အောင်မြင်သည့် အသက်မွေး ၀မ်းကျောင်း ဆိုတာ ဘာလဲ

လုပ်ငန်းခွင် ဝင်နေသူ အများစုသည် မိမိ တို့ လုပ်ငန်းနှင့် ပတ်သက်သည့် စိတ် ခံစားမှု ထွေထွေ ထူးထူး မရှိ ပဲနေ့ တစ်နေ့ ကို ကုန်ဆုံး သွားတတ် ကြသည်။ ထို့အပြင် နောက် တစ်နေ့ လုပ်ငန်းခွင် သို့ ဝင်ရန် ကြောက် လန့် နေတတ်ပြန်သည်။ ဒါကြောင့် နေပျော်မည့် အလုပ် များကို ထပ်ခါ ထပ်ခါ ရှာဖွေ လေ့ ရှိကြပြန်သည်။ 

မည်သို့ပင်ဖြစ်စေ ကိုယ် ကိုယ်တိုင်သာ အရေးကြီးဆုံး ဖြစ်သည်။ ထို့ကြောင့် အသက်မွေး ဝမ်းကျောင်း အတွက် အလုပ်တစ်ခု ရှာဖွေရာတွင် တစ်ရက် လုပ်ပြီး စိတ်ပျက် ရမည့် အလုပ် မျိုးထက် နေပျော်မည့် အလုပ် မျိုးကို ရှာဖွေသင့်သည်။

အများစု သည် ရပ်တည်နေထိုင်မှု အတွက် အောင်မြင်သည့် အသက်မွေးဝမ်းကျောင်း ကို ရရှိပိုင် ဆိုင်လိုကြ သည်။ အဘယ်ကြောင့် ဆိုသော် အသက်မွေး ဝမ်းကျောင်း အောင်မြင်မှု သည် ပုဂ္ဂိုလ်ရေး အောင်မြင်မှုနှင့် ဆက်နွယ်နေသောကြောင့် ဖြစ်သည်။ ဒါကြောင့် သင် ၏ အသက်မွေးဝမ်းကျောင်း သည် စိတ်တိုင်း မကျဖြစ်နေ ပါက ကျရှုံးခြင်း နှင့် အတူတူပင်ဖြစ်သည်။ ထို ကျရှုံးခြင်းသည် ကိုယ် ဘယ်သူလဲ၊ ဘယ်လို လူမျိုးလဲ ဆိုတာကို တည်ဆောက်ရာ တွင် ထိခိုက်နိုင်သည်။

ထို့ အပြင် www.jobless.com.mm မှ အလုပ် အကိုင် အကြံပေးနှင့် CEO ဖြစ်သူ Vladimir Neduchalကလည်း "အကောင်းဆုံး နည်းလမ်း က ကိုယ့်အလုပ် ကိုယ် ချစ်မြတ်နိုးခြင်း ဖြစ်တယ်။ ကိုယ့်စိတ်ကြိုက် အလုပ် ကို ရွေး ချယ် လုပ်ကိုင်နိုင်မှသာ လုပ်ငန်းခွင် နေပျော်မှုကို ဖန်တီးနိုင်မှာ ဖြစ်တယ်။ 

ဒီလို အကြံပေးခြင်း က စိတ်ကူးယဉ် ဆန် သလိုဖြစ်နေပေမယ့် ဒါက အမှန်တရား တစ်ခု ဖြစ်တယ်။ စိတ်ကူးယဉ် ဆန်တဲ့ အမှန်တရား  လို့လည်း မှတ်ယူနိုင်တယ်" ဟု မှတ်ချက်ပြုထားပြန်သည်။ 

ထို့ကြောင့် ယခုဆောင်းပါး တွင် ထို အမှန်တရားကို မည်သို့ ဖန်တီးရယူရမည် ကို အကြံပေး တင်ပြသွား မှာ ဖြစ် သည်။

ဘဝ ၏ အချိန်တော်တော် များများ ကို လုပ်ငန်းခွင် ၌ ကုန်ဆုံး ရသည်က များသည်။ အသက် အ ပိုင်းခြား အားဖြင့် ၁၈ နှစ်မှနေ ၍ ၆၅ နှစ် အထိသည် လုပ်ငန်းခွင်ထဲ၌ သာ အချိန် ကုန်ကြရသည်။ တစ်ချို့ ဆိုလျှင် အသက် ၇၀ အရွယ်ထိ အလုပ် လုပ်ကြရသည်။ 



