ABBA - HAPPY NEW YEAR! 2014 HD

မလေးရှားနိုင်ငံမှာ မြန်မာအမျိုးသမီး ၂ ဦး ရက်ရက်စက်စက် သတ်ဖြတ်ခံလိုက် ရပြန်ပါပြီ။

 Jalan Baru နယ် Kampung Setol အရပ်က ရထားလမ်းဘေးမှာ ရက်ရက်စက်စက် သတ်ဖြတ်ခံ ထားရ တယ် လို့ ဒီကနေ့ ထုတ် မလေးရှား အခြေစိုက် The Star Online သတင်းတပုဒ် က ဖော်ပြထားပါ တယ်။

 အသတ်ခံရသူ မြန်မာအမျိုးသမီး ၂ ဦးရဲ့ ဓာတ်ပုံ- The Star Online 

 

အသက် ၂၁ နှစ်ရှိ မဋ္ဌေးဋ္ဌေးသန်းကို အသက် ၄၁ နှစ်ရှိ မသန်း ဆိုသည့် အမျိုးသမီးနဲ့အတူ လည်ပင်းပြတ်ရှ ဒဏ်ရာ၊ မျက်နှာနဲ့ ခန္ဓာကိုယ်မှာ ထိုးသွင်းဒဏ်ရာတွေနဲ့ တွေ့ခဲ့ရတာလို့ ဆိုပါတယ်။ 

မလေးရှား စီအိုင်ဒီ အကြီးအကဲ ရဲ့လက်ထောက် ဖြစ်သူ Mazlan Kesah က ပြောတာမှာတော့ မနေ့ည သန်းခေါင်လောက် က အခင်းဖြစ်ရာ အနီးဖြတ်သွားသူ တဦးက အော်သံကြားပြီးနောက် ဒီ မြန်မာအမျိုးသမီး ၂ ဦးရဲ့ အလောင်းတွေကို တွေ့ခဲ့ တာလို့ ဆိုပါတယ်။ 

“သူတို့ ၂ ဦးလုံးက ပွဲချင်းပြီး သေဆုံးခဲ့တာပါ” လို့ မလေးရှား စီအိုင်ဒီအရာရှိ မာဇလန်က ပြောပါတယ်။ 



တန်ဘိုးရှိပစ္စည်းတွေလည်း ယူသွားတာ မရှိတော့ လုယက်မှုလို့ ပြောရမှာလည်း သူ့အနေနဲ့ မပြောလိုသေး ပုံပါ။ သူက ပြေတာမှာတော့ အခု သေဆုံးသွားခဲ့သူ မြန်မာအမျိုးသမီး ၂ ဦးဟာ စက်ရုံအလုပ်သမားတွေဖြစ် ပြီး အလုပ် လက်မဲ့ ဖြစ်နေခဲ့တယ်လို့လည်း ဆိုပါတယ်။ 

သူတို့ဟာ လမ်းလျှောက်လာရင်း အခုလို တိုက်ခိုက်ခံလိုက်ရတာဖြစ်မယ်လို့လည်း သူကဆိုပါတယ်။ 

“မြန်မာ အမျိုးသား ၂ ဦးကိုတော့ အခင်းဖြစ်ပွားရာနေရာအနီး ဘတ်စ်ကား ဂိတ်တခုမှာ အခင်းဖြစ်ပြီး နာရီဝက် မှာ ဖမ်းမိ ထားတယ်” လို့ သူက ဆက်ပြောထားပါတယ်။ 

အသက် ၃ဝ ဝန်းကျင်ရှိတဲ့ အဲဒီ သံသယဖြစ်ခြင်းခံရသူ မြန်မာအမျိုးသား ၂ ဦးကိုတော့ မျက်မြင်သက်တဦး ရဲ့ အကူအညီနဲ့ ဖမ်းဆီးခဲ့တာဖြစ်တယ်လို့ သိရပါတယ်။ 

မြန်မာအမျိုးသမီး ၂ ဦး အသတ်ခံရတဲ့ ကိစ္စနဲ့ ပတ်သက်ပြီး သံသယဖြစ်သူ မြန်မာအမျိုးသား ၂ ဦးကိုတော့ စစ်ဆေးမှုတွေ လုပ်နေပြီး အမှုမှန်ပေါ်ပေါက်ရင်တော့ သူတို့ဟာ လူသတ်မှုနဲ့ အရေးယူခံရမယ်လို့ သတင်း က ဖော်ပြထားပါတယ်။ 

ရဲတပ်ဖွဲ့အနေနဲ့ အခုထိ လူသတ်မှုကို ကျူးလွန်ခဲ့တဲ့ လက်နက်ပစ္စည်း တစုံတရာကိုမှ ရှာမတွေ့ရသေးဘူးလို့ စီအိုင်ဒီ အရာရှိက ပြောထားပါသေးတယ်။ 



အိမ့်သံစဉ် ~

From...Search Myanmar

ကားတင်သွင်းခွင့် အတွက် ယာဉ်အမျိုးအစားနှင့် နှစ်အလိုက် သတ်မှတ်ချက်များ ထုတ်ပြန်

 

ပြည်ပမှ တင်သွင်းလာသော ကားများအား သီလ၀ါဆိပ်ကမ်းတွင် တွေ့ရစဉ် 

 

၂၀၁၄ ခုနှစ် ဇန်န၀ါရီ ၁ ရက်မှ စတင်ပြီး လူစီးမော်တော်ယာဉ်များ၊ လုပ်ငန်းသုံး ယာဉ်များနှင့် ယန္တရား ယာဉ် များ တင်သွင်းခွင့်ကို ယာဉ်အမျိုးအစား နှစ်အလိုက် သတ်မှတ်ချက်များကို စီးပွားရေးနှင့် ကူးသန်းရောင်း ၀ယ်ရေး ၀န်ကြီးဌာန၊ ကုန်သွယ်ရေး ညွှန်ကြားမှု ဦးစီးဌာနက ထုတ်ပြန်ခဲ့ကြောင်း သိရသည်။

 ယင်းသတ်မှတ်ချက်များတွင် ယာဉ်အိုယာဉ်ဟောင်း အစားထိုးယာဉ် လျှောက်ထားမှု၊ နိုင်ငံခြားငွေစာရင်း ဖွင့်လှစ် ထားသော လူပုဂ္ဂိုလ်တစ်ဦးချင်း၊ ပို့ကုန်သွင်းကုန် ကုမ္ပဏီများ၊ နိုင်ငံခြားရေး ၀န်ထမ်းများ၊ သင်္ဘော သားများ၊ ပြည်ပအလုပ်သမားများ၊ ကာကွယ်ရေး ၀န်ကြီးဌာန စစ်သံဝန်ထမ်းများ၊ ဟိုတယ်/ခရီး လုပ်ငန်းရှင် များ မော်တော်ယာဉ် လျှောက်ထားမှု၊ တိုင်းဒေသကြီး/ပြည်နယ် အစိုးရအဖွဲ့ ထောက်ခံချက်ဖြင့် တက္ကစီ လျှောက်ထားမှု၊ ပုံမှန်လိုင်စင်ဖြင့် မော်တော်ယာဉ် လျှောက်ထားမှု (FOC စနစ်ဖြင့် ပြည်ပမှ လှူဒါန်း သည့် မော်တော်ယာဉ် ပါမစ်လျှောက်ထားမှု)၊ အစိုးရ ဌာနများမှ မော်တော်ယာဉ် လျှောက်ထားမှုတို့ အတွက် ပါဝင်ကြောင်း သိရသည်။

ယာဉ်အိုယာဉ်ဟောင်း အစားထိုးယာဉ် လျှောက်ထားမှု (Consignment စနစ် အပါအ၀င်) အတွက် လူစီးမော်တော်ယာဉ်များမှာ ၂၀၀၀ ပြည့်နှစ်မှ ၂၀၀၈ ခုနှစ်အတွင်း၊ ၁၃၅၀ စီစီနှင့်အောက် လူစီးယာဉ်များ တင်သွင်းပါက ၂၀၀၀ ပြည့်နှစ်မှ ၂၀၁၄ ခုနှစ်အတွင်း၊ ကုန်တင်ယာဉ် ဖြစ်ပါက ၂၀၀၀ ပြည့်နှစ်မှ ၂၀၀၈ ခုနှစ် အတွင်း၊ ခရီးသည်တင်ယာဉ် ဖြစ်ပါက ၂၀၀၀ ပြည့်နှစ်မှ ၂၀၀၈ ခုနှစ်အတွင်း တင်သွင်းမှု သတ်မှတ်ပေး ခဲ့ကြောင်း သိရသည်။

နိုင်ငံခြား ငွေစာရင်း ဖွင့်လှစ်ထားသော လူပုဂ္ဂိုလ်တစ်ဦးချင်း၊ ပို့ကုန်သွင်းကုန် ကုမ္ပဏီများ၊ နိုင်ငံခြားရေး ၀န်ထမ်းများ၊ သင်္ဘောသားများ၊ ပြည်ပအလုပ်သမားများ၊ ကာကွယ်ရေး ၀န်ကြီးဌာန စစ်သံဝန်ထမ်းများ၊ ဟိုတယ်/ခရီး လုပ်ငန်းရှင်များ မော်တော်ယာဉ် လျှောက်ထားမှုအတွက် လူစီးမော်တော်ယာဉ် (၂၀၀၉ ခုနှစ်မှ ၂၀၁၄ ခုနှစ်အတွင်း)၊ ၁၃၅၀ စီစီနှင့်အောက် လူစီးယာဉ်များ (၂၀၀၉ ခုနှစ်မှ ၂၀၁၄ ခုနှစ်အတွင်း)၊ ကုန်တင် ယာဉ်များ (၂၀၀၄ ခုနှစ်မှ ၂၀၁၄ ခုနှစ်အတွင်း)၊ ခရီးသည်တင်ယာဉ် (Express) များ (၂၀၀၉ ခုနှစ်မှ ၂၀၁၄ ခုနှစ်အတွင်း-ဘယ်မောင်း)၊ ခရီးသည်တင်ယာဉ်များ၊ မြို့တွင်းပြေးဆွဲ ယာဉ်များ၊ Mini Bus၊ City Bus (ဘယ်မောင်း) များ (၂၀၀၄ ခုနှစ် မှ ၂၀၁၄ ခုနှစ်အတွင်း) လျှောက်ထားနိုင်ကြောင်း သိရသည်။

