လက်နက် ရောင်းချမှု အလွန် မြန်မာ – ရုရှား ဆက်ဆံရေး

သမ္မတဦးထင်ကျော်နှင့် သမ္မတဗလာဒီမာပူတင်တို့ ရုရှားနိုင်ငံ၊ ဆိုချီမြို့တွင် ပြီးခဲ့သည့်နှစ် မေလအတွင်း တွေ့ဆုံခဲ့စဉ်။ ဓာတ်ပုံ – အီးပီအေ သမ္မတဦးထင်ကျော်နှင့် သမ္မတဗလာဒီမာပူတင်တို့ ရုရှားနိုင်ငံ၊ ဆိုချီမြို့တွင် ပြီးခဲ့သည့်နှစ် မေလအတွင်း တွေ့ဆုံခဲ့စဉ်။ ဓာတ်ပုံ – အီးပီအေ

စီးပွားရေးထက် စစ်ရေး ပူးပေါင်းဆောင်ရွက်မှု ပိုမို အားကောင်းသော မြန်မာ-ရုရှား ဆက်ဆံရေးသည် လာမည့်နှစ် တွင် နှစ် (၇ဝ) ပြည့်မြောက်တော့မည်ဖြစ်သည်။ သို့ရာတွင် မြန်မာ-ရုရှား ဆက်ဆံရေးသည် သိပ္ပံနှင့် နည်းပညာ၊ ပညာရေး၊ ခရီးသွားလုပ်ငန်း တို့ကဲ့သို့ စစ်ရေး မဟုတ်သော အခြား ကဏ္ဍများ သို့ပါ ပိုမို ကျယ်ပြန့် လာလျက်ရှိသည်။

မြန်မာနိုင်ငံကို အာရှ  ၏ အချက်အချာကျသည့် နိုင်ငံတစ်နိုင်ငံ အဖြစ် ရုရှားနိုင်ငံ က ယူဆ သကဲ့သို့ အရှေ့တောင် အာရှဒေသတွင် မော်စကို အတွက် အခိုင်အမာခြေကုပ် ယူနိုင် မည့် နိုင်ငံအဖြစ်လည်း မှတ်ယူ ထားသည်ဟု ဂျာမနီနိုင်ငံ၊ ရော့စ်တော့ တက္ကသိုလ်တွဲဖက် ပါမောက္ခ ဒေါက်တာ လဒ်မီလာလုဇ်က ဆို သည်။ 

”မြန်မာနိုင်ငံ နဲ့ ပူးပေါင်းဆောင်ရွက်ခြင်း အားဖြင့် နိုင်ငံတကာနိုင်ငံရေး စင်မြင့်ပေါ်က ရုရှားနိုင်ငံ ရဲ့ အနေအထားကို ထိန်းကျောင်းနိုင်မယ့် အခွင့်အရေးကောင်း ကို ရရှိမှာဖြစ်ပါတယ်” ဟု ၄င်းက ပြောသည်။

ကမ္ဘာ့ အင်အားကြီးနိုင်ငံများ၊ အထူးသဖြင့် အမေရိကန်ပြည်ထောင်စု၊ တရုတ်၊ အိန္ဒိယတို့နှင့် မြန်မာနိုင်ငံ၏ ဆက်ဆံရေးတွင် ရုရှားနိုင်ငံ သည် ချိန်ခွင်လျှာ ညီမျှရေး အခန်းကဏ္ဍသစ် က ပါဝင်လာနိုင်သည် ဟု ဒေါက်တာ လဒ်မီလာလုဇ် က ယူဆသည်။ 

ရုရှားနှင့် မြန်မာ နှစ်နိုင်ငံ စလုံးသည် စီးပွားရေး၊ နိုင်ငံရေးပြုပြင်ပြောင်းလဲမှု အတွေ့အကြုံများကို အပြန်အလှန်ဖလှယ်နိုင်ကြမည်ဟု ဆိုသည်။

ရုရှား-မြန်မာ ဆက်ဆံရေးမှာ အဓိက အားဖြင့် လက်နက် အရောင်းအဝယ်ဖြစ်သော်ငြားလည်း အဆိုပါ အရောင်း အဝယ်မှာ မည်သည့်နိုင်ငံကိုမျှ တိုက်ခိုက်ရန် ရည်ရွယ်ခြင်း မရှိပေ။

”လက်နက်ရောင်းတာ က ရုရှား အတွက်တော့ စီးပွားရေးပါပဲ။ ဘယ်နိုင်ငံကိုမှ တိုက်ခိုက်ဖို့ မဟုတ်၊ ဘယ် ပဋိပက္ခမှာ မှ ပါဝင်ဖို့ မဟုတ်ပါဘူး” ဟု ၄င်းက ဆိုသည်။

