အလှမွေးငါး မွေးရင် စိတ်ဖိစီးမှုလျော့စေတယ် စိတ်ပျော်ရွှင်စေတယ် မွေးကြမလား

ကမ္ဘာ့ အလှမွေးငါးများ၊ ငါးစာများ၊ ငါး အတွက်ဆေးဝါးများ၊ ငါးကန်သုံး ပစ္စည်းများ အပါအ၀င် အလှမွေးငါး စီးပွားရေး လုပ်ငန်း တစ်ခုလုံးဟာ တစ်နှစ် ကို အမေရိကန်ဒေါ်လာ ၇ ဘီလီယံကျော် နဲ့ လည်ပတ်နေတဲ့ လုပ်ငန်းကြီး တစ်ခုဖြစ်ပါတယ်။ 

အလှမွေးငါး အတွက် လည်ပတ်နေတဲ့ ငွေးကြေး ပမာဏရဲ့ ၆၀ ရာခိုင်နှုန်း ကတော့ အာရှနိုင်ငံများမှ ရင်းနှီးမြုပ်နှံမှုဖြစ်ပါတယ်။ အရှေ့တောင် အာရှ ဒေသမှာ ဆိုရင်တော့ စင်္ကာပူ၊ မလေးရှား၊ အင်ဒိုနီးရှား၊ ဖိလပိုင် နဲ့ ထိုင်းနိုင်ငံ တို့ဟာ အလှမွေးငါး မွေးမြူရေးလုပ်ငန်း ဖွံ့ဖြိုးတိုးတက်နေတဲ့ နိုင်ငံတွေပဲဖြစ်ပါတယ်။

ငါးများကို အိမ် ရဲ့အလှအပ အဆင်တန်ဆာ အဖြစ် စတင်မွေးမြူခဲ့တဲ့ သူတွေကတော့ တရုတ်လူမျိုးတွေ ပဲဖြစ် ပါတယ်။ ၁၉၃၀ ခုနှစ် က စပြီးတော့ ဥရောပ နဲ့ အမေရိက မှာ စတင် စိတ်ဝင်စားလာခဲ့တာပါ။ စတင်မွေးမြူ တဲ့ ငါးတွေ ကတော့ တောင်အမေရိကတိုက်၊ အမေဇုံမြစ်ဝှမ်းမှာ ရှိတဲ့ ခရာဇင်း အမျိုးအနွယ် ငါးလေးတွေဖြစ် ပြီးတော့ အရှေ့တောင်အာရှမှာ ဆိုရင်တော့ ထိုင်း တိုက်ငါး၊ ပါရာ တိုက်ငါး များပဲဖြစ်ပါတယ်။

 ဒုတိယ ကမ္ဘာစစ်ကြီး အတွင်းကိုရောက်ရှိနေတဲ့ အချိန်မှာတော့ အလှမွေး ငါးလုပ်ငန်းဟာ အမှောင်ကျခဲ့ရ ပါ တယ်။ စစ်ကြီး အပြီးမှာတော့ ငါး အလှမွေးမြူရေးလုပ်ငန်းဟာ တစ်ဟုန်ထိုး တိုးတက်ခဲ့ပါတယ်။

အလှမွေး ငါး မွေးမြူခြင်းကိုတော့ ရှေးခေတ် အီဂျစ်နိုင်ငံသား တို့က ရှေး အကျဆုံးမွေးမြူသူများ အဖြစ် ခေါ် စမတ်ပြု ကြ ပါတယ်။ သူတို့ ရဲ့အုတ်ဂူ သင်္ဂြိုင်းတွေမှာ တွေ့ရှိရတဲ့ ပန်းတော့ ပညာနဲ့ မွမ်းမံထားတဲ့ ငါးပုံ များကို ကြည့်ခြင်း အားဖြင့် ငါး ကို အမြတ်တစ်နိုး တန်ဖိုးထားဟန် ရှိကြပါတယ်။

 ရောမနိုင်ငံသားတို့ ဟာလည်း ရေချိုငါး ကို စားသုံးရန် အတွက် ဒါမှ မဟုတ်ရင် ရေငန်ငါး များကို အလှအပ ထားရန် အတွက် မွေးမြူခဲ့တဲ့ အထောက်အထား များကို အေဒီ ၁၉ ရာစုနှစ်ခန့်က တွေ့ရှိခဲ့ရပါတယ်။ တရုတ်နိုင်ငံ နဲ့ ဂျပန်နိုင်ငံ တို့မှာ တော့ အလှမွေးငါးမွေးမြူခြင်းကို အေဒီ ၉၇၀ လောက်က စတင်ခဲ့တယ်လို့ သိရပါတယ်။ 

၁၇ ရာစု မှာတော့ ဥရောပနိုင်ငံ များကို စတင်ရောက်ရှိ ခဲ့ပြီးတော့ အမေရိကန်ပြည်ထောင်စု ကတော့  ရွှေငါး များကို စတင်မွေးမြူခဲ့ပါတယ်။ အင်္ဂလန်နိုင်ငံ လန်ဒန်မြို့တော် ရဲ့ တရိစ္ဆာန် ဥယျာဉ်ကြီးထဲမှာတော့ ၁၈၅၃ ခုနှစ်မှာ စတင်ပြီး ပြည်သူလူထု အတွက် ငါးပြတိုက်ဆောက်ပြီး ငါးများကို မွေးမြူပြသခဲ့ပါတယ်။ 



အရှေ့တောင်အာရှနိုင်ငံတွေ ထဲက စင်္ကာပူနိုင်ငံ ကတော့ ကမ္ဘာ့ အလှမွေးငါး စီးပွားရေး လုပ်ငန်းမှာ ထိပ်ဆုံးနေရာ က ရပ်တည်နေတာပဲဖြစ်ပါတယ်။ ကမ္ဘာ့ အလှမွေး ငါးပြပွဲ ပြိုင်ပွဲ ငါး၊ ငါးစာ၊ ဆေး၊ ငါးကန်သုံး ပစ္စည်းများ ပြပွဲ ကိုတော့ စင်္ကာပူနိုင်ငံ မှာ ၁၉၈၉ ခုနှစ်မှာ စပြီးတော့ ၂ နှစ် တစ်ကြိမ် ကျင်းပလာခဲ့ပါတယ်။ 


ဒါကြောင့် ကမ္ဘာ့ ငါးအလှမွေး လုပ်ငန်းဟာ တစ်ရိပ်ရိပ် တိုးတက်နေတဲ့ စီးပွားရေး လုပ်ငန်းကြီး တစ်ခု လည်းဖြစ် ပါတယ်။ ဒစ်စကပ် ငါးလေးတွေ ကို စိတ်ဝင် တစားနဲ့ မွေးမြူလာသူ တစ်ဦးဖြစ်တဲ့ မြန်မာနိုင်ငံက ဦးမြတ်ဦး က သူ့ရဲ့အမြင် သူ့ရဲ့ခံစားချက်တွေကို အခုလို ပြောပြပါတယ်။
         
