စိတ်ဝင်စားဖွယ် စစ်တမ်းများ

 

၁။ "မြန်မာနိုင်ငံ၏ လက်ရှိစီးပွားရေး အခြေအနေမှာ အလွန်ဆိုးရွားနေသည်ဟု ၈၃ ရာခိုင်နှုန်းကျော် ဆန္ဒပြုပြီး အစိုးရက စီးပွားရေးတိုးတက်မှုထက် အခွန်ကောက်ခံရန် သာ အာရုံစိုက်နေကြောင်း 
Myanmar Insider စစ်တမ်းတွင် ဖော်ပြ"

မြန်မာနိုင်ငံ၏ လက်ရှိ စီးပွားရေးအခြေအနေမှာ ပြီးခဲ့သည့် သုံးလ ကထက် အလွန်ဆိုးရွားနေသည်ဟု ၈၃ ရာခိုင်နှုန်းကျော်က ဆန္ဒပြုထားပြီး လက်ရှိ အစိုးရက စီးပွားရေး တိုးတက်မှုထက် အခွန်ကောက်ခံရန်သာ အာရုံစိုက်နေကြောင်း Myanmar Insider Business ဂျာနယ်က ထုတ်ပြန်သည့် သုံးလ တစ်ကြိမ် စီးပွားရေးဆိုင်ရာ ယုံကြည်မှုညွှန်းကိန်း စစ်တမ်း (၂၀၁၈ ခုနှစ် ဇန်န၀ါရီ-မတ်) တွင် ဖော်ပြထားသည်။

 

၂၀၁၇ ခုနှစ် အောက်တိုဘာ-ဒီဇင်ဘာတွင် ထုတ်ပြန်ခဲ့ သည့် စစ်တမ်း၌ နောက်လာမည့် သုံးလအတွင်း စီးပွားရေးအခြေအနေအပေါ် စစ်တမ်းကောက်ယူရာ 
- ပိုမိုဆိုးရွားလာမည်ထင်မြင်မှု လေးရာခိုင်နှုန်း၊ 
- အနည်းငယ် ဆိုးရွားမည်ထင်မြင်မှု ၄၆ ရာခိုင်နှုန်း၊ 
- အနည်းငယ် ကောင်းလာမည်ဟု ထင်မြင်မှု ၃၈ ရာခိုင်နှုန်း
နှင့် 
- ပို၍ကောင်းလာမည်ဟု ထင်မြင်မှု လေးရာခိုင်နှုန်းက ဆန္ဒပြုခဲ့သည်ဟု စစ်တမ်းတွင်ဖော်ပြခဲ့ပြီး လက်ရှိ တွင် အမှန်တစ်ကယ် လုပ်ငန်း လုပ်ဆောင်သူများ၏ ၂၀၁၈ ခုနှစ် ဇန်န၀ါရီ-မတ်စစ်တမ်းတွင် ဖြေဆိုမှုအရ မြန်မာ့စီးပွားရေး အခြေအနေမှာ ပြီးခဲ့သည့် သုံးလ ကထက် ပိုမိုဆိုးရွား ခဲ့ကြောင်း ဖြေဆိုခဲ့ကြသည်။

 

မြန်မာနိုင်ငံရှိ စီးပွားရေး လုပ်ငန်းရှင် ၅၀ အထက်ကို အခြေ ခံကာ စစ်တမ်းကောက်ယူထားသည့် အဆိုပါ ညွှန်းကိန်းတွင် ယခုသုံးလ အတွင်း သုံးလ တစ်ကြိမ် စီးပွားရေး ညွှန်းကိန်း၌ အနုတ် ၁၄ ပြခဲ့ပြီး လက်ရှိ ဇန်န၀ါရီ-မတ် စစ်တမ်းတွင် အနုတ် ၂၅ ပြခဲ့ကာ စီးပွားရေးဆိုင်ရာ ယုံကြည်မှုညွှန်းကိန်း သိသိသာသာ ကျဆင်းမှု ဖြစ်ပေါ်ခဲ့သည်။

