ၊ လုပ် မရှုနဲ့ ၊ ချုပ် မရှုနဲ့ ..

၂ ။ ဖြစ်အောင်လည်း မလုပ်နဲ့ ၊ ပျက်အောင်လည်း မလုပ်နဲ့ ၊
ဖြစ်တိုင်း ပျက်တိုင်းလည်း မမေ့နဲ့ သိနေရမယ် ..

၃ ။ ဖြစ်အောင်လုပ်ရင် လောဘ ၊ ပျက်အောင်လုပ်ရင် ဒေါသ ၊
ဖြစ်တိုင်း ပျက်တိုင်း မသိရင် မောဟ ..

၎ ။ ရှုမှတ်စိတ်မှာ လောဘ, ဒေါသ,သောက မပါမှ ရှုမှတ်စိတ်ဖြစ်မယ် ..

၅ ။ ဘယ်လို သဘောထားနဲ့ အားထုတ်နေလဲလို့ ပြန်စစ်ဆေးကြည့်ရမယ် ..

၆ ။ ကောင်းတာလည်း ရှုရမှာပဲ ၊ ဆိုးတာလည်း ရှုရမှာပဲ ..

၇ ။ ကောင်းတာမှ လိုချင်တယ် မကောင်းတာဆို နည်းနည်းမှ မလိုချင်ဘူး ဆိုရင် တရားပါ့မလား ..

၈ ။ မျှော်လင့်ချက် မပါစေနဲ့  လိုချင်တာ မပါစေနဲ့ကြောင့်ကြစိတ် မပါစေနဲ့
ဒီ သဘောထားတွေ ရှုစိတ်ထဲ ရှိနေရင် တရား အားထုတ်လို့ အဆင်မပြေနိုင်ဘူး ..

၉ ။ ဘာဖြစ်လို့ ဒီလောက်စိုက်ပြီး ရှုနေရတာလဲ ဖြစ်ချင်လို့၊လိုချင်လို့၊ ပျောက်ချင်လို့ တခုခု ဖြစ်နေတတ်တယ် 

၁၀ ။ စိတ်က ပင်ပန်း ဆင်းရဲနေရင် တရား အားထုတ်တာ တစ်ခုခုလိုနေပြီ ..

၁၁ ။ စိတ် တင်းကျပ်မှုနဲ့ တရား အားမထုတ်နိုင် ..

၁၂ ။ စိတ် နဲ့ ကိုယ် ပင်ပန်းဆင်းရဲလာရင် တရား အားထုတ်မှုကို ပြန်စစ်ဆေးကြည့်သင့်တယ်၊ မှန်ကန်တဲ့ သဘောထားမျိုး ရှိရဲ့လား ..

၁၃ ။ တရား အားထုတ်တယ် ဆိုတာ သတိ အသိ နဲ့ စောင့်ကြည့်နေတာ  စဉ်းစားနေတာ, ဆင်ခြင်နေတာ,ဝေဖန်နေတာ မဟုတ်ဖူး ..

၁၄ ။ လိုချင်တဲ့စိတ် ဖြစ်ချင်တဲ့ စိတ်နဲ့တော့ အားမထုတ်နဲ့ ၊ ပင်ပန်း တာဘဲ အဖတ်တင်မယ် ..

၁၅ ။ တရား အားထုတ်တဲ့ စိတ်ကအေးအေးဆေးဆေးနဲ့ ငြိမ်းငြိမ်းချမ်းချမ်း ရှိရမယ် ..

၁၆ ။ စိတ်ရော ကိုယ်ရော သက်တောင့်သက်သာ ရှိရမယ်..

၁၇ ။ လွတ်လပ်ပေါ့ပါးတဲ့ စိတ်နဲ့ မှ တရား အားထုတ်လို့ ရတယ် ..

၁၈ ။ တရား အားထုတ်တယ် ဆိုတာကောင်းကောင်း ဆိုးဆိုး ဘာလာလာ လက်ခံပြီး အေးအေးဆေးဆေး   ကြည့်နေ တာဘဲ ..

၁၉ ။ စိတ်က ဘာလုပ်နေလဲတွေးနေသလား, သိနေသလား ..

၂၀ ။ စိတ်က ဘယ်ရောက်နေလဲ အတွင်းမှာလား, အပြင်မှာလား ..

၂၁ ။ သိနေတဲ့ စိတ် ရှုနေတဲ့စိတ် က သေချာသိလား, အပေါ်ယံ သိလား ..

၂၂ ။ ဖြစ်ချင်တဲ့ ပုံစံမျိုးဖြစ်အောင် လုပ်နေတာ မဟုတ် ၊ဖြစ်နေတာကို ဖြစ်နေတဲ့ အတိုင်း သိအောင် လုပ်နေတာ ..

၂၃ ။ အတွေးကို ပြဿ         နာ မရှာနဲ့  မတွေးအောင် လုပ်နေတာ မဟုတ်၊ တွေးရင် တွေးမှန်း သိအောင် လုပ်နေ တာ ..

၂၄ ။ အာရုံ ကို ပယ်ရမှာ မဟုတ် ၊ အာရုံကြောင့်ဖြစ်တဲ့ ကိလေသာကို သိပြီး (ရှုမှတ်ပြီး) ပယ်ရမယ် ..

၂၅ ။ သဒ္ဓါ ရှိမှ ၀ီရိယ ရှိမယ်၊ ၀ီရိယ ရှိမှ သတိမြဲမယ်၊သတိမြဲ မှ သမာဓိ တည်မယ်၊ သမာဓိ တည် မှ အမှန်အတိုင်း သိမယ်၊ အမှန်အတိုင်း သိလာတော့ သဒ္ဓါ ပိုဖြစ်လာတယ် ..

၂၆ ။ ပစ္စုပ္ပန် တည့်တည့်ကိုသာ သတိထားနေရမယ်၊ အတိတ်ကိုလည်း မပြန်နဲ့ ၊ အနာဂတ်ကိုလည်း မကြံနဲ့ 

၂၇ ။ အာရုံ က အရေးမကြီးဘူး ၊ အနောက်က အလုပ် လုပ်နေတဲ့ စိတ်က ပိုအရေးကြီးတယ် ၊ ရှုမှတ်စိတ်သာ သဘောထား မှန်ရင် အာရုံအမှန် ရမှာပဲ ...

သဘာဝ အားတိုးစေတဲ့ ဒန့်သလွန်စေ့

ကျ​နော်​တို့ စင်္ကာပူ မှာ​တော့ ဒန့်​သလွန်​​စေ့ 100g ကို $10ပါ ။ 1kg ကို​ဒေါ်လာ ၁၀၀​ပေါ့၊ မြန်​မာ​ငွေနဲ့ ဆို ကို ၉သောင်း​ကျော်​​ပါ။

မြန်​မာပြည်​ မှာ ဒန်​သလွန်​ခြံ စိုက်​ပြီး​ရောင်းစားမယ် ​ဆိုရင်​ သူ​ဌေးဖြစ်​​လောက်​တယ်​။ ​ဒန့်​သလွန်​​စေ့ ရဲ့​ကောင်း ကျိုး​တွေကို​တော့အောက်​မှာ ဆက်​ဖတ်​ကြည့်​ပါ။

***********************************************

` သဘာဝ အားတိုးစေတဲ့ ဒန့်သလွန်စေ့ ´

အမေရိကန် လူမျိုး မိတ်ဆွေက သူတို့ဆီမှာ ဒန့်သလွန်စေ့ တစ်ထုပ် (အစေ့ ၁၀၀) ကို ၆ ဒေါ်လာ နဲ့ ဝယ်စားနေတယ် လို့ ပြောပြလို့ အရမ်းအံ့သြမိတယ်။

`` အမှန်အတိုင်း ဝန်ခံရ ရင် ကျနော့် အနေနဲ့ ဒန့်သလွန်သီး ကို ပဲကုလား ချဉ်ရည် ချက်တဲ့ အခါလောက်ပဲ စားဖြစ်တာဗျ။ ဒါတောင် အသီးမှာ ကပ်နေတဲ့ အသားလောက်ပဲ သွား နဲ့ ခြစ် စားတာ တစ်ခါ တစ်လေ အစေ့တွေ က ရင့် နေလို့ မဝါးစားဖြစ်ဘူး ´´ လို့ပြောတော့ အမေရိကန် လူမျိုး David က အံ့သြသွားတယ်။

သူက ပြန်ပြောတယ် ` အဲ့ဒီလုပ်ရပ်က အရမ်း မိုက်မဲတာပဲ´ တဲ့။

ကိုယ်လည်း ဒန့်သလွန်သီး အရွက် နဲ့ အမြစ်လောက် ပဲ ဆေးဝါး အဖြစ် သုံးဖူးတော့ သူပြောလည်း ခံနေရတော့ တာပေါ့။

