ရွှေထက် တန်ဖိုးကြီးသော သစ်မွှေး အကြောင်း ဗဟုသုတ

သစ်မွှေး ရဲ့ တန်ဖိုးရှိပြီး မွှေးကြိုင်တဲ့ အနံ့ဟာ ဟောင်ကောင်မြို့ကို နာမည်ပေးခဲ့တာ ဖြစ်ပါတယ် ။ ဟောင်ကောင်ဟာ ကန်တုန် တရုတ် ဘာသာစကားနဲ့ဆိုရင် မွှေးကြိုင်တဲ့ ဆိပ်ကမ်း လို့ အဓိပ္ပါယ် ရပါတယ်။ယနေ့အချိန်မှာ စီးပွားရေး အချက်အချာ ကျတဲ့ ဒေသဖြစ်နေတဲ့ ဟောင်ကောင် ဟာ ကိုလိုနီခေတ်တုန်းကလည်းပဲ အရှေ့တိုင်းထွက် အမွှေး အကြိုင် ပစ္စည်းများရောင်းဝယ်ဖောက်ကားခဲ့တဲ့ ဆိပ်ကမ်းတစ်ခု
ဖြစ်ခဲ့ ဖူးတာကို သစ်မွှေးရနံ့များ က ပြန်လည် အမှတ်ရစေပါတယ်။

ဟောင်ကောင်မြို့ မှာ Wing Lee အမွှေးနံ့သာ နဲ့ စန္ဒကူး ရောင်းဝယ်ရေး ကုမ္ပဏီ ရှိဆဲဖြစ်ပြီး ဒီ ကုမ္ပဏီဟာ မိသားစု မျိုးရိုး စဉ်ဆက် လုပ်ကိုင် လာတဲ့ သစ်မွှေး အရောင်းအ၀ယ် လုပ်ငန်း တစ်ခုလည်းဖြစ်ပါတယ်။ဒီကုမ္ပဏီရဲ့ မှန်ဘီရိုတွေထဲမှာ ထည့်သွင်းပြသထားတာတွေ ကတော့ ဈေးအကြီးဆုံးဖြစ်တဲ့ သစ်မွှေးတုံး (agarwood) မြန်မာ အခေါ် အကျော်တုံးများဖြစ်ပါတယ်။

Wing Lee ကုမ္ပဏီ ရဲ့ ပိုင်ရှင်ဖြစ်ခဲ့တဲ့ ယွမ်ဝါ ဟာ သစ်မွှေး လုပ်ငန်းကို အနှစ် ၇၀ ကျော် လုပ်ကိုင်ခဲ့ပြီးအနား ယူခဲ့ပြီး နောက် ယခု မှာတော့ Wing Lee ကုမ္ပဏီ ကို သားဖြစ်သူ ကင်နီ က ဦးစီးနေပါတယ်။ ” သစ်မွှေးတုံး (agarwood) အလွန် အဖိုးတန်တဲ့ သစ်မျိုး ပါပဲ။ အရင်တုန်းက သစ်မွှေးတုံး ဟာ အကိုက် အခဲပျောက်စေတဲ့ အတွက် ဆေးဝါးတွေမှာ အသုံးပြုခဲ့ကြပြီး ဒီနေ့ခေတ်မှာတော့ အမွှေးအကြိုင် ပစ္စည်း အဖြစ် အသုံးပြုကြတယ် ” လို့ ယွမ်ဝါ က ပြောပြခဲ့ပါတယ်။

သစ်မွှေးပင် ဆိုသည်မှာ …သစ်ပင်၏ အသားထဲမှ အမွှေးရနံ့ ထွက်သော အပင် မဟုတ်ပါဘူး။— သစ်မွှေးသည် သစ်သား မဟုတ်သော သစ်တောထွက် ပစ္စည်း (Non-Timber Forest Product) NTFP ဖြစ်ပါ သည်။

— သဘာဝ အတိုင်းသော်၎င်း၊ ဆေးသွင်းခြင်းဖြင့်သော်၎င်း ပင်စည် အတွင်းသား ထဲ၌ ရှားပါး၊ အဖိုးတန် သည့်၊ ထူးကဲသော မွှေးရနံ့ ထွက်လျက်၊ အဆီခဲဖြစ်တည်နေသည့် အပင် ကို သစ်မွှေးပင်၊ မြန်မာ အခေါ် အကျော်ပင် (Agarwood) ဟုခေါ်ဆိုပါသည်။