နောက်လာမည့် သုံးလ အတွက် ကြိုတင်ဖြေဆိုရာတွင် ..
- လက်ရှိကာလထက် ပို၍ ဆိုးရွားမည်ဟု ဖြေဆိုမှု ၆ ဒသမ ၆၇ ရာခိုင်နှုန်း၊ 
- အနည်းငယ် ဆိုးရွားမည်ဖြေဆိုမှု ရာခိုင်နှုန်း ၄၀ နှင့် 
- အနည်းငယ်ကောင်းလာမည်ဟု ဖြေဆိုမှု ၅၃ ဒသမ ၃၃  ရာခိုင်နှုန်းအထိ ရှိခဲ့ပြီး ယခင်သုံးလကထက် မျှော်မှန်းချက် မြင့်တက်ခဲ့သည်။

 

ထိုသို့ မျှော်မှန်းချက် မြင့်တက်ခဲ့သော်လည်း မိမိတို့၏ စီးပွားရေးလုပ်ငန်းများနှင့်ပတ်သက်၍ ယုံကြည်မှုမှာ ယခင် သုံးလကထက် ကျဆင်းနေသည်ဟု စစ်တမ်းက ဆိုသည်။

လက်ရှိ စီးပွားရေး အခြေအနေအပေါ် အကျိုးသက်ရောက် စေနိုင်မည့် အချက်များအဖြစ် အခွန်အပါအ၀င် စီးပွားရေး လုပ်ငန်းများ၏ ကုန်ကျစရိတ်များကို ၆၃ ရာခိုင်နှုန်းအထိ  ဆန္ဒပြုခဲ့ပြီး အစိုးရက စီးပွားရေး တိုးတက်ရန်ထက် အခွန်ကောက်ခံရန်သာ အာရုံစိုက်နေကြောင်း ဖော်ပြထားပြီး မြန်မာ့ငွေကြေး အားနည်း လာမှုအပေါ် ၆ဒသမ၆၇ ရာခိုင်နှုန်းနှင့် ကမ္ဘာ့စီးပွားရေး မသေချာမှုများက ၁၃ ဒသမ၃၃ ရာခိုင်နှုန်း အထိ အကျိုးသက်ရောက်နိုင်မည်ဟု ဖြေဆိုခဲ့ကြသည်။

 

ဦးသိန်းစိန်အစိုးရလက်ထက် စီးပွားရေး စီမံခန့်ခွဲမှု
- ကောင်းမွန်ခြင်း ၄၆ ရာခိုင်နှုန်း၊ 
- ပုံမှန်အခြေအနေ ၂၇ ရာခိုင်နှုန်းနှင့် 
- စီမံခန့်ခွဲခြင်း ကောင်းမွန်ခြင်း မရှိမှု ၁၉ ရာခိုင်နှုန်းသာ ရှိသော်လည်း

NLD အစိုးရလက်ထက် စီးပွားရေး စီမံခန့်ခွဲခြင်း 
မကောင်းမွန်မှုမှာ ၅၉ ရာခိုင်နှုန်းသာ ရှိခဲ့သော်လည်း လက်ရှိ စစ်တမ်းတွင် ၆၇ ရာခိုင်နှုန်းအထိ မြင့်တက် လာပြီး လက်ရှိ အစိုးရ၏ စီးပွားရေး စွမ်းဆောင်ရည်အပေါ် အကောင်းမြင်မှု ထပ်မံ ကျဆင်း ခဲ့ကြောင်း Myanmar Insider Business ဂျာနယ်က ထုတ်ပြန်ခဲ့သည့် သုံးလ တစ်ကြိမ် စီးပွားရေး ဆိုင်ရာ ယုံကြည်မှု ညွှန်းကိန်း စစ်တမ်းနှစ်စောင် ရလဒ်တွင် နှိုင်းယှဉ်ဖော်ပြထားသည်။

 