နောက်တော့ ကျနော် ဒန့်သလွန်သီး အစေ့ အကြောင်း အရမ်း သိချင်လာတာနဲ့ လေ့လာကြည့်တယ်။
အစေ့ မစားဘဲ ထွေးထုတ် တာဟာ အရမ်း မိုက်မဲ မှန်း အဲ့ဒီ ကျမှ ကိုယ့်ကိုယ်ကို သိတော့တယ်။

အမေရိက နဲ့ ဥရောပ မှာ ဒန့်သလွန်သီး ကို အခြောက်ခံလို့ ရလာတဲ့ အစေ့ ကို တောင်ပံလေးတွေ ခြွေ၊ အစေ့ လေးတွေချည်း ထုပ်ပိုးပြီး ရောင်းကြတယ်။

ပယင်း အကြောင်း သိကောင်းစရာ နဲ့ ပယင်းဖြစ်ပေါ်လာပုံ အဆင့်ဆင့်

ပယင်း အကြောင်းသိကောင်းစရာ နဲ့ ပယင်းဖြစ်ပေါ်လာပုံ အဆင့်ဆင့်ပါ ။

ပယင်း ( Amber ) အကြောင်း သိကောင်းစရာ
ပယင်း သည် လူသား တို့၏ အဆင်တန်ဆာ အဖြစ် အသုံးပြုခဲ့ကြသော ကျောက်မျက်ရတနာ တန်းဝင် ထဲမှ ရှေးအကျဆုံး ရတနာထဲတွင် ပါဝင်သည်။ ပယင်းပတီး ၊ ဆွဲပြား ၊ ဆွဲသီး များကို ဥရောပမြောက်ပိုင်းတွင် ဘီစီ (၈၀၀၀) လောက်ကတည်းက အသုံးပြုခဲ့ကြကြောင်း တွေရှိခဲ့ရသည်။

ပယင်း သည် စင်စစ် အားဖြင့် ကျောက် မဟုတ်ပါ။ အဆီထွက်သော အပင် တစ်မျိုး (ထင်းရူးပင် တစ်မျိုး ဟု ဆို) ၏ အဆီ မှ ခဲ၍ ကျောက်သား သဖွယ် ဖြစ်လာခြင်းဖြစ်သည်။ ရံဖန် ရံခါ ပယင်း ထဲ၌ အင်းဆက် ပိုးမွှားများ ကို ပုံစံ မပျက် တွေ့ရှိရတတ်ပါသည်။ 

နှစ်သန်းပေါင်း အနည်းဆုံး ၂၅ သန်း မှ သန်း ၅၀ အတွင်း ကြာခဲ့ပြီး ကျောက်ဖြစ်လာခဲ့သော သစ်စေးမျိုးဖြစ်သည်။ ရှားပါး အနေဖြင့် နှစ်သန်း ၃၂၀ ရှိသော ပယင်း ကိုလည်း မှတ်တမ်းတင် ထားကြသည်။ ပယင်း ဟာ ကျောက်မျက်ရတနာ ၉ပါး ထဲမှာ အပေါ့ပါးဆုံးဖြစ်ပြီး မာခြင်း အဆင့် (၂.၅) သာ ရှိကာ သိပ်သည်းဆ လည်း ၁.၀၇ သာ ရှိသောကြောင့် အပူချိန် ကို ခံနိုင်ရည် မရှိပဲ ကြွေကွဲ ပျက်ဆီးလွယ်ပါသည်။ မီးရှို လျှင် အလွယ် တစ်ကူ လောင်ကျွမ်းနိုင်ပါသည်။


ပယင်း အစစ် ဟာ အလင်းပေါက်ပြီး ပေ့ါပါး တာကြောင့် ဆားငံရည် မှာ ရေပေါ်ပေါ်နေနိုင်ပါသည် ။ အခြားသော ကျောက်မျက် ရတနာတွေ ဖြစ်တဲ့ ကျောက်စိမ်း တာကွိုက်ဇ် တို့လို ကျောက်မျက်တွေဟာ အခန်း တွင်း အပူချိန် ထက် အနည်းငယ် အေးသော ဂုဏ်သတ္တိ ရှိသော်လည်း ပယင်း မှာ လူ့ အရေပြားနှင့် ထိတွေ့ ပါ က အနည်းငယ် ပူနွေးနေပါသည်။

အရက် ရဲ့ အရောင်ဖြစ်တဲ့ ဝါရွှေရွှေ အကြည်ရောင် ကို ပယင်းရောင်ရယ် လို့ တင်စားကြာတာ ကြားဖူးကြပေမယ့် ပယင်း မှာ နီညိုရောင် ၊ လိမ္မော်ရောင် ၊ အစိမ်း ၊ နှင်းဆီရောင် ၊ အဝါရောင် ၊ ခရမ်းရောင် ၊ အဖြူရောင်အထိ ရှိပြီး ရှားရှား ပါးပါး ခရမ်းပြာရောင် အထိ တွေ့ရတတ်ပါသည်။

ဘောလ်တစ် ပင်လယ် ကမ်းခြေ တစ်လျှောက်မှာ ပေ့ါပါးသော ပယင်းတွေကို ပင်လယ်ရေလှိုင်းများနှင့် ကမ်းခြေ ကိုရောက်ရှိ လာတတ်ကာ ကမ်းစပ် တစ်လျောက်မှာ၎င်း ရေတိမ်ပိုင်း မှာ ရေငုတ်ပြီး အလွယ် ရှာတွေ့နိုင် သည်။ ကမ်းခြေ တစ်လျှောက် ပုံစံ အမျိုးစုံ အရောင် မျိုးစုံနှင့် ပယင်း များကို အများ အပြားတွေ့ ရတတ် ပြီး အပြာရောင် ပယင်း ကို အထူး အရောင်းအဝယ်လုပ်ကြသော်လည်း ၎င်း အပြာရောင်မှာ ဘောလ်တစ်ဒေသ ထွက် မဟုတ်ဘဲ ဒိုမီနီကန်ု က ထွက်သော ပယင်းဖြစ်သည်။ 

Hysteria { ပြင်းထန်တဲ့ စိတ်ပညာ ပိုင်းဆိုင်ရာ အခြေ အနေပြောင်း လဲမှု တစ်ခု }

Hysteria (ဒါမှ မဟုတ်) Hysteria Neurosis ဆိုတာ ပြင်းထန်တဲ့ စိတ်ပညာ ပိုင်းဆိုင်ရာ အခြေ အနေပြောင်း လဲမှု တစ်ခု ဖြစ်ပြီး အဲဒီ အခြေအနေဖြစ်တဲ့ သူဟာ ပုံမှန် မဟုတ်တဲ့ တက်ကြွမှုတွေ ရှိလာတတ်တာမျိုးဖြစ် ပါတယ်.။ 

အဓိက ရောဂါ လက္ခဏာတွေ ကတော့ ပြင်းပြင်း ထန်ထန်ဒေါသ ထွက်လာခြင်း၊ အလွန် မုန်းတီးမှု များ ဖြစ်ပေါ်လာခြင်း၊ အလွန် အမင်းကြောက်ရွံ့မှုများဖြစ်ပေါ်လာခြင်း၊ စိတ်ဓာတ် ပျက်ပြားခြင်း၊ စိတ်ဓာတ် ကျဆင်းခြင်းနှင့် အလားတူ ခံစားချက်များ ဖြစ်ပေါ်လာခြင်းတို့ပဲ ဖြစ်ပါတယ်.။ 

Hysteria မှာ ပုံစံကွဲတွေ အများကြီးရှိသလို၊ အဆင့်တွေလည်း အများကြီးရှိပါတယ်.။

ရောဂါ လက္ခဏာတွေ ကတော့ -
(၁) အသက်ရှု မမှန်ပါဘူး၊

(၂) ခန္ဒာကိုယ် ကို တည်ငြိမ်အောင် လုပ်ဖို့ ခက်ခဲပါတယ်.။ (ရုန်းကန်နေတတ်ပါတယ်)

(၃) ကြမ်းကြုတ် ရိုင်းစိုင်းတဲ့ အမူအယာတွေဖြစ်လာတတ်ပါတယ်၊ စူးစူး ဝါးဝါးအော်တတ်တယ်.။ ဂယောင် ဂတမ်း နဲ့ ကြုံးဝါးမှုတွေ လုပ်တတ်ပါတယ်၊

.
(၄) စကားသံ မပီမသဖြစ်လာတတ်ပါတယ်..။

(၅) ခန္ဒာကိုယ် မှာ အကြော ဆွဲတတ်ပါတယ်.။

(၆) မျက်လုံးတွေ နီရဲနေတတ်ပါတယ်။

(၇) သွားရည် တစ်မြားမြားနဲ့ အလွန်အကျွံ ကျနေတတ်ပါတယ်။

(၈) လည်ပင်း ကြွက်သားတွေ ယောင်ယမ်းနေတတ်ပါတယ်။

မှတ်ဉာဏ်တွေ မဆုံးရှုံးစေဖို့.