 “၁၆ နှစ်၊ ၁၇ နှစ် ပတ်ဝန်းကျင်လောက် ကပေါ့၊ ကျွန်တော်တို့ ဗမာပြည် မှာ ဒစ်စကပ် ငါးလေးတွေဟာ စပြီးတော့ ရောက်လာတယ် လို့ ပြောရမှာပါခင်ဗျာ။ ရောက်လာတဲ့ အချိန်မှာ ကျွန်တော်လည်း ထူးထူးခြားခြား ၊ ဆန်းဆန်းပြားပြား၊ လှလှပပ၊ ငါး ၀ိုင်းဝိုင်းလေးတွေ တွေ့တဲ့ အခါမှာ တော်တော်လေး သဘော ကျပြီးတော့ မွေးမြူချင်တဲ့ စိတ်ကလေးတွေဖြစ် လာတော့ ကျွန်တော်တို့ ရောင်းတဲ့ ဆိုင်မှာ လိုက်ရှာပြီးတော့ ယူရပါတယ်ခင်ဗျ။ 

ရှာတယ်ဆိုတဲ့ နေရာမှာလည်း တော်တော်လေး ကို ခက်ခက် ခဲခဲ ရှာရပါတယ်ခင်ဗျ။ နေရာတိုင်း ဆိုင်တိုင်း မှာ မရှိခဲ့ပါဘူး။ နောက်ဆုံးတော့ ရှာတွေ့သွားတယ်ပေ့ါလေ။ ရှာတွေ့သွားတဲ့ အချိန်ကစပြီးတော့ ဒီ ဒစ်စကပ် ငါးလေး ကို ကျွန်တော် စွဲစွဲလန်းလန်း နဲ့ မြတ်မြတ်နိုးနိုးမွေးမြူခဲ့ဖြစ်တာပါခင်ဗျာ။ 

လွန်ခဲတဲ့နှစ်ပေါင်းများစွာ ကတော့ ဒီ ငါးမွေးမြူဖို့ ဆိုတာ တော်တော်လေးကို ခဲခဲရင်းရင်းဖြစ်ခဲ့ပါတယ် ခင်ဗျာ ။ မွေးမြူရေး နည်းစနစ် လည်း မသိ ငါး ရဲ့အကြောင်းကိုလည်း ဘာမှ တိတိကျကျ မသိ အခုခေတ်လို အင်တာနက်ကြည့်ပြီး တော့ သင်ယူလို့ ရတဲ့အခြေအနေမျိုးလည်း မဟုတ်ခဲ့တဲ့ အခါကျတော့ တော်တော်ကို ခဲခဲရင်းရင်း အဆုံး အရှုံး များစွာနဲ့ မွေးခဲ့ရပါတယ်ခင်ဗျာ။
 
ဒီ ဒစ်စကပ် ငါးရဲ့ သဘာဝ ကတော့ မသိတဲ့ လူတွေ အတွက်က ဆိုရင် အတော်လေး ခဲခဲရင်းရင်းလို့ ထင်ကြ တယ်ပေ့ါလေ။ အမှန်တော့ မဟုတ်ပါဘူးခင်ဗျာ။ မွေးမြူရေး နည်းစနစ် ကို သေသေချာချာ သိသွားလို့ရှိရင် ဒီဟာ မွေးမြူရတာ အင်မတန်လွယ်ကူပါတယ် ခင်ဗျာ။ 

ကျွန်တော်တို့ အရင်တုန်းက လွန်ခဲ့တဲ့နှစ်ပေါင်း ဆယ်စုနှစ်ကျော်က မသိခဲ့တဲ့ လူတွေတောင် ရအောင်မွေး လာခဲ့တာ ဒီခေတ် မှာတော့ဟို နည်းပညာတွေ နိုင်ငံခြား က ရခဲ့တဲ့နည်း ပညာတွေ အင်တာနက်ကနေ ဖတ်လို့ ရတဲ့ စာတွေ အရပေ့ါ နောက်ပြီးတော့ ကျွန်တော်တို့ ကိုယ်တိုင်ကလည်း ကျွန်တော်တို့နဲ့ လာပြီး ဆက်သွယ် လို့ ရှိရင် အကုန်လုံး ဘယ်လိုမွေးရလဲ နည်းစနစ်က အစ အကုန်လုံး ကျွန်တော်တို့ မျှဝေပေး ပါတယ်ခင်ဗျ။

ဈေးကွက် အနေနဲ့ က တစ်နေ့ တစ်ခြားမြင့်မား လာတယ်လို့ပဲ ပြောရမယ်ခင်ဗျ။ ၀ယ်ယူ ရတဲ့ ငါးမျိုးလည်း မျိုးစုံအောင် မြန်မာပြည် မှာ ၀ယ်ယူလို့ ရနေပါပြီ။ နောက်တစ်ခု က ဈေးနှုန်း အားဖြင့်လည်း နိုင်ငံခြားနဲ့ ယှဉ်လာ လို့ရှိရင် တစ်ကယ့်မျိုး အကောင်းစားကြီး ကိုတောင် နိုင်ငံခြား မှာလောက် ဈေး မပေးရ ပဲနဲ့ မြန်မာပြည် မှာ ၀ယ်နိုင်အောင် ကျွန်တော်တို့တွေက ကြိုးစားပြီးတော့ ဖြန့်ချိပေးနေပါတယ်ခင်ဗျ။ 

ကျွန်တော်တို့တွေ က အခုလောလောဆယ် မှာပေ့ါ နိုင်ငံခြားကနေပြီးတော့ မျိုးကောင်းတဲ့ ငါးတွေ သယ်ယူ လာတယ် ဒီမှာဖောက်ကြတယ်ပေ့ါ။ ဖောက် လုိ့ ဒီ Local ဈေးကွက်မှာ တင် ကျွန်တော်တို့ ရောင်းလို့ မကုန် ပါဘူးခင်ဗျ။ နောက်တစ်ခု က နိုင်ငံခြားမှာ လည်း ငါးဖောက်သည် ဆိုတာ နေရာတိုင်း မှာ လူတိုင်း မပေါက် သလိုပဲ သူတို့စီ မှာလည်း ဈေးကြီးပါတယ်။ 

အဲဒီတော့ ကျွန်တော်တို့က မြန်မာပြည်မှာ နိုင်ငံခြားမျိုး ကို ၀ယ်တယ်၊ ပြန်ဖောက်တယ် ပြီးလို့ ရှိရင် နိုင်ငံခြား ကို ကျွန်တော်ကပြန်ပို့ ဖို့ လုပ်ကိုင်နေ ကြပါတယ်ခင်ဗျ။