အမေရိကန်ပြည်ထောင်စုက မြန်မာနိုင်ငံ အပေါ် လက်နက်ရောင်းချမှု ပိတ်ပင် ထားသည့် အချက်ကလည်း ရုရှား လက်နက်များ ရောင်းချရသည့် အကြောင်းရင်း တစ်ရပ်ဖြစ်သည်ဟု ဒေါက်တာလဒ်မီလာလုဇ် က ဆက် လက် ပြောကြားသည်။

စစ်လက်နက် နည်းပညာ၊ စွမ်းအင်နှင့် သိပ္ပံနှင့် နည်းပညာ ကဏ္ဍများတွင် ရုရှား က ၄င်းတို့၏ ကျွမ်းကျင်မှုကို ဝေမျှပေးနိုင်သည်။ အလားတူပင် ရုရှားနိုင်ငံ သည် ဆိုဗီယက် ခေတ်နောက်ပိုင်း ပေါ်ထွန်းလာသည့် နိုင်ငံများဈေးကွက်သို့ ထုတ်ကုန်များ တင်ပို့ရန် မြန်မာနိုင်ငံ က ဂိတ်တံခါး ဖြစ်နေသည်။ 

ရုရှားနိုင်ငံသည် ယခင် ဆိုဗီယက်ပြည်ထောင်စု မှ ခွဲထွက်လာသော လွတ်လပ်သည့်နိုင်ငံငယ် များနှင့် အရှေ့တောင် အာရှမှ ဗီယက်နမ်နိုင်ငံ ပါဝင်သော လွတ်လပ်စွာ ကုန်သွယ်မှု အဖွဲ့သစ် တစ်ခုဖြစ်သည့် ယူရေးရှား သမဂ္ဂ၏ ဦးဆောင်နိုင်ငံလည်း ဖြစ်နေသည်။

မြန်မာပြည် အလယ်ပိုင်း ချိုင့်ဝှမ်းဒေသရှိ လုပ်ကွက် အီးပီ-၄ တွင် ရုရှားရေနံ ကုမ္ပဏီ ဘက်ရ်ှနက်ဖ်နှင့် မြန်မာ့ရေနံနှင့် သဘာဝဓာတ်ငွေ့လုပ်ငန်း တို့သည် ရေနံနှင့် သဘာဝ ဓာတ်ငွေ့ရှာဖွေရေး အကျိုးတူ ပူးပေါင်းဆောင်ရွက်လျက် ရှိပြီး ရုရှား ကုမ္ပဏီက အမေရိကန်ဒေါ်လာ ၃၈ ဒသမ ၃ သန်း ရင်းနှီးမြှုပ်နှံထားသည်။

၂ဝ၁၅ ခုနှစ်တွင် ရုရှား-မြန်မာ နှစ်နိုင်ငံ ကုန်သွယ်မှုမှာ အမေရိကန်ဒေါ်လာ ၁၃ဝ ဒသမ ၅ သန်းသာ ရှိခဲ့သော်လည်း ဒေါ်လာ ၁ဝ ဘီလျံ ရှိသည့် တရုတ်-မြန်မာ ကုန်သွယ်မှုနှင့် နှိုင်းယှဉ်ပါက ပမာဏ နည်းနေသေးသည်။ ယခုနှစ်တွင် ရုရှား နှင့် မြန်မာ နှစ်နိုင်ငံ ကုန်သွယ်မှုကို ဒေါ်လာသန်း ၅ဝဝ အထိ ရောက်ရှိရန် မျှော် မှန်းထားသည်။

မြန်မာနိုင်ငံ သည် ရုရှားနိုင်ငံက စစ်လက်နက်များ အပြင် စက်ပစ္စည်း၊ စက်မှု လုပ်ငန်းသုံး ကိရိယာ၊ ယာဉ် အမျိုးမျိုး၊ ဓာတုပစ္စည်းနှင့် သတ္တုများ ဝယ်ယူ တင်သွင်းကာ ရုရှားနိုင်ငံသို့ ဆန်နှင့် အထည်အလိပ်များ ပြန် လည် တင်ပို့လျက်ရှိသည်။

စတော့ခ်ဟုမ်း နိုင်ငံတကာ ငြိမ်းချမ်းရေး သုတေသန ဌာန၏ အချက်အလက်များ အရ ၂ဝ၁၄ ခုနှစ် အတွင်း မြန်မာနိုင်ငံ သည် ရုရှားနိုင်ငံမှ ဒေါ်လာ ၂ဝ ဒသမ ၄ သန်းဖိုး စစ်လက်နက်များ ဝယ်ယူ ခဲ့ပြီး ရုရှား စစ်လက်နက်နှင့် တိုက်လေယာဉ် များကို အများဆုံး တင်သွင်းသည့်နိုင်ငံများတွင် မြန်မာနိုင်ငံမှာ အဆင့် (၅)နေရာ၌ ရပ်တည်လျက် ရှိသည်ဟု ဆိုသည်။ 