ထို့အပြင် တစ်ရက် ကို ၈ နာရီ၊ တစ်ပတ်လျှင် ၅ ရက် ခန့် အနည်းဆုံး အချိန်ပေးရသည်။ ထို အချိန်များကို နာရီဖြင့် တွက်ပါက နာရီပေါင်း ၁ သိန်းခန့် ရှိသည်။ အလွန် များသည့် ပမာဏ ပင် ဖြစ်သည်။

ထိုသို့ နာရီပေါင်း များစွာ ပေးဆပ်ကာလုပ်ငန်းခွင် ဝင်နေကြသူ အများစုသည် ဘယ် အလုပ်ကို လုပ်မည်။ ဘယ်နေရာမှာ လုပ်မည် စသည် များကို ရွေးချယ်ခွင့် မရကြပေ။ ကိုယ်နှင့် ကိုယ့် မိသားစု အတွက် ဝင်ငွေ တစ်ခု ရရန် ကိုသာ အဓိကထား ရွေးချယ်ကြရသည်။ 

ယခုလို ရွေးချယ်မှုသည် ရှင်သန် မှု အတွက် အခြေခံ ကျသည့် ရွေးချယ်မှုဖြစ်သည်။ ထိုမှ တစ် ဆင့် ကိုယ်ရွေးချယ် သည့် အသက်မွေးဝမ်း ကျောင်းတွင် ကိုယ် ကအောင်မြင်မှုကို ရယူနိုင်ခဲ့ ပါက ပိုမိုပြည့် စုံ သည့် နေထိုင်မှု ဘဝ ပုံစံဖြစ်သည့် အားလပ်ရက် ယူခြင်း၊ ဇိမ်ခံကားဝ ယ်ခြင်း၊ ပို၍ ကောင်းသော အိမ် သို့ ပြောင်းရွှေ့နေထိုင်ခြင်း စသည် များကို ပြုလုပ်နိုင်မည် ဖြစ်သည်။ 

တစ်ကယ့် မေးခွန်း က ထိုသို့သော အောင်မြင်သည့် အသက်မွေးဝမ်း ကျောင်း ကို ဘယ်လို ရယူမည်နည်း ဆိုသည့် မေးခွန်းပင် ဖြစ်သည်။

အဓိက အဖြေ သည် ပြည့်စုံသည့် အသက်မွေးဝမ်းကျောင်း တစ်ခု ကို ရယူခြင်း ဖြစ်သည်။ ရယူ သည်ဟု ဆိုရာတွင် ကိုယ်တိုင် တည်ဆောက်သည် ဟု ဆိုပါက ပိုမှန်မည် ဖြစ်သည်။ ထို အမှန်တရား ကို တည်ဆောက် ဖို့ ကြိုးစားရာတွင် အဓိက အဟန့်အတား တစ်ခုကို ရင်ဆိုင်ကြရသည်။ ထို အဟန့်အတား သည် အကြောက် တရား ဖြစ်သည်။

ဆုံးရှုံးမှာ ကို ကြောက်သည်။ ကျရှုံး မှာကို ကြောက်သည်။ အရှက် ရမှာကို ကြောက်သည်။ တစ်ချို့ က အောင်မြင် မှာ ကို ကြောက်သည်။ အောင်မြင်မှာ ကို ကြောက်သည်ဟု ဆိုခြင်းသည် အောင်မြင်ခြင်း၏ လမ်းစ များဖြစ်သည့် တာဝန်ယူ မှု၊ အချိန်ကြာမြင့်စွာ အာရုံ စူးစိုက်နိုင်မှု၊ ဖိအား ဒဏ်များ ခံနိုင်မှု၊ အပြောင်း အလဲ ဒဏ်ခံနိုင်မှု စသည့်တို့ကို ကြောက်ရွံ့နေခြင်းပင် ဖြစ်သည်။ 

ထို အကြောက်တရား များစွာက အောင်မြင်ခြင်းနှင့် ကျရှုံးခြင်း အတွက် အလှည့် အပြောင်းများ ဖြစ်လာ ခဲ့ခြင်း ဖြစ် သည်။