ဒီတစ်ခါတော့ အိုမင်း လာတဲ့ အသက်အရွယ်နဲ့ အတူ ဦးနှောက် ရဲ့ မှတ်ဉာဏ် စွမ်းအားတွေကို ဘယ်လို အချိန်ကြာကြာ ထိန်းထားနိုင်မလည်း ဆိုတာ လေ့လာကြည့်ရအောင်။

(၁) ပုံမှန် စားသုံးပါ။
ဦးနှောက် ဟာ ခန္ဓာကိုယ် ရဲ့ ၂-၃% ပမာဏ မျှသာ ရှိပေမယ့် ခန္ဓာကိုယ် က ထွက်တဲ့ စွမ်းအင် ရဲ့ ၂၀% ပမာဏ ကို သူ့ အတွက် သုံးစွဲပေးရပါတယ်။ ဒါကြောင့် "အစာ မရှိတဲ့ ဦးနှောက် ဟာ ဗလာ" ဆိုတဲ့ အတိုင်း ခန္ဓာကိုယ် အတွက် လိုအပ်တဲ့ အစာအာဟာရ ကို မှန်မှန် စားသုံးပေးသင့်ပါတယ်။

(၂) စူပါ အစားအစာများ
ဟင်းနုနွယ်၊ စတော်ဘယ်ရီ နဲ့ ဘလူးဘယ်ရီသီးတွေ ကို စူပါ အစားစာများ လို့ ခေါ်ပါတယ်။ အကြောင်းက သူတို့ဟာ ဦးနှောက် ရဲ့ စွမ်းအင် ကို မြှင့်တင်ပေးလို့ပါပဲ။ ဒါကြောင့် များများ စားသုံးပေးသင့်ပါတယ်။

(၃) Hot Beverage
လက်ဖက်ရည် နဲ့ ကော်ဖီ တို့ဟာ ဦးနှောက် ကို လှုံ့ဆော်တဲ့နေရာမှာ အင်မတန် ကောင်းပါတယ်။ ဦးနှောက်ကို လှုံ့ဆော်နိုင်တဲ့ အတွက် မှတ်ဉာဏ် ကိုလည်း ကောင်းမွန်စေပါတယ်။

(၄) အရက် မသောက်ရ။
အရက် ဆိုတာ ဦးနှောက် အတွင်း အာရုံကြော ဆဲလ်ပေါင်းများစွာကို ပျက်စီးစေတဲ့ အတွက် မသောက်သုံးသင့်ပါဘူး။

(၅) ဗီတာမင် များများစား
ဖြည့်စွက်စာများ ကို စနစ်တစ်ကျ စားသုံးပေးရပါမယ်။ ဖောလစ် အက်ဆစ်ဓာတ် လို မှတ်ဉာဏ် အတွက် အထောက် အကူ ပြုပေးနိုင်တဲ့ ဗီတာမင် ဓာတ်များများ စားပေးရပါမယ်။

ဂွေးသီး ၏ ကျန်းမာရေး အကျိုးကျေးဇူးများ

သရက်သီး နဲ့ ယှဉ်ရင် ဂွေးသီး က ပိုပြီး အရည် ရွှမ်းသလို ကယ်လိုရီ ပါဝင်မှု ပို လျော့နည်းကာ အမျှင်ဓာတ် ပါဝင်မှု ပိုများပါတယ်။ ဂွေးသီး ကို အလွယ်တစ် ကူ ဝယ် ယူလို့ ရသလို ကျန်းမာရေး အတွက် ကောင်းမွန်တဲ့ အကျိုးကျေးဇူးတွေ ရှိတာ ကိုလည်း တွေ့ရပါတယ်။ ဂွေးသီး မှာ ဘယ်လို အာဟာရ ဓာတ်တွေ ပါဝင်တာကြောင့် ကျန်းမာရေးအတွက် ဘယ်လို အထောက်အကူဖြစ်စေတယ် ဆိုတာ လေ့လာကြည့်ရအောင်.။
 
(၁) ကယ်လိုရီ ပါဝင်မှု လျော့နည်းခြင်း
ဂွေးသီး ဟာ ကယ်လိုရီ ပါဝင်မှု အလွန် နည်းပါးတဲ့ သစ်သီး တစ်မျိုးဖြစ်ပါတယ်။ ၁၀ဝ ဂရမ် အလေးချိန်ရှိတဲ့ ဂွေးသီးတွေ မှာ ၂၉ ကယ်လိုရီပဲ ပါဝင်ပါတယ်။ 

သရက် သီး ၁၀ဝ ဂရမ် မှာ ၆၄ ကယ်လိုရီ ပါဝင်တာကြောင့် သရက်သီးနဲ့ ယှဉ်ရင် ဂွေး သီးမှာ ကယ်လိုရီ နှစ်ဆ နီးပါး လျော့နည်းမှု ရှိပါတယ်။ ဒါကြောင့် ကယ် လိုရီ များများ မရရှိဘဲ အစာ စားချင်စိတ် ကို ကျေနပ်မှု ရရှိစေကာ ကျန်းမာရေး နဲ့ ညီညွတ်တဲ့ ကိုယ်အလေးချိန်ကို ရရှိ စေပါတယ်။

(၂) အမျှင်ဓာတ် ပါဝင်မှု မြင့်မားခြင်း
ဂွေးသီး မှာ အမျှင်ဓာတ် များများ ပါ ဝင်ပါတယ်။ ဂွေးသီး ၁၀ဝ ဂရမ် ပမာဏမှာ အမျှင်ဓာတ် ၅ ဒသမ ၇ ဂရမ် ပါဝင်တာ ကြောင့် တစ်နေ့တာ လိုအပ်တဲ့ အမျှင် ဓာတ် ရဲ့ ၂၃ ရာခိုင်နှုန်း ကို ရရှိစေပါတယ်။ ဂွေးသီး မှာ ပါတဲ့ အမျှင်ဓာတ် ဟာ ဝမ်း မှန်မှန် သွားစေတာ၊ အူမကြီး ရဲ့ လုပ်ငန်းဆောင် တာကို ကောင်းမွန်စေတာနဲ့ ဝမ်းချုပ်ခြင်း ကင်းစေတာ စတဲ့ အကျိုးကျေးဇူး များစွာ ရရှိစေပါတယ်။ 

အမျှင်ဓာတ် ဟာ အစာ ကြေညက်ခဲတာကြောင့် ဆာလောင်မှုကို ထိန်းချုပ်ထားပါတယ်။ အမျှင်ဓာတ် ပါဝင် မှုမြင့်မားတဲ့ ဂွေးသီး စားတာကြောင့် ဆီးချို သွေးချိုရောဂါ နဲ့ နှလုံးရောဂါဖြစ်နိုင်ခြေ ကို လျော့ကျစေနိုင်ပါတယ်။

(၃) ဗီတာမင်စီ ပါဝင်မှု များခြင်း
ဂွေးသီး တစ်ခွက်စာ ပမာဏ မှာ ဗီ တာမင်စီ တစ်နေ့တာ လိုအပ်တဲ့ အတိုင်း အတာ ရဲ့ တစ်ဝက် နီးပါး ပါဝင်ပါတယ်။ ဗီတာမင်စီ ဟာ ရေမှာပျော်ဝင်တဲ့ ဗီတာ မင်ဖြစ်ပြီး ခန္ဓာကိုယ် လုပ်ငန်း ဆောင်တာ တွေ အတွက် လိုအပ်ပါတယ်။ ကော်လာ ဂျင် တည်ဆောက်မှု အတွက် လိုအပ်သ လို အနာကျက်စေပါတယ်။ 

ဗီတာမင်စီ က အရေးကြီးတဲ့ အင်တီအောက်ဆီးဒင့် တစ်မျိုးဖြစ်ပြီး ဆဲလ်တွေကို ဖရီးရယ်ဒီကယ်ကြောင့် ထိခိုက်မှု မဖြစ်အောင် ကာကွယ်ပေးကာ နှလုံးရောဂါ နဲ့ ကင်ဆာဖြစ် နိုင်ခြေကို လျော့ကျစေပါတယ်။ ဗီတာ မင်စီ ဟာ ကိုယ်ခံ စွမ်းအား စနစ် ကျန်းမာ ရေး အတွက် အရေးပါသလို ခန္ဓာကိုယ် က သံဓာတ် စုပ်ယူနိုင်အောင် လည်း ကူ ညီပါတယ်။

မိန် ရာသီဖွားများ

မိန် ရာသီဖွားများ

(ဖေဖော်ဝါရီ ၁၉ မှ မတ်လ ရက်၂၀ အတွင်း၊ တပေါင်းလ)
မိန် ရာသီသည် ရာသီစက်ဝန်း ၏ ၁၂ ခုမြောက် ရာသီခွင်ဖြစ်၏။ ကောင်းကင်ပြင်တွင် ဤရာသီခွင်၌ ကြယ်နက္ခတ် တို့တွင် ငါးနှစ်ကောင် ကူးခတ်နေပုံ အသွင်သဏ္ဍာန် ပေါ်ထွန်းနေသော ရာသီခွင်ဖြစ်၏။