အခက်အခဲ တစ်ခု ရှိနေတာက ကျွန်တော်တို့ ကို နောက်က ပံ့ပိုးပေးမယ့် အဖွဲ့အစည်းလို ဟာမျိုး တစ်ခုလောက် ရမယ် ဆိုလို့ရှိရင် ကျွန်တော်တို့က ဒါ့ထက် ပိုပြီး တွင်တွင် ကျယ်ကျယ်  လုပ်ကိုင်နိုင်ပါမှာ ခင်ဗျ။ ဖြစ်နိုင်ရင်တော့ နိုင်ငံတော် အနေနဲ့ပေ့ါလေး ပံ့ပိုးပေးတဲ့ ဟာလေး တစ်ခုလောက်ကို ကျွန်တော်တို့က လိုချင်ပါတယ်ခင်ဗျ။ 

အဲဒါမျိုးလေးသာ ရမယ်ဆိုရင် ကျွန်တော်တို့က နိုင်ငံခြားဈေးကွက် ကို လူအများ နည်းတူပဲ ထိုးဖောက် ၀င်ရောက်နိုင် မှာ ဖြစ်ပါတယ်။ ဒီ ငါးတွေကို ဟိုမှာဖောက်ထားပါတယ်။ ကျွန်တော်တို့ မြန်မာပြည်မှာလည်း ဒီ ငါး ကို ဖောက်ထား တာပဲ။ သူတို့ဖောက်တဲ့ ငါးတွေက ဈေးပို ရပြီး၊ ကျွန်တော်တို့ဖောက်တဲ့ ငါးတွေ ကျတော့ ဈေးနည်းတယ် ခင်ဗျ။

 နိုင်ငံခြားကို ပြန်ပို့ရတဲ့ အခါမှာ အဲဒီမှာ ကျွန်တော်တို့က တော်တော်လေး ကို ခံပြင်း မိတယ်ပေ့ါလေ။ ဘာဖြစ် လို့ ငါတို့ဖောက်တဲ့ ငါး က သူတို့ဖောက်တဲ့ ငါး နဲ့ အတူတူပဲကို ဒီအရည်အသွေး တစ်ခုထဲမှာပဲ ဘာဖြစ်လို့ဈေးနည်း ရတယ်ပေါ့လေ ။

အမှန်တော့ ကျွန်တော်တို့က ဈေးကွက် မရှာတတ်သေးတဲ့ ဟာလေးတွေပေ့ါလေ။ ဈေးကွက် ရှာတယ်ဆိုတာ ကျွန်တော်တို့ ကိုယ်တိုင် နိုင်ငံခြားကို သွားပြီးတော့ ထိုးဖောက်ပြီး ၀င်ရောက်ပြီးတော့ ရှာဖို့ အတွက် ကို နောက် က အဖွဲ့အစည်းတစ်ခုခု အနေနဲ့ ရှာဖွေပေး  တယ် ဆိုလို့ရှိရင် ကျွန်တော်တို့ ပိုပြီးတော့ ဒါ့ထက် ပိုပြီးတော့ လုပ်ကိုင်နိုင်မယ်ဖြစ်ပါတယ်ခင်ဗျ။ 

လူတော်တော် များများပေ့ါလေး မမွေး ဖူးတဲ့ လူငယ်လေးတွေက တော်တော် များများဖြစ်ကြပါတယ်။ သူတို့ တွေ က ဒစ်စကပ်မွေးရတာ ကို ခတ်တယ် ခတ်တယ် အမြဲတမ်းပြောကြပါတယ်။ ကျွန်တော်တို့ပြော ချင် တာ ကတော့ မခက်ပါဘူးခင်ဗျ။ နည်းစနစ် ကျကျ နဲ့ ပုံမှန်နေ့စဉ် ရေလဲပေးနိုင်တယ်၊ 

အစာကို ပုံမှန် ကြွေးပေးနိုင်တယ်၊ အပူချိန် တူ နဲ့ရေ နဲ့ သူတို့ကို ထားပေးနိုင်တယ်၊ မပူလွန်း မအေးလွန်း တဲ့ရေ များ ထားပေးနိုင်တယ် ဆိုလို့ ရှိရင် မွေးမြူရတာ အင်မတန် လွယ်ကူပါတယ်ခင်ဗျ။”

ခေတ်မှီ တိုးတက်နေတဲ့ ဒီနေ့ ကမ္ဘာကြီးမှာ နိုင်ငံတော်တော် များများ ကတော့ အလှမွေးငါး မွေးမြူခြင်း ၀ါသ နာ ဟာ လူတိုင်းလိုလို ဘ၀ မှာ စိတ်ဝင်စားဖွယ် ကဏ္ဍတစ်ခု ဖြစ်လာနေပါပြီ။  ငါးမွေးမြူခြင်း ကို ၀ါသ နာပါ ရင်း ကနေ အွန်လိုင်း ကနေ တစ်ဆင့် ငါးများ ကို လေလံတင်ရောင်းချနေသူ တစ်ဦးဖြစ်တဲ့ ကိုချမ်းမြေ့အောင် ကလည်း အလှမွေးငါး နဲ့ ပတ်သက်ပြီးတော့ အခုလိုပြောပြပါတယ်။

“ကျွန်တော် ငါးစမွေးဖြစ်တာ ကတော့ ငယ်ငယ်လေး ကတည်းက မွေးတာပေ့ါနော်။ ဒါပေမဲ့ ကြီးလာတော့ မအား တာနဲ့ မမွေးဖြစ်တော့ဘူး။ ပြန်မွေးဖြစ်တာ ကတော့ ကျွန်တော် လွန်ခဲ့တဲ့ နှစ်နှစ်ကျော်လောက် က ပြန်မွေးဖြစ်တယ်။ ပြန်မွေးဖြစ်တဲ့ အချိန်မှာတော့ ငါးတွေက တော်တော်ပြောင်းလဲနေပြီး၊ ငယ်ငယ် တုန်း က သိခဲ့တဲ့ အမျိုးအစားတွေ မဟုတ်တော့ဘူး။ 

အခု ဆိုလို့ရှိရင် နိုင်ငံခြား က ၀င်တဲ့ ငါးမျိုးတွေက လည်း အများကြီး ပါတယ်လေ။ အများကြီးပါတယ် ဆိုတော့ ခေတ်ပေါ်ရေစီးကြောင်းလေးတွေ နဲ့ မှီပြီး တော့ ငါးလေးတွေ ကို ကျွန်တော်ပြန်ကြည့် ပြန်ကြည့် ရင်းနဲ့မွေး၊ မွေးတာ ကနေ တစ်ကန်၊ တစ်ကန် ကနေ နှစ်ကန်၊ နှစ်ကန်ကနေများ လာတယ်။ များလာ ရင်းနဲ့ စီးပွားရေးလေး နည်းနည်း လုပ်ဖြစ်သွားတာ ပေ့ါ။ 