“ပြီးခဲ့တဲ့ အစိုးရနဲ့ လက်ရှိ အစိုးရရဲ့ စီးပွားရေး စီမံခန့်ခွဲမှု  နှိုင်းယှဉ်ရာမှာ လက်ရှိ အစိုးရရဲ့ စီးပွားရေးစီမံခန့်ခွဲခြင်း မကောင်းမွန်မှုက ပထမအကြိမ် စစ်တမ်းမှာ ၅၉ ရာခိုင်နှုန်းပဲ ရှိခဲ့ရာကနေ လက်ရှိစစ်တမ်းမှာ ၆၇ ရာခိုင်နှုန်းအထိ မြင့်တက်သွားပြီး ပြည်သူတွေအ နေနဲ့ NLD အစိုးရဟာ စီးပွားရေးဆိုင်ရာ ရလဒ်တွေကို ဆွဲဆောင်နိုင်မှု မရှိတာကြောင့် မကောင်းဘူးလို့ ဖြေဆိုသူများလာတာ တွေ့ရတယ်” ဟု Myanmar Insider Business ဂျာနယ်၏ စစ်တမ်းတွင် ပြောကြားထားသည်။

 

ဦးသိန်းစိန် အစိုးရလက်ထက် ၂၀၁၄ ခုနှစ် ဖေဖော်ဝါရီတွင် ကောက်ခံခဲ့သည့် အချက်အလက်များအရ မြန်မာနိုင်ငံ၏ အခြေအနေ အရပ်ရပ်မှာ အကောင်းဘက်တွင် ရှိနေသည် ဟု ဖြေဆိုသူမှာ ၈၈ ရာခိုင်နှုန်း အထိ ရှိနေပြီး  လက်ရှိအစိုးရ လက်ထက်တွင် မြန်မာနိုင်ငံ၏ အခြေအနေအရပ်ရပ်မှာ အကောင်းဘက်တွင် ရှိနေသည်ဟု ယူဆသူမှာ ၇၅ ရာခိုင်နှုန်းသာ ရှိနေသည်ဟု ဖြေဆိုခဲ့သဖြင့် မြန်မာနိုင်ငံ ၏ လက်ရှိ အခြေအနေ အပေါ် အကောင်းမြင်မှု ကျဆင်းသွားကြောင်း အမေရိကန် အခြေစိုက် 
International Rupublican Institute (IRI) က ထုတ်ပြန်သည့် မြန်မာနိုင်ငံဆိုင်ရာ လူထုစစ်တမ်းတွင် ယခင်အစိုးရလက်ထက် ကောက်ခံခဲ့သည့် စစ်တမ်းနှင့် နှိုင်းယှဉ် ဖော်ပြမှုအရ သိရသည်။

 

(ဖြိုးဝေ)

*****

၂။ " မြန်မာ့ လူဦးရေ၏ ၃၁ ရာခိုင်နှုန်းသည် အတိုးကြီးစွာ ပေး၍ ငွေချေးနေရဟု ဆို "

 

မြန်မာနိုင်ငံတွင် လူဦးရေ ၃၁ ရာခိုင်နှုန်း (၁၆ သန်း ကျော်) သည် ဘဏ်လုပ်ငန်းများ နှင့်လက်လှမ်း မမီ သဖြင့် အတိုး ကြီးစွာ ပေး၍ ချေးငွေများရယူနေ ရသည်ဟု မတ်လ ၁၃ ရက် တွင် ထုတ်ပြန်သည့် ငွေရေး ကြေးရေး လက်လှမ်းမီရေး ဆောင်ရွက်ရေး စီမံကိန်း (MAP) တွင် ဖော်ပြထားသည်။

 

အဆိုပါ စီမံကိန်းကို စီမံကိန်းနှင့် ဘဏ္ဍာရေးဝန်ကြီးဌာန၊  ကုလသမဂ္ဂငွေကြေး အရင်းအနှီးဖွံ့ဖြိုးရေး