သောမ ရာသီ (မ သဘာဝ) သက်ရောက်လေ၏။ ဒွေဒဟ (နှစ်ခွ၊ နှစ်မျိုးနှစ်စား) သဘောဆောင်၏။ နေ့ ရာသီဖြစ်၏။ ရာဇ ဂုဏ် (ထက်မြက်မှု) သဘောဆောင်၏။ ဓာတ် သဘာဝ အားဖြင့် အာပေါဓာတ် (ရေဓာတ် အေးဆေး တည်ကြည်မှု) စိုးမိုး၏။ 

ဤ ရာသီခွင်၏ နက္ခတ်ပုံ သင်္ကေတ ငါးနှစ်ကောင် မှာ ဆန့်ကျင်ဘက် အနေ အထားဖြင့် ယှဉ်တွဲနေသော ပုံဖြစ် ၏။ ဆယ့်နှစ်ရာသီ စက်၏ မူလ နယ်ပယ်တွင် ကြာသပတေးဂြိုလ် ၏ ဂြိုလ်အိမ် အဖြစ် သတ်မှတ်ခဲ့ကြ ၏။ 

(၃) ဂဏန်း သင်္ချာ စိုးမိုးမှု ရှိပြီး ခန္ဓာကိုယ် အစိတ်အပိုင်း အားဖြင့် ခြေ အစုံကို ပိုင်စိုးလေ၏။

မိန် ရာသီဖွားတို့၏ ပင်ကိုယ် သဘာဝနှင့် အကျင့်စရိုက် လက္ခဏာများ

မိန် ရာသီဖွား တို့သည် ရာသီ (၁၂) ပါး တွင် ချမ်းသာ သုခနှင့် အပြည့်ဝဆုံးသော သူများ ဖြစ်တတ်ကြပေ ၏။ မိန် ရာသီဖွားတို့သည် ထူးခြားသော စရိုက်နှစ်မျိုး ကို တစ်ပြိုင်တည်း ပါနေသူများဖြစ်တတ်ကြပေ၏။ အလွန် သနားကြင်နာတတ်ကြ၏။ ရိုးသား၏။ အေးဆေး တည်ငြိမ်၏။ အရှက် အကြောက်ကြီး၏။

အခွင့် အာဏာ ပကာသန တို့ကို မမက်မောဘဲ လွတ်လပ်ပေါ့ပါးစွာ နေထိုင်လို၏။ အယုံလွယ်၏။ သူတစ်ပါး ကို ကူညီလို၏။ အားနည်းသူတို့ဘက်မှ ရပ်တည်လို၏။ နူးညံ့သိမ်မွေ့၏။ ထို့အတူ ထက်မြက်၏။ ဉာဏ်ထက် ၏။ ဇွဲသတ္တိကောင်း၏။ အမြော်အမြင်ကြီး၏။

မဖြစ် မနေ ကြီးပွားအောင်မြင်လိုစိတ် ရှိ၏။ စိတ်ထက်၏။ စိတ်ကြီး၏။ ဒေါသ ထွက်လာက ခက်ထန် လာတတ်၏။ စိတ်မြန်လက်မြန် လုပ်တတ်၏။ စကားပြောဆိုမှု၊ စာပေရေးသားမှု တို့တွင် အလွန်ထက်မြက်၏။ တစ်ခါ တစ်ရံ သတ္တိ နည်းကာ သွေးကြောင် နေတတ်၏။ နောက်တွန့်နေတတ်၏။ စိုးရွံ့နေတတ်၏။ 

ထို့အတူ မကြာခဏ ခေါင်းဆောင်နေရာကို အလိုလိုရောက်နေတတ်ပြန်၏။ တစ်ကိုယ်တည်း အေးအေးဆေးဆေးနေချင်တတ်၏။ ထို့အတူ စိတ်တူ ကိုယ်တူ အပေါင်းအဖော် များနှင့် နေရခြင်းကို နှစ်သက်ပြန်၏။
သို့သော် အပေါင်း အသင်း များများ မထားတတ်ပါ။ 

မိန် ရာသီဖွား တို့သည် နာမ် ၀ါဒ ကို အထူး သက်ဝင် ယုံကြည်ကြ၏။ ဘာသာရေး ကို ပြင်းထန်စွာယုံကြည်သက်ဝင်ကြ၏။ အများ အားဖြင့် စိတ်တည်ငြိမ်စွာဖြင့် တရား အလုပ်ကို လက်တွေ့ ကျကျ ကျင့်လှမ်း သူများ ဖြစ်တတ် ကြလေ၏။ 

ထုံးတမ်း အစဉ်အလာ ဓလေ့များကို ယုံကြည် လိုက်နာတတ်ကြ၏။ အရာရာတိုင်း ကို ကြိုတင် သုံးသပ်၍
ကြိုတင် အဖြေထုတ်ရာတွင် ပါရမီ ထူးကဲတတ်ကြ၏။ အမြင်ပြတ်သား၏။ ဉာဏ်ထက်၏။ စိတ်ကူးကောင်း ကြ၏။ သို့သော် တစ်ခါတစ်ရံ အယူသီးလွန်းကြ၏။ ခေါင်းမာ တတ်ကြ၏။ အထူးသဖြင့် ဘာသာရေးတွင် အလွန် တိကျစွာ ကျင့်သုံးတတ်ကြ၏။

အခြား ကိစ္စတို့တွင် စည်းကမ်းကောင်းလွန်း တတ်ကြ၏။ အတ္တ၊ ပရ မျှတစွာ ကျင့်သုံးတတ်ကြ၏။ သစ္စာရှိ၏။ အလွန် စိတ်ဆိုးခဲပြီး စိတ်ဆိုး မိပါက အငြိုးအတေးကြီး၏။ အစားကြူး၏။ သြဇာပေး ကောင်း၏။
လူအများ အပေါ် အုပ်ချုပ်လို၏။ ဘယ်တော့မှ မရောင့်ရဲဘဲ ထင်ပေါ်အောင်၊ အောင်မြင်အောင် ကြိုးစား တတ် ကြ၏။

မသမာသူ အချို့ကြောင့် စွန်းထင်း လာသော အငှားယာဉ်လောက

                   
အလုံမြို့နယ် အလုံလမ်းပေါ်တွင် အငှားယာဉ်မောင်းတစ်ဦး ဦးဆောင်သော လူငါးဦးပါ အဖွဲ့က နံနက် အစောပိုင်း အချိန် ရွှေတိဂုံ ဘုရားဖူးရန် လမ်းလျှောက် ထွက်လာသည့် လူငယ် သုံးဦးကို ဝိုင်းဝန်း ထိုးကြိတ်ကာ ကျောပိုးအိတ် တစ်လုံးကို လုယူ ထွက်ပြေးမှု မေလ ၂၁ ရက် နံနက်က ဖြစ်ပွားခဲ့သည်။ 

အလု ခံရသူ လူငယ်များက အငှားယာဉ် အမျိုးအစား၊ အရောင်နှင့် ကားဘေးတွင် ကပ်ထားသော စီးတီး တက္ကစီ နံပါတ်ကို မှတ်မိလိုက်ကြသည်။ အနီးအနားရှိ အလုံမြို့မ ရဲစခန်းတွင် လုယက် နာကျင်စေမှုဖွင့်ခဲ့သည်။ ထို့နောက် ရဲတပ်ဖွဲ့ဝင်များက လိုက်လံ စုံစမ်းရာမှ လုယက်မှု ကျူးလွန်ခဲ့သူများကို ၂၄ နာရီ အတွင်း ဖမ်းမိခဲ့သည်။

အောင်မင်္ဂလာ အဝေးပြေးကားဝင်း မှ ည အချိန် ကားငှား စီးသည့် ခရီးသည်များကို အငှားယာဉ်မောင်းတစ်ဦး ကပင် သုံးနှစ် အတွင်း လုယက်မှုခြောက်ကြိမ် ကျူးလွန်ခဲ့သဖြင့် အဆိုပါ ယာဉ်မောင်းနှင့် ယာဉ်မောင်းအကူ ကို ရန်ကုန်တိုင်းဒေသကြီး ရဲတပ်ဖွဲ့က မေလ ဒုတိယပတ်အတွင်း ဖမ်းဆီးနိုင်ခဲ့သည်။