တိုင်းဒေသကြီး/ပြည်နယ် အစိုးရအဖွဲ့ ထောက်ခံချက်ဖြင့် တက္ကစီ လျှောက်ထားမှုတွင် ၂၀၀၉ ခုနှစ်မှ ၂၀၁၄ ခုနှစ်အတွင်းရှိ လူစီးမော်တော်ယာဉ်များကို လျှောက်ထားနိုင်ကြောင်း သိရသည်။
ပုံမှန်လိုင်စင်ဖြင့် မော်တော်ယာဉ် လျှောက်ထားမှု (FOC စနစ်ဖြင့် ပြည်ပမှ လှူဒါန်းသည့် မော်တော်ယာဉ် ပါမစ် လျှောက်ထားမှု) တွင်မူ လူစီးမော်တော်ယာဉ်များ အတွက် ၂၀၀၉ မှ ၂၀၁၄ ခုနှစ်အတွင်း၊ လုပ်ငန်းသုံး ယန္တရားများ အတွက် ၂၀၀၄ မှ ၂၀၁၄ ခုနှစ် အတွင်း၊ မီးသတ်ကား၊ လူနာတင်ယာဉ်၊ နိဗ္ဗာန်ယာဉ်များအတွက် ၁၉၉၈ မှ ၂၀၁၄ ခုနှစ်အတွင်း၊ သာသနာရေးဆိုင်ရာ ယာဉ်များအတွက် ၂၀၀၄ မှ ၂၀၁၄ ခုနှစ်အတွင်း၊ ခရီးသည် တင်ယာဉ်များ (Express) အတွက် ၂၀၀၉ ခုနှစ်မှ ၂၀၁၄ ခုနှစ်အတွင်း (ဘယ်မောင်း)၊ ခရီးသည် တင် ယာဉ်များ၊ မြို့တွင်းပြေးဆွဲယာဉ်များ၊ Mini Bus, City Bus များအတွက် ၂၀၀၄ မှ ၂၀၁၄ ခုနှစ်အတွင်း (ဘယ်မောင်း)များကို တင်သွင်းခွင့် လျှောက်ထားနိုင်ကြောင်း သိရသည်။

အစိုးရဌာနများမှ မော်တော်ယာဉ် လျှောက်ထားပါက ၂၀၀၄ မှ ၂၀၁၄ ခုနှစ်အတွင်း လူစီးမော်တော်ယာဉ် များ၊ လုပ်ငန်းသုံးယာဉ်/ခရီးသည်တင်ယာဉ်၊ ကုန်တင်ယာဉ်/ယန္တရားများကို လျှောက်ထားနိုင်ကြောင်း သိရသည်။
ထိုသို့ယာဉ် တင်သွင်းခွင့်အတွက် နှစ်သတ်မှတ်ချက်များကို ထုတ်ပြန်ရာတွင် နိုင်ငံတော်အတွက် လှူဒါန်း သည့် မီးသတ်ကားနှင့် လူနာတင်ယာဉ်များ လျှောက်ထားရာတွင် Model Year လျှော့ပေါ့ လျှောက်ထား ပါက ဆောင်ရွက် ပေးသွားမည် ဖြစ်ကြောင်း သိရသည်။

(ဓာတ်ပုံ-ရွှန်းလဲ့ဝင်း)

December 31, 2013

Credit: EMG

From...Search Myanmar

 

၂၀၁၄ မှာ အစိုးရအဖွဲ့ အပြောင်းအလဲ အကြီး အကျယ်ဖြစ်နိုင်တယ် – စံဇာဏီဘို

 

၂၀၁၄ ခုနှစ်ထဲ အစိုးရအဖွဲ့ အပြောင်းအလဲ အကြီးအကျယ်ဖြစ်နိုင်တယ်လို့ နက္ခတ ပညာရှင် စံဇာဏီဘိုက ခန့်မှန်းတွက်ချက် ပြောလိုက်ပါတယ်။

အခြေခံလူတန်းစားတွေ ကျပ်တည်းမြဲ ကျပ်တည်းနေပြီး ချမ်းသာတဲ့သူတွေ ပိုချမ်းသာသွားဖို့ရှိတယ်၊ လူလတ် တန်းစားနဲ့ ချမ်းသာတဲ့လူတွေကြား ကွာဟချက် ပိုကြီးမားသွားမယ် လို့လည်း ပြောပါတယ်။ ဒါ့အပြင် ပဋိပက္ခတွေ ဆက်ဖြစ်နိုင်သေးတယ်၊ အထူးသတိပြုဖို့ လိုမယ်လို့ ပြောပါတယ်။

 

၂၀၁၄ မြန်မာနိုင်ငံရဲ့ နိုင်ငံရေး၊ စီးပွားရေး၊ လူမှုရေး အစရှိတဲ့ အခြေ အနေတွေနဲ့ ပတ်သက်ပြီး ဆရာ စံဇာဏီဘို ကို ဆက်သွယ်မေးမြန်းထားပါတယ်။

ဆရာ ဒီ ၂၀၁၄ မှာ အရင်ဦးဆုံး ဆရာတို့အနေနဲ့ နိုင်ငံရေးနဲ့ပတ်သက်ပြီး ဘယ်လိုများ ခန့်မှန်းတွက်ချက်လို့ ရထားပါလဲ။

“၂၀၁၄ နိုင်ငံရေးမှာတော့ ထူးခြားတဲ့အပြောင်းအလဲ တခုခုတော့ သေချာပေါက်ဖြစ်မယ်။ ရက်အားဖြင့် ၂၀၁၄ ဇူလိုင်လ ၁၂ ရက်နေ့ ကနေ နိုဝင်ဘာလ ၅ ရက်နေ့အတွင်းမှာ ကောင်းသော အပြောင်းအလဲ တခုဖြစ်မယ်။ တခုနဲ့ တခုကြား နောက် ရွေးကောက်ပွဲ မတိုင်ခင်နဲ့ နောက်အစိုးရကြား  တည်ရှိနေတဲ့ အပြောင်း အလဲတခုဖြစ်မယ်။ နောက်ပြီးတော့ စိုးရ အဖွဲ့အစည်းကြီးတခုလုံးရဲ့ပုံသဏ္ဌာန် အပြောင်း အလဲ ကြီးဖြစ်မယ်။ အဲဒီရက်ကတော့ တိုင်းပြည်ရဲ့ ဖွဲ့စည်းမှုပုံသဏ္ဌာန် အပြောင်းအလဲနဲ့ နိုင်ငံရေး အပြောင်း အလဲ အကြီးစားဖြစ်မယ့် ကာလ ဖြစ်ပါတယ်။”

 စီးပွားရေးကော ဘယ်လိုမျိုးတွက်ချက်လဲ ခင်ဗျ။

 “စီးပွားရေးကတော့ ၂၀၁၄ မှာ တစ်ကမ္ဘာလုံး စီးပွားရေးနဲ့ ပြည်သူလူထုကြား ပဋိပက္ခဖြစ်နိုင်လောက်တဲ့ အနေ အထားရှိတယ်။ လာမယ့်နှစ်က မြင်းနှစ်လို့ ခေါ်တယ်။ “Year of the Horse” လို့ ခေါ်တဲ့ မြင်းနှစ် ကို ရောက်တဲ့ အခါမှာ အစိုးရဟာ အုပ်ချုပ်မှုနဲ့ ပတ်သတ်လို့ ငွေကြေးသုံးစွဲမှုမှာ လိုတာထက်ပိုပြီး budget တွေ ကို အလွန်အမင်း သုံးစွဲခဲ့တော့ ပြည်သူလူထုဘက်ကနေ မကျေမနပ်ချက်လေးဖြစ်တဲ့ ပဋိပက္ခလေးတွေ ဖြစ်နိုင်ပြီးတော့ အစိုးရနဲ့ပတ်သတ်ပြီးတော့ budget အပေါ်မှာ ခွဲဝေသုံးစွဲမှု အပေါ် ပြည်သူ လူထုတွေက သံသယဝင်မှုနဲ့တကွ အစိုးရဘက်ကလည်း အမြတ်ခွန်တွေကို လိုတာထက်ပိုပြီး လွန်လွန် ကျူးကျူးကောက်ခံခြင်းကို တစ်ကမ္ဘာလုံးမှာ ပြုမယ်။ 

အဲဒီ့ပဋိပက္ခတော့ရှိမယ်။ မြန်မာနိုင်ငံမှာ ကျတော့ မြင်းနှစ်ပင်ဖြစ်လင့် ကစား မြန်မာနိုင်ငံဟာ ကိုယ့် လွတ်လပ်ရေးရတဲ့ အချိန်ကာလလေးနဲ့ တွက်လိုက် ရင်တော့ ကောင်းတဲ့ အနေအထားလေး တစ်ခု ရှိတော့ မြန်မာပြည်မှာ ဝယ်ယူသုံးစွဲမှု အား မြင့်မား လာမယ်။ အဓိပ္ပာယ်ကတော့ စီးပွားရေးရဲ့ ခိုင်မာမှုအပေါ်မှာ ပြည်သူလူထုက အယုံအကြည်ရှိမယ့် သဘောရှိတယ်။ investment (ရင်းနှီးမြှုပ်နှံမှု) တွေ လာဖို့တော့ မမြင်ပါဘူး။

“ပြည်သူလူထုရဲ့ စားဝတ်နေရေးကတော့ ကျပ်တည်းဆဲဖြစ်မယ်။ ငွေကြေးနဲ့ပတ်သက်တဲ့ အနေအထား မြန် မာငွေမာ မှုဒဏ်ကတော့ ပြည်သူတွေ တော်တော်လေးခံရတာရှိမယ်။ လူလတ်တန်း စားတွေရဲ့အနေ အထား ကတော့ ပိုပြီးနိမ့်သွားစရာရှိတယ်။ ချမ်းသာသူတွေကတော့ ပိုပြီးကြွယ်ဝလာစရာရှိမယ်။ အဲဒီ့တော့ ချမ်းသာ သူတွေနဲ့လူလတ်တန်းစားတို့အကြား ကွာဟမှုတစ် အားမြင့်သွားမယ်။ 