— သက်တမ်း အားဖြင့် နှစ် ၅၀ မှ ၁၀၀ ကျော်အထိ ရှိတတ်ပြီး ပေ ၁၃၀ ကျော် အထိ မြင့်မား ကာ ရင်စို့လုံးပတ်အချင်း ၄ပေကျော် အထိရှိသည်။

— သဘာဝ အားဖြင့် အဆီခဲဖြစ်ခြင်းမှာ- ပထမဦးစွာ အပင် ၌ ဒဏ်ရာဖြစ်ရပါမည်။ ဒဏ်ရာ ဆိုသည်မှာ ဥပမာ အားဖြင့် သမင်၊ ဒရယ် စသည်တို့ ဦးချိုသွေးခြင်း၊ ၀ံပုလွေ၊ ကျား၊ ခြင်္သေ့ စသည်တို့ ခြေသည်းသွေးခြင်း၊ သစ်တောက်ငှက် စသည်တို့ အပင်ကိုခေါက်ရာမှ ဒဏ်ရာရခြင်း၊ ခြ၊ နကျီ စသောပိုးကောင် တို့ အိမ်ဖွဲ့ရာမှ ဒဏ်ရာ ရခြင်း၊ မိုးကြိုး ပစ်၍သော်၎င်း၊ လေကြမ်း ၍သော်၎င်း အပင်ထိ၍ သစ်ကိုင်း ကျိုးကျရာမှ ဒဏ် ရာရခြင်း စသည်တို့ဖြစ်သည်။

— ဒုတိယ အချက်အရ- ထို ရရှိထားသော ဒဏ်ရာ အပေါ် မှိုရောဂါ စွဲကပ်မိခြင်းဖြစ်သည်။

— တတိယ အနေဖြင့် ထို စွဲကပ်လာသော မှိုရောဂါကို အပင်ထဲမှ ပဋိပစ္စည်း က ခုခံ တိုက်ခိုက်ရာမှ (မှိုနှင့် သစ်မွှေးပင် မှ ပဋိပစ္စည်း တို့ အချင်းချင်း တိုက်ခိုက်ရာမှ) သစ်မွှေးပင် ၏ အသားထဲတွင် အဆီခဲများဖြစ် တည် လာသည်။

— ထို အဆီခဲများကို ပေါင်းခံ ချက်လုပ်ရာမှ အဖိုးတန် သစ်မွှေးဆီ ကို ရရှိသည် ။ ကမ္ဘာကျော် အဖိုးတန်ရေမွှေး များ ပြုလုပ်ရာတွင် ထို သစ်မွှေးပေါင်းခံဆီ အနည်းငယ်မျှ ထည့်ပေးရုံဖြင့် အဖိုးတန်ရေမွှေး အဖြစ်သို့ ရောက်ရှိသွားသည်။

— သဘာဝ အားဖြင့် သူ့ အလိုလို အဆီခဲဖြစ်တည်နေခြင်းကို သိပ္ပံပညာရှင်များ က လေ့လာ တွေ့ရှိပြီးနောက်  (Artificial Infection)ခေါ် သဘာဝကို တုပ၍ ဆေးထိုးသွင်းခြင်း ဖြင့်လည်း သစ်မွှေးကို ထုတ်လုပ်လာကြပါတယ်။

သစ်မွှေးတုံးကို Aquilaria အပင်များမှ ထုတ်ယူရတာ ဖြစ်ပြီးတော့ အရင်တုန်းက တရုတ် ရွာတိုင်းမှာ ဖန်းရွှေ ရိုးရာ အနေနဲ့ စိုက်ပျိုးလေ့ ရှိခဲ့ပါတယ်။ သစ်မွှေးတုံး (agarwood) ကို ရရှိဖို့အတွက်  Aquilaria အပင်များကို မှိုစွဲကပ်စေရပြီး သစ်မွှေးတုံး ရယူရမဲ့ အချိန်ရောက်ရင် မှို ကူးစက် ထားခြင်း ခံရတဲ့ အနက်ရောင် သစ်စေး ရှိနေတဲ့ အပိုင်းကို အနံ့ မရှိတဲ့ သစ်သား အကောင်း ကနေ လှီးဖြတ်ပြီးရောင်းချရတာ ဖြစ်ပါတယ်။