မေလ ၂ ရက် ကလည်း အမေရိကန်နိုင်ငံသူ တစ်ဦးသည် ဗဟန်းမြို့နယ်မှ အငှားယာဉ် စီးလာပြီး ၎င်း တည်း ခိုရာဟိုတယ်သို့ ပို့ပေးရန် ပြောကြားခဲ့သော်လည်း ယာဉ်မောင်းက လူရှင်းသောနေရာသို့ မောင်းသွားပြီး မုဒိမ်းမှု ကျူးလွန်ရန်ကြိုးပမ်းခဲ့သည်။ သို့သော် အမေရိကန်နိုင်ငံသူက ပြန်လည် ခုခံပြီး လွတ်မြောက်ခဲ့သော်လည်း ၎င်းပိုင် တန်ဖိုးရှိ ပစ္စည်းများကို ယာဉ်မောင်းက လုယူကာ မောင်းပြေးခဲ့သည်။

ယခင်က ခြိမ်းခြောက် လုယက်သူများ၏ ပစ်မှတ် မှာ အငှားယာဉ်မောင်းများ ဖြစ်လေ့ ရှိသော်လည်း ယခုအခါ အငှားယာဉ်မောင်း အချို့က  ကိုယ်တိုင် လုယက်မှု  ကျူးလွန် လာသောကြောင့် ညအချိန် သွားလာ  သည့် ခရီးသည်များမှာ လုယက်သူများ၏ ပစ်မှတ်ဖြစ်လာခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့အကြီးတန်းအရာရှိတစ်ဦးက ပြောသည်။ လူဦးရေ ငါးသန်းကျော် ရှိပြီး တက္ကစီယာဉ် အစီးရေ ခြောက်သောင်းခန့် ရှိသော ရန်ကုန်မြို့တွင် အငှားယာဉ်မောင်း အချို့ ကိုယ်တိုင်ပြစ်မှု ကျူးလွန်မှု ယခုနောက်ပိုင်း ပိုများ လာသည်။

‘‘အငှားကားတွေနဲ့ လုယက်တာတွေ လူသတ်မှု ကျူးလွန်တာတွေက အခုနောက်ပိုင်း မှာတော့ လုပ်လာကြတယ်။ ဒီလို ကျူးလွန်သူတွေ ကတော့ နည်းပါတယ်။ ဒီလို တရားခံတွေကိုလည်း မိတာများတယ်။ ဒီလိုပြစ်မှုကျူးလွန်သူတွေကို ကြိုတင် ကာကွယ်ဖို့ အတွက်လည်း စီမံချက်တွေနဲ့ လုပ်ဆောင်ပေးနေပါတယ်’’ဟု ခရိုင်မှူး ရဲအရာရှိများက ပြောသည်။

မေလ တစ်လအတွင်း အငှားယာဉ်မောင်းများက ခရီးသည်များကို လုယက် ခဲ့သော အမှုများတွင် နိုင်ငံခြားသား ခရီးသည်များကို အကြမ်းဖက်ခြိမ်းခြောက် လုယက်မှုများလည်း ပါဝင်ခဲ့သည်။ ထို့ကြောင့် သက်ဆိုင်ရာ နိုင်ငံ သံရုံးကလည်း ၎င်းတို့နိုင်ငံသားများ အငှားယာဉ် စီးသောအခါ သတိထားကြရန်နှင့် အငှားယာဉ်မောင်း အပြင် လူပိုများ ပါလာလျှင် အဆိုပါ ယာဉ်ကို ငှား မစီးကြရန် ညွှန်ကြားချက်များ ထုတ်ပြန်ထားသည်အထိ ဖြစ်ခဲ့ရသည်။

မေလ ၈ ရက် ကလည်း သြစတြေးလျနိုင်ငံသား တစ်ဦးသည် လမ်း ၅၀ မှ လှိုင်မြို့နယ်သို့ အငှားယာဉ်စီးလာစဉ် အိပ်ပျော်သွားခဲ့သည်။ အိပ်ပျော်နေရာမှ ပြန်နိုးလာသော အချိန်တွင် သူပိုင် အဖိုးတန်ပစ္စည်းများ မရှိတော့ သဖြင့် ကားသမားကို ရဲစခန်းထဲသို့ လည်ပင်းညှစ်ခေါ်ပြီး အပြန်အလှန် အမှု ဖွင့်ခဲ့ကြသည်။ သြစတြေးလျနိုင်ငံသား ပျောက်ဆုံးသွားသော ပစ္စည်းများကို ၂၄ နာရီ အတွင်း ပြန်လည် ရရှိပြီး ခိုးယူမှု ကျူးလွန်ခဲ့သူများကို ရန်ကုန်တိုင်းဒေသကြီးရဲတပ်ဖွဲ့က ဖမ်းဆီးပေးနိုင်ခဲ့သည်။

အငှားယာဉ် များဖြင့် ဒုစရိုက် လုပ်ငန်းများ လုပ်ကိုင်မှုသည် ရန်ကုန်မြို့တွင် နှစ်မျိုး ရှိပြီး အချို့ယာဉ်မောင်းများသည် လုယက်ရန် လွယ်ကူသဖြင့် လုပ်တတ်ပြီး အချို့သည် ရည်ရွယ်ချက် ရှိရှိဖြင့် လုယက်မှု လုပ်ကိုင်သူများဖြစ်ကြောင်း ရန်ကုန်တိုင်း အတွင်းရှိ အနောက်ပိုင်း ခရိုင်မှ စခန်းမှူးတစ်ဦးက ပြောသည်။

ကုမ် ရာသီဖွားများ

ကုမ် ရာသီဖွားများ 
(နှစ်စဉ် ဇန်န၀ါရီလ ၂၁ မှ ဖေဖော်ဝါရီ ၁၈ အတွင်း၊ တပို့တွဲလ ဖွားများ )

ကုမ် ရာသီခွင်သည် (၁၂) ရာသီ စက်ဝန်း၏ (၁၁) ခုမြောက် ရာသီခွင်ဖြစ်၏။ ဤ ရာသီခွင်နှင့် ဆိုင်သော ကောင်းကင်ပြင် အစိတ်အပိုင်း ရှိ ကြယ် နက္ခတ်များသည် ရေအိုးထဲမှရေကို သွန်းလောင်းချနေသော အမျိုးသား တစ်ဦး၏ ပုံ ပေါ်ထွန်းနေသော ရာသီခွင်ဖြစ်၏။ 

ဝါယော ဓာတ် ခေါ် လေဓာ တ် သဘာဝ စိုးမိုးသော ရာသီခွင်ဖြစ်၏။ ဓာတ်ဖို သဘာဝ ဆောင်၏။ လူ့ခန္ဓာကိုယ် အစိတ်အပိုင်းတွင် ဒူးဆစ်နှင့် ခြေကျင်းဝတ် တို့ကို စိုးမိုး၏။ မည်သည့်နှစ် မဆို ဇန်န၀ါရီ (၂၁) ရက်မှ
ဖေဖော်ဝါရီ (၁၈) ရက် အတွင်း မွေးဖွားသူ တို့သည် ကုမ် ရာသီဖွားများဟု ပုံသေမှတ်ယူရမည် ဖြစ်သည်။ 

ထိုသို့ ရက် အတိအကျ မသိဘဲ မြန်မာလ တပို့တွဲလ အတွင်း မွေးဖွားသူတို့သည် လည်း ကုမ် ရာသီဖွားများဟု တစ်ထစ်ချ မှတ်ယူကာ အောက်ပါဖြစ်စဉ်တို့ကို လေ့လာဆင်ခြင်နိုင်ပေ၏။

ကုမ် ရာသီဖွား တို့၏ ပင်ကိုယ် သဘာဝနှင့် အကျင့်စရိုက် လက္ခဏာများ

ကုမ် ရာသီဖွား တို့သည် ပင်ကိုယ် စိတ်ဓါတ် ဖြူစင်မြင့်မြတ်သူများဖြစ်၏။ ဉာဏ်ပညာ အလွန် ထက်မြက်သူများဖြစ်၏။ အထူး သဖြင့် အတွက် အချက် ပညာတို့တွင် ပါရဂူမြောက်အောင် ထူးချွန်တတ်ကြ၏။ ထို့အပြင်
မည်သည့် ကိစ္စမဆို ယုတ္တိကျကျ ကျိုးကြောင်းတိကျစွာ တွေးခေါ်ယူဆနိုင်စွမ်း ရှိကြ။

 ဖြတ်ထိုးညာဏ် အလွန်ကောင်း၏။ အနေအထိုင်၊ အစားအသောက် ကျစ်လစ်၏။ သစ္စာ ရှိ၏။ စကားနည်း ၏။ သီးသီးသန့်သန့်နှင့် အေးအေး ချမ်းချမ်း နေတတ်၏။ သူတစ်ပါးကို အနှောက်အယှက် လုံးဝ မပေးတတ်ပါ။ ကိုယ် တာဝန်ယူထားသော ကိစ္စများကို အပြီးဆောင်ရွက်တတ်ကြ၏။ မည်သည့် ကိစ္စမဆို အပင်ပန်းခံပြီး လုပ်တတ်ကြ၏။ 

စည်းစနစ်နှင့် သုံးစွဲသဖြင့် နှမြောတွန့်တို သလို အထင်ခံကြရတတ်၏။ အအိပ် စုံမက်၏။ ပျင်းရိစိတ် ၀င်လာက ဘာမှ မလုပ်ဘဲ နေတတ်၏။ အလှအပ အထူးကြိုက်၏။ အလှအပမြင်သမျှ သဘောကျတတ်၏။

ပင်ကိုယ် စိတ်ဓါတ် တည်ကြည်၏။ ထက်မြက်၏။ သစ္စာရှိ၏။ ဘ၀တွင် အပြောင်းအလဲများစွာ ကြုံရတတ် ၏။ ဘ၀တွင် အမြဲတမ်း လှုပ်ရှား ရှင်သန်နေရ၏။ အနစ်နာခံ၊ အပင်ပန်းခံ၊ အနွံတာခံပြီး ကြိုးစားကြရ တတ်၏။ ကိုယ်တိုင်ကလည်း မလုပ်ဘဲနေလျှင်သာ ငြိမ်နေတတ်ပြီး လုပ်ပြီ ဆိုက သူများထက် သွက်လက်ထက်မြက်၏။

အထူး သတိပြုရန်မှာ.............. 