ရန်ပုံငွေ အဖွဲ့ (UNCDF)၊ ဓန Facility နှင့် ဗြိတိန် UK aid တို့က ပူးပေါင်းဆောင်ရွက်ပြီး မြန်မာနိုင်ငံတွင် ငွေရေးကြေးရေး လုပ်ငန်းများနှင့် ဘဏ်လုပ်ငန်းများကို အများပြည်သူ လက်လှမ်း  မီစေရန် ဆောင်ရွက် သည့် စီမံကိန်းဖြစ်သည်။

 

ယင်း စီမံကိန်းကို စတာလင် ပေါင် ၂၅ သန်း အသုံးပြု၍ ၂၀၁၅ က စတင်ဆောင်ရွက်ခဲ့ပြီး ၂၀၂၀ အထိ ဆောင်ရွက်ရန် စီမံချက် ရေးဆွဲထားသည်။

 

စီမံကိန်းအတွက် နိုင်ငံအတွင်းရှိ ပြည်သူများကို ကိုယ်တိုင် စိုက်ပျိုးသည့် လယ်သမားအုပ်စု၊ တရားဝင်ကိုယ်ပိုင် လုပ်ငန်းလုပ်သူ အုပ်စု၊ မှတ်ပုံ မတင်ထားသည့် ကိုယ်ပိုင်လုပ်ငန်းလုပ်သူအုပ်စု၊ ပုံမှန်ဝင်ငွေရှိ သည့် ဝန်ထမ်းအုပ်စုနှင့် ပုံမှန်ဝင်ငွေ မရှိသည့် လယ် လုပ်သားနှင့် ပျံကျ လုပ်သားများ အုပ်စု
ဟူ၍ အုပ်စုငါးစုခွဲကာ ငွေကြေးဆိုင်ရာ လုပ်ငန်းများအတွက် လေ့လာခဲ့သည်။

 

ကိုယ်တိုင် စိုက်လယ်သမားများသည် မြန်မာနိုင်ငံ လူဦးရေ၏ ငါးပုံ တစ်ပုံဖြစ်ပြီး နိုင်ငံစီးပွားရေး၏ အရေး အကြီးဆုံး အစိတ်အပိုင်း တွင် လုပ်ကိုင်နေသည်။ ထိုသူများ အနက် ဘဏ်နှင့် အသေးစား ချေးငွေ လုပ်ငန်းများမှ ချေးငွေ ရရှိသူ ၃၇ ရာခိုင်နှုန်းသာ ရှိပြီး ချေးငွေ မလုံလောက်ပေ။ 

ထို့ကြောင့် ထိုအုပ်စု၏ လေးပုံတစ်ပုံသည် ငွေ တိုးချေးသူများ နှင့် ဆွေမျိုးများထံ မှ ချေးငွေ ရယူနေရ သည်ဟု စီမံကိန်းက ဆိုသည်။

 

ထို့ပြင် စီမံကိန်း၌ တရားဝင် ကိုယ်ပိုင် လုပ်ငန်းလုပ်ကိုင်သူ များ၏ ၇၄ ရာခိုင်နှုန်းသည် ဘဏ်နှင့် အသေးစားငွေကြေး လုပ်ငန်းများ မှ ချေးငွေ မရဟု ဖော်ပြထားသည်။

 

မှတ်ပုံမတင်ထားသည့် ကိုယ်ပိုင် လုပ်ငန်း လုပ်သူများ၏  ၂၁ ရာခိုင်နှုန်းသည် ငွေတိုးယူ လုပ်ကိုင်နေ ရ သည်။ ပုံမှန် ဝင်ငွေရှိသည့် ဝန်ထမ်းများတွင် ကုမ္ပဏီ ဝန်ထမ်းနှင့် အစိုးရဝန်ထမ်းများ ပါဝင်ပြီး ၎င်းတို့၏ ၂၆ ရာခိုင်နှုန်းသည် ဘဏ် မဟုတ်သည့်နေရာတွင် ငွေစုနေပြီး ၎င်းတို့ အတွက် ဘဏ် လုပ်ငန်း အသုံးပြု နိုင်အောင် ဆောင်ရွက်ပေးသင့်ကြောင်း ဆိုထားသည်။

