တစ်ခါက လူတစ်ယောက်ဟာ သဲကန္တာရအလည်ကောင်မှာ လမ်းပျောက်နေပါသတဲ့။ သူ့မှာပါလာတဲ့ စားရေရိက္ခာဟာလည်း လွန်းခဲ့တဲ့ရက်အနည်းငယ်ကတည်းက ကုန်သွားခဲ့တယ်။ တစ်ကယ်လို့သူဟာ ရေမသောက်ရဘူးဆိုရင်တော့ ဒီနေ့မကုန်ခင်မှာဘဲ သူသေဆုံးရတော့မှာပဲဖြစ်တယ်။ သဲပြင်ပေါ်နစ်နေတဲ့ သူ့ရဲ့ ခြေထောက်နှစ်ဘက်ဟာလည်း အစာရေစာ ပြတ်တောက်ခြင်းနဲ့အတူ ချည့်နဲ့နေပြီပဲဖြစ်တယ်။
-
အဲဒီအခိုက်မှာပဲ ဟိုးအဝေးတစ်နေရာမှာ တဲအိမ်ငယ်လေးတစ်လုံးကို သူတွေ့လိုက်ရတယ်။ ရေနစ်သူဟာ ကောက်ရိုးတစ်မျှင်ကိုသော်မျှ မျှော်လင့်ချက်နဲ့ ဖမ်းကိုင်သလို သူဟာလည်း အစာနဲ့ရေကို ရလိုရငြားဆိုတဲ့စိတ်နဲ့ အဲဒီတဲအိမ်ငယ်ကလေးကို အားတင်းလျှောက်လှမ်းလာတယ်။ အဲဒီလို လျှောက်လှမ်းလာစဉ်မှာပဲ ငါသေအံ့မူးမူးဖြစ်နေလို့ ထင်ယောင်ထင်မှား ဖြစ်နေတာများလားဆိုတဲ့အတွေးဟာ သူ့ရဲ့ ယိုင်နဲ့နဲ့ခြေလှမ်းကို ပိုပြီး အားအင်ချိနဲ့စေတယ်။
-
သူဟာ အားတင်းပြီး တဲအိမ်ကလေးရှိရာကို တရွေ့ရွေ့လှမ်းလာတယ်။ သူ့ရဲ့ခြေလှမ်းတွေဟာ ချိနဲ့ပေမယ့် ရေချိုတစ်ပေါက်ရဲ့ တွန်းအားနဲ့အတူ သူဟာ တဲအိမ်ကလေးနားကို တစ်ဖြည်းဖြည်း နီးကပ်လာတယ်။ အဲဒီအချိန်အခါမှာမှ သူမြင်ခဲ့ရတဲ့တဲအိမ်ဟာ ထင်ယောင်ထင်မှားမဟုတ်ဘူးဆိုတာသူသိလိုက်ရတဲ့အတွက် အင်မတန်မှ ဝမ်းမြောက်ဝမ်းသာဖြစ်သွားတယ်။
-
သူဟာ တဲအိမ်ထဲကို ဝင်သွားတဲ့အခါမှာတော့ အိမ်ထဲမှာ တစ်ဦးတစ်ယောက်မျှ ရှိမနေတာကို သူတွေ့လိုက်ရပြန်တယ်။ သူဟာ တဲအိမ်ထဲမှာ လှည့်ပတ်ပြီး အစာနဲ့ရေကို ရှာဖွေတဲ့အခါ ရေတုန်ကင်တစ်ခုကို သူတွေ့လိုက်ရတယ်။
-
သူဟာ အင်မတန်မှ အားရဝမ်းသာနဲ့ ရှိသမျှအားကို စုစည်းပြီး ရေတုန်ကင်ကို နှိပ်ရှာတယ်။ ဒါပေမယ့် ကံဆိုးစွာနဲ့ပဲ ရေတုန်ကင်ဟာ ရေတစ်စက်တစ်ပေါက်တောင်မှ ကျမလာတာကို သူတွေ့လိုက်ရတယ်။ သူဟာ ဝမ်းနည်းအားငယ်မှုနဲ့အတူ ကြမ်းပင်ပေါ်မှာ လဲကျသွားတယ်။ အဲဒီလိုလဲကျသွားတဲ့အခိုက်မှာတော့ ရေတုန်ကင်နဲ့ မလှမ်းမကမ်းမှာ အဖုံးအလုံပိတ်ထားတဲ့ ရေပုလင်းတစ်ခုကို သူတွေ့လိုက်ရတယ်။ သူဟာ အငမ်းမရပဲ ရေပုလင်းကိုလှမ်းယူလိုက်တဲ့အခါမှာတော့ ရေပုလင်းပေါ်မှာ ရေးထားတဲ့စာကို သူတွေ့လိုက်ရတယ် ။