 စိတ်ထားဖြောင့်သလောက် ကုမ် ရာသီဖွား အမျိုးသားတို့ စကားပြောရာတွင် မထင်လျှင် မထင်သလို
ပေစောင်းစောင်း၊ ကျွတ်ဆတ်ဆတ် ပြောချင်တတ်ကြ၏။ ကုမ်ရာသီဖွား အမျိုးသမီးများ နှုတ်စ လျှာစ ကြမ်းတမ်း မိတတ်ကြ၏။ တစ်ခါတစ်ရံ အာရုံခံစားမှု၊ စိတ်ခံစားမှုနောက် လိုက်မိသဖြင့် သစ္စာမရှိ၊ ကတိမတည်၊
လော်လီ သလိုဖြစ်သွားတတ်ကြ၏။ 

အမှန်မှာ ကုမ်ရာသီဖွား တို့သည် သစ္စာရှိသူ၊ ယောက်ျား ပီသသူများဖြစ်ကြပေ၏။ ကုမ် ရာသီဖွား အမျိုးသမီး
များ ယောက်ျား ဆန်ဆန် ထက်မြက်တတ်ကြ၏။ ကုမ် ရာသီဖွားအားလုံး ရည်မှန်းချက် မြင့်မားစွာ ထားပြီး စိတ်ပါ လက်ပါ ကြိုးစားပါက ထိပ်တန်းရောက်အောင် အောင်မြင်သွားတတ်ကြ၏။  

အထူးသတိပြုကြိုးစား သင့် ၏။ 

ထို့အပြင် ကုမ် ရာသီဖွားတို့သည် ယုံမိက ပုံအပ်တတ်ခြင်း၊ ခေါင်းမာစွာ ဆုံးဖြတ်တတ်ခြင်းတို့ကြောင့် နာမည် ပျက်ခြင်း၊ ရှိရင်းစွဲ အောင်မြင်မှု ကို ထိခိုက်တတ်ခြင်း၊ စည်းစိမ် ဥစ္စာများ ပျက်စီးသွားခြင်းလည်း ဖြစ်တတ် ကြ၍ အထူးသတိပြုသင့်၏။ 

အကြောင်းမူ ကုမ် ရာသီဖွားတို့သည် ဓါးသွေးကျောက် သဖွယ် သူတစ်ပါးတို့ကို အနစ်နာခံတတ်ကြ၏။ အနစ်နာခံပြီး ကူညီချင်၏။ သူတစ်ပါးအတွက် ဆိုလျှင် ကိုယ်ကျိုး စီးပွားအပျက်ခံပြီး ကူညီတတ်ကြ၏။ မိတ်ဆွေကောင်း ပီသ၏။

မိတ်ဆွေ မဖြစ်ခင်သာ ဘာသိ ဘာသာ နေတတ်ပြီး မိတ်ဆွေဖြစ်သွားက တစ်ခါတွေ့တစ်သက် မမေ့နိုင်လောက်အောင် မိတ်ဆွေ ပီသသူများဖြစ်၏။ အနစ်နာ ခံသူများဖြစ်၏။ ထိုသို့သော အခြေအနေကြားမှပင် အထင်လွဲ ခံရခြင်းမျိုးကိုလည်း မကြာခဏ ကြုံရတတ်ကြလေ၏။  

သူတစ်ပါး အတွက် ကြားဝင် ခံရခြင်းမျိုးလည်း ကြုံတတ်ကြလေ၏။ ကိုယ်နှင့်ဝေးမှ ချီးကျူးး ခံရတတ်၏။ သေ ပြီး မှ ချီးမွမ်း ခံရတတ်သော ဇာတာရှင်များဖြစ်၏။

အနုပညာကို အထင်ကြီး၏။ အနုပညာသမားများနှင့် လက်တွဲပေါင်းသင်းတတ်၏။ စာပေရေးသားမှု ဘက်တွင် ပါရမီရှိ၏။ ထို့အပြင် ဘာသာရေး ပါရမီရင့်သန်သူများဖြစ်သည်။ သို့သော် ဘာသာရေးတွင် အယူသည်း ၏။ အချို့ ကိစ္စများတွင် အများနှင့် အမြင် မတူသဖြင့် လူ့ခွစာများ ဖြစ်နေတတ်ပြန်သည်။ 

ဒုတိယ ကမ္ဘာစစ်

ဒုတိယ ကမ္ဘာစစ်

ဒုတိယ ကမ္ဘာစစ် (၁၉၃၉ - ၁၉၄၅) ကို အတိုကောက် အားဖြင့် WW II သို့မဟုတ် World War II ဟု လည်း ခေါ်ကြပြီး ပထမ ကမ္ဘာစစ်ပွဲ၏ အဆက်အဖြစ် တိုက်ခိုက်ကြသော စစ်ပွဲ အဖြစ် စစ်သမိုင်း ပညာရှင်များက သုံးသပ်ကြသည်။ ကမ္ဘာ့  အင်အားကြီး နိုင်ငံများက မဟာမိတ် နှစ်ဖွဲ့အပြိုင်ဖွဲ့၍ တိုက်ခိုက်ကြပြီး ၄င်းတို့မှာ မဟာမိတ်နိုင်ငံများနဲ့ ဝင်ရိုးတန်း နိုင်ငံများတို့ဖြစ်ကြသည်။ 

စစ်သားဦးရေ သန်း ၁၀ဝ ကျော် ပါဝင် တိုက်ခိုက်ကြပြီး အဓိက ဝင်ရောက် တိုက်ခိုက်ကြသူများသည် ၎င်း တို့ ၏ အလုံးစုံသော စီးပွားရေး၊ စက်မှု အလုပ်ရုံနှင့် သိပ္ပံ နည်းပညာများကို သုံးစွဲကြကာ စစ်ပွဲ အတွင်း အသာစီး ရရန် ကြိုးစားခဲ့ကြသည်။ ထို့အတူ စစ်ပွဲ အတွင်းတွင်လည်း စစ်ရေး ပစ်မှတ်တွေ အပြင် အရပ် ဖက် ပစ်မှတ်ကိုပါ ဖျက်ဆီးပစ်ကြသေးသည်။ 

လူပေါင်း သန်း ၇၀ လောက် သေကြေ ပျက်စီးခဲ့ရာမှာ အများစုမှာ အရပ်သားများဖြစ်သည်။ စစ်ပွဲ တစ်ခုလုံးအတွက် ကုန်ကျ စရိတ်မှာ အကြမ်းဖျင်း အားဖြင့် အမေရိကန်ဒေါ်လာ ၁ ထရီလီယံ ( ၁,ဝ၀ဝ ဘီလီယံ၊ ၁,ဝ၀ဝ,ဝ၀ဝ မီလီယံ ) ( ဒေါ်လာသန်းပေါင်း တစ်သန်း ) ခန့်မျှ ကုန်ကျခဲ့ကာ စစ်စရိတ် အကြီးဆုံး စစ်ပွဲဖြစ်ခဲ့သည်။


ပထမ ကမ္ဘာစစ်ပွဲ အပြီး အခြေအနေ

ပထမ ကမ္ဘာစစ် အပြီးတွင် ကျင်းပသည့် ဗာဆိုင်း ညီလာခံသည် အမှန်တစ်ကယ်တွင် စစ်နိုင် နိုင်ငံများ က စစ်ရှုံး နိုင်ငံများ ထံမှ အကျိုးအမြတ်များကို တောင်းယူခြင်း၊ စစ်ရှုံးနိုင်ငံများ ကို စာချုပ်ပါ အချက်အလက်များဖြင့် တားဆီး ချုပ်ချယ်ရန် ကြိုးစားကြသည့် ညီလာခံသာဖြစ်သည်။ ထိုညီလာခံတွင် အကျိုးအများဆုံး အနေနှင့် အင်္ဂလိပ်နှင့် ဂျပန်၊ ပြင်သစ် တို့သည် စစ်ရှုံးနိုင်ငံများ ထံမှ ကိုလိုနီနယ် အများအပြားကို လွှဲပြောင်းရယူပိုင်ဆိုင် ခဲ့ကြသည်။ 