လူလတ်တန်းစားနဲ့ အောက်ခြေလူတန်းစား ခပ်နီးနီးလေးမှာ ရှိသွားမယ့် အနေအထား ဖြစ်သွားမယ်။”

လူမှုရေးမှာ ပြီးခဲ့တဲ့ ၂၀၁၃ မှာ ဖြစ်ခဲ့တဲ့ လူမှုရေး ပဋိပက္ခတွေလိုမျိုး ထပ်ဖြစ်ဖို့ ရှိပါသလား။

“ရှေ့ဆက်ရှိ စရာ အကြောင်းရှိတယ်။ ကြီးကျယ်တယ်။ အဲဒါတခုတော့ အထူး သတိထားရမယ်။ ၂၀၁၄ ခုနစ် ဇန်နဝါရီ ၂၁ ရက်နဲ့ ဖေဖော်ဝါရီ ၁၉ ကြား၊ ၂၀၁၄ ခုနစ် မေ ၂၀ နဲ့ ဇွန် ၂၀ ကြား၊ ၂၀၁၄ ခုနစ် အောက်တိုဘာ ၂၀ နဲ့ နိုဝင်ဘာ ၂၀ ကြား၊ ဒီကိစ္စလေးတွေ သတိထားရမယ်။ ပိုပြီးဂရုစိုက်ရမှာက အခုချိန်မှာ ရာဟုဂြိုဟ်က တူရာသီမှာ စနေဂြိုဟ်နဲ့ တွဲပြီးတည်ရှိမယ်။ အဲဒီ့တော့ လမင်းရဲ့လမ်းကြောင်းက ၁၀ ဒီဂရီတိမ်းစောင်းမယ်။ လကြီး ၁၀ ဒီဂရီတိမ်းစောင်းတဲ့ အတွက် လူတွေရဲ့စိတ်ပိုင်းဆိုင်ရာ က ပုံမှန်မဟုတ်တော့ဘူး။ တဖက်စွန်းတွေ ရောက်နေတယ်။ အဲဒီ့အခြေ အနေထက် ပိုပြီးတော့ဆိုးတာက လာမယ် ၂၀၁၄ခုနစ် ဧပြီလ ၁၃ ရက် ကနေ စပြီးတော့ တနင်္လာဇာတာထဲကို မြန်မာနိုင်ငံက ဝင်မှာ။ အဲဒီ့အချိန်မှာ ရာဟုကလည်း တဆက် တည်း တူရာသီမှာရှိမယ်။ ဇူလိုင်လ ၁၂ ရက်အထိရှိမယ်။ အဲဒီ့တော့ ဧပြီလလယ်ပိုင်း ၁၃ ရက်ကနေ ဇူလိုင်လအတွင်းမှာ လူတွေရဲ့ စိတ်အခြေအနေ အစွန်းရောက်မှုတွေဟာ သတိထားရမယ်။

“အဲဒီ့တော့ criminal crime လို့ခေါ်တဲ့ စိတ္တဇဆန်တဲ့ ရာဇဝတ်မှုတွေ လုယက်မှုတွေ၊ နောက်ပြီးတော့ တကယ်ကို လုယက်မှု ပုံသဏ္ဌာန် အသွင်ရှိတဲ့၊ တခါမှ မကျူးလွန်ဖူးတဲ့ သူတွေက ဒုစရိုက်တွေ ကျူးလွန် တာတွေ ရာဂစိတ်ကျူးလွန်ပြီးတော့ တယောက်နဲ့ တယောက် ဓမ္မမှုတွေ ဖြစ်တတ်တာတို့၊ တယောက်နဲ့ တယောက် ပဋိပက္ခတွေ အရှိန်အဟုန် ပြင်းတာတို့၊ နောက်ပြီး ဘာသာရေးနဲ့ပတ်သက်တဲ့ လူမှုရေးနဲ့ပ တ် သက်တဲ့၊ အယူအဆပိုင်းဆိုင်ရာတွေနဲ့ ပတ်သက်ပြီး တယောက်နဲ့ တယောက် နှုတ်နဲ့ ဖြေရှင်းချင်းမရှိဘဲ လက်နက်နဲ့ဖြေရှင်းတာတွေ ကြုံကိုကြုံနိုင်တယ်။ သတိရှိရမှာပါ။”

Thi Thi on December 30, 2013

Credit ; DVB

From...Search Myanmar

Facebook ပေါ်မှာ ဘယ်လိုငွေရှာမလဲ

 

 စာဖတ်သူတို့ Facebook အသုံးပြုနေရတာ ဒီထက်မက ပိုအကျိုးထူး သင့်တယ်လို့ ထင်မြင်ယူဆသူများ ရှိမယ်ထင်ပါတယ်။ အမှန်တကယ်လဲ ဟုတ်ပါတယ်။ တစ်နေ့တစ်နေ့ သူများပုံ ဝင်ကြည့်လိုက်၊ သတင်းတွေ ရှာဖတ်လိုက်၊ Chat လိုက်၊ Comment ပေးလိုက်၊ Like လုပ်လိုက်၊ ပုံတင်လိုက်၊ Share လိုက်၊ ဂိမ်းဆော့လိုက်နဲ့ အချိန်တွေပိုနေသူ များလည်းရှိမယ်ထင်ပါတယ်။ 

 

အခြားလုပ်ငန်းဆောင်တာများ ရှိနေပြီး Facebook ကိုအပျင်းပြေ သုံးနေတယ် ဆိုရင်တော့ ထားပါတော့။ Facebook ကို အားတိုင်း အချိန်ပြည့် အသုံးပြု ဝင်ကြည့်နေသော စာဖတ်သူများအတွက် အကျိုးဖြစ် ထွန်းစေမယ့် နည်းလမ်းကို မျှဝေချင်ပါတယ်။ ခေါင်းစဉ်ဖတ်လိုက်လို့ စာဖတ်သူတို့အတွက် ထူးဆန်းမယ် ထင်ပါတယ်။ 

 

တကယ်လည်း မြန်မာပြည်အတွက် ထူးဆန်းတဲ့ မေးခွန်း ဖြစ်ပါတယ်။ Facebook ပေါ်မှာ ဝင်ငွေရှာ တာတော့ နိုင်ငံတကာ မှာ တော်တော်လေး ရေပန်းစားပါတယ်။ ဒီတော့ မြန်မာပြည် Facebook ကွန်ရက်မှာ ငွေမရှာခင် နိုင်ငံတကာမှာ Facebook အသုံးပြုပြီး ဘယ်လို ဝင်ငွေရသလဲ ဆိုတာကို သိရန်လိုအပ်လာပါတယ်။

 

 Facebook မှာ ဝင်ငွေရှာနိုင်တဲ့ အကြမ်းဖျင်း နည်းလမ်း နှစ်ခု ရှိပါတယ်။ Developer နဲ့ Fan page နှစ်မျိုး ဖြစ်ပါတယ်။ Developer ကတော့ ရှင်းပါတယ်။ Facebook အသုံးပြုသူတို့ ဆော့ကစားလို့ ရမယ့် Application တစ်ခုခုလုပ်လိုက်မယ်။ ပြီးတော့ ယင်း Application ကို User အတော်များများက ယူဆော့ပါမယ်။ ဒီတော့ အခြား စီးပွာရေး လုပ်ငန်းရှင်များက ယင်း App စာမျက်နှာမှာ ကြော်ငြာထည့် လာတာမျိုး ဖြစ်ပါတယ်။

 

 ရေပန်းအစားဆုံး App တွေသာ စီးပွားရေး တွက်ခြေကိုက်မှာ ဖြစ်ပါတယ်။ Application ကိုလူတိုင်းလုပ်နိုင် ပါတယ်။ သို့ပေမယ့် ယင်းအတွက် Facebook ကို ငွေပေးဆောင်ရပါတယ်။ Application ဖန်တီးလိုသူ များ က https://developers.facebook.com/apps ဒီလခ့်မှာ ဝင်ရောက်ပြီး ပြုလုပ်ကြပါတယ်။ 

 

ဒါကလည်း မခက်ပါဘူး။ သို့ပေမယ့် မြန်မာပြည်ကနေတော့ Application လုပ်လို့ရမယ့် ပုံမပေါ်ပါဘူး။ ဒီအတွက် ငွေပေးဆောင်ရပါတယ်။ ပေးရတဲ့ ငွေပမာဏ နည်းပေမယ့် Facebook ဆီငွေရောက်အောင် ပို့ပေးမယ့် Paypal , eBay အစရှိသဖြင့် နိုင်ငံတကာ အွန်လိုင်း ငွေ အိတ်ချိန်းတွေ မြန်မာပြည်မှာ မရှိလို့ ပဲ ဖြစ်ပါတယ်။ 

 

ယင်း နိုင်ငံတကာ အွန်လိုင်း ငွေ အိတ်ချိန်းစနစ်တစ်ခု သာ မြန်မာပြည်မှာ ရှိလာပြီဆိုရင် အွန်လိုင်းမှာ ရုန်းကန်နေတဲ့ မြန်မာ့ အင်တာနက်ကွန်ရက်ပေါ်က စီးပွားရေးလုပ်ငန်း များ၊ ဆော့ဖ်ဝဲ၊ Developer သမား များ ဒီထက်မက လမ်းပွင့်သွားနိုင်ပါတယ်။ ဥပမာ- စာဖတ်သူတို့ Facebok မှာသုံးနေတဲ့ “ဘယ်သူ့ကို ပိုချစ်လဲ၊ သင့်ချစ်သူဟာ ဘယ်လိုလူစားလဲ” အစရှိသဖြင့် Application အများစု ဟာ ပြည်ပရောက် မြန်မာ Developer များက ဖန်တီးထားခြင်း ဖြစ်ပါတယ်။ 

 