 

ပုံမှန်ဝင်ငွေ မရှိသည့် လယ်ယာ လုပ်သားနှင့် ပျံကျ လုပ်သား များ၏ ၂၇ ရာခိုင်နှုန်းသည် အတိုးကြီးမြင့်စွာ ချေးငွေရယူ နေရသည်ဟု အဆိုပါစီမံကိန်းတွင် ဖော်ပြထားသည်။

 

‘‘အားလုံး ပါဝင်နိုင်တဲ့ ငွေကြေး စနစ်ကို တည်ဆောက်ဖို့ဆိုရင် လူတွေက ဘဏ်မသွားဘူး၊ လူတွေက တရားဝင်တည်ထောင် ထားတဲ့ အဖွဲ့အစည်းတွေ မသုံးဘူးဆိုရင်၊ ချေးငွေ မရယူဘူးဆိုရင် Financial Institution (ငွေရေးကြေးရေး ကဏ္ဍ) က ဘယ်လို လုပ်ဖြစ်နိုင်မလဲ’’ဟု ဗဟိုဘဏ် ဒုတိယ ဥက္ကဋ္ဌ ဦးဘိုဘိုငယ် က ပြောသည်။

 

မြန်မာနိုင်ငံတွင် အရွယ်ရောက်ပြီးသူများ အနက် အာမခံ ထားသူ ၃ ရာခိုင်နှုန်းနှင့် ငွေ စုဆောင်းသူ ၆ ရာခိုင်နှုန်းရှိသည်။ ထို့ပြင် ကြီးကြပ်ခံ ငွေကြေး လုပ်ငန်းဖြစ်သည့် ဘဏ်နှင့်အသေးစားငွေချေးလုပ်ငန်းများမှ ချေးငွေ ရရှိသူ ၁၉ ရာခိုင်နှုန်းသာ ရှိသည် ဟု ဖော်ပြထားသည်။

 

‘‘ဘဏ်ချေးငွေက အပေါင် ပစ္စည်း လိုတယ်။ အပေါင်ပစ္စည်း အိမ်ဆိုရင် အိမ်တန်ဖိုး ရှိသလောက်လည်း 
မပေးဘူး။ ဒါ ကြောင့် ဘဏ်ချေးငွေ ရဖို့ ခက်ခဲပါတယ်’’ဟု ဖိနပ် လုပ်ငန်းရှင် ဦးပြည့်စုံအောင် က ပြောသည်။

 

ထို့ကြောင့် အသိမိတ်ဆွေ ထံမှ ချေးငွေ ယူရပြီး အနည်းဆုံး တစ်လလျှင် အတိုး ၃ ရာခိုင်နှုန်း မှ ၂၀ ရာခိုင်နှုန်းအထိ ပေးရသည်များ ရှိသည်ဟု ၎င်းက ဆက်ပြောသည်။

 

၂၀၁၄ သန်းခေါင်စာရင်းအ ရ မြန်မာနိုင်ငံတွင် လူဦးရေ ၅၂ သန်းကျော်ရှိပြီး တစ်ရက်လျှင် ပျမ်းမျှ ဝင်ငွေ 
၃ ဒသမ ၅ ဒေါ်လာ (ကျပ် ၄,၇၀၀ ခန့်) ရှိသည်ဟု အဆိုပါ စီမံကိန်းတွင် ဖော်ပြထားသည်။

 

(ထွန်းထွန်းမင်း၊ ပိုင်စိုးသူ)

 

*****

 

၃။ " မြန်မာအစိုးရသည် အခွန်အကောက်များ၊ အခွန်စနစ်များ နှင့်ပတ်သက်၍ ပြည်သူလူထုအား ပညာပေး သည့် လုပ်ငန်းများ လုပ်ဆောင်ရန်မှာ ၎င်းတို့၏ တာဝန်ဟု မရှုမြင်ကြောင်း  အာရှဖောင်ဒေးရှင်း ၏ အစီရင်ခံစာတွင် ဖော်ပြ "