လက်ရှိ အခြေအနေ ကတော့ ကျွန်တော် အရောင်းအ၀ယ် ကို အွန်လိုင်း ကပဲလုပ်တယ်။ ဘာဖြစ်လို့ လဲ ဆိုတော့ ပတ်ဝန်းကျင် မှာလည်း အရမ်းကြီး လူ အများကြီးနဲ့ လဲ ဆက်ဆံစရာ မလိုဘူး။ အွန်လိုင်းမှာ တင်ပဲ အွန်လိုင်း မှာ သူ့ရဲ့ Group လေးတွေ ရှိတယ်။ သူ့ရဲ့ Name လေးတွေ ရှိတယ်။ အဲဒီ Group ထဲမှာ ကျွန်တော် တင်တယ်။ 

ကျွန်တော် မူရင်း နဲ့ပဲ တင်တယ်။ ချမ်းမြေ့အောင် နဲ့ပဲ တင်တယ်။ အဲဒါ သူတို့ အွန်လိုင်းမှာ ဈေး စကားပြောကြ တယ်။ လိုအပ်လို့ ရှိရင် ဖုန်းဆက်ကြတယ်။ ပြီးတော့ သူတို့ အရမ်း သဘောကျပြီ ဆိုလို့ရှိရင် အိမ်တိုင် ရာရောက် လာကြည့်ခိုင်းတယ်။ 

ကျွန်တော် က လာကြည့်ပြီး ဘာဖြစ်လို့လဲ ဆိုတော့ သူတို့သည် ကိုယ်တိုင်မွေးမဲ့ သူလေ။ ကိုယ်တိုင်မွေးမဲ့ သူဖြစ်တဲ့ အတွက် အိမ်တိုင်ရာရောက်လာကြည့်လို့ သူတို့ သဘောကျမှ သာလျှင် ၀ယ်ပေါ့။ ကျွန်တော် ကန်တော်ကြီး အင်းလျှား ဘက်မှာပေါ့နော် သောကြာဈေး ဆိုတာရှိတယ်။ အဲဒီသောကြာဈေးတွေ မှာကြတော့ ငါး ကို တစ်ကောင်ချင်း စီထက် သူက အုပ်နဲ့ရောင်းတယ် အများစုပေ့ါနော်။

 ဈေးကတော့ တန်ပါတယ်။ ဟိုသင့်တဲ့ဈေးပေ့ါ။ ဈေးတော်တော် ချိုတယ်။ လာတဲ့ လူတွေ ကိုလဲ ဆွဲဆောင်မှု လည်း ရှိတယ်။ အပတ်တိုင်း သောကြာနေ့တိုင်း ရှိတဲ့ အတွက်ကြောင့် ငါး နဲ့ ပတ်သက်တဲ့ ညီအစ် ကိုမောင်နှမ အများစု လာကြတယ်။

 ပြင်ပ မှာ ငါး ကို လေ့လာနေသူတွေ ၀ယ်လို သူတွေလည်း လာကြတယ်။ အဲဒီလိုမျိုး သောကြာဈေး မှာ သူတို့ရောင်းတဲ့ ပုံစံတွေကြတော့ သူ့ရဲ့ ပုံစံ တစ်မျိုးပေါ့ဗျား။ သူ့ စတိုင်လေးနဲ့ သူ ဆိုင်မှာ ကကျတော့ display လုပ်ကြတာပေ့ါ။ ခင်းကျင်းရတယ် အကိုရဲ့။ ခင်းကျင်းတဲ့ အခါကျတော့ သူတို့ ငါး တစ်မျိုးစီ သူတို့ လိုအပ်တဲ့ အမျိုး အစားပေါင်း အများကြီး ကို သူကပြနိုင်တယ်။ အများကြီး ကို တစ်စု တစ်စည်းတည်း အဲဒီဆိုင်မှာ ၀ယ်နိုင်တယ်။ အမျိုးစုံပေါ့။ 

ငါးမျိုးစုံ ကို ၀ယ်နိုင်တယ် ဒါပေမဲ့ သူကျတော့ ငါး အလှပေါ်မူတည်ပြီး သူ့ရဲ့သင့်တင့်တဲ့ဈေးတော့ရှိတာပေ့ါ။ သင့်တင့်တဲ့ဈေးလေးတွေ ရှိတယ်။ သူလည်းကောင်းပါတယ်။ ဘာဖြစ်လို့လဲ ဆိုတော့ ကိုယ်ကြိုက်တဲ့ ငါလေး ကိုပဲ လက်ညှိးထိုးပြီး သူ့မှာကြတော့ ၀ယ်လို့ရတယ်လေ။

အွန်လိုင်း shopping မှာပေ့ါနော်။ ကျွန်တော်တို့ Group လေးတွေ ရှိတယ်။ ဥပမာ  အားဖြင့် အလှမွေး ငါးချစ်သူ တို့ ပြီး လို့ ရှိရင် အလှမွေး ငါး လေလံတင်ရောင်း ၀ယ်ရေး တို့ အဲလိုပေ့ါ ငါးတွေ အတွက် အများကြီးပဲ အဲလိုတွေ မှာ ကျွန်တော်တို့ လိုက်လံ ရှာပြီးတော့ ၀ယ်နိုင်တယ်။ 

အဲဒီမှာ ကျတော့ ကျွန်တော် ဓာတ်ပုံတွေ ကို သူတို့စီမှာ ရှိတဲ့ သူတို့ရောင်းလိုတဲ့ အကောင်လေးကို ဓာတ်ပုံ အကုန်လုံး တင်ထားပေးတယ်။ တင်ထားပေးပြီးတော့ သူတို့စီ လည်း သင့်တင့်တဲ့ဈေး ပဲ တော်တော် သင့် ပါတယ်။ သင့်တင့်တဲ့ ဈေးနဲ့ သူတို့တွေရောင်းချပေးတယ်။

 နောက် တစ်ခုကကျတော့ ကျွန်တော်တို့ အခက်အခဲက  အွန်လိုင်းထဲမှာ ကျွန်တော်တို့ လေလံ အဖွဲ့တို့ ဘာတို့ ရှိတာပေ့ါ ဗျား။ အဲဒီလို အဖွဲ့များ ဆိုလို့ရှိရင်တော့ လေလံပေးလေ့ ရှိတယ်။ အဲဒီလေလံကို လာဆွဲကြ တယ်ပေ့ါ။ လာဆွဲပြီးတော့ ဘယ်လိုပြောလဲ ဆိုတော့ သူတို့ယူ ရမဲ့ ရက်ကျတော့ သူတို့လာ မယူတော့ဘူး ။ လေလံ ဆွဲတော့ ၀င်ဆွဲတယ်။ သူများ ထက်နိုင်အောင် ၀င်ဆွဲပြီးတော့ ငါးလာယူရမဲ့ အချိန်ကျတော့ လာ မယူကြတော့ဘူး။ 