၂ဝဝ၉-၂ဝ၁ဝ ပြည့်နှစ်တွင်မူ ဒေါ်လာ ၅၁၁ သန်း တန်ဖိုး ရှိ ရုရှားနိုင်ငံလုပ် MiG 29B, MiG 29SE နှင့် MiG 29UB ဂျက်တိုက်လေယာဉ်များ မြန်မာနိုင်ငံကဝယ်ယူခဲ့သည်။

‘လိုအပ်ချိန်တွင် ကူညီသည့် မိတ်ဆွေကောင်း ပီသသော မြန်မာ – ရုရှားဆက်ဆံရေး’
ခေါင်းစဉ်ဖြင့် ရန်ကုန် အခြေစိုက် KonradAdenauer Stiftung (KAS) က သောကြာနေ့တွင် ကြီးမှူးကျင်းပသော အခမ်းအနား၌ ဒေါက်တာလဒ်မီလာလုဇ် က အထက်ပါအတိုင်း ပြောကြားခဲ့ခြင်း ဖြစ်သည်။

ရုရှားနှင့် မြန်မာ နှစ်နိုင်ငံ စလုံးသည် အနောက်နိုင်ငံများ ၏ စီးပွားရေး ပိတ်ဆို့ အရေးယူမှုကို အတူတစ်ကွ ခံစားခဲ့ကြရသဖြင့် တစ်ဦးကို တစ်ဦး ကိုယ်ချင်း စာကာ ကူညီလိုကြသည်ဟု ဒေါက်တာလဒ်မီလာလုဇ် က ဆိုသည်။

စစ်တပ်နှင့် ဘုန်းကြီးများ၊ ကျောင်းသားများ အကြား ဖြစ်ပွားခဲ့သည့် ၂ဝဝ၇ ခုနှစ် အရေးအခင်း အတွင်း မြန်မာနိုင်ငံ အပေါ် ရှုတ်ချသည့် ကုလသမဂ္ဂ ဆုံးဖြတ်ချက်ကို ရုရှားနှင့် တရုတ်နိုင်ငံ တို့က ဆန့်ကျင်ခဲ့ကြသည်။ မကြာသေးမီကလည်း ရခိုင်အရေး ကိစ္စနှင့် စပ်လျဉ်း၍ မြန်မာနိုင်ငံ အပေါ် ကုလသမဂ္ဂ ၏ ဆုံးဖြတ်ချက် ကို ရုရှားနှင့် တရုတ်နိုင်ငံ ကပင် ဗီတိုအာဏာ သုံး၍ ပယ်ချခဲ့သည်။

ရုရှားနှင့် မြန်မာနိုင်ငံ တို့၏ ဆက်ဆံရေးကို ၁၉၄၈ ခုနှစ်တွင် စတင် ထူထောင်ခဲ့ပြီး နောက်သုံးနှစ် အကြာတွင် နှစ်နိုင်ငံ စလုံး၌ သံရုံးများ ဖွင့်လှစ်နိုင်ခဲ့သည်။ ဆိုဗီယက် ခေါင်းဆောင် နီကီတာခရူးချော့ဖ် သည် မြန်မာနိုင်ငံ သို့ ၁၉၅၅ ခုနှစ်က အလည်အပတ် လာရောက်ခဲ့ဖူးသည်။

ဒေသ တစ်ခုလုံးနှင့် စပ်လျဉ်း၍မူ ရုရှားနှင့် အာဆီယံ ဆက်ဆံရေး နှစ် (၂ဝ) ပြည့် အထူးထိပ်သီး အစည်းအဝေးကို ယမန်နှစ် က ဆိုချီမြို့တွင် ကျင်းပခဲ့ပြီး ရုရှား သမ္မတ ဗလာဒီမာ ပူတင်သည် အာဆီယံခေါင်းဆောင် များနှင့် ပထမဦးဆုံး အကြိမ် တွေ့ဆုံဆွေးနွေးခဲ့သည်။

ရုရှားနိုင်ငံ သည် အာဆီယံ ၏ မဟာဗျူဟာ မိတ်ဖက်နိုင်ငံဖြစ်လာရန် မျှော်လင့်ထားသည်။ အာဆီယံနှင့် မဟာဗျူဟာ မိတ်ဖက်ဖြစ်သော အခြားနိုင်ငံများမှာ တရုတ်၊ ဂျပန်၊ တောင်ကိုရီးယား၊ အိန္ဒိယ၊ သြစတြေးလျ၊ နယူးဇီလန်နှင့် အမေရိကန်ပြည်ထောင်စု တို့ ဖြစ်ကြသည်။

ဇော်ညွန့် ဘာသာပြန်သည်။
Credit : The Myanmar Times