 

ပုံမှန်အားဖြင့် မြန်မာ အစိုးရသည် အခွန်အကောက်များ၊ အခွန် စနစ်တို့နှင့် ပတ်သက်၍ ပြည်သူလူထုအား ပညာပေးသည့် လုပ်ငန်းများအား လုပ်ဆောင်ရန်မှာ ၎င်းတို့၏ တာဝန်ဟု မရှုမြင် ကြောင်း The Asia Foundation ၏ မြန်မာနိုင်ငံ ၏ အခွန် အကောက်များ အပေါ် မြို့ပြနေပြည်သူများ၏ သဘောထား
အမြင် အနှစ်ချုပ် အစီရင်ခံစာ၌ ဖော်ပြထားသည်။

 

မြန်မာနိုင်ငံတွင် ပြည်သူလူထုအား အခွန် ပညာပေးမှုမှာ မရှိသလောက်နီးပါးပင်ဖြစ်ပြီး လွယ်ကူရိုးရှင်း၍ စိတ်ဝင်စား စရာကောင်းသည့် သတင်းအချက်အလက် များကို မတွေ့ရ သလောက်ဖြစ်ကြောင်း ဖော်ပြ ထားသည်။

 

ထို့ပြင် လူထုအတွက် မည်ကဲ့သို့သော အခွန်ဆိုင်ရာ ပညာ ပေးမှုများ ရှိပါသလဲဟု မေးမြန်းရာတွင် အခွန် အရာရှိများက မိမိတို့ အဖွဲ့အစည်းများ၏ ၀က်ဘ်ဆိုက်များတွင် အခွန်ဆိုင်ရာ သတင်း အချက်အလက်များ ရှိသည်ဟု ဆိုကြကြောင်း အရာရှိ များက လူထု အများစုသည် သူတို့၏ အင်တာနက် စာမျက်နှာ ကို မသိ ရှိကြောင်းနှင့် အသုံး မပြုကြကြောင်း ပြောဆို ညည်းတွားကြသော်လည်း အနည်းစုက သာလျှင် ယင်း လက်တွေ့ဖြစ်ပျက်နေမှုနှင့် ကိုက်ညီအောင် ပြင်ဆင်မှုများရှိကြောင်း အနှစ်ချုပ်အစီအရင်ခံစာ၏ အစိုးရ ၏ အခန်း ကဏ္ဍ အပိုဒ်ခွဲတွင် ဖော်ပြထားသည်။

 

မြန်မာနိုင်ငံ၏ မူဝါဒ ချမှတ်သူများသည် အခွန် ဆိုင်ရာပြုပြင် ပြောင်းလဲမှုများကို ဂရုတစ်စိုက်နှင့် ဟန်ချက်ညီအောင် လုပ်ဆောင်ရမည်ဖြစ်ကြောင်း၊ စနစ်တစ်ကျ ရေးဆွဲထားခြင်း မရှိသော (သို့) အသိပေး ပြောဆိုမှု အားနည်းသော ပြုပြင်ပြောင်းလဲရေးသည် ပြည်သူများ၏ ထောက်ခံမှု အားနည်း နိုင်ကြောင်း အကြံပြုထားသည်။

 

“ ရှင်းလင်းတင်ပြမှု အားနည်းလွန်းလှသည့် အခွန် မူဝါဒက အစိုးရအပေါ် ပြည်သူလူထုများ၏ အမြင် သဘောထား များကို ထိခိုက်စေနိုင်ပြီး ရှိနှင့်ပြီးသား အခွန်အကောက် ဆိုင်ရာ  သဘောထားများ အမြင်များ ကိုလည်း ထိခိုက်စေကာ အခွန်ဆိုင်ရာ ပြုပြင်ပြောင်းလဲမှုများကို ခက်ခဲစေပါသည် ” ဟု အဆိုပါ အနှစ်ချုပ် အစီရင်ခံစာတွင် အထူးကောက်နှုတ်ဖော်ပြထားသည်။

 