ဒီတော့ ပြည်ပရောက် မြန်မာ များအတွက်တော့ ငွေဒီနည်းနဲ့ ရှာနိုင်ပါတယ်။ မြန်မာပြည်နေ Facebook အသုံးပြုသူများအတွက်ကတော့ ဒီနည်းလမ်းနဲ့ လက်ရှိတော့ မရနိုင်သေးပါဘူး။ ကြားမှ တစ်ဆင့်ခံပေး မယ့် အေဂျင်ဆီတွေရှိတဲ့အတွက် ရတယ်ဆိုရင်တော့ တော်တော်လေး ခက်ခဲတဲ့အခြေအနေဖြစ် ပါတယ်။ 

 

 နောက်ထပ်ဝင်ငွေရှာနည်းကတော့ Fan Page ပဲဖြစ်ပါတယ်။ ဒီတော့ နိုင်ငံတကာ Fan Page မှာ ဘယ် လိုငွေရှာသလဲဆိုတာကို အရင်လေ့လာရ ပါအုံးမယ်။ စာဖတ်သူအချို့ မြင်ဖူးပါလိမ့်မယ်။ နိုင်ငံတကာ Fan Page တွေမှာ အော်ဒါမှာဝယ်ယူလို့ရတာမျိုးတွေ ဖြစ်ပါတယ်။ မစ်စတာ ဘင်း- Official Fan Page မှာဆိုရင် သူ့ ရဲ့ ရုပ်ရှင်ခွေတွေ မှာလို့ရပါတယ်။ ဟမ်ဘာဂါဆိုင် Page တစ်ခုဆိုရင် အွန်လိုင်းကနေ တိုက်ရိုက်မှာယူနိုင် ပါတယ်။ သီချင်းအယ်လ်ဘမ်တွေလည်း သက်ဆိုင်ရာမှာ ဝယ်ရရနိုင်ပတယ်။ 

 

အစရှိသဖြင့် Application ကိုတွဲပြီး Fan Page ကို ကြားခံ ဈေးဆိုင်အဖြစ် အသုံးပြုပါတယ်။ ဒီတော့ ကိုယ့်မှာ စီးပွားရေး လုပ်ငန်း တစ်ခုခုရှိမှသာ ဒီလို လုပ်နိုင်တဲ့အပြင် အွန်လိုင်းအိတ်ချိန်းလည်း ရှိနေရပါအုံး မယ်။ မြန် မာပြည်နေ user များ အတွက် Facebook မှာငွေရှာဖို့ အတော်ခက်ခဲသွားပါပြီ။ ဒါဆို ဘယ်လိုလုပ်ရတော့ မလဲ။ ကျောင်း ဆက်တက်ဖို့ ရန်ကုန်မှာ ရုန်းကန်နေသူများ ရှိပါတယ်။ မည်မည်ရရ ဘွဲ့ရှိမထားလို့ ကြုံရာ အလုပ်ဝင်လုပ်ပြီး ရန်ကုန်မှာ သောင်တင်နေသူများ ရှိပါတယ်။

 

 ရန်ကုန်ရယ်လို့ မဟုတ်ပဲ မြို့ ကြီး၊ မြို့ ငယ်အသီးသီးမှာ ပညာတတ်ထားပေ မယ့် အံကိုက်မဖြစ်လို့ ဘဝရှုံးနေ သူများ ရှိနေပါသေးတယ်။ ဦးနှောက်ယိုစီး မှုကိုသာ အပြစ်တင်ပြီး Facebook မှာ Like, Share, Comment လောက်နဲ့ပဲ ဘဝကို သာမန် အလုပ်လေး တစ်ခုနဲ့ အချိန်ကုန်ခံနေကြရပါတယ်။ ဘာမှ မလုပ် တတ် မကိုင်တတ်လို့ Facebook မှာပဲ ခံစားချက်တွေ ထုတ်ဖော်နေသူများ ရှိပါတယ်။

 

 Social Network မှာ သာမန်လူတွေထဲက လူလိုပဲ အချိန်ကုန်ခံဖို့ ဆုံးဖြတ်သူများလည် ရှိပါတယ်။ အခြား သူများက အလုပ်ခိုင်ခိုင်မာမာ၊ စီးပွားရေး ခိုင်ခိုင်မာမာ၊ ငွေကြေး ခိုင်ခိုင်မာမာရှိလို့ Facebook ကို အပျင်းပြေ အသုံးပြုကြတာ။ ပျော်စရာ အဖြစ် အသုံးပြုကြ တာ။ ဒီတော့ စားဝတ်နေရေး အဆင်မပြေသော၊ အလုပ်ထပ် လုပ်ရန်လို အပ်နေသော စာဖတ်သူများအနေဖြင့် Facebook မှာ ငွေရှာရန် စိတ်ကူးကြည့်ဖူးပါသလား။ တကယ် ငွေရှာလို့ ရတဲ့ နည်းလမ်းဖြစ်ပါတယ်။ ငွေတိုက်ရိုက်ဝင်တာမျိုးမဟုတ်ပေမယ့် Facebook မှာတင်မဟုတ်ပဲ ပြင်ပမှာပါ ငွေဝင်လာမယ့် နည်းလမ်း ဖြစ်ပါတယ်။

 

 Page တစ်ခုပြုလုပ်ခြင်း .....စာဖတ်သူ ဘာကိုစိတ်ဝင်စားသလဲ။ စာဖတ်သူက ဘယ်ပညာနဲ့ ကျောင်းပြီး ထားသလဲ။ အင်ဂျင်နေယာလား၊ ဆရာဝန်လား၊ ရိုးရိုး ဘွဲ့ရသူလား၊ ဂိမ်း စိတ်ဝင်စားသူလား၊ သတင်းတွေ စပ်စုတက်သူလား။ အစရှိသဖြင့် မိမိကိုယ်ကိုယ် သုံးသပ်ပြီး အမည်တစ်ခုခုနဲ့ Page လုပ်ရပါမယ်။ 

 

ဥပမာ- 

 

၁။အင်္ဂလိပ်လို သတင်းတွေကို ဖတ်ပြီး မြန်မာလိုပြန်ရေးကျင့်ရင်း သဘောကျတာတို့၊ ကဗျာရေးရတာ သဘောကျတာ၊ ရုပ်ရှင်အကြောင်း သဘောကျတာတို့၊ ဆောင်းပါးရေးတာတို့ အစရှိသဖြင့် ဝါသနာ အမျိုးမျိုး ရှိကြပါမယ်။ 

 

၂။ Page တွင် မိမိတတ်သမျှ၊ သိသမျှ၊ စိတ်ဝင်စားသမျှ မျှဝေတင်ပြခြင်း သတင်းတွေ ဖတ်ပြီး ဘာသာပြန် ထား တယ်ဆိုပါစို့။ ပုံလေးတွေပါ Download ဆွဲရင်း တွဲတွဲတင်သွားလိုက်မယ်ဆို တဖြည်းဖြည်းနဲ့ သတင်းတွေ ပြည့်လာ ပါမယ်။ ကဗျာဆိုရင် ကဗျာတွေ ရေးလာလိုက်တာ တော်တော်လေး စုံလာပါမယ်။ 

 

ဟင်းချက်ဝါသနာပါသူဆိုရင် ဟင်းချက်နည်းအဆင့် ဆင့်တွေ ရေးရင်း ဟင်းအမယ်လေးတွေ မျှဝေရင်း Post တွေများလာပါ မယ်။ ဆောက်လုပ်ရေး အင်ဂျင်နေယာဆိုရင်လည်း အင်ဂျင်နေယာတို့ အတွက် အကျိုးရှိမယ့် စာတွေ၊ သတင်းတွေ၊ အဆောက်အအုံပုံတွေ၊ ဒီဇိုင်းတွေ မျှဝေမယ်။ Graphic ဒီဇိုင်နာ သမားဆိုရင်လည်း မိမိရဲ့ ဖန်တီးချက်များကို Page မှာ မျှဝေရပါမယ်။ ရုပ်ရှင် နှစ်သက်သူကလည်း ရုပ်ရှင်ဆိုင်ရာ ဆောင်းပါးလေးတွေ၊ review လေးတွေကို မိမိသိသလိုလေးရေးတင်ပါမယ်။ 

 

သို့ပေမယ့် အားလုံးကို အမှန်အတိုင်းပဲ တင်ပြဖို့လိုအပ်လာပါတယ်။ ဒီလိုရေးသားတင်ဆက်တယ် ဆိုတာ မီဒီယာအလုပ်တစ်ခုကို လုပ်ကိုင်နေခြင်း ဖြစ်ပါတယ်။ ကိုယ်က မှန်မှန်ကန်ကန်နဲ့ မိမိစိတ်ထဲရှိတာ၊ ဝါသနာ ပါရာ၊ စပ်စုမိရာကို မျှဝေရာဖြစ်ပေမယ့် အများဖတ်ဖို့ ဖြစ်တဲ့အတွက် မှန်ကန်နေဖို့ တော့ လိုအပ်ပါတယ်။ ဒါမှသာ အများက သိလာပြီး စိတ်ဝင်တစား လာကြည့်ကြမှာ ဖြစ်ပါတယ်။ 

 

မိမိရဲ့ Personal အကောင့်မှာလဲ အရင်အတိုင်း Like, Share လုပ်နေရင်း၊ တစ်ဖက်ကလည်း မိမိရဲ့ Page ကို အမြဲစောင့်ကြည့် ပြီး Post လေးတွေ တင်ပေးရပါမယ်။ ဒီမှာ စာဖတ်သူက အခြား ပညာရေးလမ်းကြောင်းပေါ် မှာ လျှောက်နေသူဆိုရင် အချိန်ပေးမှုကို ကိုယ်တိုင် စီမံထားစေချင်ပါတယ်။ Page ကိုလည်း အမြဲ Active ဖြစ်အောင်လုပ်ရင်း၊ သာမန် လုပ်ငန်းဆောင် တာများလည်း မလစ်ဟင်းရပါဘူး။ ဒီလိုလုပ်လာတာ ၃ လလောက်ဆိုရင် တော်တော်လေး ထူးခြားလာပါပြီ။ 

 