ဒီ တန်ဖိုးကြီးလှတဲ့ သစ်စေး ကို အမွှေးနံ့သာ ဘုရင် လို့လည်း လူသိများကြပြီး အရှေ့ အလယ်ပိုင်းဒေသတွေ နဲ့ အာရှတိုက် တစ်လျှောက်မှာ ကျယ်ပျံ့  စွာရောင်းဝယ်ခဲ့ကြတာ ဖြစ်ပါတယ်။ တရုတ် တန် နဲ့ ဆောင် မင်းဆက် တို့ သမိုင်းမှတ်တမ်းများ အရ သစ်မွှေးတုံး (agarwood) ဟာ တန်ဖိုးမြင့်မားတဲ့ ကုန်ပစ္စည်းတစ်ခုဖြစ်ပြီး သူရဲ့ အနံ့မွှေးကြိုင်မှုဟာ ဗုဒ္ဓဘာသာ၊ ခရစ်ယာန်ဘာသာ ၊အစ္စလာမ်ဘာသာ၊ တာအိုဘာသာတို့နဲ့ လည်း သမိုင်းဆက်နွယ်မှု မှတ်တမ်းများ ရှိခဲ့တယ်လို့သိရပါတယ်။

ကရစ်ရှနား နတ်ဘုရား ၏ လက်ကိုင် တူရိယာပလွေ သည် သစ်မွှေးဖြင့်ပြုလုပ်ထားသည်ဟု အိန္ဒိယနိုင်ငံ၊ ဟိန္ဒူ ဘာသာဝင်များက အစဉ်အဆက် ယုံကြည်ခဲ့ကြသည်။

— ဂေါတမ ရှင်တော်ဘုရား ၏ ရုပ်ကလာပ်တေဇောဓာတ်လောင်ကျွမ်း ရာ၌ ရှစ်ပြည်ထောင်မင်း တို့ က သစ်မွှေးဆီခဲ များကို အလေးအမြတ်ပြု  ပူဇော်ခဲ့ကြကြောင်း သုတေသီများက ဖော်ပြထားသည်။

— အိန္ဒိယ အာယုဗေဒ ကျမ်းများတွင် အသက်ရှည်ဆေး အဖြစ် သစ်မွှေးဆီများကို မီးရှို့ ရှုရှိုက်ပါက ရောဂါဘယ ကင်းစင်စေပြီး ကိုယ်ခံစွမ်းအား မြှုင့်စေသည့် အပြင် စိတ်ကြည်လင် လန်းဆန်းမှုကို ပေးနိုင်သည် ဟု ဖေါ်ပြထားသည်။

— ခရစ်တော်ယေရှု ၏ ဈာပန ကို သစ်မွှေးဆီ/ခဲ များဖြင့် အထွတ် အမြတ်ပြု ပူဇော် သဂြိုဟ်ကြ ကြောင်း ဟီးဘရူးကျမ်းစာ ၌ ဖော်ပြထားသည်။

— အိုမန်နိုင်ငံသားတို့သည် ဘုရားကျောင်း ၀တ်ပြုရာ၌၎င်း၊ ဘာသာရေး ပွဲတော်/အခမ်းအနား များ၌၎င်း၊ လူ့ အသုံးအဆောင် ကုန်ပစ္စည်းများ၌ အမွှေးအကြိုင် အဖြစ် သုံးစွဲရာတွင်၎င်း၊ သစ်မွှေးဆီ ကို အသုံးပြုခဲ့ကြ သည်။

— အာရှတိုက်နှင့် ဥရောပတိုက် ရှိ နိုင်ငံ အချို့တွင် ခရစ်ယန်ဘုရားကျောင်းများ၌ သစ်မွှေး ကို မီးရှို့ ပူဇော်ခြင်း ကို ယနေ့တိုင် အလေးအမြတ်ထား ပြုလုပ်နေကြဆဲ ဖြစ်သည်။

— အေဒီ ၁၁ ရာစု ခန့်ကပေါ်ပေါက်ခဲ့သော Persian ဆေးသမားတော်ကြီး တစ်ဦးဖြစ်သူ အဘီစီးနား က သစ်မွှေး သည် ရောဂါ အမျိုးမျိုး ကို ဆေးဖော်စပ် ရာ၌ ဘက်စုံ အသုံးဝင် ကြောင်း ကို သုတေသနပြု၍ ဖော်ထုတ်ပြောကြားခဲ့သည်။