အဲလိုမျိုးဖြစ်တာလေးတွေတော့ တွေ့ရတယ် ပေ့ါဗျာ။ အဲလိုတွေ့ရတဲ့ အခါကျတော့ တစ်ခါတစ်လေ ကျရင်တော့ စိတ် မကောင်းဘူးပေ့ါ။ ဖြစ်တဲ့ လူက လည်း သူ့မှာ လည်း ဒီ ငါးလေးကို သူလေလံပေးတဲ့ အတွက်ကြောင့် သူမှာ လည်း အကြောင်း အမျိုးမျိုး ရောင်းချင်တဲ့ ဆန္ဒရှိမယ်။ ငွေလို လို့သော်လည်းကောင်း၊ ဒါမှ မဟုတ် တစ်ခုခုပေ့ါနော် သူရဲ့ဆန္ဒတစ်ခုခု ရှိမယ်။ 

တစ်ဖက်သား ကလည်း လေလံ ဆွဲပြီးလို့ ရှိရင်တော့ လာရွေးချင် တယ်ပေ့ါ အဲဒီပြဿ       နာ  ကတော့ အများ ဆုံးကြုံ ရတယ်ဗျ။ အများဆုံး အွန်လိုင်းမှာ သူတို့ post တွေ နဲ့တက်လာ တာ တွေ့ရတယ်ပေ့ါ။ အဲလိုပြဿ    နာလေးတွေတော့ ရှိတယ်”

ငါးမွေးခြင်းဝါဿ        နာရှင် များလာ သလိုပဲ ငါးအသစ် အဆန်း များ ကလည်း များပြားလာခဲ့ပါတယ်။ ကမ္ဘာ့ အလှမွေး ငါး စီးပွားရေးလောက ကို တွန်းအားပေးခဲ့တဲ့ အချက်တစ်ချက် ကတော့ ငါးမွေးမြူခြင်း ၀ါဿ     နာ သည် လူ ၏ စိတ်ကို အေးအေး ချမ်းချမ်း အပြည့်အ၀ အမှတ်ရစေနိုင်သည်ဟု ယူဆတဲ့ အချက် တစ်ချက် ပဲဖြစ်ပါတယ်။ 

၁၉၈၃ ခုနှစ်က ဆာဗေးနီးယား တက္ကသိုလ်မှာ သတ္တလောက နဲ့ ပတ်ဝန်းကျင် တို့ ၏ ဆက်နွယ်မှု ဆိုင်ရာ ကို လေ့လာနေတဲ့ ဂေဟပညာရှင် တစ်ဦးက အလှငါးမွေးခြင်းဖြင့် နှလုံးခုန်နှေးခြင်း၊ သွေး တိုးကျခြင်း အပြင်၊ သောက ဖိစီးမှုဒဏ်ကိုပါ လျှော့နည်းစေကြောင်း လက်တွေ့ စမ်းသပ်၍ သက်သေပြခဲ့ပါတယ်။ 

ဒါ့အပြင် ငါများ ကို မွေးမြူခြင်းဖြင့် ငါးများ ရဲ့ စရိုက် လက္ခဏာ အပြုအမူ သားပေါက် မျိုးပွားသည်ဖြစ်စေ၊ ဦးနှောက် အကောင်ဖြစ်လာပုံ အဆင့်ဆင့် စတဲ့ ငါးမျိုးစိတ် တစ်ခုခြင်း စီ ရဲ့ ဇီဝဗေဒ သဘောတရား များ ကို လေ့လာနိုင်မှာပဲ ဖြစ်ပါတယ်။

ကန်တော်ကြီး သောကြာဈေး မှာ အလှမွေးငါးများ ကို ရောင်းချနေသူ ကိုမင်းသက်ထွန်း ကလည်း အလှမွေး ငါး နဲ့ ပတ်သက်လို့ အခုလိုပြောလာပါတယ်။

“ရောင်းချတဲ့ အပိုင်း မှာကတော့ ဒီ ကျွန်တော်တို့ သောကြာနေ့ တစ်ရက်ပေါ့။ ရောင်းရပါတယ်။ ကျွန်တော် တို့ ငယ်ငယ် တုန်းကနဲ့ စာရင်တော့ အများကြီး တိုးတက်တယ် လို့ပြောရမှာပေ့ါနော်။ အရင်တုန်းက ငါး တစ်သောင်းလောက် ကို တစ်ထောင်ပေ့ါ သဘော တစ်ခု ရောင်းဖို့က မလွယ်ဘူး အခု ကတော့ နည်းနည်းတော့ ပွင့်လင်းမြင်သာတယ်ပေ့ါ အဲဒီ သဘောတရားတော့ ရှိတယ်။

 မြင့်မားတဲ့ ဈေးကွက်ဖြစ်လာဖို့ ဆိုတာကတော့ ကျွန်တော်တို့ အလှမွေးငါး အဖွဲ့ချုပ် အားလုံး ပါဝင် ပူးပေါင်း ဆောင် ရွက်မှပဲ ရမှာပေ့ါ။ တစ်ယောက်တည်း အပိုင်းတွေ ကတော့ အဆင်မပြေနိုင်ဘူး။ အဲဒီတော့ အားလုံး ပူးပေါင်းပါဝင် ဆောင်ရွက်ပေါ့နော်။ 

 နေရာက ကန်တော်ကြီးပေါ့ စားသောက်ဆိုင်ရဲ့နောက်မှာ ပေ့ါ။ ဆိုင်ခန်းတော့ မရှိဘူးပေါ့။ အဆင်ပြေ သလိုလေး လုပ်ပြီးတော့ ရောင်းနေကြပါတယ်။ ငါး သမားတွေပေ့ါ အကုန်လုံးပေါ့။ ဒီမှာတော်တော် များများ တက်ရောင်းပါတယ်။ လက်ကားဈေးပါ။ လက်လီဈေး မဟုတ်ပါဘူး။ ဆိုင်သမားတွေ အများစု လာပြီး ၀ယ် တဲ့နေရာပါ။ လိုချင်တယ် ဆိုလို့ရှိရင် ဒီကို ဆက်သွယ်ပြီး ၀ယ်လို့ရပါတယ်”

ကန်တော်ကြီး သောကြာဈေးမှာ အလှမွေး ငါး များကို လာရောက် ၀ယ်ယူသူ တစ်ဦးဖြစ်တဲ့ ကိုဖိုးညီ ကလည်း ငါး နဲ့ ပတ်သက်လို့ ၀ယ်ယူဖြစ်ပုံ ကို အခုလိုပြောပါတယ်။