စစ်ရှုံးနိုင်ငံဖြစ်သည့် ဂျာမနီ (ယခင် သြစတီးယား) မှာ ကိုလိုနီ နယ်များသာ မက ဥရောပတိုက်ပေါ်ရှိ နိုင်ငံ၏ နယ်နိမိတ်များ ကိုပါ ခွဲဝေပေးခဲ့ရသည့်အတွက် အနစ်နာဆုံးဖြစ်ခဲ့ရသည်။ စစ်ရှုံးနိုင်ငံ မဟုတ်သည့်တိုင် အီတလီ မှာ မည်သည့် အကျိုးအမြတ်မှ မယ်မယ် ရရ မရရှိဘဲ တိုင်းပြည် အခြေအနေ ဆိုးရွားသည်သာ အဖတ် တင်ခဲ့သည်။ စစ်နိုင်သည့် ဂျပန်မှာလည်း ဝေစုများ ရသည့်တိုင် အစွန်းရောက် အမျိုးသားရေး စစ်ဝါဒီများက အုပ်ချုပ်လာသည့် အတွက် နယ်ချဲ့ခြင်းကို လိုလိုလားလားပင် ဆက်လက် လုပ်ရန် အားသန်နေခဲ့ပြန်သည်။ 

စစ်ရှုံးနိုင်ငံများ အနေနှင့်လည်း အဖက်ဖက်မှ ဖိနှိပ်ခံရသည့် အတွက် တိုင်းပြည်အခြေအနေ မှာ ဆိုးဆိုးဝါးဝါး ဖြစ်နေခဲ့ရပြီး တိုင်းပြည် အတွင်း အစွန်းရောက် အမျိုးသားရေးဝါဒ ဖြစ်ပေါ်လာရေး အတွက် တွန်းအားပေးနေခဲ့ သကဲ့သို့ ရှိနေခဲ့ပြန်သည်။


စစ်ဖြစ်ရသည့် အကြောင်းရင်း

ပထမ ကမ္ဘာစစ်ကြီး ပြီးဆုံးသည်မှ ဒုတိယ ကမ္ဘာစစ်ကြီး စတင်သည် အထိ ကြားကာလတွင် ကမ္ဘာ အရပ် ရပ်၌ လက်ရှိနှင့် လက်မဲ့ ဟူ၍ လူတန်းစားနှစ်ရပ် ပေါ်ပေါက်လာခဲ့သည်။ ထိုသို့ ပေါ်ပေါက်ခဲ့ရသည်မှာ စီးပွားရေး စနစ်ဆိုးကြောင့်ဖြစ်ရာ လူအချင်းချင်း မနာလို မုန်းတီးစိတ်များမှာ ဗလောင်ဆူလျက် ရှိလေသည်။ ပထမ ကမ္ဘာစစ်ကြီးကို အပြီးသတ်ခဲ့သော ဗာဆေး စာချုပ်ကို ချုပ်ဆိုကြပြီးသည့်နောက် ကမ္ဘာ့ အခြေအနေမှာ ဒုတိယ ကမ္ဘာစစ် ဖြစ်မည့် အချိန်သို့ တဖြည်းဖြည်း ချဉ်းကပ်ခဲ့သည်။

တရုတ်နိုင်ငံ၌ မဆုံးနိုင်သော ပြည်တွင်းစစ် ဖြစ်နေသည့် အပြင် ဒေသ အချို့မှာ ၁၉၃၁ ခုနှစ်တွင် ဂျပန် လက်အောက် ကျရောက် ခံရသည်။ ဥရောပတိုက် တွင် ဆိုဗီယက်တော်လှန်ရေးကြီးကြောင့်လည်း လူအမြောက် အမြား သေကြေ ပျက်စီးကြရသည်။ 

အင်္ဂလန်နှင့် ပြင်သစ်ကမူ စစ်ကို ငြီးငွေ့ကာ ထာဝစဉ် ငြိမ်းချမ်းရေး ကိုသာ အလိုရှိကြသည်။ ယင်းသို့သောအချိန်တွင် ဗော်လကန် တစ်ဝိုက်နှင့် ဥရောပ အလယ်ပိုင်းတို့၌ အဝတ်အထည် အစားအစာ ခေါင်းပါးခြင်းတည်း ဟူသော စီးပွားပျက် ကပ်ဆိုးနှင့် ရင်ဆိုင်တိုးနေရသည်။ မကြာမီပင် စီးပွားပျက် ကပ်ဆိုးကြီးသည် ဥရောပ တိုက် တစ်ခုလုံးကို လွှမ်းခြုံမိတော့သည်။ အီတလီ တွင် အာဏာရှင် မူဆိုလီနီ က မင်းမူ၍ ဂျာမနီတွင် ဟစ်တလာ က အာဏာ သိမ်းလေသည်။ နောက်ထပ် ကမ္ဘာစစ် အတွက် အစစအရာရာ အဆင်သင့် ဖြစ်နေလေပြီ။ မီးတောက်ကြီး ထတောက်ရန် မီးပွား တစ်ခု ကျရောက်ဖို့သာ လိုတော့သည်။


လေချိုသွေးသည့် မြူးနစ်အရေး

၁၆၄၇ ခုနှစ် ဝက်စဖေးလီးယား စာချုပ် ချုပ်ဆိုသည့်အခါမှ စ၍ ဥရောပတိုက်ကို မရေရာလှသော အာဏာမဲတင်းပေးသည့် စနစ်အပေါ်တွင် တည်ဆောက်ခဲ့သည်။ သို့ရာတွင် ၁၈၁၇ ခုနှစ်တွင် ဂျာမန်ခေါင်းဆောင် ဗစ်ဇမတ် သည် အာဏာ မဲတင်းပေးသည့် စနစ်ကို တိုက်ဖျက်၍ ဂျာမနီ ကို စည်းလုံးပြီးလျှင် ဥရောပ တွင် ဂျာမန် တန်ခိုး ကြီးထွားနိုင်အောင် ကြိုးစားခဲ့သည်။ 

ပထမ ကမ္ဘာစစ် အပြီးတွင် ချုပ်ဆိုသော ဗာဆေးစာချုပ် သည် ပြိုကွဲနေပြီဖြစ်သော အာဏာ မဲတင်းပေးသည့် စနစ်ကို ပြန်လည် အသက်သွင်းလိုက်သည်။ သို့ရာတွင် ဟစ်တလာနှင့် နာဇီ ပါတီ တက်လာသောအခါ ဗစ်ဇမတ် ၏ လမ်းစဉ် အတိုင်း ဥရောပတွင် ထိပ်သီးနိုင်ငံကြီး ဖြစ်အောင် ဂျာမနီအား ပြန်လည် ထူထောင်လေသည်။ 

ယင်းသို့ ပြဒါး တစ်လမ်း သံ တစ်လမ်းဖြစ်သော ဝါဒနှစ်ခု သည် မျူးနစ် သဘောတူညီချက် စာချုပ် ချုပ်ဆို သည့် အချိန်တိုင်အောင် ပဋိပက္ခဖြစ်လာခဲ့သည်။ နောက်ဆုံးတွင် ဗစ်ဇမတ်နှင့် ဟစ်တလာ တို့၏ ဂျာမနီနိုင်ငံ အာဏာ လွှမ်းမိုးရေးက စစ်တပ် အင်အား ထောက်ခံမှုဖြင့် အနိုင်ရသွားလေသည်။

ဒုတိယ ကမ္ဘာစစ် အကြောင်းကို မှတ်တမ်းတင်ရာ၌ အာဏာရှင် ဟစ်တလာ ၏ အကြောင်းနှင့် မကင်းလွတ်နိုင်ပေ။ ဟစ်တလာ သည် ၁၉၃၃ ခုနှစ်တွင် ဝန်ကြီးချုပ်ဖြစ်လာပြီးလျှင် ဂျာမန် လူထုကြီး တစ်ရပ်လုံးအား စည်း ရုံးလေသည်။ ၁၉၃၆ ခုနှစ်တွင် သူ၏ အင်အားမှာ အားကိုးလောက်အောင် တောင့်တင်းလာပြီးဖြစ်ရကား နိုင်ငံပေါင်းချုပ် အသင်းကြီးမှ နုတ်ထွက်လိုက်ပြီး လိုကားနိုး စာချုပ်ကိုလည်း ဖျက်သိမ်းခိုင်းလေသည်။ ထိုအချိန်တွင် ဂျာမနီနှင့် အီတလီ တို့မှာ စစ်တိုက်ရန် အဆင်သင့် ဖြစ်နေကြလေပြီ။