— ဂျပန်နိုင်ငံတွင် သစ်မွှေးကို ဂျင်ကို့ (Jin-Koh) ဟုခေါ်ပြီး ကိုဒို (Kodoh) ခေါ် အမွှေးနံ့သာ ပွဲတော် များ တွင်း ယနေ့တိုင် သစ်မွှေးဆီ/ခဲ များကို တန်ဖိုးကြီးစွာ ၀ယ်ယူသုံးစွဲလေ့ ရှိသည်။

— Bible ၌ ခရစ်ယာန် ဖွားမြင်စဉ် အရှေတိုင်း မှ ပညာရှိ ၃ ဦးလာရောက်၍ ခရစ်တော်အား ပူဇော်ရာတွင် လက်ဆောင် ၃ မျိုး ပါလာရာ တစ်ခုမှာ (Mura) မူးရာခေါ်သစ်မွှေးဖြစ်သည်။ ထို့ကြောင့် ကချင်ပြည်နယ် ၌ သစ်မွှေး ကို Bible ပါရှိသည့် အတိုင်း မူးရာ ဟု ယနေ့တိုင် ခေါ်ဆိုနေကြဆဲဖြစ်သည်။

— သစ်မွှေးပင်ကို ပေါင်းခံ အဆီထုတ်၍ ရရှိသော အဆီကို ရေမွှေးပြုလုပ် ရာတွင်၎င်း၊ လူသုံး အမွှေး အကြိုင် ပစ္စည်းများ ထုတ်လုပ်ရာတွင်၎င်း၊ ဆေးဘက်ဆိုင်ရာ၊ ဆေးဝါး ထုတ်လုပ်မှု များတွင်၎င်း၊ အသုံးပြုကြ သည်။

— သစ်မွှေးကို အများဆုံး အသုံးပြုသူများမှာ အာရပ်နိုင်ငံမှ ရေနံ သူဌေးများနှင့် စော်ဘွားများ ဖြစ်ကြသည်။ ဘာသာရေးဆိုင်ရာ ပွဲတော်များတွင် သစ်မွှေး ကို မီးရှို့ ၍ အလေးအမြတ်ထား ပူဇော်ကြသည်။ အရေးကြီးသည့် အစည်းအဝေး၊ ကိစ္စရပ်များဆောင်ရွက်ရာတွင် အောင်မြင်ပြီးမြောက်စေရန် သစ်မွှေးဆီ ကို နှုတ်ခမ်းကို တို့၍ သစ်မွှေးခဲ ကို အဆောင် အဖြစ် အိတ်ထဲ ထည့်ထားပါက လိုရာ ဆန္ဒပြီးမြောက်စေသည့် အယူ ရှိ ကြ သည်။

— သဲကန္တရထဲ ခရီး သွားလာရသောကြောင့် မောပန်းနွမ်းနယ်နေသော ကုလားအုတ် များ၏ နှာဝ ကို သစ်မွှေးဆီ တို့ပေးကာ အနံ့ ရှုရှိုက်စေခြင်းဖြင့် ချက်ချင်း အကောင်း ပကတိဖြစ်ကာ လိုရာ ခရီးကို ချောချောမွေ့မွေ့ရောက်ရှိသည်ဟု ဆိုသည်။

— မံမီ ရုပ်အလောင်းများကို နှစ်ပေါင်း ရာချီ ၍ မပုပ် မသိုးအောင် စီရင်ရာ၌ သစ်မွှေးဆီ ကို ထည့် သွင်း အသုံးပြု ထားကြောင်း သုတေသီ အချို့က လေ့လာတွေ့ရှိထားသည်။

— ထိခိုက်ရှနာ ဒဏ်ရာများ၊ အနာရင်း၊ အနာအဆိပ်သင့် စသောဝေဒနာ များကိုလည်း သစ်မွှေး ဆီ လိမ်းကျံကုသပေးခြင်းဖြင့် သက်သာပျောက်ကင်းစေသည်ဟု ဆေးဆရာများက ညွှန်းဆိုထားသည်။

— သစ်မွှေး၏ အနံ့သည် လူ၏ စိတ်ကို ကြည်လင်အေးချမ်းစေသောကြောင့် တရား ဘာဝနာပွါး များ အားထုတ်ရာတွင် အနံ့ သင်းသင်းလေး လွှတ်ထားခြင်းဖြင့် ပို၍ တရားအားထုတ်နိုင်သည် ဟုဆိုကြသည်။