“ငါး လာဝယ်ဖြစ်တာတော့ သိပ်တော့ မရောက်ဖြစ်ဘူးဗျ။ ဒါပေမဲ့ မကြာခဏတော့ ရောက်ဖြစ်ပါတယ်။ ဒီဘက် က နည်းနည်းဝေးတယ် ဆိုတော့လေး ငါးလာဝယ်တာ ကတော့ မွေးဖို့ပဲ လာဝယ်တာပါ။ ဒီမှာ ငါးဈေး ရှိနေ တာလဲကြားပြီး၊ ကျွန်တော် ကလည်း နဂိုက ငါးမွေးတယ်။ ပြီးတော့ ငါးမွေးတဲ့ အသိုင်းအ၀ိုင်း နဲ့လဲ သိနေ တယ်ဆိုတော့ မရောက်ဖြစ်တာလဲ တော်တော်ကြာပါပြီ ။

 ဒီဘက်ကို အစတုန်း ကတော့ အတွင်းဘက်မှာ ဖွင့်တယ်ဗျ။ အတွင်းဘက်က ပိတ်လိုက် လို့ ဒီနားကိုပေ့ါ ဖွင့် တာ။ အခြားခြားသော နေရာတွေမှာ ရှိနိုင်ရင် အကောင်းဆုံးပေ့ါ။ အဓိက က ဘယ်လိုဖြစ်တယ် ဆိုတော့ ဒီနား ကို လာရောင်းရတဲ့ လူတွေ ကလည်း လှိုင်သာယာတို့ ဘက်က ငါးခြံတွေ ကနေ လာလာရောင်း ရတာ ဆို တော့ တစ်အားဝေးနေတာမျိုးလည်း ရှိတယ်။ 

ဆိုတော့ သူတို့နဲ့ နီးစပ်တဲ့နေရာတွေမှာပါ အဲလိုမျိုး ဒီလိုဈေးလေးတွေ ပွင့်လာ ရင်တော့ တော်တော်ကောင်း မယ် ခင်ဗျ။ အခု ငါး အမျိုးတွေ ကလည်း အသစ်တွေ ရှိတယ်။ ပြီးတော့ မြန်မာနိုင်ငံမှာ ကလည်း အလှမွေး ငါး ဆိုရင် မွေးလိုက် တာပဲ သိတယ်ပေ့ါနော်။ တစ်ကယ့် အရည်အသွေးတွေ ဘာတွေ နောက်ပိုင်းကျတော့ လူတွေက ပိုသိလာကြ တယ်။ ပိုပြီးတော့ တွင်ကျယ်လာကြတယ်ပေ့ါ။ အဲဒီတော့ ကောင်းပါတယ်။ 

ငါးမွေးတာ ကတော့ ဘာပဲ ပြောပြော စိတ်ဖိစီးမှုတွေ ဘာတွေ ကျတာပေ့ါနော်။ အဓိက က ဟို သူများ အသက် ဆိုတော့ အပျော်မွေးမယ် ဆိုပြီး လေ့လာပြီးတော့ မှ သေသေ ချာချာ ပြုစုစောင့်ရှောက်ပြီး မွေးမယ် ဆိုရင်တော့ အကောင်းဆုံးပါပေါ့”

ငါးများ မှာ ကပ်ပါးကြောင်း ရောဂါပိုး ကျရောက်နိုင်ပါတယ်။ ဘက်တီးရီးယားကြောင့်သော် လည်းကောင်း၊ ဗိုင်းရပ်စ်ကြောင့်သော်လည်းကောင်း၊ ရောဂါဖြစ်တတ်ပါတယ်။ ငါး အမျိုးအစား များလာလေလေ ငါးကန် အရွယ်အစား မှာလည်း ကြီးလာလေလေဖြစ်ပါတယ်။ ကန် အရေအတွက် က လည်း များပြား လာလေလေဖြစ် ပါတယ်။ 

 ရေငန် ငါး အလှမွေးသူ တစ်ဦးဖြစ်တဲ့ ကိုသန့်ဇော်အောင် က ရေငန်ငါး အလှမွေးဖြစ်တဲ့ အကြောင်းကို အခု လိုပြောပြပါတယ်။

“ရေငန်ငါး အလှမွေး ကတည်းက အရင်က ကျွန်တော် လူတိုင်း အိမ်မှာ ဒီရေငန် ငါးမွေးတာ အဲဒါလေးကို သဘောကျ လို့ ရေငန်ငါး ကို ကိုယ်လည်းမွေးမယ် ဆိုပြီးတော့ မွေးဖြစ်သွားတာပါ။ ရေချိုနှင့် ရေငန် ကတော့ ကွာခြားတာတော့ တော်တော်ကြီး ကို ကွာခြားတယ်။

 ရေငန် ကကျတော့သူက အရမ်း ဂရုစိုက် ရတယ်။ ရေချို  နဲ့ လုံးဝ မတူဘူး။ သူက အားဆေးတွေ ဘာတွေ လည်း အကုန်ကျွေးပေး ရတယ်။ ရေငန် ကတော့ ကျွန်တော်တို့က ထားရ တာတော့ ပုံမှန် ထားမယ် ဆို ရင်တော့ 0.204 ထားတယ် ပုံမှန် ကတော့ တစ်ပတ် ကိုတော့ ကျွန်တော်တို့ အနည်းဆုံး တစ်ကြိမ်တော့ လဲပေးရတယ်။ 30% လောက်တော့ လဲပေးတာပေ့ါ။ 

ဒီ တစ်ပတ်ကို အားဆေး ကတော့ နှစ်ကြိမ် သုံးကြိမ်လောက်တော့ အနည်းဆုံး ကျွေးပေးရတယ်။ အဲဒါမှ သူတို့ က ရှင်ဖို့က နည်းနည်း များတာပေ့ါ ဒီ အတိုင်းထားရင်တော့ မရဘူး။ ဒီ အပင်လေးတွေက အကုန် လုံးသေမယ်။ ဟုတ် ကဲ့ ရေငန် ငါးမှာ ဖြစ်တတ်တဲ့ရောဂါ ကတော့ ဘာဖြစ်လဲဆိုရင် ၀ိုက်ဘောစ်ပေ့ါ များ ငါးဆယ်ကောင်လောက် ယူလာရင် ခုနှစ်ကောင်၊ ရှစ်ကောင် လောက် ကတော့ ၀ိုက်ဘောစ်တော့ ဖြစ် တတ်တယ်။

အဲဒါကို မဖြစ်ခင်ကျွန်တော်တို့ က ငါး ကို ရောက်လာပြီ ဆိုတာနဲ့ ဒီ ကန်ထဲ ကို ကျွန်တော်တို့က တန်း ပြီးတော့ ထည့် လို့မရဘူး။ ထည့်တာနဲ့ ရေက စိမ်းနေကော ချက်ခြင်း ကို ၀ိုက်ဘောစ် တန်းပေါက်တယ်။ 