ကိုယ့်မျှဝေသမျှသာ လာဖတ်သူများနဲ့ ထပ်တူကျရင် ၃လ တောင်မကြာပဲ ၁ လတည်းနဲ့တောင် လူသိများ ရပန်းစားလာနိုင်ပါတယ်။ ဒီမှာ စပြီးအကျိုးအမြတ်ရပါပြီ။ စာဖတ်သူက ကဗျာ Page လုပ်ထားတယ်ဆိုပါစို့။ တကယ်လည်း ခံစားချက်အပြည့်နဲ့ရေးထားတဲ့ ကဗျာတွေဆိုတော့ တော်တော်ကို ပေါက်နေပြီ ဆိုပါစို့။ ကဗျာစာအုပ်တိုက်များ၊ စာနယ်ဇင်းတိုက်များကို သိအောင် လုပ်ပါ။ စာမျက်နှာကို Print ထုတ်၍ ပြခြင်းသော် လည်းကောင်း၊ စာနယ်ဇင်းများ အီးမေးလ်သို့ မိမိဖန်တီးထားသောPage ရဲ့  Link ကိုပေးပို့ခြင်းဖြင့်သော် လည်းကောင်း သိအောင်လုပ်ရပါမယ်။ မိတ်ဆက်ရပါ မယ်။ တောင်းဆိုရ ပါမယ်။ တောင်းဆိုရမယ်ဆိုတာက မိမိတတ်ထားတဲ့၊ ဖန်တီးထားတဲ ပညာရပ်အတွက် သက်ဆိုင်ရာနယ်ပယ်မှာ ဝင်ရောက် လိုကြောင်း တောင်း ဆိုနိုင်ပါတယ်။ 

 

ဥပမာ- သတင်းတွေ ဘာသာပြန်ပြီး Page လုပ်ထားတယ်ဆိုပါဆို့။ သတင်းမီဒီယာ တစ်ခုခုနဲ့ ချိတ်မိအောင် ကြိုးစားပြီး မိမိဖန်တီချက်များကို သိအောင် ပြရပါမယ်။ ပြီးတော့ မီဒီယာလောကမှာ ဘယ်လိုရပ်တည် ဖို့ အခွင့် အရေး ရှိတယ်ဆို တာ တောင်း ဆိုနိုင်ပါတယ်။ အင်ဂျင်နေယာဆိုင်ရည် နည်းပညာများ မျှဝေရင်း ၊ ရေးသား ထားတယ်ဆိုပါစို့ အင်ဂျင်နေယာဆိုင်ရာ သတင်းအချက်အလက်များ ပေးဖို့ ကြိုးစားနေတဲ့ မီဒီယာများကို ချိတ်ဆက်ပြီး မိမိဖန်တီးချက်များကို ပြရပါ မယ်။

 

 ပြီး တော့ မိမိအတွက် နေရာတစ်ခုခု ရရှိနိုင်ပါတယ်။ သို့ပေမယ့် စာဖတ်သူရဲ့ ဖန်တီးချက်ဟာလည်း ကောင်း မွန်နေ ဖို့လိုအပ်ပါ တယ်။ အများအမြင်မှာ အထင်ကြီးနေစေဖို့ လိုအပ်လာပါတယ်။ ယခုနောက်ပိုင်း မီဒီယာ လုပ်ငန်းစုများ၊ စီးပွားရေး လုပ်ငန်းရှင်များဟာ Facebook ကိုတော်တော် အလေးထားလာပါပြီ။ Facebook ကိုအခြေခံပြီး အောင်မြင်နေတဲ့ သူတွေ၊ fan page တွေကို စောင့်ကြည့်နေ ပါတယ်။ မအောင်မြင်သေးတဲ့ မိမိ စီးပွားရေးလုပ်ငန်း၊ မီဒီယာများ ကို အောင်မြင်လာအောင် ဖန်တီးပေးမယ် သူ လိုအပ်နေပါ တယ်။ 

 

 အောင်မြင်ပြီး သားများကလည်း အင်အားပိုမိုတောင့်တင်းလာအောင် တကယ် အရည်အချင်းရှိတဲ့ Facebook ပေါ်က မြန်မာပြည်သားများကို ရှာဖွေနေကြပါတယ်။ Facebook ဟာ တကယ်ပဲ အားကိုးရတဲ့ Advertising နည်းလမ်းတစ်ခုပဲ ဆိုတာ သိလာကြပါပြီ။ ပရိုမိုးရှင်းတွေကို Facebook မှာပြုလုပ်နေကြပါပြီ။ အွန်လိုင်းမှာ စာဖတ်ပရိတ်သတ်အခိုင်အမာရ သွားတဲ့ ဆောင်းပါးရှင် တစ်ယောက်ဆိုရင် စာအုပ်ထုပ်ရတဲ့ အထိ အောင်မြင်သွားပါပြီ။ 

 

အခြား Professinal လုပ်ငန်း ရှိနေသည့်တိုင် Facebook ကြောင့် တစ်ဖက်ကလည်း ဝင်ငွေရပြီး၊ အောင်မြင် ပါတော့မယ်။ သတင်းတွေ၊ ဆောင်းပါးတွေ ကိုယ်တိုင်ဖန်တီးသူ ကလည်း မီဒီယာလုပ်ငန်းတော်တော် များများ မှာ ဝင်ရောက်လုပ်ကိုင်နေရပါပြီ။ အပျော်တမ်း ရေးသားရကနေ မီဒီယာကျင့် ဝတ်နဲ့ ညီညီ ရေးသား တင် ဆက်ပေးသူများ ဖြစ်လာကြပါတယ်။ အချို့ ကျ Facebook မှာအောင်မြင်ပြီး ဝဘ်ဆိုဒ်တွေ ပိုင်ဆိုင် ရရှိ လာပြီး ကိုယ်ပိုင် စီးပွားရေး လုပ်ငန်းရှင်ဖြစ်ဖို့ လမ်းစတွေ ပေါ်ပေါက်လာပါတယ်။ 

 

အချို့ ကျတော့ မိမိဖန်တီးထားတဲ့ ဒီဇိုင်းတွေကြောင့် ဒီဇိုင်းကုမ္မဏီများက ဖိတ်ခေါ်ပြီး အလုပ်ဆိုတာ ရှာစရာ မလိုပဲ အလုပ်က လာရှာတာမျိုး အထိ ဖြစ်လာပါတယ်။ အလုပ်အကိုင်အခွင့်အလမ်းရှာဖွေရာမှာ မိမိ ဖန်တီး ချက်များကို အလွယ်တကူ ချပြလို့ရတဲ့ Facebook မှ မှတ်ကျောက်တင်ထားခြင်းဖြင့် ကြိမ်းသေ အသုံးဝင် ပါတယ်။ 

 

မိမိက အလုပ်တစ်ခုခုကို လျှောက်ရင် မိမိဖန်တီးထားမှု များကို ဘွဲ့လက်မှတ်နဲ့ ပြလို့ မလုံလောက်တော့ ပါဘူး။ ဒီတော့ မိမိဖန်တီးထားတာတွေကို ပြရတောမှာ ဖြစ်ပါတယ်။ ဒီမှာ Facebook က တော်တော်လေး အသုံးဝင်ပါတယ်။ သို့တည်းမဟုတ် အခြားအလုပ်များ လုပ်နေရင်း ကိုယ်ဝါသနာပါရာကို Facebook မှာရေးနေရင်း အခြား အလွတ်တန်း အလုပ်တစ်ခုခုလည်း အလွယ်တကူ ရနိုင်တဲ့ နည်းလမ်း ဖြစ်ပါတယ်။ အခြားအကျိုးထူးမြောက်များစွာလည်း ရှိနေပါသေးတယ်။ သို့ပေမယ့် ကောင်းကျိုးရသွားတဲ့ အရေအတွက် ဟာ အင်မတန် နည်းနေပါသေးတယ်။ 

 

 Facebook page ကို မိမိရဲ့ ပညာရပ် အထောက်အပံ့ပစ္စည်းအဖြစ် အသုံးပြုနိုင်ပါတယ်။ အလုပ်အတော်များ များ က အတွေ့အကြုံရှိ သူများကို ပိုမိုနှစ်သက်ကြပါတယ်။ ဘာမှအတွေ့ အကြုံမရှိသူများအနေနဲ့ မိမိတို့ ဘယ်လောက်ထိ တတ်တယ်ဆိုတာကို Page မှာတင်ပြထားခြင်းဖြင့် သက်သေပြနိုင်ပါတယ်။ ဘွဲ့လက်မှတ်မှာတင်မဟုတ်ပဲ မိမိဟာ တကယ်ပဲ တတ်မြောက်ပြီး ဒီလိုအကျိုးရှိရာတွေကို ပြန်လည် မျှဝေပေးနေပါတယ် ဆိုတာကို တင်ပြနိုင်ရင် အလုပ်ရှာရခက်တဲ့ အဖြစ်ဖို့မျိုးက အနည်းနဲ့ အများတော့ ကင်းဝေးမှာ ဖြစ်ပါတယ်။ မိမိက ဆော့ဖ်ဝဲနည်း ပညာရှင် တစ်ယောက် ဖြစ်တယ်ဆိုတာကို စာရွက်နဲ့ တင်မဟုတ်ပဲ မိမိတင်ဆက်ပြ သထားတာတွေနဲ့ သက်သေပြနိုင်မှာ ဖြစ်ပါတယ်။

 

 Facebook ရယ်လို့မှ မဟုတ်ပဲ Blogspot လုပ်ပြီးလည်း ထိုနည်းတူစွာ တင်ပြနိုင်မှာ ဖြစ်ပါတယ်။ ဒီအတွက် စာဖတ်သူတို့ ဘယ်လောက်အချိန်ပေးသင့်သလဲ။ ရည်ရွယ်ချက်ကို Facebook မှာ ရေရေရာရာမရှိ ဟိုဟိုဒီဒီ ကြည့်ရှုနေရသူများ အတွက် ဖြစ်ပါ တယ်။ ဒီလို မိမိခံစားချက်တွေ၊ ဖန်တီးချက်တွေကို ဖန်တီးဖို့အတွက် ထူးထူးခြားခြား အချိန်ပေးစရာ မလိုပါဘူး။ တစ်ရက်မှာ မိမိအားတဲ့ တစ်နာရီသော်လည်းကောင်း၊ နှစ် နာ ရီသော်လည်းကောင်း အချိန်အခိုက် အတန့်အတွင်း ရေးသားတင်ပြရင်း ဆက်သွားနိုင်ပါတယ်။