၂၀၁၄ ခုနှစ်တုန်းက  သစ်မွှေးတုံး (agarwood) တစ်ကီလို ဂရမ် ကို ဟောင်ကောင်ဒေါ်လာ 58,000 (မြန်မာငွေ သိန်း ၁၀၀) ပေါက်ဈေး ရှိပြီး ၃ ,၄ ပေ အရွယ်အစား ရှိတဲ့ သစ်တုံး များကို လက် တစ်ဖ၀ါးစာ အရွယ် ရုပ်တု ထုထားတဲ့ သစ်မွှေးများ ဆိုရင်တော့ ဟောင်ကောင်ဒေါ်လာ ၁.၂ သန်း (သိန်း ၂ထောင်ကျော် အထိ) ပေါက် ဈေးရှိနေတာ ဖြစ်ပါတယ်။

သစ်မွှေးတုံး (agarwood)  ဆီ ကို ရေမွှေးများ နဲ့ အမွှေးနံ့သာ ပစ္စည်းအများစုမှာ အသုံးပြုကြပြီး သစ်မွှေးဆီ ကို နာမည်ကြီ ရေမွှေးတွေဖြစ်တဲ့ Armani Privé’s Oud Royal ၊ Yves Saint Laurent’s M7 Oud Absolu စတဲ့ ရေမွှေးများ ရဲ့ အဓိက ပါဝင် ပစ္စည်းဖြစ်တဲ့  Oud oil အဖြစ် ပေါင်းခံပြီး ထပ်မံ ထုတ်လုပ် ကြတာ ဖြစ်ပါတယ်။

သို့ပေမဲ့ သစ်မွှေးတုံး (agarwood) များ ရဲ့ ဈေးကွက် လိုအပ်ချက်မြင့်မားမှုကြောင့် ဒီ ဆယ်စုနှစ် အတွင်းမှာ ဟောင်ကောင် ရဲ့ Aquilaria အပင်များ ဟာ မျိုးသုဉ်းမဲ့ အန္တရာယ် ကို ရင်ဆိုင်လာရတာ ဖြစ်ပါတယ်။

အာရှတိုက် မှာ Aquilaria အပင် စိုက်ပျိုး ထုတ်လုပ်ရာမှာ အကြီးဆုံး အသင်းဖြစ်တဲ့ Asia Plantation Capital (APC) မှ Aquilaria အပင်များကို ကာကွယ်ဖို့ အတွက် အာရှတိုက် နဲ့ ဟောင်ကောင်ဒေသတွေမှာ သစ်မွှေး စိုက်ပျိုးထုတ်လုပ်သူများကို အားပေး ကူညီခဲ့ပါတယ်။

 ဟောင်ကောင်ဒေသမှာ သဘာဝ Aquilaria အပင် ရာဂဏန်းလောက်သာ ကျန်ရှိနေတော့တယ် လို့ APC က ပြောဆိုခဲ့ပါတယ်။ ဟောင်ကောင် အစိုးရကလည်း Aquilaria အပင်များ မျိုးသုဉ်း သွားခြင်းကို ကာကွယ်ဖို့အတွက် ၂၀၀၉ ခုနှစ်ကတည်းက စပြီး Aquilaria ပျိုးပင်ပေါင်း ၁ သောင်းကျော် ခန့် နှစ်စဉ် စိုက်ပျိုးခဲ့ တယ် လို့ကြေငြာခဲ့ပေမဲ့ သစ်ပင်များကို ကာကွယ်ဖို့အတွက် ပျိုးပင်များ စိုက်ပျိုးခြင်းက မလုံလောက်ပါဘူး။

ဒါ့အပြင် အရွယ်ရောက်ပြီး  Aquilaria အပင်များ ဟာ မှောင်ခို ခိုးထုတ်တဲ့ သူများ လက်ချက်ကြောင့် တစ်နေ့ တစ်ခြား နည်းပါးလာနေပါတယ်။” မှောင်ခို ခိုးထုတ်သူတွေက သဘာဝ အတိုင်း မှိုကူး စက် ထားခံရတဲ့  Aquilaria အပင်တွေကို ရှာပြီး ခုတ်ကြတဲ့ အတွက်  Aquilaria အပင်တွေ မျိုးသုဉ်းမဲ့ အန္တရာယ်ဟာ မြန်မြန်ဆန်ဆန် နဲ့ ဖြစ်ပေါ်လာတာ ဖြစ်ပါတယ်။