အဲဒီလို တန်းပေါက်ရင် နှစ်ရက် သုံးရက် လောက် ဆိုရင် ငါးကသေတယ်။ အဲဒါကြောင့် ကျွန်တော်တို့ က ရောက်လာပြီ ဆိုတာနဲ့ ရေတွေ၊ အပူချိန်တွေ ငါးကို အရင်ဆုံး ညှိတယ်။ ညှိပြီး ဆယ်မိနစ် ဆယ်ငါး မိနစ်လောက် အနည်းဆုံး ညှိပေးပြီးမှ ငါးကို ကန်ထဲ ထည့်တယ်။ 

ဒီရေငန်ငါး က မွေးရတာ လူ တစ်ဘက်သား လာကြည့်ရင်တောင်မှ ဒီမြင်ကွင်း လေး ဟာ တော်တော်လေး ကို မြင်ရဖို့ ခဲယဉ်းတယ်ဗျ။ ကျွန်တော်တို့လည်း အမှန်ပြောရရင် ကျွန်တော်တို့ က discovery တစ်ခု ကနေတွေ့မြင် ရင်တော့ ဒီ သန္တာကျောက်တန်းလေးတွေ ကို တွေ့လိုက် လို့ အော် စိတ်ကြည်နူး စရာကောင်း ပါလား ဆိုပြီး ကျွန်တော်တို့က အဲဒါလေး သဘောကျပြီးတော့ ဒီ အကြောင်းကို လေ့လာ လေ့လာပြီးတော့ ဒီလို ကန်လေးကို မွေးဖြစ်သွားတာ၊ ကြည့်ရတာလဲ စိတ်ချမ်းသာမှုကောင်း ပါတယ်။ 

ကျွန်တော် တကယ်ပြောရရင်တော့ တော်တော်လေးလည်း ၀မ်းသာပီတိဖြစ်ရပါတယ်။ ဒီဥစ္စာ က ကျွန်တော် တို့ ငယ်ငယ် တုန်းကတော့ တီဗီ ရုပ်ရှင် ထဲမှာပဲ မြင်ခဲ့ဘူးပါတယ်။ ဒါဆို ပင်လယ်ရေအောက် ကျမ်းပြင် ကနေပြီး မြင်တွေ ဖို့လဲ မလွယ်ဘူး။ အဲဒါလေးတွေပေါ့ အခု ကိုယ်တိုင် မြင်တွေ့ရတယ် ဆိုတော့ နေ့ တိုင်းမြင်တွေ့နေရတော့ စိတ်လည်း အမောပြေတယ်”

ငါးများ ရဲ့အင်္ဂါရပ်များ ကို လေ့လာကြည့်တဲ့ အခါမှာ လူတို့ ရဲ့အချို့သော အစိတ်အပိုင်းများ နဲ့ နှိုင်း ယှဉ်လေ့ လာနိုင်ပါတယ်။ ငါးနှင့် လူ သတ္တ၀ါနှစ်မျိုးလုံး မှာ ကြွက်သားများ ကို ပံပိုးနေတဲ့ အရိုး များ ပါရှိပါတယ်။ ငါးနှင့် လူတို့ မှာ အခြား ခန္ဒာကိုယ် များသို့ သွေးလှည့်ပတ်ရန် အတွက် အလုပ်လုပ်ပေးနေတဲ့ နှလုံးများ ပါရှိပါတယ်။ 

လူတို့  ခံစားနိုင်တဲ့ အာရုံ ငါးပါး ကိုလည်း ငါးတို့ က ခံစားနိုင်ပါတယ်။ အချို့ အာရုံ များ ကတော့ လူတို့ ထက် ပင် ငါးတို့ က သိ ကြပါတယ်။ ငါးနှင့် လူ အဓိက ကွာဟချက် ကတော့ ရွေ့လျှားပုံနှင့် စနစ် တစ်ကျ လှုပ်ရှားနိုင်ခြင်း တို့ပဲ ဖြစ်ပါတယ်။ 

ငါးတို့ဟာ အဓိက အားဖြင့် လှုပ်ရှားသွား လာနိုင်ရန် အတွက် အဓိက အင်္ဂါရပ် မှာ အမှီး ပဲဖြစ်ပါတယ်။ ဆူးတောင် များ ကတော့ ငါးများ ကို တပ်မတ် တည်ငြိမ်စွာ ကူးခတ်နိုင်ရန် အထောက် အပံပေး တဲ့ဟာ ဖြစ်ပါတယ်။

ငါး မှာ ပါရှိ တဲ့ နှာခေါင်းများ ကတော့ အနံ့ခံရန် အသုံးပြုပြီး အသက်ရှူရန် လည်း အသုံးပြုလေ့ မရှိပါဘူး။ ငါးရဲ့ အရေခွံ များဟာ များသော အားဖြင့် အကြေးခွံ များနဲ့ ဖုံးအုပ် ထားပြီး အကြီးခွံ မှာလည်း နူးညံ့ တဲ့ တစ်ရှူးတွေ ကပ်ပါး ပိုးတွေ မကပ်ညှိရန် နဲ့ နေလောင်ဒဏ် ကို ကာကွယ်ရန်အတွက် အသုံးပြုခြင်းပဲ ဖြစ်ပါတယ်။ 

ငါးများ ရဲ့ ပါးစပ် ပုံသဏ္ဍာန် နဲ့ တည်နေပုံ ကတော့ ငါး အစာစားပုံ နဲ့ ရေထဲမှာ မည်သည့် အမြင့်မှာ နေထိုင် သည် ကို ဖော်ပြခြင်းပဲ ဖြစ်ပါတယ်။ ငါး ရဲ့ပါးစပ်များ ကတော့........ 
 ရေမျက်နှာပြင် ကို ဦးတည်နေတဲ့ အထက်လှန် ပါးစပ်၊ 
 ရေအောက်ဘက် ကို ဦးတည်နေတဲ့ လောက်လက် ပါးစပ်၊ 
ငါးများ ရဲ့ နှုတ်သီးနဲ့ တည့်တည့် ရှိနေတဲ့ ပါးစပ် ဆိုပြီးတော့ သုံးမျိုး ရှိပါတယ်။ 

ငါးရဲ့အကြေးခွံ များကတော့ အဓိက အားဖြင့် နှစ်မျိုး ခွဲခြားနိုင်ပါတယ်။ အစွန်းများ မှာ လွှသွား ကဲ့သို့ အထစ် ကလေးများ ပါတဲ့ အကြေးခွံ မျိုး ကို တွီနိုက် အကြေးခွံ လို့ခေါ်ပြီး နောက် အဖျားစွန်းမှာ ညီညာချောမွေ့နေတဲ့ အကြေးခွံ ကိုတော့ ဆိုဒ်ကလပ် အကြေးခွံလို့ခေါ်ပါတယ်။