ဗြိတိသျှ ဝန်ကြီးချုပ် ချိန်ဗာလိန် က ငြိမ်းချမ်းရေး သမားကြီး ဖြစ်သည်။ မည်သည့်နည်းနှင့် မဆို သူ၏ လက်ထက်တွင် စစ်မဖြစ်အောင် တားဆီးနိုင်လိမ့်မည်ဟု ယုံကြည်သည်။ ဂျာမန် တို့အား မျက်နှာချိုသွေးကာ လေအေးဖြင့်ချော့မြှူလျှင် ရနိုင်မည်ဟုလည်း မျှော်လင့်လေသည်။ ၁၉၃၈ ခုနှစ်၌ ဂျာမနီ က ချက်ကိုဆလိုဗားကီးယားကို ပိုင်သော ဆူဒေတင်နယ် ကို တောင်းဆိုသောအခါ ချိန်ဗာလိန်နှင့် ပြင်သစ်ဝန်ကြီးချုပ် သည် ယခင် က မိမိတို့ ကတိများကို လျစ်လျူရှုလျက် ဂျာမန် ၏ အလိုသို့ လိုက်လျောခဲ့ကြသည်။ အီတလီ၊ ပြင်သစ်၊ အင်္ဂလိပ်နှင့် ဂျာမန်ခေါင်းဆောင်များသည် မျူးနစ်မြို့တွင် စည်းဝေးကာ မျူးနစ် စာချုပ်ကို ရေးဆွဲ၍ ဆူဒေတင် နယ် ကလေးကို ဟစ်တလာ၏ လက်သို့ ပေးအပ်လိုက်သည်။


စစ်ရှုံး ဂျာမနီ

ပထမ ကမ္ဘာစစ်တွင် ဂျာမနီနှင့် အပေါင်းအပါနိုင်ငံများမှာ နလံ မထူနိုင်အောင် အရှုံးကြီး ရှုံးခဲ့ရသည်။ ထိုစစ်တွင် ဂျာမန် တို့သည် လူပေါင်း ၇ သန်း မျှ ဆုံးရှုံးခဲ့သည်။ အချို့မှာ ဒဏ်ရာ ရရှိ၍ များစွာသော သူတို့မှာ ပျောက် ဆုံးနေလေသည်။ ယင်းသို့ စစ်ရှုံးသောကြောင့် ဂျာမနီ တစ်နိုင်ငံလုံး အင်အားပျက်ပြုန်းခဲ့၍ ဖရိုဖရဲဖြစ်နေစဉ် ၁၉၁၉ ခုနှစ်၌ နာဇီ ပါတီကို ထူထောင်လိုက်သည်။ 

ဗာဆေး စာချုပ်အရ ဂျာမနီသည် စတုရန်မိုင်ပေါင်း ၁ သန်း မျှ ကျယ်ဝန်း၍ လူဦးရေ ၁၈ သန်းနေထိုင်သော နယ်ပယ်များ၊ ကျောက်မီးသွေး ၄၅ %၊ သံ ၆၅ %နှင့် အခြား မြောက်မြား လှစွာသော ပစ္စည်းများကို စစ်လျော်ကြေး ပေးဆပ်ရသေးသည်။ ဂျာမနီ  ၏ ကြည်းတပ်၊ ရေတပ် များမှာလည်း အင်အားလျော့ပစ်ခြင်း ခံရလေ သည်။ 

မကာရ ရာသီဖွားများ

မကာရ ရာသီဖွားများ 
ဒီဇင်ဘာ ၂၂ မှ ဇန်န၀ါရီ ၂၀ အတွင်း၊ ( ပြာသိုလ ) 

ဤ ရာသီခွင်သည် (၁၂) ရာသီစက်ဝန်း ၏ (၁၀) ခုမြောက် ရာသီစက်ဝန်းဖြစ်၏။ ကောင်းကင်ရှိ ဤ ရာသီခွင်နှင့် ဆိုင်သော ကြယ်တာရာတို့သည် သမင် ဦးခေါင်း၊ ငါး ခန္ဓာကိုယ် အသွင်သဏ္ဍာန်ကို ဆောင်၍ တည်ရှိကြ၏။ 

အနောက်တိုင်း ပညာရှင်တို့က ဆိတ်ထီးပုံ သင်္ကေတဖြင့် ပုံဖော်ကြသည်။ မြန်မာတို့ကမူ သမင် ဦးခေါင်း
ငါး ခန္ဓာကိုယ် သင်္ကေတဖြင့် မှတ်ယူကာ (မကန်း) ဟု ခေါ်တွင်ကြသည်။

အနောက်တိုင်း ပညာတွင် ( 

Capricorn ) ဟုခေါ်၏။

ဓါတ်သဘာဝ အားဖြင့် ပထ၀ီဓါတ် (မြေဓါတ်) သဘာဝ ရှိ၏။ 

(မ) သဘာဝရှိသော (သောမ) ရာသီခွင်ဖြစ်၏။ 

ဂုဏ်အားဖြင့် (တမ ဂုဏ်) တွေဝေ မိုက်မဲသော ဂုဏ် လွှမ်းမိုးလေ၏။ 

(စရ) လှုပ်ရှားသော စရိုက်သဘာဝ ရှိ၏။ 

(၈) ဂဏန်း၏ စိုးမိုးမှုရှိ၏။

နှစ်စဉ် ဒီဇင်ဘာလ (၂၂) ရက်မှ ဇန်န၀ါရီလ (၂၀) အတွင်း aမွးဖွားသူများသည် မကာရ ရာသီဖွားများ ဟု သတ်မှတ်၏။ ထိုသို့ ရက် အတိအကျ မသိဘဲ မြန်မာလ ပြာသိုလ အတွင်း မွေးဖွားသူများသည်လည်း မကာရ ရာသီဖွားများဟု တစ်ထစ်ချ မှတ်ယူကာ အောက်ပါ စရိုက် သဘာဝဖြစ်စဉ်တို့ကို လေ့လာ သုံးစွဲနိုင်ပေ၏။

မကာရ ရာသီဖွားတို့၏ ပင်ကိုယ် သဘာဝနှင့် အကျင့်စရိုက် လက္ခဏာများ

မကာရ ရာသီဖွားတို့သည် လောကဓံ တရားကို အထူး ခံရသူများဖြစ်၏။ လောကဓံ တရားကို အထူး ခံနိုင်သူများလည်း ဖြစ်၏။ ထို့အတူ ဘ၀တွင် အပြောင်းအလဲ အမျိုးမျိုးကြုံရသူများလည်းဖြစ်၏။

စိတ် အပြောင်းအလဲမြန်၏။ အတွေး အခေါ် နက်နက် နဲနဲတွေးတတ်၏။ လွပ်လပ်စွာ နေထိုင်လိုကြ၏။ လွပ်လပ်မှုကို မြတ်နိုးသော်လည်း ကိုယ့်အတွေးနှင့် ကိုယ် ပြန်ပြီးနှောင်ဖွဲ့ကာ လွပ်လပ်မှုကို ဆုံးရှုံးသူများဖြစ်၏။
ခေါင်းမာ၏။ မည်သည့် ကိစ္စကိုမျှ လူပြောသူပြောနှင့် မယုံကြည်ကြချေ။  လက်တွေ့ကျကျ ကိုသာ ယုံကြည် ၏။ လောဘနည်း၏။ သွားလာ လှုပ်ရှားနေလျှင်လည်း ကျေနပ်နေတတ်၏။

စိတ်ကောင်း စေတနာကောင်းရှိ၏။ သို့သော် မကာရ ရာသီဖွားတို့သည် လက်တွေ့ ဘ၀တွင် သူတစ်ပါးတို့အတွက်ဖြစ်စေ၊ မိသားစု အတွက်ဖြစ်စေ ဘ၀ကိုမြှုပ်နှံကာ အနစ်နာခံကြရသူများဖြစ်ပေတော့၏။
ကိုယ့်အောင်မြင်မှုထက် သူတစ်ပါး ၏ အောင်မြင်မှု အတွက် တွန်းတင်ပေးနေတတ်၏။ ကူညီပေးနေ တတ်၏။

ကံ ကံ၏ အကျိုးကို အလွန်ယုံ၏။ ဘာသာရေးတွင် အယူအစွဲကြီး၏။ ဘာသာရေးတွင် အယူသီးသော ဘက် သို့ပင် ရောက်သွားတတ်၏။ ကိုယ်ကျိုး မဖက်ဘဲ လုပ်ကိုင်တတ်၏။ သူတစ်ပါး တို့အတွက် ကြားမှ ဓါးစာခံဖြစ်တတ်၏။ မကာရ ရာသီဖွားတို့သည် စိတ်ရင်းဖြောင့်သလောက် ခေါင်းမာ၏။