အခု ဟောင်ကောင်မှာဆို အနှစ် ၃၀ လောက် သက်တမ်းရှိတဲ့ Aquilaria အပင် တစ်ပင်ကို ရှာတွေ့ခဲ့ရင် တော်တော် ကံကောင်းနေပါပြီ ” လို့ ဟောင်ကောင်ဒေသ APC အရောင်း ဒါရိုက်တာ ဂျီရတ် မက်ဂါစ် ကပြော ခဲ့ပါတယ်။

တရုတ်နိုင်ငံ အရှေ့တောင်ဘက်ခြမ်း ဟောင်ကောင် နဲ့ တရုတ် ပြည်မကြီး ဆက်ထားတဲ့ လမ်း မှာ တည်ရှိတဲ့ ရှန်ဇန် မြို့မှ ကွန်ဝင်ချန် ဆိုသူ လူတစ်ယောက်ဟာ Aquilaria အပင် ၆၀၀၀ ကျော် နဲ့ သစ်မွှေး ထုတ် လုပ်နေသူ တစ်ဦး ဖြစ်ပါတယ်။ 

Aquilaria အပင် မျိုးသုဉ်းနိုင်တဲ့ အန္တရာယ် ကို ကာကွယ်ဖို့ အတွက်  Aquilaria အပင် စိုက်ပျိုးဖို့စိတ်ဝင်စားသူများကို  APC ဟာ ချန် ရဲ့ သစ်မွှေး ထုတ်လုပ်ရေးခြံသို့ အလည်အပါတ်ခေါ်ပြီး စိုက်ပျိုး ထုတ်လုပ်ရေး နည်း စနစ်များပြသလေ့ရှိပါတယ်။

”  Aquilaria အပင်တိုင်းမှာ သစ်မွှေး ထွက်တာ မဟုတ်ပါဘူး။ သဘာဝပင်တွေမှာ ဆိုရင် ၇ % လောက်ကပဲ သစ်မွှေး ထွက်ပါတယ်။ ဒါကြောင့်  မှောင်ခို ခုတ်တဲ့ သူတွေ အနေနဲ့ လောင်းကစား လုပ်ပြီး ခုတ်ကြတဲ့အတွက်ကြောင့် ပိုပြီး မြန်မြန် မျိုးသုဉ်းရတာ ဖြစ်ပါတယ်” လို့ ယွမ်ဝါ ကဆိုပါတယ်။

 မှောင်ခို သမားတွေ ကို  Aquilaria အပင် ခိုးထုတ်နေတာ ဖမ်းမိရင် ထောင်ဒဏ် ၁၀ နှစ် ကျခံရမယ် လို့ အမိန့် ချမှတ်ထားပေမဲ့ သဘာဝ သစ်မွှေး ကို မှောင်ခိုဈေးကွက်မှာရောင်းချရင်လည်း ပိုက်ဆံ အများအပြားရတဲ့ အတွက် မတားမြစ်နိုင်ဘူးလို့ သိရပါတယ်။

ပြီးခဲ့တဲ့ နှစ်ပိုင်း အတွင်းက ရဲများ နဲ့ စိုက်ပျိုးရေး ၊မွေးမြူရေး ထိန်းသိမ်းစောင့်ရှောက်ခြင်း အဖွဲ့ Agriculture, Fisheries and Conservation Department (AFCD) မှ မှောင်ခို သမားများကို တိုက်ဖျက်ဖို့ စစ်ဆင်ရေး ၃၅ ကြိမ် လုပ်ခဲ့ပြီး နောက်ပိုင်း သစ်ပင်တွေမှာ Electronic စောင့်ကြည့် ပစ္စည်းများနဲ့ ကင်မရာ များကို လည်း တပ်ဆင်ထားဖို့ ရှိတယ် လို့သိရပါတယ်။

ဟောင်ကောင်ဒေသ မှာ ပျိုးပင်တွေ စိုက်ပျိုးခြင်းက မှောင်ခို သမားတွေရဲ့ ရန်ကနေ မကာကွယ်နိုင်ပေမဲ့  Aquilaria အပင်စိုက်ပျိုးပြီး သစ်မွှေး ထုတ်လုပ်ခြင်းများကို စိတ်ဝင်စား လာကြတဲ့ သူ များလာခြင်းဟာ ဟောင်ကောင် ရဲ့ အမွှေးအကြိုင် အပင်များ မျိုးသုဉ်းခြင်းကိုကာ ကွယ်နိုင်လိမ့်မယ်လို့ APC  က ယုံကြည်ထားပါတယ်။



Arkar Hein (Shwemom)
Ref : BBC / Mandalay Gazette
Source