ငါး ရဲ့ မျက်လုံး ကတော့ ဦးခေါင်း ရဲ့ တစ်ဘက် တစ်ချက်စီမှာ ရှိပါတယ်။ မျက်လုံး အစုံလိုက် ရှေ့သို့ တည့် မတ် စွာ မကြည့်ရှုနိုင်ပါဘူး။ ဒါကြောင့် အကွာ အဝေး ခန့်မှန်း ရာမှာ တိကျခြင်း မရှိပါဘူး။ 

အရောင် အသွေး ကို မှတ်သား ရာမှာတော့ ကောင်းစွာ မှတ်သားနိုင်ပါတယ်။ အမှီး ရဲ့ပုံသဏ္ဍာန်ပေါ် ကို မူ တည်ပြီးတော့ ငါးများ ကူးသန်းခြင်း ပုံကလည်း ကွာခြားပါတယ်။ 

ခက်ရင်းခွ အမျှီး ပါရှိတဲ့ ငါးများ ကတော့ ရေထဲမှာ လျှင်မြန်စွာ ကူးခတ်နိုင်ပါတယ်။ ငါးများ ရဲ့ အများစု ဟာ ရေယက် ခုနှစ်ခု ရှိပါတယ်။ တစ်ခုခြင်း စီ သီးသီး ရှိနေတဲ့ ရေယက် သုံးခု နဲ့ အစုံလိုက် ရေယက်နှစ်ခု ရှိပါတယ်။ ကျောရိုး ဆူးထောင်ရေယက်၊ ရင်ရေယက်၊ တင်ရေယက်၊ စအိုရေယက် နဲ့ အမှီးရေယက် တို့ပဲ ဖြစ်ပါတယ်။

 မြန်မာ့ အလှမွေးငါး ကို မွေးမြူသူ တစ်ဦးဖြစ်တဲ့ ကိုကျော်သက်ဇော် ကလည်း မြန်မာ့ အလှမွေးငါးနဲ့ ပတ် သက် လို့ အခုလိုပြောပြပါတယ်။
“ငါးမွေးဖြစ်တဲ့ အကြောင်း ကတော့ ကျောင်းတက် တုန်းကပေါ့။ လေး ငါး ခြောက်တန်း အရွယ်လောက် ကတည်း ကပေ့ါ။ ကျွန်တော်တို့ ကျောင်းမှာ ငါးတွေ လိုက်ရောင်းရင်းနဲ့ လမ်းဘေး ကနေ ၀ယ်ပြီးတော့ ၀ါဿ   နာ က အခုလိုဖြစ်သွားတာပေ့ါ။

 မြန်မာ့ ငါးတွေ ကတော့ ကျွန်တော်တို့ က မြန်မာ ဆိုတော့ မြန်မာ မျိုးရင်းကို ကျွန်တော် နည်းနည်း သဘော ကျတဲ့ အတွက် မွေးထားတဲ့ သဘောပါ။ ဒါလောလော ဆယ် လက်ရှိမြန်မာ ငါးပါ။
 မြန်မာ ငါးနှင့် နိုင်ငံခြား ငါး ဘာကွာသလဲ ဆိုတော့ အလှ ကတော့ သူ့ အလှ နဲ့သူ တစ်မျိုးစီပေ့ါ။ ဒီ ကျွန်တော် တို့ မြန်မာ ကကျတော့ ဒီ ဘဟက်တွေ ရေယက်တွေ မှာ နိုင်ငံခြား ငါးတွေက ကနှုတ် အကွက်တွေမပါဘူး။ ဒီကောင်တွေ က အဲဒီအ ကွက်တွေပါတယ်။ အဲဒါလေး တစ်ခုပါပဲ။ 

ကျန်တာ ကတော့ အတူတူပါပဲ။ ဈေးကွက် ထဲမှာတော့ သူ့ဈေးကွက်နဲ့သူ ရှိပါတယ်။ မြန်မာ ငါး နဲ့ နိုင်ငံခြား ငါး ဈေးနှုန်း ကတော့ အတူတူလောက်ပါပဲ။ မြန်မာငါး ကို ပြန်ပြီးတော့ ပို့ဖို့ ဆိုတာလည်း ဖြစ်နိုင်ပါတယ် ကျွန်တော်တို့ သေသေ ချာချာ အားကောင်းကောင်း နဲ့ ဖောက်နိုင်မယ် ဆိုရင် ဖြစ်နိုင်ပါတယ်။

 မြန်မာငါး ကို ဒီ လက်ရှိ အလှမွေးငါး ၀ါဿ       နာ  ရှိတွေထဲမှာ မွေးတဲ့ လူတွေ ကလည်း များပါတယ်။ ဒါပေမဲ့ တစ်ချို့ကျတော့ မသိလို့ မမွေးရဘူး ပေ့ါ အဲဒါလေး တစ်ခုပါပဲ။ အဆက်အသွယ် ရှိပြီးသိသွား ရင်တော့ မွေးကြ မှာပါ အကုန်လုံး။ ကျွန်တော်တို့ မြန်မာမျိုးရင်းတွေ လည်း သူ့ဟာသူ လှပါတယ်။ 

အကုန်လုံး စိတ်ပါရင် မွေးကြည့်ကြပါ။ အလှမွေးငါး မွေးရတာ စိတ်ကြည်နူးမှု ရပါတယ်။ တော်တော်ပျော် ဖို့ကောင်း ပါတယ်။ သူတို့ ရေကူးနေတာကို ကြည့်ပြီး တကယ်ပျော်ရတဲ့ အပျော်ဟာ ဘာနဲ့မှ မလဲနိုင်ပါဘူး”

မြန်မာနိုင်ငံ ရဲ့ ရာသီဥတု အနေအထား ကတော့ မိုးများ၊ သစ်တောများ၊ အပူပိုင်းဒေသ၊ အအေးပိုင်း ဒေသ အဲဒီလို ရှိတဲ့ အတွက်ကြောင့် မို့လို့  အလှမွေး ငါးမျိုးစုံ ကို စုဆောင်းနိုင်တဲ့ အနေအထား တစ်ခုလည်း ဖြစ် ပါတယ်။ 

 မြစ်ချောင်း အင်းအိုင် များမှ ကမ္ဘာ့ အကြိုက် အလှမွေး ငါးများကို စုဆောင်းပြီး ကမ္ဘာ့ ဈေးကွက် အတွင်းသို့ တင်ပို့ရောင်းချနိုင်တဲ့ အခွင့်ရေးတွေ များစွာ ရှိပါတယ်။ ဒါ့ အပြင်မြန်မာနိုင်ငံ ရဲ့ ရေပိုက်နက် အတွင်းမှာရှိတဲ့ သန္တာကျောက်တန်း မှ ငါးများ ဟာလည်း အလှမွေးငါးများ အဖြစ် နိုင်ငံတစ်ကာသို့ တင်ပို့ ရောင်းချနိုင်ပါတယ်။

http://mizzimaburmese.com/article/14634