 

 ဒီတော့ Facebook နဲ့ ဘယ်လိုငွေရှာမလဲ၊ ခေါင်းစဉ် Facebook ပေါ်မှာ ဘယ်လို အလုပ်ရှာမလဲ လို့တောင် ဖြစ်သင့်ပါသေးတယ်။ စာဖတ်သူတို့ သံသယဖြစ်နေပြီလို့ ယူဆပါတယ်။ ဒီလိုလုပ်လို့ တကယ်ဖြစ်နိုင်ပါ့မလားလို့ သံသယတွေ ဝင်နေလောက်ပါပြီ။ 

 

ယခုစာရေးသူဟာလည်း Facebook မှာ မိမိဝါသနာ ပါရာ သတင်း၊ ဆောင်း ပါးများအား ဘာသာပြန် တင်ပြ ရင်း အခြား လုပ်ငန်းဆောင်တာ များမပျက် ယွင်းပဲ ရန်ကုန်တွင် နေထိုင်စားသောက်ရန် လုံလောက်သော ဝင်ငွေတစ်ခု ရရှိနေပြီ ဖြစ်ပါတယ်။ အပျော်တမ်းရေးရာကနေ မီဒီယာ လုပ်ငန်းကြီးများရဲ့  လက်တွဲခေါ်ဆို မှုကြောင့် အခြေအနေကောင်း တစ်ခုရရှိနေပါပြီ။ မီဒီယာ လုပ်ငန်းတော်တော်များများမှာလည်း ဝင်ရောက် လုပ်ကိုင်ရန် ကမ်းလှမ်းမှု များ ရရှိခဲ့ဖူးပြီး လက်တွဲလည်း လုပ်ကိုင်ခဲ့ပါတယ်။ 

 

စာရေးသူပိုင် ဆိုင်သော Page တစ်ခုမှာ တင်ဆက်ပြသ ချက် ကောင်း မွန်မှုကြောင့် ကုမ္မဏီတစ်ခုက ဝဘ်ဆိုဒ် တစ်ခု ထောက်ပံ့ပြီး လက်တွဲလုပ်ကိုင်ရန် ကမ်းလှမ်းချက်များ ရရှိခဲ့ပါတယ်။ ကိုယ်ပိုင် အွန်လိုင်း မီဒီယာ လုပ်ငန်းတစ်ခု ဖန်တီးလို့ရတဲ့ အနေအထား ထိတောင် ဖြစ် သွားပါတယ်။ ၆ လကျော်အတွင်း ထူးခြား လာ မှုများက တစ်နှစ်ပြည့်နီးနီးမှာ ပို၍ အောင်မြင်သွားပါတယ်။ 

 

စာရေးသူက မီဒီယာကျောင်းဆင်းလည်း မဟုတ်ရပါ။ စာနယ်ဇင်းကလည်း မဟုတ်ရပါ။ တစ်ဖက်ကလည်း ဘာသာရပ်တစ်ခု အထူးပြု ကာ ကျောင်းပြီး ထားပြီး လုပ်ငန်းခွင်ဝင်ရန် သင်ယူလေ့လာနေဆဲ သာ ဖြစ်ပါ တယ်။ ကိုယ်ရည်သွေးခြင်း မဟုတ်ရပါ။ စာဖတ်သူ တို့ ဖြစ်ကောဖြစ်နိုင်ပါ့မလား ဟူသော သံသယ ကင်းဝေး စေရန် ဖြစ်ပါတယ်။ စာရေးသူထက် အဆပေါင်းများစွာ အကျိုးထူး ချွန်ပြီး အောင်မြင် နေသော မြန် မာပြည် မှ Facebook user များလည်း အမြောက်အများရှိပါတယ်။ မီဒီယာ လုပ်ငန်းကိုသာ မဆိုလို။ အခြား မိမိကျွမ်းကျင်ရာ နယ်ပယ်အလျောက် တင်ပြချက်ကို အခြေခံပြီး ပြင်ပလော ကမှာ ကောင်းကောင်းကြီး ပြန် လည် အသုံးချနိုင်မှာ ဖြစ်ပါတယ်။

 

 ယခုစာက Facebook ကိုအပျော်တန်း၊ အပျင်းပြေသုံးနေသော အခြား Profesional များအတွက် မဟုတ် ရပါ။ တကယ်ပဲ အလုပ်ရှာရခက်ပြီး၊ အွန်လိုင်းမှာ မရေမရာ ဖြစ်နေသူများအတွက် ရည်ရွယ်ခြင်း ဖြစ်ပါတယ်။ ပညာအရည်အချင်း ရှိသောလည်း ရွံ့ နွံတွင်းမှ ပတ္တပြားကဲ့ သို့ မြှုပ်နေ သူများအတွက် ဖြစ်ပါတယ်။ တတ်စွမ်း သလောက်ကြိုး စားသော်လည်း အရာမရောက်သေးသူများ အတွက် လည်း ဖြစ်ပါတယ်။ 

 

တစ်ကယ်ပဲ Facebook ကိုအကျိုးရှိရှိ အသုံးချ လို့ ကျောင်းကျိုးပေါင်း များစွာ ဖြစ် ထွန်းလာဖို့ ဆန္ဒပြု ရေး သားလိုက်ရပါ တယ်။

 

 လေးစားစွာဖြင့် အောင်ခမ်း ( work.com.mm ) 

 

 www.work.com.mmwww.facebook.com/work.com.mm .

 

 

ရင် ငတ် ပန်း

မိုးစက်ဖြူဖြူတွေဟာ ကျောက်စရစ်ခဲတွေကိုမှန်တယ်
ပြတင်းတံခါးတွေကိုမှန်တယ်
အေးစက်ဖြူစင်နေလိုက်ပုံများ
ကောင်းကင်မျက်ဝန်းတွေကပြာနှမ်းလို့...........

ပန်းလေးတစ်ပွင့်ဟာ
ရင်တစ်ခုလုံးရွှဲစိုဖို့
တိမ်လိပ်တွေကိုဆွဲချ
သူနှင့်ထပ်တူမျက်ရည်ကျခိုင်းခဲ့
လေးလံနှေးကွေးလွန်းတဲ့ အဓိပ္ပာယ်သက်ရောက်မှုကြား
ခေါင်းငြိမ့်ခေါင်းခါရုံမျှသာ
ကောင်းကင်တစ်ခြမ်းနဲ့တွဲဆက်ထားတဲ့ရင် တစ်ခြမ်းထဲ
ကြယ်တွေပျံသန်းတဲ့အခါ
တစ်စက်ထဲသောမျက်ရည်နဲ့ဆုခြွေ..........




ဖြစ်သလိုဝေဆာခဲ့တဲ့ဘ၀မှာ
ဖူးငုံခဲ့သည်ကဒဏ်ရာ
ပေါက်ဖွားချင်ခဲ့သည်က မေတ္တာ
လက်တစ်လုံးအခြားခံလိုက်ရတဲ့
မှုန်ပြသေးသိမ်လွန်းတဲ့ အကြင်နာမဲ့လက်များ
လပ်နေတဲ့ရင်အတွက် ငတ်နေတဲ့မေတ္တာရှိရာ ဦးဝှေ့တိုးခွေ့
အေးစက်စက်အရာတွေသာတွေ့ခဲ့........

ရင်နှင့်ကြာကြာကွဲကွာရသော
ပန်းတစ်ပွင့်ဟာ
နွေးထွေးမှုမရှိတဲ့ရနံ့နဲ့ သိမ်ငယ်
ဘဝလှလှကိုဖက်တွယ်ချင်နေရဲ့...........

မိုးစက်ဖြူဖြူတွေအောက်
ရင်ငတ်နေတဲ့ ပန်းလေးတစ်ပွင့်
ကျောက်စရစ်ခဲကိုထိမှန်လာသော
မိုးရေစက်တွေဟာ
ပြတင်းတံခါးမှတစ်ဆင့်
နောက်ထပ်မျက်ဝန်းအိမ်တစ်ခုဆီ....

လေသွေးညို

(မေတ္တာနဲ့ဝေးသော ရင်ငတ်ပန်းတစ်ပွင့် အကြောင်း ကျွန်တော် မျက်ရည်တွေနဲ့ရေးခဲ့သည်)

Viber ကနေ ကိုယ်မခေါ်စေချင်တဲ့ Viber Call များ ၊ Message များကို Block နည်း

Viber ကနေ ကိုယ်မသိတဲ့သူတွေ ၊ ကိုယ်ဖုန်းမခေါ်စေချင်တဲ့သူတွေက messages တွေ ph call တွေ ဝင်နေ ခေါ်လာနေလို့ စိတ်အနှောက်အယှက်ဖြစ်နေရင် မလာအောင်လုပ်တဲ့နည်းလေးပါ။
အရင်ဆုံး ရှိပြီးသား viber ထဲကနေ exit(from more option) နဲ့ထွက်လိုက်ပါ။
 

နောက် ပြန်ပီးတော့ activate လုပ်ဖို့ အတွက် မိမိဖုန်း နံပါတ်ပြန်ရိုက်ထည့်တဲ့ အခါ မိမိဖုန်းနံပါတ် ရဲ့ နောက်ဆုံးမှာ ဂဏန်းတစ်လုံး အပိုထည့်ရိုက်လိုက်ပါ။ e.g.09400000011 (နောက်ဆုံး 1 ကအပို တစ်လုံးပါ)