အောင်မြင်သည့် အသက်မွေးဝမ်းကျောင်း ကို ပိုင်ဆိုင် သူများသည် ထိုသို့ ကျရှုံးစေနိုင်သည့် အကြောက် တရား များကို မကြောက် မရွံ့ ဖြတ်ကျော်နိုင်သူများ ဖြစ်သည်။ 

အမှားအယွင်း ကင်းစွာလည်း ဖြတ်ကျော်နိုင်ကြသည်။ မှားယွင်း ခဲ့ပါက လည်း ထို အမှားများကို သင်ခန်းစာ ယူကာ ဖြတ်ကျော် သွား တတ် ကြသည်။ အဓိ က လူတစ်ဦးချင်းစီ ၏ အသက်မွေး ဝမ်းကျောင်း အတွက် အရေးကြီး သည့် အရာ သည် မိမိ ရပ်တည်မည့် အသက်မွေးဝမ်းကျောင်းနှင့် သက်ဆိုင်သည့် ဒီဂရီ (တတ် / သိပညာ) ဖြစ်သည်။ 

ထို့အပြင် ထိုသူ ၏ ဘဝ၊ မိသားစု၊ မိတ်ဆွေ အပေါင်းအသင်း၊ ဝါသနာ၊ စိတ်ဝင်စားမှု စသည့် အခြေအနေ များ အပေါ်တွင်လည်းမူတည်သည်။ တစ်ချို့ အသက်မွေးဝမ်းကျောင်းတစ်ခု ကို အောင်မြင် စွာ ရပ်တည်နေ သည့် သူများသည် အထက်ဖော်ပြပါ အရာ များကို အစီအစဉ် တကျ အသုံးပြုခဲ့၍ ဖြစ်သည်။

 တစ်စိတ် တစ်ပိုင်းနှင့် အလုံးစုံ အသုံးပြုမှု ကွာခြားခြင်းက အသက်မွေးဝမ်းကျောင်း ရပ်တည် မှု အခြေအနေ အဆင့် အတန်း အမျိုးမျိုး ကို ဖြစ်လာစေသည် ဟု မှတ်ယူစေချင်သည်။

မရင်းနှီးသေးသည့် သူစိမ်း တစ်ဦးနှင့် တွေ့သော အခါ "ဘာ အလုပ်ကို လုပ်ကိုင် သနည်း" ဆိုသည့် မေးခွန်း သည် အဓိက ပြောလေ့ရှိ သည့် စကား တစ်ခွန်းလည်း ဖြစ်သည်။ ဒီလိုမေးခွန်းမျိုး သည် ရင်းနှီးမှု ကို စတင် တည်ဆောက်နိုင်ရန် အကောင်းဆုံး လက်သုံးစကား လည်း ဖြစ်သည်။ 

အကယ်၍ သာ သင်သည် အသက်မွေးဝမ်းကျောင်း တွင် မပျော်ရွှင်သူဖြစ်ပါက ရင်းနှီး ခင်မင်မှုကို တည်ဆောက် ရာတွင် အခက်အခဲ များ ဖြစ်လာနိုင်သည်။ 

အကယ်၍သာ သင်သည် မှန်ကန်သည့် အသက်မွေး ဝမ်းကျောင်း တစ်ခုဖြင့် ရပ်တည်နေသူဖြစ် ပါက ပြော ဆို မိတ်ဆက်သည့် အခါ တွင် ကျေနပ် စရာပင် ဖြစ်သည်။

ထိုသို့ စိတ်ကျေနပ်မှု ရစေရန် မှန်ကန်စွာ ရွေးချယ်နိုင်ဖို့လည်း လိုအပ်သည်။ ထိုသို့ရွေးချယ် နိုင်ရန် ကံနှင့် လည်း ဆိုင်သည်။ ကံ ဆိုသည်မှာ အလုပ် ပင်ဖြစ်သည်။ ထိုကြောင့် အလုပ်ကြိုးစား လေလေ ကံကောင်းလေလေ ဟု မှတ်ယူနိုင်ကြောင်း ရေးသား တင်ပြလိုက်ရသည်။


 ဓာတ်ပုံ-မဇ္ဈိမ
http://mizzimaburmese.com/article/11119