လက်ရှိ အချိန်တွင် ပြည်သူများက ပြုပြင်ပြောင်းလဲမှုကို  လက်ခံနိုင်မှုများ နေချိန်၌ ပြုပြင်ပြောင်းလဲရေး မလုပ်နိုင်ခဲ့ပါက အစိုးရအနေဖြင့် ပြည်သူများ၏ လိုအပ်ချက်များကို ဖြည့်ဆည်းပေးနိုင်ရန် ဘဏ္ဍာငွေများ ဆုံးရှုံးလိမ့်မည်ဖြစ်ကြောင်း အကြံပြုထားသည်။

 

“ပြည်သူတွေ အခွန်စနစ်ကို ပြည်သူတွေ ရှင်းရှင်းလင်းနဲ့ နားလည်အောင် လုပ်ဆောင်ဖို့ လိုပါတယ်။ 
ဘာဖြစ်လို့လဲ ဆိုတော့ အခုလက်ရှိမှာ အခွန်စနစ်က ရှုပ်ထွေး နေပြီးတော့ ဒီလို ရှုပ်ထွေးနေတဲ့အခါ ပြည်သူတွေ အနေနဲ့ ပွင့်လင်းမြင်သာမှု မရှိဘူးလို့ သူတို့မြင်နိုင်တယ်။ 

အဲဒီအခါကျရင် အခွန် စနစ်ကို မယုံကြည်တော့ဘူးပေါ့နော်။ အဲဒါမျိုး မဖြစ်အောင် အခွန် စနစ်ကို ရှင်းရှင်း လင်းလင်းနဲ့ သူတို့ သိနားလည်အောင်လို့ အစိုးရ အနေနဲ့ ပြောဆို အသိပေးဖို့ လိုအပ်ပါတယ်” ဟု The Asia Foundation မှ တာဝန်ရှိသူ မဟေမာန်ထွန်း က ပြောကြားသည်။အခွန်စနစ်ကို နားလည်မှု အားနည်းနေသော်လည်း စစ်တမ်းကောက်ယူချက် အရ ရာခိုင်နှုန်း ၉၀ ကျော် က သင့်လျော်သော အခွန်ပေးဆောင်ခြင်းသည် နိုင်ငံသားတိုင်း ၏ တာဝန်ဖြစ်ကြောင်း သဘောတူ လက်ခံ ထားကြောင်း  ဖော်ပြ ထားသည်။

 

“အစိုးရ အနေနဲ့ ဒီ့ထက်ပိုပြီးတော့ ပြည်သူတွေမှာ ရှိနေတဲ့ စိတ်ကောင်းစေတနာလေးတွေ အခွန်ပေါ် ဆန့်ကျင်တာ ပြင်းပြင်းထန်ထန် ဆန့်ကျင်တာ မရှိဘူး ဆိုတဲ့ စိတ်ကောင်း စေတနာ မပျောက်သွားခင်မှာ အစိုးရ အနေနဲ့ ဒီထက်ပိုပြီးတော့ ကောင်းမွန်အောင် အဲဒါ ကတော့ ပြည်သူတွေအခွန် စနစ်ကို ပြည်သူတွေ ရှင်းရှင်း လင်းလင်းနဲ့ နားလည်အောင် လုပ်ဆောင်ဖို့လိုပါတယ်” ဟု မဟေမာန်ထွန်း က ပြောကြားသည်။

 

အဆိုပါ စစ်တမ်း ကောက်ယူမှုကို ဘားအံမြို့၊ တောင်ကြီးမြို့ နှင့် ရန်ကုန်မြို့တွင် မြောက်ဒဂုံမြို့နယ်၊ သာကေတမြို့နယ် နှင့် ကျောက်တံတား မြို့နယ်များတွင် စစ်တမ်းကောက်ယူ ခဲ့ခြင်းဖြစ်ကြောင်း သိရသည်။

 

 

(ဇေယျာငြိမ်း)

credit - Eleven Media Group & 7day Daily

အိမ်ခြံမြေ လမ်းဆုံ