Viber ကနေ code အတွက် ဖုန်းခေါ်တဲ့ အခါ မိမိရဲ့ဖုန်းထဲကိုပဲ ဝင်ပါတယ်။နောက်ဆုံး ဂဏန်းက အကျုံးမဝင်ပါဘူး။
viber အချင်းချင်းအတွက်ကျတော့ အပိုထည့်လိုက်တဲ့ ဂဏန်းတလုံးက အကျုံးဝင်ပါတယ်။
အဲ..viber code ရပီဆိုရင်တော့ မိမိဆီကို messages,ph call တွေခေါ်စေချင်တဲ့သူကို ကိုယ် ကအရင် message ပို့လိုက်ပါ။
ဒါမှ မိမိ အပိုထဲ့ထားတဲ့ viber ph နံပါတ်ကိုသူတို့ကသိမှာပါ။
ဒါဆိုရင်တော့ မိမိဆီကို မပို့စေချင်တဲ့ messagesတွေ မလာစေချင်တဲ့ ဖုန်းcallတွေကို ကာကွယ်ပြီးသား ဖြစ်ပြီ ။ viber ကြောင့်စိတ်အနှောက်အရှက်ဖြစ်နေတဲ့ ရောင်းရင်းတို့လဲ အေးဆေးဖြစ်သွားပါလိမ့်ပါမည်။

credit>>လွင်သန္တာစိုး

Aye Chan Mon# Credit To :SearchMyanmar > ပြန်လည် မျဝေခြင်း ဖြစ်ပါသည်

 

 

အရေးကြီးသော ကျန်မာရေး လျှို့ဝှက်ချက်များ

 

 

 

 

 

 

 

 

 

 

 

 

 

(၁) ဖုန်းပြောရင် ဘယ်ဘက်နားက ပြောပါ။

(၂) အရမ်းအေးတဲ့ ရေတွေကို မသောက်ပါနှင့်။

(၃) လူကို ဝစေမည့် အရေများ သောက်ခြင်းကို ရှောင်ကျဉ်ပါ ။

(၄) ညနေ ၅ နာရီကျော်လျှင် အစားအသောက်များကို လျော့စားပါ။

(၅) မနက်ခင်းမှာ ရေကို များများသောက်ပြီး ညနေမှာ လျော့သောက်ပါ။

(၆) ည ၁၀ နာရီနှင့် မနက် ၄ နာရီဟာ အိပ်စက်ရန်အတွက် အကောင်းဆုံး အချိန် ဖြစ်ပါတယ်။

(၇) မှန်ကန်သော ဆေးဝါးများကို မှီဝဲပါ။

(၈) ကင်ဆာရောဂါ မဖြစ်အောင် နေထိုင်စားသောက်ပါ။

(၉) နေ့စဉ် နေ့တိုင်း လေ့ကျင့်ခန်း လုပ်ဖြစ်ပါစေ။

(၁၀) စိတ်ချမ်းသာအောင် နေထိုင်ပါ။

(၁၁) အသီးအရွက် များများ စားဖြစ်ပါစေ။


credit>>yoyarlay

ဖျော်ဖြေေ၇း>>http://www.searchmyanmar.com/click/search/category/entertainment?lang=mm

သမိုင်း တစ်လျှောက် ကမ္ဘာ့အတော်ဆုံး အမျိုးသမီး လက်ဖြောင့်တပ်သား

Lyudmila Pavlichenko လို့ အမည်ရတဲ့ ဆိုဗီယက်ပြည်ထောင်စုက အမျိုးသမီး တစ်ဦး ဖြစ်ပါတယ်။ ရန်သူ ၃၀၉ ယောက်ကို ပစ်သတ်နိုင် ခဲ့တာ ကြောင့်မို့ သမိုင်းမှာ အအောင်မြင်ဆုံး အမျိုးသမီး စနိုက်ပါ အဖြစ် အသတ် မှတ်ခံရပါတယ်။

ပထမ ၂ လခွဲကာလအတွင်း တပ်စခန်းတစ်ခုမှာ ရန်သူ ၁၈၇ ယောက် သတ်နိုင်ပြီး နောက်ထပ် တပ်စခန်း တစ်ခုကမှာ ၈ လတာ ကာလအတွင်း ဂျာမန် စစ်သား ၂၅၇ ယောက် သတ်နိုင်ပါတယ်။ စနိုက်ပါက ရန်သူ စနိုက်ပါ ကို တိုက်ခိုက်ပစ်သတ်တယ် ဆိုတာ ခက်ခဲတဲ့ စစ်ဆင်ရေး ဖြစ် ပါတယ်။ သို့ပေမယ့် ဂျာမန် စနိုက်ပါ ၃၆ ယောက်ကိုတောင် ပစ်သတ်နိုင်ခဲ့ပါတယ်။ အမှန်တကယ် သတ်နိုင်တာက လေးရာကျော် ရှိပြီး စနိုက် ပါ သေနတ်နဲ့ ပစ်သတ်တာကတော့ ၃၀၉ ယောက်ရှိတယ်ဆိုတာ တရားဝင် မှတ်တမ်း ရှိခဲ့ပါတယ်။ သူမရဲ့  သမိုင်းအကျဉ်းက ဒီလို ဖြစ်ပါတယ်။ 

၁၉၁၆ ခုနှစ် ဇူလိုင်လ ၁၂ ရက်နေ့က ရုရှားအင်ပါယာ, Bila Tserkva မှာ မွေးဖွားပါတယ်။ သမိုင်းဘာသာ ရပ်နဲ့ တက္ကသိုလ်မှာ ကျောင်းတက်နေ စဉ်ပဲ ဒုတိယက ကမ္ဘာစစ် ဖြစ်တာကြောင့် ဆိုဗီယက် တပ်မတော် ထဲကို အသက် ၂၄ နှစ်ကစတင် ဝင်ရောက်ခဲ့ပါတယ်။ ၁၉၄၁ နောင်းပိုင်း ကာလ ဖြစ်ပြီး စစ်သူနာပြုလုပ်ဖို့ အားလုံး ဝိုင်းဖိအား ပေးပေမယ့် စစ်တိုက်ဖို့ ပဲ ရွေးချယ်ခဲ့သူ ဖြစ်ပါတယ်။

ရုရှား ရိုင်ဖယ်တပ် ၂၇ ကို ဝင်ခွင့်ရရှိခဲ့ပြီး စစ်ရေးလေ့ကျင့်မှုများ ရရှိခဲ့ ပါတယ်။ သူ့လိုပဲ ရုရှားမှာ အမျိုးသမီး စနိုက်ပါ အယောက် ၂၀၀၀ မွေးဖွား ခဲ့ ပြီး စစ်ပြီးတော့ အယောက် ၅၀၀ ပဲ အသက်ရှင်ကျန်ခဲ့ ပါတယ်။

တပ်ထဲ စဝင်ပြီး နာရီပိုင်းပဲကြာတဲ့ တိုက်ပွဲမှာ ဂျာမန် ၂ ယောက် သတ်နိုင် ပါတယ်။ အသုံးပြုတဲ့ သေနတ် ကတော့ SVT-40 semi-automatic ရိုင်ဖယ်ဖြစ်ပြီး တယ်လီစကုတ်က ၃.၅ ဖြစ်ပါတယ်။ နောက်ပိုင်း တိုက်ပွဲတွေ မှာလည်း ယင်းသေနတ်ကိုသာ အများစု အသုံးပြုရပြီး ရန်သူပေါင်း ၃၀၉ ဦးကို စံချိန်တင် သတ်နိုင်ခဲ့ပါတယ်။

စစ်ပြီးတဲ့အခါကျတော့ ဆီုဗီယက်ပြည်ထောင်စုကပေးတဲ့ ထူးချွန်စု၊ ဂုဏ်ပြု ဆု များ ရရှိပါတယ်။ ကနေဒါ၊ အမေရိကန်တို့မှ အစိုးရများကလည်း ဖိတ်ကြားတဲ့အတွက် သွားရောက်တွေ့ဆုံပြီး ဟောပြောပွဲတွေ မှာလည်း ဟောပြောဖို့ အဖိတ်ကြားခံရပါတယ်။ အောက်တိုဘာ ၁၀ ရက်၊ ၁၉၇၄ ခုနှစ် (အသက် ၅၈ နှစ်) အရွယ်ရောက်တော့ မော်စကိုမြို့ မှာပဲ ကွယ်လွန်ခဲ့ပါတယ်။

သို့ပေမယ့် သူမရဲ့  စွမ်းဆောင်ရည်ကြောင့် ယနေ့တိုင် ရုရှားနဲ့ ယခင် ဆိုဗီယက်ပြည်ထောင်စု နိုင်ငံများမှ စံထားရတဲ့ အမျိုးသမီး သူရဲကောင်းအဖြစ် သမိုင်းကျန်ရှိလျက် ရှိကြောင်း သိရပါတယ်။

Ref: wiki
အောင်ခမ်း ( ရိုးရာလေး )

" သွေး အ တွက် သွေး အ သား အ တွက် ဓား "

ခွင့်လွှတ်ပေးပါ ဧရာဝတီ
သမိုင်းတစ်ခုလုံးကိုထမ်းထားတဲ့
ခင်ဗျားကျေးဇူး တရားအတွက်
ကျူပ်ဟာ ကဗျာတစ်ပုဒ် မဖြစ်ခဲ့သူ ...

ခင်ဗျားရဲ့
ခမ်းနားတဲ့ကမ်းပါးတွေကို
မျက်ကန်းသူတွေဘ ယ်မြင်ပါ့မလဲ
ခင်ဗျားရဲ့အလှဟာ
ခုထိ ကမ္ဘာကငေးလို့....

နေဝင်ချိန်ကိုမြင်ဖူးနေကျခင်ဗျားက
ကိုယ့်ဘဝနေဝင်ချိန်ကို
မကြောက်တတ်ခဲ့တာ ဆန်းလား
ကျူပ်တို့ရင်ထဲ နစ်ဝင်နေတဲ့
ခင်ဗျားသွေးတွေအတွက်
ကျူပ်တို့ပြန် မဆပ်နိုင်သရွေ့
ကျူပ်တို့လူဖြစ်ရကျိုး မနပ်ချင်ဘူး....

ဒါဟာအိပ်မက်ထဲ
ထအော်နေတာမဟုတ်
ပြည်သူတစ်ရပ်လုံးရဲ့
သွေးစစ်စစ်တွေလည်း ပါတယ်
မိုက်မဲသူတွေ ခုတ်ထစ်မှုအောက်
တစ်စစီကောက်မရတဲ့
ခင်ဗျားအသွေး အသားအတွက်
ကျူပ်တို့မျက်စိမှိတ် ကြည့်နေရတယ်.....

ခင်ဗျား ဝမ်းဗိုက်ထဲက
ကျူပ်တို့ အသက်ရှူသံတွေဟာ
ခု မုန်တိုင်းထန်နေပြီ
တစ်ဘို့တည်း သမားတို့ရဲ့
အာဏာခွာအောက်မှာ
ကျူပ်တို့ဘဝတွေ အဖျောက်ခံရတော့မယ်........

တသွင်သွင်စီးမှုဟာရပ်
လယ်မြေအတိတွေဟာ
ပက်ကြားအက်ရတော့မယ်
ရေနည်းငါးတို့အတွက်
မိုးပိုခေါင်လာတော့မယ်.......

ပျက်သွားမယ့် သမိုင်းအတွက်
နောက်ထပ် သမိုင်းတစ်ရပ်မှာ
ကျူပ်တို့ မငိုချင်ဘူး
ဧရာဝတီဆိုတဲ့ အမည်နာမဟာ
ကျူပ်တို့တိုင်းပြည်ရဲ့ တံခါးတစ်ချပ်
ဘယ်လိုမှ ပျက်လို့မဖြစ်ဘူး........

ဘယ်သူသေသေ
ငတေမာပြီးရော ဆိုသူတွေထဲ
ကျူပ်တို့ ချော်လဲ လို့တောင်
ရောထိုင် မနေချင်ဘူး
ဒါဟာ ကျူပ်တို့ လက်မောင်းထဲက
အရောင်မပြောင်းတဲ့ သွေး
ဘာနဲ့ဆေးဆေး မပြောင်နိုင်ဘူး.....

ခွင့်မလွှတ်ပါနဲ့
နှစ်ကာလတွေကြာကြာ
ပေးဆပ်နစ်နာပြီးပြီပဲ
ခင်ဗျား ခွင့်မလွှတ်နဲ့တော့.....


ခင်ဗျားသွေးအတွက်
ကျူပ်တို့သွေးတွေရဲမယ်
ခင်ဗျား အသားအတွက်
ကျူပ်တို့မှာ ဓားတွေရှိတယ်
ခင်ဗျားသမိုင်း မရိုင်းခဲ့ကြောင်း
ကျူပ်တို့ ကဗျာကောင်းကောင်းရေးခဲ့မယ်...
 

လေသွေးညို

မေထုန်ငယ် (၇)ပါး မေထုန ဓမ္မဆိုတာ

 

မေထုန်ငယ်(၇)ပါး မေထုနဓမ္မဆိုတာက ယောက်ျားမိန်းမ ဆက်ဆံမှုလောက်ကိုသာ ဆိုလိုတာမဟုတ်သေး ဘူး။ တခြားခြား မေထုန်ငယ် (၇)ပါး ဆိုတာကိုလည်း ထည့်သွင်းပြီး မြတ်စွာဘုရားကရည်ညွှန်းထားပါတယ်။ 

တစ်ချိန်မှာ ဆိုကြပါစို့ ဇာနုသောဏိ ပုဏ္ဏားကြီးက မြတ်စွာဘုရားသည် ဗြဟ္မစာရီ = မြတ်သောအကျင့်ကို ကျင့်နေတဲ့သူတော်ကောင်း အဖြစ်နဲ့ ၀န်ခံပါသလား ဆိုပြီး ဒီမေးခွန်းကို မေးတယ်။ မေးလိုက်တဲ့ အချိန်အခါ မှာ......

“ဒကာတော်ပုဏ္ဏား ငါဘုရားသည် မကျိုးမပေါက် မပြောက် မကျားတဲ့ ပြည့်စုံတဲ့ ထက်ဝန်းကျင် ဖြူစင်နေတဲ့ ဗြဟ္မစရိယ အကျင့်ကို ကျင့်နေတဲ့ပုဂ္ဂိုလ် သာဖြစ်ပါတယ်။ မကျိုးမပေါက် မပြောက်မကျားအောင် ပြည့်ပြည့် စုံစုံစင်စင်ကြယ်ကြယ်ဖြင့် ဗြဟ္မစရိယ အကျင့်ကို ကျင့်နေတဲ့ပုဂ္ဂိုလ် ဟာဘယ်ပုဂ္ဂိုလ်လဲလို့မေးခဲ့လျှင် ငါဘုရားကိုသာ ရည်ညွှန်းပြီး ပြောဆိုရမှာ ဖြစ်ပါတယ်” ဆိုပြီးတော့ အမိန့်ရှိတော်မူလိုက်တယ်။

 နံပါတ် (၁) မေထုန်ငယ်က ဘာလဲလို့မေးတော့၊ ဥစ္ဆာဒန = နံ့သာရည်ဖြင့် လိမ်းပေးတယ်။ ပရိမဒ္ဒန = ဆီလေးနဲ့ လိမ်းပေးတယ် နှိပ်နှယ်ပေးတယ်။ နှပန = ရေချိုးပေးတယ်။ သမ္ဗာဟန =ပွတ်သပ်ပေးတယ်။ အဲဒါကိုသဘောကျတယ်။ ဒါလည်းမေထုန်ငယ်တစ်ခုပဲ။ ဘုရားရှင်ဟာ ဒါမျိုးဘယ်တော့မှ မပြုလုပ်ဘူး။ ဒါကတစ်ခု။ 

 နံပါတ် (၂) ကျတော့ တစ်ယောက်နဲ့တစ်ယောက်ပြောလိုက် ဆိုလိုက် ရယ်လိုက်မော လိုက် နောက် လိုက် ပြောင်လိုက် နေ တယ်။ ပြုံးပြုံး ပြုံးပြုံးနဲ့ ထိုင်ပြီးစကားပြောနေကြတယ်။ အဲဒါကိုသဘောကျတယ်။ ဒါလည်းမေထုန်ငယ်တစ်ခုပဲ။ 

  နံပါတ် (၃) ကတော့ သူ့မျက်စိနဲ့ ကိုယ့်မျက်စိ တည့်တည့်လေးကြည့်ပေးတယ်။ မကြည့်ရလျှင် မမြင် ရလျှင် မနေနိုင်ဘူး။ ဘာမှတော့ မလုပ်ပါဘူး။ တစ်ယောက်နဲ့ တစ်ယောက် ကြည့်နေရလျှင် ကျေနပ်နေတယ်။ ဒါလည်းမေထုန်ငယ်တစ်ခုပဲ။

 နံပါတ် (၄) က တစ်ယောက်နဲ့ တစ်ယောက်တော့ မမြင်ဘူးပေါ့။ ဒါပေမယ့် အသံလေးကြားရလျှင် သဘော ကျနေတယ်။ သူငိုတဲ့ အသံပဲဖြစ်ပါစေ။ သီချင်းဆိုတဲ့ အသံပဲ ဖြစ်စေ ကြားနေရလိုရှိလျှင် သဘောကျတယ်။ ယခုကာလ ရေဒီယိုတို့ ဘာတို့နားထောင်တဲ့ အခါ ကြားတဲ့ပုံစံမျိုးပေါ့။ ဒါလည်းမေထုန်ငယ်တစ်ခုပဲ။

 နံပါတ် (၅) က မြင်လည်းမမြင်ရဘူး၊ ကြားလည်းမကြားရဘူး၊ ဒါပေမဲလို့ တစ်ချိန်တုန်းက တစ်ယောက်နဲ့ တစ်ယောက်ပြောဖူးတယ်။ ဆိုဖူးတယ် ပြောင်ဖူးတယ် နောက်ဖူးတယ်။ အဲဒါကလေးတွေ ကို ပျော်ပါး ခဲ့ဖူး တာလေးတွေကို အမှတ် ရပြီးတော့ ပြန်ပြီး ပြုံးပြုံး ပြုံးပြုံးနဲ့ သဘောကျနေတယ်။ ဒါလည်းမေထုန်ငယ်တစ်ခုပဲ။ 

နံပါတ် (၆) က အဲဒါမျိုးတွေ ဘာမှမဖြစ်ဘူး။ ဒါပေမဲ့လို့ ကိုယ့်မှာ ဘာမှတော့မရှိဘူး။ မရှိတဲ့အခါကျတော့ သူတစ်ပါးတွေ အိုးနဲ့အိမ်နဲ့ တိုက်နဲ့တာနဲ့ ကာမဂုဏ်တွေ ခံစားပြီး ပျော်ပျော်ပါးပါးနေတာကို သွားမြင် လိုက် တာ ကိုလည်း သဘောကျတယ်။ သူတို့လိုနေချင်တဲ့ စိတ်ထားလေးတွေ ပေါ်လာပြန်တယ်။ ဒါလည်းမေထုန်ငယ်တစ်ခုပဲ။

 နံပါတ် (၇) က အဲဒီလိုပြောခဲ့တဲ့ သဘောတရားတွေလည်း မဖြစ်ပြန်ဘူး။ ဒါပေမယ့်ဘာဖြစ်နေသလဲ။ နတ်ပြည် နတ်လောက တစ်ခုခုကို ရည်မျှော်ပြီး တော့ သီလကျင့်စဉ် သမာဓိကျင့်စဉ် ပညာကျင့်စဉ်တွေကို ကျင့်ကြံကြိုးကုတ် ပွါးများအားထုတ်နေပြန်တယ်။ နတ်ပြည်နတ်လောကမှာ ရရှိမည့် ကာမဂုဏ်တွေကို လှမ်းမျှော်ပြီး သဘောကျနေတယ်။ အဲဒါလည်းမေထုန်ငယ်တစ်ခုပဲ။

 ဒီမေထုန်ငယ် (၇)မျိုး တစ်မျိုးမျိုးနဲ့ မွေ့လျှော်နေတဲ့ ပုဂ္ဂိုလ်ဟာလည်း အိုနာသေရေး ဒုက္ခဘေးမှ ဘယ်နည်း နဲ့မှ မလွတ်မြောက်နိုင်ဘူးလို့ ဘုရားရှင်က ဆက်လက်ကာ ဟောကြားထားတော်မူပါတယ်။

 *** ဖားအောက်ဆရာတော်ဘုရားကြီး *** (အမြိုက်နိဗ္ဗာန်သို့ ပို့ဆောင်ပေးနေသည့် စွမ်းအားကြီး (၇) ရပ် - သတ္တသညာသုတ္တန်)

 http://www.youtube.com/watch?v=_y6vdnILrvI